Varerya, Wiriyana Okhalemo Livuru Anethanu Natcharu 8

Varerya, Wiriyana Okhalemo Livuru Anethanu Natcharu 8

Đề cương: The Young Church and Paul. 24 sections. It has a picture book to go along with the recording.

Số kịch bản: 425

ngôn ngữ: Lomwe: Mozambique

Chủ đề: Sin and Satan (Spiritual Warfare, Deliverance); Christ (Ascension); Eternal life (Salvation); Character of God (Holy Spirit, Word of God (the Bible), Power of God / Jesus); Living as a Christian (Worship, Church, Christianity, No other gods, idols, Repentance, Faith, trust, believe in Jesus, Children of God, Spiritual Life, Christian values); Bible timeline (Gospel, Good News); Problems (Problems, troubles, worries)

Khán giả: General

Kiểu dáng: Monolog

Thể loại: Bible Stories & Teac

Mục đích: Teaching

Trạng thái: Publishable

Kịch bản

Mapatcherero

Mapatcherero

Moni asinthamwene. Kintchuna wolelani sa munepa wawela wa Muluku. Muwiriyanaka ekaseti ela vareryani verukuni livuru a ekore ya ntoko ya pulwe.Mukhunule wi mone eruku enatcharavo mwiwa oruma wu.

Eruku Yopatchera 1: Owela Wa Yesu

Eruku Yopatchera 1: Owela Wa Yesu

s-Tarummwa 1:1-11

Vareryani verukuni; Yesu Kristo ovinya awelaka munekuni. Arummwawe yanamuweha. Miyakha masana makhumi meli (2000) Yesu ari elapo yela ya vathi. Yesu ayariwe mwa mwali awitchaniwa Maria, mutchetche w'Obetlehemo. Yowo ahunnuwa oneiha muteko watithinya. Mwa otchetcheya wahu othene nomutchekela Muluku. Yolivela ya otcheka ti okhwa, ni omwalana ni Muluku; namwi hiha Muluku onnanisivela. Muluku hanatchuna onona nyaka omoroni. Yesu orwa oniveiheryavo ekoi ahu, ekoi ahu wari okhwa wohimala. Atchu otcheka yamwipha Yesu, emuthomeya vamwikimanyo. atchu antchipale yamona yowo akhwaka vamwikimanyo. Antchipale a arummwawe yamona amanle ovinya wokhwani alotcha ni yawo, munarwa mwakhela ikuru sa munepa wawela, nave nyuwo (munarwa mwalalerya atchu sa miyo). amanle walamulela, Yesu awela munekuni ntoko munamonanyu verukuniva. Nihiku nimoha yowo onarwa akoka ni makhalelo mamohamoha awenleiye. Nave atchu othene yawo anamuroromela enarwa yakhela okumi wohimala.

Eruku Yanawili 2: Munepa Wawela Warule Ntoko Moro

Eruku Yanawili 2: Munepa Wawela Warule Ntoko Moro

s-Tarummwa 2:1-12

Upuwelani wi Yesu alakana ni arummwawe warumiherya munepa wawela. Mwawakuva Yesu awenle wirimu, arummwawe yari vamoha mwempa yovekela. Vawi hiha munepa wawela warwa wa yawo. Mwawakuva yahiweya masu oruma erwaka wirimu, ntoko okukutcheya wa etcheku. atchu yahona makalume ntoko a moro. Mmoha ni mmoha yahakhela makalume a moro. Othene yasareya munepa wawela wa Muluku epatchera olotcha (malumi) ilotchelo ikina elotchaka sa malavi sa Muluku.

Eruku Yaneraru 3: Perdo Onnalalerya Atchu

Eruku Yaneraru 3: Perdo Onnalalerya Atchu

s-Tarummwa 2:14-41

Munepa wawela wa Muluku waharwela arummwa a Yesu mutchetche woYerusalemo elapo ya aYuda. Mwelukuluku yele yakhalawo aYuda antchipale oYerusalemo, orwela ilapo sohiyana- hiyana. Ntoko munonelanyu verukuni vava. Yanalotcha ilotchelo sohiyana. Munepa wawela wahakhaviherya ohuserya a Yesu wi elotche ilotchelo siho sohiyana wakhaviherya atchu wi ewiriyane mitchaka sapwiyahu Yesu. Atchu akina yupuwela wi ohuserya yanvonne vinyu; ohuserya mukina itchaniwa Pedro, avinya ni ohuserya khumi nammoha. Alotcha ni muloko watchu ariki, "hoye, atchu yala hahapaliwe" atchu antchipale yahemererya Pedro alotcheiye. Yapatisiwa ni woniherya eneneryo wa orapihiwa sotcheka saya. Yawotho yahakhela munepa wawela epatchera enatchara ephiro ya Yesu.

