Varerya Wiriyana Nave Okhalemo Livuru a Nethanu Nammoha 6

Varerya Wiriyana Nave Okhalemo Livuru a Nethanu Nammoha 6

Balangkas: From Matthew and Mark. 24 sections. It has a picture book to go along with the recording.

Bilang ng Talata: 423

Wika: Lomwe: Mozambique

Tema: Sin and Satan (Deliverance, Light/Darkness, Sin, disobedience); Christ (Son of God, Life of Christ, Authority, Jesus, Our Shepherd); Eternal life (Salvation, Broad & Narrow Ways); Character of God (Grace and Mercy, Nature, character of God, Word of God (the Bible), Power of God / Jesus); Living as a Christian (Prayer, petition, Obedience, Forgiveness, Faith, trust, believe in Jesus, Children of God, Assurance, Spiritual Life, Christian values); Bible timeline (End Time, Second Coming, Gospel, Good News); Problems (Evil Spirits, demons, Sickness, Problems, troubles, worries)

Tagapakinig: General

Istilo: Monolog

Klase: Messages and Fiction

Layunin: Teaching

Katayuan: Publishable

Salita ng Talata

Mapatcherero

Mapatcherero

Moni (Asinthamwene). Rwani mukumane ni muhusiha mutokwene nsina nawe ti Yesu kristo. Mmukushe livuru ekore yapulwe (azul) mwiwa oruma wu.

Eruku Yopatcherya 1: Yesu Onahusiha Muloko

Eruku Yopatcherya 1: Yesu Onahusiha Muloko

Mateyu 5

Velukuluku ekina yesu áwela vamwakoni,nave ánatchariwa ni muloko muntchipale,Nave yowo áphwanya wi yári elukuluku wi ahusihe sa Muluku: -Oréla ari oháwa mmunepani: ntakhara ori wawaya omwene wa wirimu. -Oréla ari othanana: ntakhara enarwa ehakalalihiwa. -Oréla ari awitchatchala: ntakhara enarwa yákhela elapo ya vathi. -Oréla ari óvoliwa etala ni ntchanana na ekhikhai: ntakhara enarwa evona . -Oréla ari ómorela ikharari: ntakhara enarwa yákhela ikharari . -Oréla ari awéla murima: ntakhra enarwa yona Muluku. -Oréla ari awera murechele: ntakhra enarwa etchuwiwa anamwane a Muluku. -Oréla ari ohóshiwa ntakhara a ekhaikhai: ntakhara ori wawaya omwene wa wirimu. -Oréla muri nyuwo, vawi enarwa ewúlihani muru, yohoshani,elotcha ni wotha sonanara sothene va nyuwo,ntakhara a miyo. Muloko wothene waniwa otikhiniheya ni ohusiha iwo nave yaróra wi yesu ori awápwaha ahusiha akina. Yowo ári muhusiha orwéla wa Muluku, atithinya ari Muluku. opatcherya vavale yanamutchara yesu.

Eruku Yanawili 2: Sa Ipa Pili

Eruku Yanawili 2: Sa Ipa Pili

Mateyu 7:24-27

Elukuluku ekina yesu álotcha sa mwaha wa alopwana eli yawo yawupuwenle wa mmoha ni mukina oteka ipa saya. ... Mulopwana ópatcherya ári ópisha murima yowo upuwelenle oteka empawe vamwala. vaholo vaya yárwa etcheku etokwene yeyo yámana empa yele yatekiwe vamwala, nave empa eyo yahikhalelaru. Yesu áhitaphulela wi emohamoha enakhala ntoko atchu yawo aniwa masu a Muluku nave enerano, annikhalelaru óhitchikinyeya. ... Mulopwana anáwili, átekatho empawe vehavani, yahereyatho emohamoha, etcheku yárwa , yamanaya empa , empa yántchikinyeya , nave yahuwavo ethatuwa okhala milepe, vawi yátekiwe vehavani. Mwawihiha atchu yale aniwa masu a Muluku ehinérano yeyo anahuseryaya. Naiwelela masu a Muluku nnarwa nikhalelaru óhitchikinyeya , saniphwanya sokatchamiha mukumini , nikhaleno nroromelo nohitchikinyeya.

