unfoldingWord 31 - Исаның судың бетімен жүруі
சுருக்கமான வருணனை: Matthew 14:22-33; Mark 6:45-52; John 6:16-21
உரையின் எண்: 1231
மொழி: Kazakh
சபையினர்: General
பகுப்பு: Bible Stories & Teac
செயல்நோக்கம்: Evangelism; Teaching
வேதாகம மேற்கோள்: Paraphrase
நிலை: Approved
இந்த விரிவுரைக்குறிப்பு பிறமொழிகளின் மொழிபெயர்ப்பிற்கும் மற்றும் பதிவு செய்வதற்கும் அடிப்படை வழிகாட்டி ஆகும். பல்வேறு கலாச்சாரங்களுக்கும் மொழிகளுக்கும் பொருத்தமானதாக ஒவ்வொரு பகுதியும் ஏற்ற விதத்தில் இது பயன்படுத்தப்படவேண்டும்.சில விதிமுறைகளுக்கும் கோட்பாடுகளுக்கும் ஒரு விரிவான விளக்கம் தேவைப்படலாம் அல்லது வேறுபட்ட கலாச்சாரங்களில் இவை தவிர்க்கப்படலாம்.
உரையின் எழுத்து வடிவம்
Иса бір топ адамды тамақтандырғаннан кейін шәкірттеріне қайыққа мініп, көлдің арғы жағасына өтуге бұйырды. Ол жұртты үйлеріне қайтарған соң мінәжат ету үшін бір төбенің басына шықты. Кеш түскенге дейін Иса сол жерде қалып дұға етті.
Сол уақытта шәкірттері қайықпен жүзіп бара жатты. Жел қарсы тұрғандықтан түннің ортасында олар көлдің жартысына дейін ғана жеткен еді.
Осы уақытта Иса дұғасын аяқтап, шәкірттеріне қарай беттеді. Иса олардың қайықтарына судың үстімен жүріп барды.
Шәкірттері Оны көргенде, қатты қорқып кетті, өйткені олар Оны елес екен деп ойлап қалды. Иса олардың қорқып тұрғанын көріп: “Қорықпаңдар. Бұл Менмін!” — деді.
Сонда Петір Исаға былай деді: “Ұстаз, егер бұл Өзіңіз болсаңыз, онда маған су бетімен қасыңызға баруға бұйырыңызшы”. Сонда Иса Петірге: “Кел!” — деді.
Петір қайықтан шығып, су бетімен Исаға қарай жүрді. Бірақ біраз жүргеннен кейін, ол Исадан көзін алып қатты соққан жел мен айналасындағы үлкен толқындарды байқады.
Қорқып кеткен Петір суға бата бастады. Ол: “Ұстаз, мені құтқарыңыз!” — деп айқалайды. Иса дереу қолын созып, оны ұстап алды. Сонда Ол Петірге: “Сенімің аз екен! Неге сен күдіктене бастадың?” - деді.
Содан кейін Петір мен Иса қайыққа отырды, сол сәтте жел де тоқтап, көл де тынышталды. Шәкірттері қайран қалып аң-таң болды. Олар Исаға тағзым етіп, былай деді: “Сен шынымен де Құдайдың Ұлысың!”