unfoldingWord 27 - قصة السامرى الصالح
சுருக்கமான வருணனை: Luke 10:25-37
உரையின் எண்: 1227
மொழி: Arabic, Sudanese: Khartoum
சபையினர்: General
பகுப்பு: Bible Stories & Teac
செயல்நோக்கம்: Evangelism; Teaching
வேதாகம மேற்கோள்: Paraphrase
நிலை: Approved
இந்த விரிவுரைக்குறிப்பு பிறமொழிகளின் மொழிபெயர்ப்பிற்கும் மற்றும் பதிவு செய்வதற்கும் அடிப்படை வழிகாட்டி ஆகும். பல்வேறு கலாச்சாரங்களுக்கும் மொழிகளுக்கும் பொருத்தமானதாக ஒவ்வொரு பகுதியும் ஏற்ற விதத்தில் இது பயன்படுத்தப்படவேண்டும்.சில விதிமுறைகளுக்கும் கோட்பாடுகளுக்கும் ஒரு விரிவான விளக்கம் தேவைப்படலாம் அல்லது வேறுபட்ட கலாச்சாரங்களில் இவை தவிர்க்கப்படலாம்.
உரையின் எழுத்து வடிவம்
فى يوم ، خبير فى الشريعة اليهودية جاء ليسوع. داير يورى اي زول انو تعاليم يسوع المسيح كان غلط. عشان كده هو قال: "يامعلم، انا لازم اعمل شنو عشان ارث الحياة الابدية؟"
الراجل قال : "مكتوب حب الرب الهك من كل قلبك، نفسك ، قوتك ، فكرك. وتحب قريبك زي نفسك" . يسوع جاوب: "كلامك صح ! لوانت عملت ده، انت بترث الحياة الابدية" .
لكن خبير الشريعة داير يوري الناس انو طريقة حياته كانت صح، عشان كده هو سال يسوع ، "كويس، ده منو قريبي؟"
يسوع جاوب خبير الشريعة بحكاية قصة. "كان فى راجل يهودي مسافر فى الطريق من اورشليم لاريحا" .
"لكن بعض الحرامية شافوه و هجموه. شالوا كل الحاجات الكان عندو و دقوه لحدي قرب يموت. بعد داك مشوا".
"بعد فترة قصيرة، حصل انو كاهن يهودي يمشي بنفس الطريق. الكاهن ده شاف الراجل راقد فى الشارع. لمن هو شافو فات فى الاتجاه التانى من الطريق و واصل المشي. هو اتجاهل الراجل داك تماما" .
ما شال زمن طويل بعدو جاء لاوي بالطريق، (اللاويين كانوا قبيلة من اليهود البساعدوا الكهنة في الهيكل). اللاوي كمان قطع فى الاتجاه التانى من الطريق. هو كمان اتجاهل الراجل داك" .
"الزول المشي بعدو في الطريق داك كان راجل من السامرة. (السامريين و اليهود بكرهوا بعض) السامري شاف الزول فى الطريق. شاف انو كان يهودي، لكن لسه عنده حنية شديد ليهو. عشان كده هو مشي ليهو و ربط جروحه".
"بعد داك السامري رفع الراجل في حماره. شالو فندق قريب في الشارع. استمر يهتم بيهو هناك" .
"فى اليوم التاني ، السامري دايرعشان يواصل سفرو. ادي قروش لزول المسوؤل عن الفندق. قال ليهو: اهتم بالراجل ده. لو انت صرفت اي قروش زيادة من ده انا حادفع ليك لمن ارجع" .
بعد داك يسوع سال خبير الشريعة، "انت بتفتكر شنو؟ ده منو من التلاتة رجال ديل كان قريب الراجل النهبو ودقو ؟" هو رد: "الزول الحنا ليهو" . يسوع قال ليهو: " امشي و اعمل نفس الحاجة".