Eruku Yanesheshe 4: Akristo Ópatchera

Eruku Yanesheshe 4: Akristo Ópatchera

s-Tarummwa 2:42-47; I-aKorinto 11

Atchu antchipale oYerusalemo yahemererya nave yakhala arummwawe. Atchu yale yakhenle munepa wawela wa Muluku. Yathukumana vamoha ntoko emusi emoha; etchuene yari mapatcherero akeresha. Muholo mwaya yapatchera witchaniwa akristo. Yanakawana yaryayano mukina ni mukhwawe, nave yanathokororyana mukina ni mukhwawe. Mahiku othene yanaya empa etokotoko oYerusalemo, yitchaniwa ekeresha. Weiwo yawo yanavekela ni omutchitchimiha Muluku vamoha. Ohuserya yanahusiha masu a Muluku. Nave akristo yanathukumana mmawanyaya, wiwa ni wavaha yawo solya. Mahiku makina yanakawana epau ni yowurya ya uva, yitchaniwa yolya ya Apwiya. Yesu ahalamulela ohuseryawe wi yenreno ela ohiyu yole Apwiya Yesu ahakunve othomeiwa ahalya vamoha ni ohuseryawe; amanle othamala akawanya, akawela ohuseryawe. Epau yari yawoniherya ya onyanyiwa wa mwili awe ntakhara yawo vamwikimanyo. Yesu akusha ekahi yowurya avaha ohuseryawe ewurya; yowurya yari yawupushera ya nikhami nawe nayehiwe vamwikimanyo ntakhara yawo. Yesu ahalamulela wi erani ela ekhale yokupuwelano. Othene yawo anaroromela mwa Yesu onaphwanela ophiya mu yolya y'Apwiya, vawi "Pipiliya oni: Yowo onalya epau ni owurya ekahi onalalerya okhwa ni ovinya w'Apwiya ophiyera orwa wawe". I-aKorinto.11:26

Eruku Yanethanu 5: Openushiwa Wa Mutchu Orakala

Eruku Yanethanu 5: Openushiwa Wa Mutchu Orakala

s-Tarummwa 3:1 - 4:4

Nihiku nimoha Pedro ni Yohane yarowa ompa ya Muluku ovekela; mulipa ovekaveka ari vamilako y'akeresha, ari orakala oyariwa woyariwa hawerya wetcha. Amveka Pedro ni Yohane ikhorowa. Nave Pedro alotchano " mivira ni eworo (ikhorowa) haninono, yeyo kiryakano kinahala wovaha weyo. Munsina na Yesu Kristo munazareno etcha!" Nave Pedro ampharela ntatanawe nolopwana amukhaviherya wemela. Mwawakuva metcho sawe sakhala solipa. Arowa mumpa ya Muluku vamoha ni Pedro ni yohane. Yowo anetcharu amurumelaka Muluku. Hari Pedro ampenunshe mulopwana yola, nári nroromelo mwa Yesu ni ikuru sa munepa wawela wa Muluku. Ahakhela yovaha yamahala opwaha ikhorowa.