Eruku Yaneraru 3: Omwaléla Wa Elapo

Eruku Yaneraru 3: Omwaléla Wa Elapo

Mateyu 5:1-16

Antchipale a mwa hiyo nókhalano epiphi mwilapo yorukuryerya nipuro nepiphi atchu anakhala óhimusuwela Muluku. Yesu árunleiye velaponi ya vathi álotcha: Miyo ka omwaléla wa elapo ya vathi, yowo onakitchara miyo harwa étcha mwipiphini, nyenya onarwa akhalano omwalela wokumi. ( Yohane 8: 12 ). Nanveka yesu wi avolowe mmurimani mwahu, yowo onarwa asareiha miruku mmurimani mwahu ni omwaléla . sotcheka sahu sinnakhurumuweliwa nave ninnákhela masuwelelo wi nisuwele masu a Muluku.Yesu álotcha ni yawo yámutchara: Nyu mwa omwaléla wa elapo ( Mateyu 5: 14 ). Nnya nere sheni ni omwalela ? Mutchu ópatcherya mu eruku yela ópharela omwaléla wawe worakamasha wi othene wákhaviherye ...emohamoha wa yawo yamutchara yesu kristo ekhale namona aphama a okumi wi othene ewerye omuróra yowo ntoko omwaléla mwepiphini, ni omutchitchimiha Muluku.

Eruku Ya Nesheshe 4: Yesu Onahusiha Wi Nihikókiheryaneke Yonanara

Eruku Ya Nesheshe 4: Yesu Onahusiha Wi Nihikókiheryaneke Yonanara

Mateyu 5:38-42

Va eruku ela nnamona musurutatu aRóma ammanaka mutchu a mmutchetcheni ósuwanyeya navetho amukusheryaka yowaráwe, tisheni mutchu yola áphwaneleiye wéra? Yesu álotcha: Muhikokiheryane yonanara mukina ni mukhwawe.Mutchu ómana makupáya a ethoyiá ohimukókiherye,akhweya ohótiteliha wetcha mastátiya masana makumi meli, weyo wetche masana masheshe " yonanara enaphwanyiha yonanara.Yesu átatusha makhalelo yala, ahusihaka wi néreke itchu saphama ophiyerya wa yale ahinaphwanela. Muluku mulipa awunla ehatche wa yawo óhikhala ekhayikhayi.

Eruku Ya Nethanu 5: Nerehayi Onvekela Muluku

Eruku Ya Nethanu 5: Nerehayi Onvekela Muluku

Mateyo 6:5-15

Etchu emoha enannsivela othene ti ya okhalano nthamwene ótchekulano. Emohamoha ennereliwa wa Muluku. Ovekela ti olotcha ni Muluku nári omutchara Yesu kristo, Muluku onanera hiyo anamwanawe va nthowa na nroromelo. Ela enataphulela wi nókhalano owerya olotcha ni Muluku ntoko atithihu. Yesu áhusihaliye óhuseryawe sa ovekela álotchano wi hiwari waphama ntoko etchu yawatiteleliha atchu,nyenya wi evekeleke móvitheya, wa atithihu yawo anóna teni enivahe mahala. Muluku onnasuwela itchu nnakhwelahu akhweya hori wokhweleya oveka emohamoha mótitelela nanyiheryaka wi vólotcha mwa watcherya nnerahu níwiwe ti Muluku. Navelélaka ninveke Muluku wi anikhurumuwele sotcheka sahu,witho anikhaviherye wákhurumuwela yawo ananntchekela, ni onópola wa musaserya,mulipa a weha,nlotche ni Muluku,ntoko nthamwene aphama, nave nikhale onwiriyana yowo álotchaka ni hiyo.

