unfoldingWord 25 - Saitan pora Jisu ke Porikha Kurise
Anahat: Matthew 4:1-11; Mark 1:12-13; Luke 4:1-13
Komut Dosyası Numarası: 1225
Dil: Nagamese
Kitle: General
Tür: Bible Stories & Teac
Amaç: Evangelism; Teaching
İncil Alıntı: Paraphrase
Durum: Approved
Komut dosyaları, diğer dillere çeviri ve kayıt için temel yönergelerdir. Her bir farklı kültür ve dil için anlaşılır ve alakalı hale getirmek için gerektiği gibi uyarlanmalıdırlar. Kullanılan bazı terimler ve kavramlar daha fazla açıklamaya ihtiyaç duyabilir veya hatta tamamen değiştirilebilir veya atlanabilir.
Komut Dosyası Metni
Jisu laga baptisma hoa logote, Pobitro Aatma tai ke jongol te loijaise. Aru chalis din aru rati tok Jisu ta-te thakise. Utu homoite Jisu ekubi nakhaikena thakise, aru Saitan tu Jisu ke porikha kuribole ahise.
Poila, Jisu ke Saitan pora koise, “Jodi apuni Isor laga Chokora ase koile apuni khabole itu pathorkhanke ruti banabi!”
Hoilebi Jisu Saitan ke koise: “Isor laga kotha te ineka likhikena ase, ‘Manukhan jinda thakibole khali ruti he khaikena nohoe, hoilebi Isor taikhan ke ki kotha koiase, utu sob taikhan manikena thakibole lage!’”
Tetia Saitan Jisuke Mondir laga sobse ucha jagate loijaise. Tai Jisuke koise: “Jodi apuni Isor laga Chokora ase koile, iyate pora nijeke nichete girabi, kilekoile Isor laga kotha ineka likhikene ase: ‘Isor tai laga duthkhanke pathaikene apunike dhurilobo aru apunilaga theng pathor pora jokhom nahobo.’”
Hoilebi Saitan pora koa-a kotha Jisu ektabi kuranai. Aru Jisu tai ke koise: “Isor sob manukhan ke koi ase: “Apuni laga Isorke porikha nakuribi!”
Tetia Saitan pora Jisuke prithibi laga rajyo sob dikhaise. Itu rajyokhan sob kiman takot ase aru kiman dhuni ase itu sob dikhaise. Tai Jisu ke koise; “Ami apuni ke itukhan sob dibo, hoilebi apuni ami laga age-te jhukikena amike puja kuribi.”
Jisu jawab dise: “Ami usor pora jaijabi Saitan! Isor laga kothate likhikene ase, ‘Isor ke he puja koribi aru khali tai ke he adar dibi.”
Saitan pora Jisuke porikha korise hoilebi Jisu ta-te giri janae, aru Saitan harikena jai jaise. Itu pichete sworgoduthkhan ahikena Jisu ke modot ku rise.