Eruku Yanethanu Namoha 6: Mulopwana Ni Muthiyana Awotha

Eruku Yanethanu Namoha 6: Mulopwana Ni Muthiyana Awotha

s-Tarummwa 4:4-32,36, 5:1-11

Mulopwana mmoha awitchaniwa Barnaba athumiha ematchawe, avaha ikhorowa sene ekeresha wi sakhaviheryeke alipa ohawa. Mulopwana ni muthiyana awitchaniwa Hanania ni Safira, yaherano otakiherya emohamoha. Hanania ahikuherya ikhorowa ikina va yowo mekheiye. Ikhorowa ikina arwano wa Pedro. Amuwoka Pedro wi ikhorowa sothene tiseiha; nave Pedro asuwela wi onamotha, alotcha ni Hanania. "Hanania nthowa tani Satana osarenyeiye mmurimani ni wotherya munepa wawela? weyo homuwonke mutchu, weyo omuwonke Muluku!" Mwawakuva Hanania ahuwela vathi akhwa. Amiravo yamukusha emutchukhula eya yamvitha. Mwawakuva Safira arwa, hasuwela tisheni yerenye wa Hanania. Safira amuwoka Pedro mwaha mmohamoha wakhorwa. Pedro alotcha ni yowo "onawerya hai weyo weha munepa wawela wa Muluku? Varerya inani sa alopwana avinthe aiya, ale ari vamilako vale alopwanene; nave yale anamotchukhulatho yovithe". Pedro arikimmaliharu olotcha, Safira ahuwela vathi akhwa. Nihikhale omuwoka Muluku, nari mukina ni mukhwawe,vawi Muluku osuwela mupuwelo aphama ni onanara.

Eruku Yanethanu Napili 7: Wiphiwa Wa Estevão

Eruku Yanethanu Napili 7: Wiphiwa Wa Estevão

s-Tarummwa 6:1 - 8:3

Alipa onanara murima yanvonya ni maluku Estevão ophiyera okhwa. Yola ari mutokwene a ekeresha, akhaviherya alipa ohawa oYerusalemo alalerya masu a Muluku ni wapenusha awitcheliwa ni ikuru sa munepa wawela. Ayuda akina yamukhalela nrima; yamukusha Estevão emwerela opwalo elotcha yakanyeraka olalerya wawe. Nave Estevão hawonve ntakhara Muluku anvaha ikuru sa munepa wawela, Estevão analotcha ni aYuda wi nyuwo momwipha Yesu yowo arwenle ovaha muloko okumi wohimala. Vawi hiha aYuda yasarasareya murima emwikara Estevão ni ohuseryawe, yapatchera onvonya maluku; envonyaka maluku yowo anavekela “Apwiya Yesu akhelani munepaka”. Yowo akhwaka ahinla wi Apwiya muhikuherye yotcheka yela wa yawo!” Mulopwana anvonye Estevão ahiya yonanara yela vamanani va mutokwene aYuda amwammiravo awitchaniwa Saulo, yowo aherela namona okhwa wa Estevão. Olelo vava wa yale anakhela omurumela Apwiyahu Yesu anahala wereliwa opwalo ni atchu onanara, mwawi hiha Muluku ni munepawe wawela, harwa ahiya yawo nari mutchu akhwil.

Eruku Yanethanu Natcharu 8: Mulipa a Mukwaha Aw’Etiyopia

Eruku Yanethanu Natcharu 8: Mulipa a Mukwaha Aw’Etiyopia

s-Tarummwa 8:4-8, 26-40

Saulo ni amwitchani akeresha yapatchera wahotcha-hotcha akristo oYerusalemo. Antchipale yanatchawa mutchetche w'oYerusalemo. Mulopwana awitchaniwa Filipi aya mutchetche w'oSamaria yowo alalerya watchu mitchaka yaphama sa Yesu nave antchipale yaroromela. Muluku veri va munkelo alotcha ni Filipi wi oye ephiro ya mutakhwani yakhuma oYerusalemo eyaka oGaza. Filipi amwiwelela Muluku. Verukuni ninnamona mulopwana otchitchimiheya a w'Etiyopia, yowo ari vamukwahani mukaroni. Analakhanya masu a Muluku sa mutchu ahala ohawa wotorihiwani, mutiyopiya yola hasuwela sa iha. Munepa wawela wamuthonyera Filipi oya okaroni yowo atchimaka aya weiwo, amwiwa mulopwana alakhanyaka; yowo apatchera omuleliherya mutiyopia sa Muluku omuruma wawe. Mutiyopiya ahitchuna omutchara Yesu; eri vamukwahani ahi wa Filipi. "Nkona mahi ala ari va, tisheni enahiha wi kipatisiwe? Filipi ampatisa mu'Etiyopia, nave arowa ahakalalaka. Filipi arowa olalerya mitchaka ya phama mitchetche sintchipale. Ntoko si Filipi hiyo onaphwanela niweleleke nave naleliheke akina sa Yesu, wi yawo emuroromele Apwiya Yesu wi ekhaleno okumi wohimala.