Eruku Ya Nethanu Namoha 6: Yonanara Mwelaponi Ya Muluku

Eruku Ya Nethanu Namoha 6: Yonanara Mwelaponi Ya Muluku

Mateyu 13:24-30,36-46

Yesu ámala elukuluku yintchipale áhusihaka óhuseryawe,yákhalavo atchu akina velukulukwene yele.Yesu aháhusiha itchu sintchipale ntoko miyaha solotcha saweriwa ithale.Miyaha iha sákhalano sotaphulela saya sovitheya.Yeyo yáweriha atchu wanyiherya yotaphuleláya. Wa akina, miyaha iha sanákhaviherya osuwela ohusiha wa yesu, nnya wa akina yanakhalaru ókatchamiheya. Mwaha mmoha tula: Mulopwana mmoha ahála mmiso waphama,nnya ohiyu amwitchani awe yárwa omatcha wawe yálawo mmiso wonanara etchawa.Muhólo mwaya sawáliwa sanínnuwa vamoha ni sópahula seihe. Anamalapáwe yáshimwa vawona mmatchani osarenyemo nthakathaka. Yávinya emulela mwanene: Munatchuna wi nipholemo nthakathaka ? Nnya mwanene ahi : " Hoye, vawi mwápholaka nthakathaka,mukaphola vamoha ni mmiso waphama. Muweherye elukuluku ya ohatcha,nneráhu nithanle saphama wi nikhapelele mukhupini (vatathani), nave nthakathaka nnarwa néyela.. Weyo onnawerya ophwanya yótaphulela ya mwaha ola ? Yesu átaphulela wi Muluku apaka elapo yaphamene nnya musaserya ahálamo sawawe, yawo akhanle atchu ónanara mirima. Nihiku nimoha Muluku onarwa áthoriha atchu ónanara murima othene, ni wathanla ónanara mwa aphama, ni wikusherya othene aphama, wi alake othene awera sonanara ni moro.

Eruku Ya Nethanu Napili 7: Yesu Ni Anamwane

Eruku Ya Nethanu Napili 7: Yesu Ni Anamwane

Mateyu 18:1-6, 19:13-15

Nihiku nimoha atchu yárwano anamwane wa yesu, yawo yákhwela wi yesu arélihe nyenya ohuseryawe yahahiha wi erweno wa muhusiha ,yeyo yoniherya makatchamiho wa yesu. Nave yesu áphwanya wi yári elukuluku ya ohusiha. Yesu áhi : Mwahiye anamwane erwe wa miyo muhahihe,ntakhara omwene wa Muluku ori mwa yawo. Mwahéryerya okhala ntoko si anamwane, hamurwatho nvolowa omwene wa Muluku." Ela enataphulela wi ,mwa yowo ani akhaleno nroromelo nókhweya ntoko mwana onarwa émeryeryiwa mu omwene wa Muluku. Annaka ósiveliwa,yesu onnásivelasha anamwane, nave yowo olotcha ii: Yowo ani ávihevo anamwane ákerihe otchayi ni muluku ,onarwa ákhela olakiwa wohimala.

Eruku Ya Nethanu Nararu 8: Eputcheputche Yorimela

Eruku Ya Nethanu Nararu 8: Eputcheputche Yorimela

Mateyu 18:12-14

Yesu áhusiha wi Muluku onnásivela atchu othene ophiyerya yaletho ariménle enatchara iphiro sa musaserya. Muluku ohivaha wi akókihe othene.vanthowa nenla tálontcheiye sa makhalelo a mutchu mmoha yowo árino iputcheputche, masana meli ( 100 ), nnya emoha yáriméla etchara mphiro wa mekhaya , vawi hiha, mukukhula áhiya iputcheputche nsana ni iputcheputche makhumi mathanu nasheshe,vanipuroni naphama ,akókela yele yariménle ophiyerya aphwannye. Áphwannyiye atheya ahakalala wa ni yele yariménle opwaha wa ikina sahariménle. Yesu álotcha wi yowo ori mukukhula aphama onavaha okumi awe wa iputcheputche. yowotho ovaha okumi awe vamwikimanyo wi anatánye ni Muluku. Iputcheputche sintchipale sinahuwela mphironi mwa Muluku. Yesu áhi: Ori wophwanela kithukumanye".

Eruku Ya Nethanu Nasheshe 9: Kapuro Ahakhurumuwenle

Eruku Ya Nethanu Nasheshe 9: Kapuro Ahakhurumuwenle

Mateyo 18:21-35

Yesu áhusiha okhweleya waya okhurumuwela wa atchu akina mmahiku mantchipale. Vanthowa nenla, tálontcheiye sa mwaha ola . Kapuro ámmpoleya mwene ikhorowa sawatcha harinono yolivela. Mwene áhilamulela wi kapuro yole atumihiwe. Nyenya kapuro ákhuwela ni oveka ikharari yeyo yári yawoniherya ya pwiyawe, alamulela wi sopoleya sawe sothene sikhurumuweliwe. Kapuro akhurumuweliweiye ámphwanya kapuro mukhwawe yowo ámpolenye mnwakhorowa, nnya hárinono etchu wi amulive yowo. Mulopwana yole ni ohimoriwa ikharari anamuhosha alotchaka wi : " okilive siho okipolenyawe! " Atchu akina yohóna iha emulela mwene, mwene ni osarasareya murima,amwítchana kapuro yole ámukhurumuwenleiye alotchano: Kapuro ópwálu we. Miyo kohokhurumuwela ntakhara oveka wá, hokáwenrye wera emohamoha? Mwene ni ohimoriwa ikharari amurumiha mulopwana yole mukariposo miyakha sohalakhanyeya. Anna, Muluku onarwa anikhurumuwela sotcheka sahu namvekaru. Nyenya hiyotho nakhurumuwele othene yawo eni enerele yonanara.

