unfoldingWord 25 - Шайтанның Исаны сынауы
Anahat: Matthew 4:1-11; Mark 1:12-13; Luke 4:1-13
Komut Dosyası Numarası: 1225
Dil: Kazakh
Kitle: General
Tür: Bible Stories & Teac
Amaç: Evangelism; Teaching
İncil Alıntı: Paraphrase
Durum: Approved
Komut dosyaları, diğer dillere çeviri ve kayıt için temel yönergelerdir. Her bir farklı kültür ve dil için anlaşılır ve alakalı hale getirmek için gerektiği gibi uyarlanmalıdırlar. Kullanılan bazı terimler ve kavramlar daha fazla açıklamaya ihtiyaç duyabilir veya hatta tamamen değiştirilebilir veya atlanabilir.
Komut Dosyası Metni
Шомылдыру рәсімінен өткеннен кейін Киелі Рух Оны айдалаға бастап алып барды. Иса сол жерде қырық күн және қырық түн болды. Сол уақыт бойы Ол ораза ұстаған болатын, бірақ соңында әбден ашықты. Сонда шайтан Исаның қасына келіп, оны азғыра бастады.
Шайтан Исаға: “Егер Құдайдың Ұлы болсаң, мына тастарды нанға айналдыр, сонда оларды жеуге болады!” — деді.
Бірақ Иса шайтанға былай деп жауап берді: “Құдай Сөзінде: Адам тек нанмен ғана емес, Құдайдың аузынан шыққан әрбір сөзімен өмір сүреді — деп жазылған.”
Осыдан кейін шайтан Исаны ғибадатхананың ең жоғарғы жағына апарып, былай деді: “Егер Сен Құдайдың Ұлы болсаң, жерге секір, өйткені Жазбада: Құдай періштелеріне сені алып жүруді бұйырады, сонда аяғың тасқа соғылмайды”.
Бірақ Иса шайтанның айтқанын орындамады. Иса оған жауап қайтарып былай деді: ““Құдай Иеңді еркінсіп сынама” деп Тауратта жазылған!”
Содан кейін шайтан Исаны биік таудың басына шығарып, әлемнің барлық патшалықтарын, олардың байлықтары мен құдіретін көрсетті. Содан кейін шайтан Исаға: “Егер аяғыма жығылып маған сиынсаң, бұлардың бәрін Саған беремін” — деді.
Бірақ Иса былай деп жауап берді: “Қасымнан кет, шайтан! Құдайдың сөзінде Ол Өз халқына былай деген: “Жалғыз Құдай Иелеріңе ғана сиынып, тек Оны қастерлеңдер!””
Иса шайтанның сынағына берілмеді сонда шайтан Оның қасынан кетіп қалды. Содан кейін Исаның қасына періштелер келіп, Оған қызмет етті.