Eruku Yanethanu Nasheshe 9: Pedro Onnonihiwa Inama Sohiphwanela Okhuriwa

Eruku Yanethanu Nasheshe 9: Pedro Onnonihiwa Inama Sohiphwanela Okhuriwa

s-Tarummwa 10:9-18

Nihiku nimoha Pedro awela vasulu va empa ovekela. (Vareryani verukuni ya Pedro onamvekela). Átepa ovoliwa, etala anatchuna olya. Mwelukulukwene yele, ahona ntoko oloha warwela wirimu. Ahonihiwa ekuwo yorwela wirimu osarenyevo asinama othanyeya okhuriwa. Ahiwa masu awi: "Vinya Pedro, owiphe wakhure". Pedro ari muYuda, aYuda hiyakhura asinama othene yala ari vantethene vava. Pedro ahi: "Hoye Apwiya, asinama ala nkitonko wakhura, vawi tahi awelihiwa. Masu yavuwa wa Pedro eriki: "Ohere yohelihiwa, yeyo Muluku elinheiye". Ela yahereya oraru, vokutchula Muluku amveiheryavo asinama yala. Weha eruku yotcharavo.

Eruku Yanekhumi 10: Mitchaka Yaphama Wa Atchu Othene

Eruku Yanekhumi 10: Mitchaka Yaphama Wa Atchu Othene

s-Tarummwa 10:1-48

Pedro arikimmaliharu ovekela, awona alopwana eli emurwelaka. Yarwa mutchetche mukinene, Yarummwe ti mulopwana awitchaniwa Kornelio. Kornelio ari mutokwene anakhotcho aRoma. Yowo atchuna omutchitchimiha Muluku. Munkelo a Muluku amuruma okumana ni Pedro. Ayuda ni aroma hiyakumanela, vawi Ayuda yawera Aroma amuhirapa. Muluku amoniha Pedro muYuda, molohani wi atcharuwe owitchana aRoma amuhirapa. Muluku onnawemererya atchu othene elapo yothene ya vathi, alopwana ni athiyana, oripa nari awela; othene yawo anatchuna omurumela Muluku mweparipari. Pedro amutchara mulopwana ompani wa mutokwene anakhotcho aRoma. Kornelio ahuwela vametchoni va Pedro, amuthamalela Pedro, nave Pedro alotcha ni yowo, "vinya miyo ka mutchu pahi. Okitchaneleni?" Kornelio amulela Pedro sa munkelo. Pedro amulela Kornelio sa Yesu. Kornelio ni emusi awe yamuroromela Muluku, nave yahakhela munepa wa Muluku, ekhala kapuro a Yesu. Yesu harwele wavulusha aYudaru, Yesu arwele ovulusha maloko othene a vathi. Onatchuna wi atchu othene emuroromele yowo.

Eruku Yanekhumi Namoha 11: Pedro Mukariposo

Eruku Yanekhumi Namoha 11: Pedro Mukariposo

s-Tarummwa 12:1-11

Mwene Herodi ápatchera wahosha ni owipha akristo. Amwipha murummwa awitchaniwa Yakopo. Amukusha murummwa nsina nawe Pedro amuvonya mukariposo. Ohiyu omoha Pedro arikimukona, munkelo awaryela opili yalipelela ekariposo. Munkelo anveiha Pedro: "Vinya mwa wakuva", mukhora wakariposo ohulenye Pedro amutchara munkelo akhuma. Pedro úpuwela wi onamuloha ophiyera ampwanye rampha orowano.

Eruku Yanekhumi Napili 12: Pedro Ni Akhwawe Yanavekela

Eruku Yanekhumi Napili 12: Pedro Ni Akhwawe Yanavekela

s-Tarummwa 12:12-19

Pedro akhumaleiye mukariposo hemenle, akele owanyawe Maria; weiwo yathukumannayawo akristo othene, envekelelaka Pedro ohiyu yole. Pedro amana nsele novolowano mukinthale, namalapa awitchaniwa Roda, ayawo ohula. Iwaleiye nsu na Pedro, hahunle nsele, atchimaka walela atchu yavekela. "Pedro ori vate". Hiyamuroromenle yowo. Yalotcha eriki: "Murwá honolapela". Pedro atitelela omana nsele. Yayawo ehula ekhala laka-laka. Pedro ahaleliherya Muluku wakhula wawe mavekelo aya, ophiyera amukuminhe Pedro mukariposo. Akristo annavya nipuro nothukumanavo, evekelaka. Muluku onniwa mavekelo a yawo anamuroromela Yesu. Yesu alotcha: ".... Vavo arivo apili nari araru elotchaka nsinanaka miyo kiri vamoha ni yawo".