Eruku Yanekhumi 10: Alipa a Muteko Tophwanela Yolivela

Eruku Yanekhumi 10: Alipa a Muteko Tophwanela Yolivela

Mateyo 20:1-16

Yesu ni ohuseryawe hiyari atchu orela,nnya yakhala ohakalala vokhala ni yesau. nnya , mu elukuluku ni elukuluku,yanupuwela tisheni yeraya ekhale muholo,nave yanakohana: Tisheni eni eniphatchuwele hiyo ? Muluku onahala onivaha yamahala ? Yesu alotcha ,Muluku onnasivela navetho onnathokoryorya sa makhalelo a vakhani a okumi aya, vanthowa nenla talontcheiye mwaha ola . Mulopwana mukina akhalano solima sawe,nave, saphiyerya elukuluku wi ihephiwe, vawi hiha aya omutchetcheni ei arepele anamuteko eni elapeke mu ilikuluku sohiyana,sa nihiku nnihiku,wa yawo alakanano wavaha yamahala, yekhayikhayi.oshekuwaya awitchana yawo arepenleiye, vomaliherya ahavaha yamahala yokhwanela.akina yalampe nihiku nothene yanupuwela wi,yahala wakhela yamahala opwaha mummo yalakanenlayamo, nya mohisuwela yakhenle yamahala emohamoha." Mwawihiha Muluku onarwa anivaha okumi wohimala, Ohikhanle mwa mapharelo miteko sawatcha ,nari werano miteko sokhweleyasha, nya vanthowa nomuroromela yesu kristo.

Eruku Yanekhumi Nammoha 11: Khala Awiryeherya

Eruku Yanekhumi Nammoha 11: Khala Awiryeherya

Mateyo 25:1-13

Mohiyana hiyana ohuserya yanamukoha yesu sa orwa wa omwene wa Muluku.ni okokiherya itchu sothene .yesu mu ohusiha wawe alotcha ii:Itchu sintchipale sotakhala samwereya ,nnya wari wophwanela wi esuiwele.orwa wa omwene wa Muluku wahala weriwa mu niphwanaphwaniho na mwaha: Yakhala asimwali khumi yawo yiryeheryenle wi yakumane ni mutheli,nnya, eweheryeryaka othene yarupavo. mu ohiyo eriyari walokohiwa,"mutheli onnorwa " rowani mwakumaneno. yawo yakhalano wetcha vaphironi yorekamela wahariwowo omwalela . athanmu a mwa yawo yakusha onyari aya,ni makhurwa aya, athanu akina yakusha onyari aya nnya yatchuwala makhurwa,asimwali yala olosowa yahaveka akina wi yavahe vakhani, nnya yawo yalotchano: Hoye, vawi, ehinithowe hiyo tho, muye wa alipa a marotcha wi mwathume. Asimwali olosowa yavinyalayavo,mutheli taphiyaliye ,yamana nsele na mutheli, hiyawenrye ovolowa. Yesu ori wirimu hihano,nyenya nihiku nimoha onarwa akoka ntoko alakaneiye. nya hiyo hansuwenle nihiku nari ewora. Ntoko asimwali athanu owarala,hiyotho niryeherye wi nakumaneno mmwelukuluku yohisuwanyeya. Yowo onarwa anikusha oya wirimu nnya yothananiha antchipale enarwa emala makupa a vate.

