unfoldingWord 48 - ईसू हर अपन जबान कर अनुसार मसीहा हवे
![unfoldingWord 48 - ईसू हर अपन जबान कर अनुसार मसीहा हवे](https://static.globalrecordings.net/300x200/z02_Ex_19_10.jpg)
Anahat: Genesis 1-3, 6, 14, 22; Exodus 12, 20; 2 Samuel 7; Hebrews 3:1-6, 4:14-5:10, 7:1-8:13, 9:11-10:18; Revelation 21
Komut Dosyası Numarası: 1248
Dil: Surgujia
Kitle: General
Tür: Bible Stories & Teac
Amaç: Evangelism; Teaching
İncil Alıntı: Paraphrase
Durum: Approved
Komut dosyaları, diğer dillere çeviri ve kayıt için temel yönergelerdir. Her bir farklı kültür ve dil için anlaşılır ve alakalı hale getirmek için gerektiği gibi uyarlanmalıdırlar. Kullanılan bazı terimler ve kavramlar daha fazla açıklamaya ihtiyaç duyabilir veya hatta tamamen değiştirilebilir veya atlanabilir.
Komut Dosyası Metni
![](https://static.globalrecordings.net/300x200/z01_Ge_02_12.jpg)
जे घरी परमेसवर हर दुनिया ला बनाईस, ते घरी जम जाएत हर ढ़ेरेच सुघर रहिस अऊ कोई पांप नई रहिस। आदम अऊ हव्वा एक दुसरे झन ले ढ़ेरे मया करत रहीन, अऊ परमेसवर जग भी ढ़ेरे मया करत रहीन। काँही दुःख अऊ पीरा नई रहिस संसार हर ओकस रहिस जेकस परमेसवर हर सोचत रहिस।
![](https://static.globalrecordings.net/300x200/z01_Ge_03_01.jpg)
सैतान हर सांप कर भेस में गोठियाईस, एकरले कि ओहर हव्वा ला ठएग सके। फेर आदम अऊ हव्वा हर परमेसवर कर विरोध में पांप करिन अऊ ओमन कर पांप कर चलते, भुईया में लोग मन कर ऊपरे दुःख, बिमारी अऊ मऊत भी आईस।
![](https://static.globalrecordings.net/300x200/z01_Ge_03_06.jpg)
आदम अऊ हव्वा कर पांप कर चलते अऊ गलती होईस । तेकर ले जम आदमी मन पांप ले भरल जनम लेथे अऊ परमेसवर कर बैरी बन जाथे। परमेसवर अऊ लोग मन कर मंझार कर रिसता हर पांप कर चलते टुईट गईस। लेकिन ए रिसता ला फेर से जोडे बर परमेसवर जग एगोठ उपाय रहिस।
![](https://static.globalrecordings.net/300x200/z01_Ge_03_08.jpg)
परमेसवर हर जबान करिस कि हव्वा कर घराना कर एक झन हर सैतानकर मुड़ी ला कूँचही। अऊ सैतानहर ओकर एडी ला डसही। एकर हिसाब से सैतानहर मसीहा ला मारही, लेकिन ओके परमेसवर हर फेर ले जिआही, अऊ फेर मसीहा हर सैतान कर सक्ति ला हमेशा बर खत्म कर देहि, कई बछर कर पाछु परमेसवर हर साबित करिस कि ईसू ही मसीहा हवे।
![](https://static.globalrecordings.net/300x200/z01_Ge_06_12.jpg)
जे घरी परमेसवर हर पूरा भुईया ला जलप्रलय ले नाश करिस, ओहर एक ठन डोंगा कर जुगाड़ भी करे रहिस कि जेमन ओकर ऊपरे बिसवास करही ओमन ऐ डोंगा कर चलते बांएच जाही। एहिकस हरेक झन मन अपन पांप कर चलते मऊत कर लाईक हवे, लेकिन परमेसवर हर ईसू ला भेजीस कि जे कोई ओकर उपर बिसवास करही ओहर बांएच जाही।
![](https://static.globalrecordings.net/300x200/z02_Ex_29_02.jpg)
ढ़ेरे बछर ले, याजक मन परमेसवर कर आगू में बलिदान ला चढावत रहीन लोग मन ला ए सिखाय बर कि पांप कर चलते ओमन कौन कस दण्ड कर लाईक हवे। लेकिन ओ बलिदान कर चलते पांप ला नई मेटाए सकत रहिस। ईसू हर ही महायाजक हवे अऊ आने याजक ले अलगे हवे ओहर अपन आप ला ओ एक पांप कर बलिदान कर रूप में दे देहीस। जेहर जम जगत कर पांप ला ले जाए सकत रहिस, ईसू हर सीधा महायाजक रहिस, काबर कि हरेक पांप जो हर एक लोग मन करे रहीन ओकर दण्ड ला ओहर उठाए लेहिस।.