Mapatcherero

Mapatcherero

Eruku yela, nnamoleliheryani yamphatchuwenle Saulo. Yola akhalavo iphiwaka Estevão. Murima wamuma, areherya mukwaha woya mutchetche w'oDamasco. Aya waphara akristo wi ahele mukariposo. Ayaka mphironi yamwerela yotikiniha. Varerya eruku.

Eruku Yanekhumi Natcharu 13: Wárya Ni Masu Okhuma Wirimu

Eruku Yanekhumi Natcharu 13: Wárya Ni Masu Okhuma Wirimu

s-Tarummwa 9:1-9

Wárya otokwene wokhuma wirimu, nave Saulo ahuwa; masu olotcha eriki "Saulo, Saulo onakihotcha-hotchelani" Apwiya mwani?" Nave ahi: "Mi ka Yesu, Yowo onamuhotcha-hotchawe. Alopwana yari ni Saulo yahiwa masu, nave hiyamonne mutchuene alotcha. Nave Saulo avinya ari ohona. Hawerya olya, nari owurya. Wiriyana yotcharavo.

Eruku Yanekhumi Nasheshe 14: Saulo Ohóna Ni Hananiya

Eruku Yanekhumi Nasheshe 14: Saulo Ohóna Ni Hananiya

s-Tarummwa 9:10-20

Verukuni nnammona Saulo ohóna mpa oDamasco. Muluku amurumihela mulopwana awitchaniwa Hananiya. Hananiya ari mukristo amutchara Yesu. Hananiya asuwela wi Saulo, otepa owerela opwalu akristo oYerusalemo. Onamwi ori hiha Hananiya amwiwelela Muluku, arowa wopana ni Saulo. Hananiya alotchano "Munna Saulo; Apwiya Yesu, Yawo okumannaweno mphironi orwaka, akiruma okumana ni weyo wi otchikele wonawa nave osareye Munepa Wawela". Nave Hananiya amukuherya ntata maithoawe nave mwa wakuva ahona. Ahakhela Munepa Wawela wa Muluku, apatisiwa, apatchera owoniherya atchu wi ari mutchu amutchara Yesu (Kristo). Vava Saulo aya wa aYuda akhwawe alalerya sa Yesu. Ntoko Hananiya, hankoni nimwiwelele Muluku nihiye wova nalalerye atchu sa Yesu.

Eruku Yanekhumi Nathanu 15: Ekeresha Ennarumiha Arummwa

Eruku Yanekhumi Nathanu 15: Ekeresha Ennarumiha Arummwa

s-Tarummwa 11:25-26, 13:1-3

Atchu yanathukumana mmutchetcheni w'Antiokiya omuthamala Muluku. Yala yari akristu a Antiokiya. Saulo ni Barnaba yanahusiha masu Ekeresha yele. Nihiku nimoha mutokwene aEkeresha, avekela inanela, nave Munepa Wawela walotcha ni yowo oriki: "Omuthanle Barnaba ni Saulo wa muteko kiwitchanenlaka." Muluku onatchuna wi Saulo ni Barnaba yalalerye mitchakha wa atchu ahitonko wiwa sa Yesu, ntoko munonelanyu v'erukuni Saulo ni Barnaba ákokhora. Aholi ekeresha yahareliha yakuheryaka mata. Emanle orelihiwa, yarummwa elapo yorakamela, olalerya mitcha yaphama ya Yesu. Yesu ori: "Rowani w'elapo yothene, mwalalerye mitchaka wa maloko othene". Muluku nlelo onnitchana, wi nrowe ilapo sorakamela wi nalalerye mitchaka. Akristo yavekelele, yavahe ikhorowa, yarume opwaha.