Eruku Ya Nekhumi Napili 12: Muhusiha Ni Arummwawe

Eruku Ya Nekhumi Napili 12: Muhusiha Ni Arummwawe

Mateyo 25:14-30

Tisheni nnerahu nere wi niryeherye sa okoka wa yesu ? Mulopwana mmoha a muhakhu ahetcha mukwahaoya elapo yorekamela nny ahakuvale, owitchana akapuro awe araru avaheryerya yawo va moha ni moha ikhorowa wi yereke marotcha ophiyerya okoka wawe . Ntoko alakanniye ni yawo akoka. vvari wi ahakuvale okoka, eli yavinya oya werano marotcha ni ikhorowa ynyiwaya ,ephwanyerya ikina.nya aneraru atchukutcherya ikhorowa sa pwiyawe,akhala ohukhuwa.Akapuro opili yavahiwa yamahalaya. nave mwanene a muhakhu atepa oshimwa ni kapuro oviliwa ole, vanthowa nennla tamwikanreiye vate vawe. Yesu onatchuna wi nimulapeke yowo ophiyerya okoka wawer. nimusivele mukhwihu ntoko nnisivelahu anene,ni wahuisiha mamuhakalaliheryo Muluku mwa yesu. Nihiku nenlo yesu onarwa alotcha wa omurumelawe aphama, ti waphama kapuro ekhaikhai , volowa mu witchuwa wa atithia.

Mapatchereryo

Mapatchereryo

Marko ri mmoha a ohuserya a yesu, yowo arepa itchu sintchipale yesu alontcheiye navetho ereiye. Yesu athokororyasha ohawa ni athoiwa awerelaka yawo ikharari sotikhiniha.

Eruku Ya Nekhumi Natcharu 13: Opatisiwa Wa Yesu

Eruku Ya Nekhumi Natcharu 13: Opatisiwa Wa Yesu

Marko 1:4-11

Marko apatcherya olotcha sa ,makhalelo a yesu , mulopwana itchaniwa yohane yowo ari murummwa oryeheryiwa ni orummwa ti Muluku wi areherye ephiro ya orwa wa yesu. Yohani akhala makupa orakamela mutchetche,nya muloko wa atchu wanarwa wi yiwe masu awe,vawi yanaphwanela ohiya sotcheka saya wi etchikele wa Muluku, nntakhara omwene wa Muluku wari vakhiviru . yale yaroromenle mwa yohane,yapatisiwa mmuhitche wa yordano. Ela yari yawoniherya ya orukunuwa waya murima ni welihiwa waya mu sotcheka. "Vaholo vaka,onarwa yowo a ikuru sha okipwaha mi, yowo onarwa opatisani ni munepa wawela wa Muluku " Vawi yesu arwa wa yohani. Yesu hanntonko werano yotcheka nave yowo arwa wa yohani wi apatisiwe. Yesu avinyaka mmahini aamanle opatisiwa,Yohani ahona munepa wawela wamukhuruwela yesunntoko makhalelo a epompa. Yahiweya masu a Muluku... " Ola ti mwanaka mwa yola kinnahakalalano "Opatcherya nihiku nenle yesu apatcherya wera sotikhiniha sintchipale.

Eruku Ya Nekhumi Na Sheshe 14: Yesu Onathanla Ohuseryawe

Eruku Ya Nekhumi Na Sheshe 14: Yesu Onathanla Ohuseryawe

Marko 1:14 -20

Muluku amurumihe yesu ni muteko wokhweleya : wari owatanya atchu ni Muluku . mwelukuluku ekina yesu etchaka eshereshere ya niya ya Galileia awona alopwana yawo asuwenleiye ; Pedro ni Andrea yaro onnaya nave alotchano : " Mukitchare nave kinarwa kiwerani anamatotha a atchu " Nave yawo mwa wakuva yamutchara Yesu . e3mohamoha yahereya wa antchipale. Yesu anawavya okhaviherya muteko mutokwene yowo Muluku annvanheiye. yowo akhwela wahusiha sa Muluku wi yawo ewerye wahusiha akina. Ohuserya yesu athannliliye yari khumi neli ( 12 ) wi ekhale ni yowo ilukuluku sothene. Yesu atchuna wi mitchaka yaphama ilaleiwe velapo yothene. Muteko mmoha ori nihiyo olelo. Ninnakhelamurechele ni Muluku,okhurumuweliwa wa sotcheka ,okumi wohimala wa yesu vopwahasha. Yela Pipilia onitchana " mitchaka yaphama" vanthowa nennla Muluku onatchuna wi elapo yothene esuwele mitchakene yela.

