unfoldingWord 22 - Ang Pagkatawo ni Juan
Balangkas: Luke 1
Bilang ng Talata: 1222
Wika: Cebuano
Tagapakinig: General
Klase: Bible Stories & Teac
Layunin: Evangelism; Teaching
Kawikaan mula sa Bibliya: Paraphrase
Katayuan: Approved
Ang mga script ay panimulang gabay para sa pagsasalin at pagre-record sa ibat-ibang wika.Ang mga ito ay ay dapat na angkupin kung kinakailangan para maunawaan at makabuluhan sa bawat kultura at wika. Ilang termino at konsepto na ginamit ay maaaring gamitin para maipaliwanag o maaari di na palitan o tanggalin ng ganap.
Salita ng Talata
Kaniadto, nakigsulti ang Dios sa iyang mga katawhan pinaagi sa mga anghel ug mga propeta. Apan wala siya makig-istorya kanila sulod sa 400 ka tuig. Unya sa kalit lang, naay anghel nga miadto kang Zacarias aron ipaabot ang mensahe sa Dios. Matinumanon sa Dios si Zacarias ug si Elizabet nga iyang asawa, apan wala gayod makaanak si Elizabet.
Giingnan sa anghel si Zacarias, “Manganak ug lalaki ang imong asawa. Nganli siya ug Juan. Mapuno siya sa Balaang Espiritu, ug andamon niya ang mga tawo sa pag-abot sa Mesiyas!” Mitubag si Zacarias, “Tigulang na kaayo ’mi aron makaanak! Unsaon man nako pagkahibalo nga matuman na?”
Mitubag ang anghel, “Gipadala ako sa Dios aron pagsulti kaninyo niining maayong balita. Ug tungod kay wala ka man motuo, maamang ka hangtod nga matawo ang bata.” Diha-diha, dili na makasulti si Zacarias. Unya mibiya na ang anghel, ug mipauli na usab si Zacarias. Unya nagmabdos na ang iyang asawa.
Sa dihang unom na ka bulan nga buntis si Elizabet, mipakita na usab ang anghel kang Maria nga paryente ni Elizabet. Ulay siya nga babaye ug gipamalay-an na sa usa ka tawo nga ginganlan ug Jose. Miingon ang anghel, “Magmabdos ka ug manganak ug lalaki. Nganli siya ug Jesus. Mahimo siya nga anak sa Labing Gamhanan nga Dios ug maghari sa walay kataposan.”
Mitubag si Maria, “Unsaon man ana pagkahitabo nga ulay man ako?” Ug gipasabot siya sa anghel, “Duawon ka sa Balaang Espiritu, ug kunsaran ka sa gahom sa Dios. Mao nga ang bata balaan, ug Anak sa Dios.” Mituo si Maria ug gidawat ang gisulti sa anghel.
Pagkahuman ug istorya sa anghel kang Maria, miadto na dayon siya kang Elizabet. Milihok ang bata sa sabakan ni Elizabet sa dihang nadungog niya ang tingog ni Maria nga nangayo ug katahoran. Nalipay ang mga babaye sa gibuhat sa Dios kanila. Mipuyo si Maria uban kang Elizabet sulod sa tulo ka bulan, ug unya mipauli siya.
Unya nanganak na si Elizabet, ug lalaki ang ilang anak ni Zacarias, ug ginganlan nila kang Juan, sumala sa gisugo sa anghel. Unya si Zacarias nga naamang, gipasulti na usab sa Dios. Miingon si Zacarias, “Daygon ang Dios, tungod kay wala na niya kalimti ang iyang katawhan! Ikaw anak, tawgon ka nga propeta sa Dios nga Labaw’ng Makagagahom, ug sultihan mo ang ang mga tawo kung unsaon nga mapasaylo sila sa ilang mga sala!”