Eruku Yanekhumi Nathanu Namoha 16: Paulo Onlalerya Sa Yesu

Eruku Yanekhumi Nathanu Namoha 16: Paulo Onlalerya Sa Yesu

s-Tarummwa 13:4-52

Saulo ni Barnaba yavolowa mmutchetcheni, mmawani sa ilapo sorakamela. Tiyela elukuluku itchaniweiye ni nsina nahihano na Paulo. Yanakhala vamoha ni aYuda mu mpa yonvekela Muluku ehusihaka. Yawo yanalalerya sa yowo ahála orwa wavulusha sotcheka saya. Yowo ti Yesu Kristo. Orwa wa Yesu aYuda antchipale hiyamuroromenle Yowo arule wirimu. Paulo ni Barnaba yahalalerya atchu sa okhwa wa Yesu. Muluku onveiha w'okhwani, Yowo harwa akhwatho. Othene yawo anamuroromela Yesu enarwa yeriwa ekhaikhai ni Muluku. Ayuda antchipale yiwale yaroromela, nave makhuru a ovekela yanatcharu. Nave Ekeresha yanannuwa.

Eruku Yanekhumi Nathanu Napili 17: Muluku Amuholela Paulo

Eruku Yanekhumi Nathanu Napili 17: Muluku Amuholela Paulo

s-Tarummwa 16:6-10

Evinre mahiku mantchipale, Paulo akokelawo wetchelela Ikeresha. Ahakusha alopwana akina, mmoha itchaniwa Sila, yatchuna oya elapo yawitchaniwa Bituniya, nave Munepa wa Yesu hiwawemerenrye oyawo. Ohiyu Paulo aloha. Molohani amona mulopwana oMakedoniya alotchaka ni yowo: "Orwe elapwahu y'oMakedoniya onikhaviherye". Mwa wakuva Paulo asuwela wi Muluku onanveka wi aye oMakedoniya. Muluku onnaholela othene yawo anamutchara Yesu. Akristo hankoni ninveke Muluku aniholele muwetchani mwahu mothene.

Eruku Yanekhumi Nathanunatcharu 18: Otchikinyeya Wa Ekariposo

Eruku Yanekhumi Nathanunatcharu 18: Otchikinyeya Wa Ekariposo

s-Tarummwa: 16:16-35

Paulo ni sila yamwiwelela Muluku erowa oMakedonia. Weiwo yaherela onamona sa Yesu. Mu nsina na Yesu yakumiha minepa sonanara sari ni mwali. Atchu vawona ela yasarasareya mirima vawona ela, emukusha Paulo ni Sila envonyerya mukariposo. Va eriyari yohiyu yanavekela ni wipa matchipo a Muluku, mukariposo. Vahilekenle warwa otchikinyeya. Mikhora sa ekariposo sahuleya. Mulipa olipelela (Guarda) upuwela wi othene atchawa. Atchuna wisipha. Nave Paulo amwitchana ii: "Ohivoreye, othene niri mwemu". Vava namanlipelela akoha: Alopwana kini kere sheni wi kivulushiwe?" Yamwakhula: omuroromele Apwiya Yesu Kristu onarwa ovulushiwa weyo ni avemusini; weyo ni emusia yothene" Starummwa.16:31) Yowo onamuroromela Muluku ni emusi awe yothene onarwa aphwanya muretchele. Nave Paulo akumihiwa mukariposo. Yarowa eri atchu otaphuliwa, nnamwi mu sawukhula nimuthamalekeru Muluku. Namuroromela ni wiwelela masu awe, onnaphwanela wera itchu saphama wa yowo.