Eruku Ya Nekhumi Nathanu 15: Openushiwa Wa Mulipa a Maretcha

Eruku Ya Nekhumi Nathanu 15: Openushiwa Wa Mulipa a Maretcha

Marko 1:40-45

Akhala mulopwana arino maretcha mmwilini mwawe, amwatchamela yesu nave akokhora vamanani vawe . atchu akina yarakamelavo yovaka maretcha. "Yowo alotcha ni yesu: apwiya kosuwela wi mwakhwela munankipenusha" ... Nave yesu amoriwa ikharari okola ntata amutanya yowo, alotchano, kinnakwela; khala mukumi " Vohilekela mulopwana apenuwa sa oretchawe asareya ohakalala avinya ni olokoha siho yesu enreiye mwa yowo. Anna yotcheka eri ntoko maretcha enanimwalanya ni Muluku nyenya narwa wa yesu yowo onarwa aneliha mu sotcheka sahu.

Eruku Ya Nekhumi Ni Thanu Nammoha 16: Openushiwa Wa Mutchu Opyororowa

Eruku Ya Nekhumi Ni Thanu Nammoha 16: Openushiwa Wa Mutchu Opyororowa

Marko 3:1-5

Nave vovolowa tho m'kapernao, evinre mahiku makina, wahiweya wi ari m'pa. nave antchipale yawomanyana wawi hiha wi nipuro narama, nari vamilakoni vene; nave alotchano masu. nave yarwa omukusherya mutchu awitcheliwa nanchetche, oteshiwa ti atchu asheshe. nave vari hiyawenrye ophiya warivo yowo, ntakhara muloko watchu, yamwarya nipatho vokhala yowo; nave vari emanle othala, yakurusha nipha mummo mwakona awitcheliwa nanchetche owo. Nave Yesu vawona nroromelo naya, alotchano awicheliwa nanchetche, mwana, sonanara sa sokhurumuweliwa. akristo akina yahapa: "( Muluku ori mmoharu onawerya okhurumuwela sotcheka ) yawo hiyamwemerenrye Yesu. Yesu alotcha wa mulopwana: Vinnya tesha nipha na onarowa. nave mulopwana apenuwa velukulukuene yele! Othene ninnatchuna openuwa mu sawitchela sothene nnya yopwanela ori okhalano okhurumuweliwa sotcheka sahu, wi nikhaleno okumi wohimala.

Eruku Ya Nekhumi Ni Thanu Napili 17: Mulopwana a Ntata Na Marecha

Eruku Ya Nekhumi Ni Thanu Napili 17: Mulopwana a Ntata Na Marecha

Marko 3:1-5

Nihiku na sapata wa Ayuta nari nihiku nochitchimiheya. mwa malamulo aya, yawo yanapwanela omuchitchimiha Muluku mwa nihiku nenle ni ohiphararu muteko. mu nihiku nikina Yesu ari vamoha ni asatokwene a muloko nave vavale akhalavo mutchu mmoha arino ntata nawe na maretcha. Ayuta yanamuweha Yesu wi emone akweya onanwerya ompenusha mu nihiku na sapata, ni wasvya omotherya. Yesu alotchano wa opyororowa : (Orwe variyari). Nave ahakoha atokwene a muloko: Eri eparipari wera yonanara nari yaphama nihiku na sapata? wipha akweya oveiha ? Yahikhalelaru omala Yesu ahaweha othene yawo yamurukurenrye ni wukhuwa wawe murima va nthowa na wuma waya mirima, vawi alotchano mulopwana: theteya ntata na, athetenyeiye apenuwa. Atokwene a muloko yavinyavo nave yanavanela mamwiphelo Yesu... Muloko ahu okhaleno osivela ni amwatchamani.

Eruku Yanekhumi Nathanu Natcharu 18: Yesu Amaliha Etcheku

Marko 4:35-41

Nave nivinre nihiku, wathukumanne muloko mutokwene watchu. Nave vohiya muloko owo yamukusha elapuwela okhopela wa emaka ya Galileya. Erikimulapuwaru yavinya etcheku etokwene, nave matchumusa yatekhumela mmwatcheyani, mwawi hiha mwatcheya apatchera osareya. Nave yowo mwanene ari otchuli wa mwatcheya, arupa va yohamela muru; nave yamviha elotchano, muhusiha, hamunathokororya wi ninnarimela hiyo? nave avinya, asamela etcheku alotcha wa eniya wi, mala, khala tchuu. Nave etcheku yamala, nave wahera tchuu wintchipale nave alotchano munovela sheni ophiyera hihano hamwinono nroromelo? nave yawo yakhala ni wova otokotoko elotcha mukina ni mukwawe, nki ola tani, nari etcheku ni eniya sinnamwiwelela. Yesu okhalano owerya wa itchu sothesene sokatchamiha sa mokumini mwahu, nave nihove.

