unfoldingWord 21 - وعود الله المسيح
Số kịch bản: 1221
ngôn ngữ: Arabic, Sudanese: Khartoum
Khán giả: General
Thể loại: Bible Stories & Teac
Mục đích: Evangelism; Teaching
Trích dẫn Kinh Thánh: Paraphrase
Trạng thái: Approved
Bản văn này là một hướng dẫn cơ bản cho dịch và thu âm trong các ngôn ngữ khác. Nó phải được thích nghi với nền văn hóa và ngôn ngữ để làm cho nó phù hợp với từng khu vực, nơi nó được sử dụng khác nhau. Một số thuật ngữ và khái niệm được sử dụng có thể cần một lời giải thích đầy đủ hơn hoặc thậm chí bị bỏ qua trong các nền văn hóa khác nhau.
Kịch bản
وقت الله خلق العالم ، هو عارف انو حيرسل المسيح فى زمن تانى و وعد ادم و حواء انو حيعمل ده و قال انو من نسل حواء حيجى مولود البسحق راس الدبيب . طبعا ، الدبيب الغش حواء هو الشيطان . الله قصد انو المسيح حيهزم الشيطان تماما .
الله وعد ابراهيم انو من خلاله كل مجموعات ناس العالم بتبارك . الله حيكمل الوعد ده بارسال المسيح فى زمن تانى . المسيح حيخلص الشعب و كل مجموعة الناس فى العالم من خطاياهم .
الله وعد موسى انو فى المستقبل حيرسل نبى تانى زى موسى . النبى ده حيكون المسيح ، بالطريقة دى الله وعد تانى انو حيرسل المسيح .
الله وعد الملك داؤد انو واحد من نسله حيكون المسيح . حيكون الملك البحكم على شعب الله للابد .
الله كلم النبى ارمياء وقال ليه انو حيعمل عهد جديد فى يوم من الايام . العهد الجديد ما بكون زى العهد القديم العملوا الله مع اسرائيل فى سينا . لمن هو يعمل عهده الجديد مع الشعب و بخليهم يعرفوا شخصيا . اى زول حيحبه و بطيع شريعته . الله قال ده بكون زى كتابة شريعته فى قلوبهم . حيكونوا شعبه ، الله بيغفر خطاياهم . ده المسيح البعمل العهد الجديد معهم .
انبياء الله كمان قالوا انو المسيح بكون نبى، كاهن وملك . النبى هو زول بسمع كلمة الله ومنو بعلن رسالة الله لشعب . المسيح الله وعد بيه عشان يرسلوا حيكون اعظم نبى ، ده ياهو ، المسيح البيسمع رسائل الله كامل و بيفهمهم تمام وهو بعلمهم كامل لشعب .
كهنة اسرائيل استمروا يقدموا ذبائح لله عن الشعب . الذبائح دي كانت فى محل عقاب الله لشعب عن خطاياهم . الكهنة كمان بصلوا لله عن الشعب . على كل حال ، المسيح بكون الكاهن الاعلى الكامل البقدم نفسه كذبيحة كاملة لله . ده بورى ، انو هو ما بيخطى ابدا لمن يقدم نفسه كذبيحة مافى تانى ذبيحة للخطية بتكون مهمة .
.ملوك و شيوخ (قادة) حكموا على مجموعات الشعب ، بعض مرات ، بيخطوا . الملك داؤد حكم على الاسرائيليين براهم . لكن المسيح ، من نسل داؤد بيحكم على العالم كلو ، و بكون الى الابد . كمان دائما بيحكم بعدل و بيعمل قرارات عادلة .
انبياء الله قالوا حاجات كتيرة عن المسيح ، مثلا ملاخى قال انو نبى تانى بجي قبل مجي المسيح . النبى داك بيكون مهم شديد . كمان النبى اشعياء كتب انو المسيح بتولد من العذراء . النبى ميخا قال انو المسيح بتولد فى مدينة بيت لحم .
النبى اشعياء قال المسيح بعيش فى مقاطعة الجليل . المسيح بعزى الناس الحزنانين شديد وهو برضو بفك المساجيين احرار و المسيح برضو بشفى الناس العيانيين ، الما بسمعوا ، الما بشوفوا ، الما بتكلموا و الما بمشوا .
النبى اشعياء برضو قال انو الشعب حيكره المسيح ويرفضوا عشان يقبلوا . انبياء تانيين قالوا انو صديق المسيح بقلبوب ضده و النبى زكريا قال صديقه ده بياخد تلاتين عملة من الفضة من ناس التانيين عشان يعمل كده . وبرضو ، بعض الانبياء قالوا الناس بقتلوا المسيح و بلقوا قرعة على ملابسه .
الأنبياء اتكلموا برضو كيف انو المسيح حيموت . إشعياء اتنبأ انو الناس حيتوفوا ، بضحكوا و بضربوا المسيح . حيطنعوا و حيموت بعذاب والم شديد ، رغم أنو هو ما عمل أي حاجة خطأ .
الأنبياء برضو اتكلموا انو المسيح ما حيعمل خطية . هو حيكون كامل و لكن حيموت لانو الله حيعاقبه على خطايا الناس التانيين . لمن هو يموت ، الشعب حيكون عندهم سلام مع الله . عشان كده ، فى خطة الله ، انو المسيح يموت .
الانبياء برضو قالوا انو الله حايقوم المسيح من الموت . ده بورى انو كلو كان خطة الله لعمل العهد الجديد ، عشان يخلص الشعب الكانوا اخطاوا ضده .
الله ظهر حاجات كتيرة لانبياء عن المسيح ، لكن المسيح ما جاء فى اى وقت فى زمن الانبياء ديل ، اكتر من اربعمائة سنة بعد اخر النبوات الكان ادها ، فى الوقت المناسب تماما ، الله حيرسل المسيح الى العالم .