Eruku Yanekhumi Nathanunasheshe 19: Paulo Ni Eyupo Ya Amiluku Ohisuwanyeya

Eruku Yanekhumi Nathanunasheshe 19: Paulo Ni Eyupo Ya Amiluku Ohisuwanyeya

s-Tarummwa 17:16-34

Mutchetche woAtena wasareya amiluku. Atchu yakhalano amiluku ohiyana-hiyana. Mwa eruku yela Paulo onavarerya yorepa yari oyuponi ya amuluku. "Yorepa eyo yalotcha eriki: muluku ohisuweliwa" Atchu o Atena yatchuna osuwela yohusiha ya Paulo, nave Paulo ahi: "Alopwana aw'Atena kosuwela wi muri atchu ovekelasha, kawetchaka mmutchetcheni mwanyu kinnaphwanya yorepa elotchaka mukuku ohisuweliwa. Vano kintchuna wolelani Muluku yowo muhimusuwenlanyu". Paulo ahalalerya sa Muluku eparipari osuwenle sothene, yowo ori Muluku awirimu ni vathi, hanakhala empa yotekiwa ni mata atchu. Paulo ahalela wi mmusuwele Muluku Yola atithinya Yesu Kristu, nave antchipale yaroromela. Yesu onnakoka omuthoriha mmoha ni mmoha, havo mvulusha mukina. Havo Muluku mukina, onawerya okhurumuwela sotcheka. Ntoko Paulo, hankoni nikhale ekhaikhai nimuroromele Apwiya Yesu Kristo. Nihove werela namona sa Yesu.

Eruku Yamakhumi Meli 20: Paulo Onnaya Otorihiwa

Eruku Yamakhumi Meli 20: Paulo Onnaya Otorihiwa

s-Tarummwa 18:1-17

Ntoko munonelanyu verukuni vava, Paulo ori mmakatchamihoni. Ori mutchetche w'aKorinto. Antchipale mmutchetche w'aKorinto yari atchu onanara murima. Ayuda yanamwavyavya Paulo vanthowa nohusiha wawe ariki Yesu Kristo Mesiya. Ohiyu omoha Apwiya Yesu yalotcha ni Paulo eriki: " Ohove, otiteleleru olalerya. Vawi miyo kiri ni weyo, havovo ani awerele yonanara mutchetche yola vawi miyo kokhalano atchu antchipale mutchetche yola." Paulo atitelelaru olalerya, nave atchu antchipale yaroromela. Nave aYuda yasarasareya murima. Nihiku nimoha yamphara Paulo envelela wotorihiwani, emotherya wi onahusiha itchu sonanara, nnamwi hiha alipa othoriha hiyonne nthowa nene, yamuhiya orowa. Erikimukhumelaru vate, yampharatho emmana mutokwene aYuda yowo amuroromenle Muluku. Paulo ahikhalelaru ahereliwe etchu. Nihihiyerere werela namona sa Yesu nnamwi alipa onanara mirima enopopihaka. Muluku onnalakana wi miyo kiri ni nyuwo mahiku othene.

Eruku Yamakhumi Meli Namoha 21: Asurutato Amutchawiha Paulo Mwa Amwitchani Awe

Eruku Yamakhumi Meli Namoha 21: Asurutato Amutchawiha Paulo Mwa Amwitchani Awe

s-Tarummwa 21:1 - 22:24

Paulo akokela wetchelela ikeresha sa hihano. Ahatchenyera akristo omutchara Yesu. Akristo antchipale yamveka Paulo wi ahiye oYerusalemo. Yasuwela wi amwitchani awe yari weiwo, enweheryaka wi emwiphe. Paulo awakhula. "Miyo kohileva omaniwa naritho wiphiwa oYerusalemo, aYuda yamuthukumanela. Yavya miruku wi emwiphe muramphani. Nave asurutato oRoma yamukusha Paulo emutchawiha, ari mmatani mwasurutato alalerya muloko. Epatchera okhuwela " mmwiphe yowo! Hapwhanenle okhala". Nave asurutato yamukusha paulo emukeriha mukariposo, emutchawihaka muloko watchu. Paulo hova okhwa, yowo asuwela yamahala eri wirimu enáweherya othene yawo anakhwa mw'Apwiya.

Eruku Yamakhumi Meli Napili 22: Paulo Onamulalerya Mwene

Eruku Yamakhumi Meli Napili 22: Paulo Onamulalerya Mwene

s-Tarummwa 22:11, 25 - 26

Ayuda yanavyavyaru omwipha paulo. "Nave Awiya Yesu yarwa wa paulo elotchano wi: Umiha murima ntoko okerenlawe namona oYerusalemo onamukerelatho oRoma". Asatokwene aYuda yamotherya Paulo okhoveni wa mwene oRoma; yamukusha Paulo emvelela wa Agripa mwene aYuda. Mmone yowo verukuni vava, Paulo honve álalerya wa mwene ni amwariye sa Yesu, ahaleliherya okumanawawe ni Yesu vaphironi y'oDamasko ni orummwa wawe ti Yesu oya olalerya mitchaka yaphama wa atchu othene. Mwene Agripa ákukhumuwa iwaleiye masu a Yesu, asuwela wi Paulo henre etchu yonanara. Paulo aveleliwa wa mulipa otoriha oRoma, Agripa amuhiya Paulo orowa. Roma wari mutchetche mutokwene opwaha mitchetche sothene selapo ya vathi. Mwene oRoma ari awapwaha mamwene makina. Muluku okhalano yovaha wa atchu awe othene, onavaha okumi wohimala.

