unfoldingWord 02 - دخول الخطية في الدنيا
خاکہ: Genesis 3
اسکرپٹ نمبر: 1202
زبان: Arabic, Sudanese: Khartoum
خیالیہ: Sin and Satan (Sin, disobedience, Punishment for guilt)
سامعین: General
مقصد: Evangelism; Teaching
Features: Bible Stories; Paraphrase Scripture
حالت: Approved
اسکرپٹ دوسری زبانوں میں ترجمہ اور ریکارڈنگ کے لیے بنیادی رہنما خطوط ہیں۔ انہیں ہر مختلف ثقافت اور زبان کے لیے قابل فہم اور متعلقہ بنانے کے لیے ضرورت کے مطابق ڈھال لیا جانا چاہیے۔ استعمال ہونے والی کچھ اصطلاحات اور تصورات کو مزید وضاحت کی ضرورت ہو سکتی ہے یا ان کو تبدیل یا مکمل طور پر چھوڑ دیا جائے۔
اسکرپٹ کا متن
ادم ومرتو كانوا عايشين فرحانين في الجنة السمحة الله عملو ليهم. وكانوا عريانين وما خجلانين, لانو كان مافي خطية في الدنيا .هم دايما بتمشوا في الجنة واتكلم مع الله.
و لكن في الجنة كان في دبيب. و كان الدبيب دا محتال شديد. سال المراة، "هل صحيح الله قال ليكم ماتاكلوا من ثمر كل الشجر في الجنة؟"
المراة جاوبت للدبيب، "الله قال لينا من ثمراي شجر ناكل في الجنة الا شجرة معرفة الخير و الشر. "الله قال لينا، لو اكلتوا اوحتى حبشتوا منها بتموتو" .
االدبيب رد للمراة، "الكلام ده ما صح! انتوا ما بتموتوا. الله عارف لو اكلتوا منها، حتكونوا زي الله حتعرفوا الخير و الشر".
المراة شافت الثمرة سمحة وحلوة للاكل. وهي دايرة تكون حكيمة ، عشان كدة شالت بعض الثمرة واكلتها . و ادت معاها زوجها واكل، كمان.
و فجاة ,عيونهم انفتحت، وعرفو انهم عريانين. حاولوا يغطوا جسمهم بورق الشجر.
بعداك الراجل ومرتو سمعوا صوت الله ماشي في الجنه. و اندسوا من الله. بعداك الله نادى الراجل، "انت وين؟" ادم رد، "انا سمعتك ماشي في الجنة وخفت ،واندسيت عشان انا عريان" .
وبعداك الله سال ، "منو القال ليك انت عريان؟ هل انت اكلت من ثمر الشجرة انا قلت ليك ما تاكل ؟" الراجل جاوب، "المراة انت اديتني ليها، ادتني من ثمر الشجرة وانا اكلت". بعداك الله سال المراة، "ليه عملت كدة؟" المراة قالت، "الدبيب غشاني" .
الله قال للدبيب، "انت ملعون! تزحف على بطنك وتاكل تراب. ويكون في كراهية بينك وبين المراة وبين عيالك وعيالها ،كمان.ونسلها يدوس راسك، وانت تعضي كعبو".
والله قال للمراة،"و انا بخلي ولادتك تكون بوجع. ويكون عندك نية لراجلك وهو حيتسلط عليك" .
الله قال للراجل، "انت سمعت كلام مرتك وخالفتني. ملعونة الارض بسببك، تشتغل بتعب عشان تاكل وحتموت وترجع لتراب". الراجل سمى مرتو حواء ، معناها "ام كل حي" وهي بتكون ام لكل الناس الله عمل ليهم ملابس من جلد الحيوان ولبسهم.
بعداك الله قال ، "هسع الانسان بقي زينا عارف الخير و الشر، عشان ما ياكلوا من ثمر شجرة الحياة ويعيشوا الى الابد" الله طردهم من الجنة الجميلة وختا اتنين من الملاك قويين في باب الجنة، عشان مافي زول ياكل من شجرة الحياة.