unfoldingWord 06 - Xoossay Yisaaqas Macho Giigsuwa
![unfoldingWord 06 - Xoossay Yisaaqas Macho Giigsuwa](https://static.globalrecordings.net/300x200/z01_Ge_25_01.jpg)
เค้าโครง: Genesis 24:1-25:26
รหัสบทความ: 1206
ภาษา: Gofa
ผู้ฟัง: General
เป้าหมายของสื่อบันทึกเสียง: Evangelism; Teaching
Features: Bible Stories; Paraphrase Scripture
สถานะ: Approved
บทความเป็นแนวทางพื้นฐานสำหรับการแปลและบันทึกเสียงภาษาอื่นๆ ควรดัดแปลงตามความจำเป็นเพื่อให้เข้าใจและเหมาะสมกับวัฒนธรรมและภาษาแต่ละภาษา คำศัพท์และแนวคิดบางคำที่ใช้อาจต้องอธิบายเพิ่มเติม หรือแทนที่ หรือตัดออก
เนื้อหาบทความ
![](https://static.globalrecordings.net/300x200/z01_Ge_24_03.jpg)
Yisaaqi bana eridi machanaw gakkiya wode Abrahaamey cimis. Hessa gisho, Abrahaamey ba aylletappe issuwa, Yisaaqas macho oychidi ehana mela ba dabbotakko yeddis.
![](https://static.globalrecordings.net/300x200/z01_Ge_24_08.jpg)
Abrahaame aylley adussa oge hemetidi Abrahaame dabboti de7iya biitta gakkis. Xoossay, Abrahaame aylliya Irbbiqikko kaalethis. Irbbiqi, Abrahaame ishaa na7aa na7a.
![](https://static.globalrecordings.net/300x200/z01_Ge_24_11.jpg)
Irbbiqa ba soo asaa aggada, Abrahaame na7aa Yisaaqa gelanaw ero gasu. Bada Yisaaqa gelasu.
![](https://static.globalrecordings.net/300x200/z01_Ge_25_01.jpg)
Daro wodeppe guye Abrahaamey hayqqin, Xoossay Abrahaamera caaqqida caaqo ubbay Yisaaqa gakkis. Xoossay, iya zerethay salo xoollintto mela gidana gidi, Abrahaames qaala gelis. Gidoshin, Irbbiqi Yisaaqas na7a yelabuukku.
![](https://static.globalrecordings.net/300x200/z01_Ge_25_02.jpg)
Yisaaqi, Irbbiqas woossin, Xoossay, I ulon mentte na7a wothis. Mentte nayti Irbbiqa ulon de7ishe, issoy issuwa sugoosona. Ba ulon hanishe de7iyabay aybeekko eranaw, Irbbiqi Xoossaa oychasu.
![](https://static.globalrecordings.net/300x200/z01_Ge_25_03.jpg)
Xoossay Irbbiqakko, “Ne ulon de7iya nam7u naytappe nam7u kawotethati keyana. Entti, issoy issuwara oletana; bayray kaaluwas kiitetana” yaagis.
![](https://static.globalrecordings.net/300x200/z01_Ge_25_04.jpg)
Irbbiqas yelo wodey gakkiya wode, I ulon mentte adde nayti de7oosona. Bayra na7ay aarisenne beelalara de7ees; iya sunthaa “Eesawe” gidi sunthidosona. Kaaloy, ba kushen Eesawe ginddiya oykidi keyis; iya sunthaa “Yayqooaba” gidi sunthidosona.