Eruku Yamakhumi Meli Natcharu 23: Muluku Ári Ni Paulo Mmakatchamihoni

Eruku Yamakhumi Meli Natcharu 23: Muluku Ári Ni Paulo Mmakatchamihoni

s-Tarummwa 27:13-44

Asurutato yamukusha Paulo emukeriha oRoma vamoha alipa amukariposo akina. Yamuwela mwatcheya wi elapuwele okhopela; mahiku khumi nasheshe (14) mwatcheya warukureryiwa ni matchumusa matokwene. Atchu yari mmwatcheyani othene yasuwela wi nnamukhwa. Munkelo a Muluku alotcha ni Paulo "ohovePaulo, wikhaleleru mmwatcheyani mwemmo. Muluku onamovulusha weyo ni atchu othene ari mwemmo". Mwatcheya wapatchera watchamela okhopela nave matchumusa yamala. Atchu akina yamorela mmahini yákha ophiyera okhopela, akina yahikhalelaru mmwatcheyani ophiyera elapunwe, nave atchu othene yavuluwa. Seiha inanihusiha wi Muluku taikuru onnawerya onakiha mu sawopiha sothene.

Eruku Yamakhumimeli Nasheshe 24: Paulo Mukariposo Ya Oroma

Eruku Yamakhumimeli Nasheshe 24: Paulo Mukariposo Ya Oroma

s-Tarummwa 28:16-31

Ntoko munamonelanyu Paulo ori oRoma. Ámala miyakha mili mukariposo; ahiwa okhala empa mekheiyewo ni musurutato amulipelela anawakhela atchu othene yawo yarwela omwetchelela yowo. Ahalalerya sa omwene wa Muluku ni Apwiya Yesu. Ari mukariposo, arepa ikaratha wa ikeresha seiho etchelenleiye ahakunve ophariwa; ikaratha iho iri mPipiliyani wa atchu othene yawo anahuserya masu a Muluku. Paulo ahona ekoi vanthowa na nsina na Yesu. Yowo ámaniwa nave ávonyiwa maluku, ávoliwa etala nave áthaleliwa vokutchulani waya aRoma yamwipha. Paulo orepa ekaratha wa aRoma nari wa atchu othene ariki: Nyenya wa sothesene iha, hiyo ninnalapiharu mwa yawo ansivenle. Vawi koleketcheya murima wi nari okhwa nari okumi, nari ankelo, nari mamwene, nari itchu siha ikhanle, nari itchu sonanara, nari ikuru, nari orakama, nari wisha, nari yopatchushiwa ekina, heweryaru onimwalanya hiyo ni osivela wa Muluku, weiwo ori mwa Kristo Yesu Apwiyahu. Muluku onnavaha ikuru wa othene yawo anamuroromela ni omurumela apwiyahu Yesu Kristo. Hankoni nivelele okumi ahu w'Apwiya ahu Yesu Kristo wi niphwanye okumi wohimala.

Thông tin liên quant

Lời Sự Sống - GRN có lưu trữ hàng ngàn thu âm của các lời dạy Phúc Âm bằng các thứ tiếng khác nhau bao gồm từ những thông điệp cơ bản từ Kinh thánh

Tài liệu miễn phí - Tại đây bạn có thể tìm thấy các thông điệp chính của GRN bằng các thứ tiếng khác nhau bao gổm cả hình ảnh và các tài liệu khác có liên quan có thể tải xuống được

Thư viện âm thanh của GRN - Các tài liệu giảng dạy Kinh Thánh cơ bản và nâng cao phù hợp với nhu cầu và văn hóa của mọi người, đa dạng về cả hình thức và phong cách

Copyright and Licensing - GRN shares it's audio, video and written scripts under Creative Commons

Choosing the right audio or video format - What audio and video file formats are available from GRN, and which one is best to use?