![](https://static.globalrecordings.net/300x200/z02_Ex_02_25.jpg)
जे घरी परमेसवर हर अबराहम जग परमेसवर हर अबराहम जग कहिस “ तोर चलते भुईया कर जम जाएत मन आशीष पाहीं”। ईसू अबराहम कर घराना कर रहिस। जम जाएत मन ओकर चलते आशीष पाइन, काबर कि जे कोई ईसू कर ऊपरे बिसवास करही ओहर पांप ले बांएच जाही अऊ अबराहम कर आतमिक बेटा बन जाही।।
![](https://static.globalrecordings.net/300x200/z01_Ge_22_08.jpg)
ओकर बेटा इसहाक ला बलिदान में चढाए बर कहिस तब परमेसवर हर ओकर बेटा कर जगह में बलिदान चढाए बर एगोठ मेमना कर जुगाड़ करिस। हमन जम झन अपन-अपन पांप कर चलते मरे कर लाईक हवन, लेकिन परमेसवर हर ईसू के दे देहीस, परमेसवर कर मेमना ला कि ओहर अपन बलिदान कर चलते हमर मरना ला उठा लेहि।
![](https://static.globalrecordings.net/300x200/z02_Ex_12_01.jpg)
जे घरी परमेसवर हर मिस्र में आखरी भऊर ला भेजे रहिस, ओहर हर इसरायली परिवार ला कहिस कि ओहर एगोठ सिध्द मेमना ला माएर के ओकर लहू ला केवांरी कर चऊकट कर ऊपरे अऊ धरी में लगाही। जब परमेसवर हर लहू ला देखिस, त ओहर ओ घर ला छोएड़ देहीस, अऊ ऊहाँ कर जेठा मन ला नई मारिस, ए घटना ला फसह कहीन।
![](https://static.globalrecordings.net/300x200/z02_Ex_12_02.jpg)
ईसू हमर फसह कर मेमना हवे। ओहर सिद्ध अऊ निरदोस रहिस अऊ फसह कर तिहार कर समय ओके ला माएर देहिन। जे कोनो ईसू कर ऊपरे बिसवास करथे ईसू कर लहू ओकर पांप कर दण्ड ला माफ़ करथे, अऊ परमेसवर कर दण्ड फेर ओ आदमी कर ऊपरे नई आए।
![](https://static.globalrecordings.net/300x200/z02_Ex_19_10.jpg)
परमेसवर हर इसराईल कर संगे, जेमन ओकर निमारल लोग रहीन, एगोठ कानून बनाय रहीस अब परमेसवर हर एगोठ नावा कानून ला बनाईस। जेहर जम झन बर हवे ए कानून कर चलते कोनोच जाएत कर आदमी मन ईसू कर ऊपरे बिसवास कएर के परमेसवर कर जन बएन सकत हवें।
![](https://static.globalrecordings.net/300x200/z02_Ex_20_02.jpg)
मूसा हर एगोठ बड़खा अगमजानी रहिस जेहर परमेसवर कर वचन ला बतात रहिस लेकिन ईसू हर सबले बड़खा अगमजानी हवे ओ परमेसवर हवे, ओकरेले जे जाएत ओहर करिस अऊ कहिस ओहर परमेसवर कर काम अऊ वचन हवे। ओकरेले ईसू ला परमेसवर कर वचन कहथे।
![](https://static.globalrecordings.net/300x200/z10_2Sa_09_03.jpg)
परमेसवर हर राजा दाऊद कर संगे जबान करे रहिस कि ओकर घराना में ले एगोठ परमेसवर कर लोग मन कर ऊपरे हमेशा बर राएज करही। ईसू हर परमेसवर कर बेटा अऊ मसीहा होए कर चलते, ओही हर दाऊद कर असली बेटा हवे, जेहर हमेशा बर राएज कर सकत हवे।
![](https://static.globalrecordings.net/300x200/z66_Re_21_02.jpg)
दाऊद इसराईल कर राजा रहिस, लेकिन ईसू मसीह समूचा संसार कर राजा हवे, ओ फेर आही अऊ अपन राएज में नियाव अऊ सान्ति कर संगे हमेशा बर राएज करही।