Eruku Yanekhumi Nathanu Nasheshe 19: Openushiwa Wa Muthiyana Awitcheliwa

Eruku Yanekhumi Nathanu Nasheshe 19: Openushiwa Wa Muthiyana Awitcheliwa

Marko 5:25-34

Akhala muthiyana itcheliwa mmulokoni mwemmwe mmiyakha khumi namili,ahetchetcha mwanamuku ohalakhanyeya;amanle onanariha samahala sawe sothene ariyeno hapwannyeru etchu nari emoha yamupharenle muteko. Mu wutusheya masoso awe yamutepa : Awiwaleiye ovuwa wa Yesu arwa vachuli vawe vamoha ni muloko,akwannya sowara sawe vawi analotcha mekheiye kakwannyaru sowara sawe kinampenuwa. Vawerano ahona mmwilini mwawe apenunwe mu masoso awe. Yesu ahona wi wakhuma owerya mwa yowo wa openusha,arukunuwaleiye variyari va muloko akoha " Tani okikwannyile ?". Vawi anaweha vothene amwasvyaka muthiyana yowo. Nave muthiyana ni osareya wova akokhora vaholo va Yesu ni olotcha eparipari. Nave yowo ahi: Mwanaka nroromelo na nihovulusha, rowa ni murechele, nave openuwe mmasosoni mwa.

Eruku Yamakhumi Meli 20: Yesu Ampenusha Mwana Mwali

Eruku Yamakhumi Meli 20: Yesu Ampenusha Mwana Mwali

Marko 5:22-24,35-43

Mulopwana okweleyasha itchaniwa Jairo amveka Yesu wi aye owannyawe anvekelele yowo nave Yesu atchanano. Eyaka mphironi kapuro mmoha a Jairo mitchaka alotchaka wi mwanawe a mwamuthiyana okwa. Nave Yesu amuwehaleiye Jairo alotchano: " Ohove nnya ororomele ". Yaphiyalaya owani ahapwanya yanla,nave avolowa mpa vamoha alipa oyara vamoha ohuseryawe araru. Nave aphanreiye ntata na mwali alotcha mwamuthiyana mi kinnoruma,vinya ! mwawakuva mwali avinnya anetcha. Othene yatikiniheya,mwa sothene Yesu alotchano wi elaleryeke ntoko siphatchuwenlaya. Ahe. Yesu ahoneiha wi okhalano owerya mwa okwa. Othene yawo anamuroromela nave enamutchara ehove okwa. Nupuwelele masu a Yesu.

Eruku Yamakhumimeli Namoha 21: Yesu Ni Muthiyana Ohisuweleya

Eruku Yamakhumimeli Namoha 21: Yesu Ni Muthiyana Ohisuweleya

Marko 7:24-30

Nihiku nimoha muthiyana ohisweleya arwa wa Yesu ntakhara mwanawe a mwamuthiyana aphariwe ti minepa sonanara. Yowo anveka Yesu wi ampenushe. Yesu ari muyuta arwenle Ayuta, anapwanela wakhaviherya ohisuweleya opwaha wa mulokoawe? " Hori waphama okusha ya mahala ( yolya ) ya anamwane wavaha asana anapwa! Ahi apwiya. Nnya asana anapwa analya inyenyeri mukhitche mwa mesa a anamwane". Yesu vawona nroromelo na muthiyana yola ahi: " Ntakhara masu yala rowa. Musaserya omuhiya!". Muthiyana votchikela owani ampwannya mwanawe apenunwe...mwaha ola onanikhaviherya wi osivela wa Muluku hori wa nloko nimoha nnya ori wa maloko othene avathi". Mweparipari athu ailotchelo sothene, maloko ni mahimo enarwa yemela okhoveni wa Muluku eriki: Awelihiwa . Awelihiwa. Ti apwiya,ntakhara ohathuma atchu a maloko othene. Anna Yesu onlivela nnikhami nawe.

Eruku Yamakhumimeli Napili 22: Yesu Ni Mutchu Ohiwa Ni Ohilotcha

Eruku Yamakhumimeli Napili 22: Yesu Ni Mutchu Ohiwa Ni Ohilotcha

Marko 7:31-37

Votcharana Yesu avinya aya elapo yohisuwannyeya. Yaarwano wa yowo mutchu ohiwa ni okukuma nave yamveka wi amwiyatherye matawe. Yesu amukunsheiye yowo variyari va muloko amukeriha makupaya, amukuherya, ikatha owaruni wawe, nave atannya nlumi nawe ni mara;alotcha: Huleya we. ( Iwaru ) Maru awe yahuleya nave nlumi nawe nakhala nawuluma. Othene yatikiniheya mwa makhalelo eriki: " Yowo onn erano sotesene mwaphama. Yesu onnawerya ohula maruahu vawi tho niwerye osuwela masu a Muluku- ni otaphula nlumi nahu wi hiyo nerele namona sothene apwiya aneraya mwa hiyo.

Eruku Yamakhumimeli Natcharu 23: Yesu Onampenusha Ohona

Eruku Yamakhumimeli Natcharu 23: Yesu Onampenusha Ohona

Marko 8:22-26

Yesu ni ohuseryawe yarwa oshereshere wa eniya ya Galileia,waweriwa Petesaida.yola wari mutchetche wa Pedro, Andrea, yakobo ni yohani,yari arummwa a yesu. Atchu akina yarwano mutchu ohona wa yesu yammvekaya wi amutannye wi apenue. Yesu amukusherya okhwipi wa muloko ammpenusha. Mutchule atepa ohakalala nave anakhwela wi alokohe velapo yothene tisheni apwiya yamwerenlaya. Anna, Yesu atannyaka okumi ahu ni onipenusha nokhalano etchu yowerya olokoha wa akina tisheni apwiya aneraya mwa hiyo.

Eruku Yamakhumimeli Nasheshe 24: Yesu Okhalano Owerya Mwa Itchu Sothene

Eruku Yamakhumimeli Nasheshe 24: Yesu Okhalano Owerya Mwa Itchu Sothene

Marko 9:14-31

Mwelukuluku ekina mulopwana mmoha arwano mwanawe wa Yesu,aphariwe ni minepa yonanara wi ampenushe.Mwelukuluku sintchipale minepa sanamurihela vamoroni nari mmahini wi imiphe. Ohawa arwa wa Yesu alotcha : " Kikhaviheryeni va othoiwa nnroromelo naka " Vawi minepa sanalapiha nave muloko waniwelela, Yesu alamulela wi minepa ivinyemoni ohikokatho. Yesu aphara nntata na mmiravo amukokiherya wa atithinya apenunnwe. Mwaha ola onnoniherya wi yotchuna ya mwitchani ahu,henakhalano makhalelo makina ohiyana tiyawipha, wiya ,ni omwarya.Nnya Yesu okhalano owerya wirimu ni vathi vano. yowo olapiha masoso,olapiha okhwa ni musaserya, yesu ti mwana a Muluku : orun le velaponi nntoko mutchu munipuroni mwahu ori vaholo ni Muluku akhela mekhiyeru olaka wa sotcheka sahu, wi mwa ephepawe niwerye okhalano okumi wohimala.

Katulad na kaalaman

Libreng mga download - Dito ay matatagpuan ang lahat ng pangunahing scripts mensahe ng GRN sa ibat-ibang wika, at mga larawan at iba pang katulad na materyales, ay maaari ng i-download.

Audio-visual ng "Magmasid, Makinig at Mabuhay" - Ang kabuuan ng 8 programa na may 24 na larawan bawat isa para sa pag-eebanghelyo at katuruang Kristiyano. Ang serye ay nagbibigay ng aral sa mga tao ng Lumang Tipan, ang buhay ni Hesus, at ang unang Simbahan.

Paano gamitin ang mga Audio visual ng GRN - 1: Ibahagi ang Mabuting Balita sa pinadaling paraan - Ang artikulong ito ay nagbibigay panimula sa ibat-ibang paraan kung paano magagamit ang mga audio visual ng GRN sa ministeryo.

Paano gamitin ang kagamitan ng GRN Audio visual - 2: Maging mas Malalim - Ang artikulong ito ay nagbibigay ng karagdagang paliwanag kung paano natututo ang mga tao mula sa mga kwento, at bakit ang mga kwento ay walang masyadong komentaryo.

Ang GRN Aklatang Audio - Pag-eebanghelyo at panimulang kagamitan ng katuruang Bibliya na angkop sa mga pangangailangan at kultura ng mga tao sa isang iba't ibang estilo at mga format.

Copyright and Licensing - GRN shares it's audio, video and written scripts under Creative Commons

Creating DVDs using the GRN Slide show Videos - How to burn DVDs for specific people groups you are trying to reach

Choosing the right audio or video format - What audio and video file formats are available from GRN, and which one is best to use?