unfoldingWord 18 - बटवारा कर राएज
Översikt: 1 Kings 1-6; 11-12
Skriptnummer: 1218
Språk: Surgujia
Publik: General
Ändamål: Evangelism; Teaching
Features: Bible Stories; Paraphrase Scripture
Status: Approved
Skript är grundläggande riktlinjer för översättning och inspelning till andra språk. De bör anpassas efter behov för att göra dem begripliga och relevanta för olika kulturer och språk. Vissa termer och begrepp som används kan behöva mer förklaring eller till och med ersättas eller utelämnas helt.
Manustext
ढ़ेरे बछर कर पाछु दाऊद हर मएर गईस अऊ ओकर बेटा सुलैमान इसराईल कर राजा बनिस। परमेसवर हर सुलैमान जग गोठीयाईस अऊ ओकर ठे पुछीस कि सबले ढेर तएं का माँगत हस माँग। ते घरी सुलैमान हर ज्ञान माँगीस। त परमेसवर हर ढ़ेरे खुस होईस अऊ ओके दुनिया कर जम ले बुद्दिमान आदमी बनाईस। सुलैमान हर ढ़ेरे गोईठ बात ला सिखीस अऊ ओहर ढ़ेरे होसियार अऊ नियाव करे दार रहिस अऊ परमेसवर हर ओके ढ़ेरे धनि आदमी बनाईस।
यरूशलेम में सुलैमान हर परमेसवर बर मदिर बनाईस जेकर बिचार ओकर दाऊ हर करे रहिस अऊ समान मन ला जुटाऐ रहिस। लोग मन अब परमेसवर कर आराधना अऊ बलिदान मिलन कर तम्बू कर बदले मदिर में करे लागिन। परमेसवर हर मदिर में आईस अऊ अऊ उहां अपन लोग मन कर मंझार में रहे लागीस।.
तबोले सुलैमान हर दुसर देश कर सवान्घीन मन ला पतियाईस। ओहर परमेसवर कर आगियां ला नई मानीस अऊ दूसर सेवांनघिन मन जग विहाओ करीस करीबन १000 विहाओ करिस जेमे सबले ढेर दूसर देस कर सेवांनघिन रहीन अऊ ओमन अपन देवता ला अपन संगे ले आने रहीन अऊ ओमन अपन देवता कर पूजा करत रहीन। ज़ेघरी सुलैमान हर सियान हो गईस त ओमने कर देवता कर आराधना करे लागीस।
परमेसवर हर सुलैमान जग ले गुस्साए गईस। काबर की सुलैमान हर परमेसवर जग बिसवास घात करीस। तेकरले परमेसवर हर दण्ड कर बदला में मृत्यु देहीस। ओकर मृत्यु कर पाछ इसराईल हर हिस्सा बटा करे बर कहिस।
सुलैमान कर मरे कर पाछु ओकर बेटा रेहोबाम राजा बनिस। रेहोबाम एक मुरक आदमी रहिस। इसराईल देश कर जम झन ओके राजा कर रूप में पक्का करेब आईन। ओमन रेहोबाम जग कहिन कि तोर दाऊ सुलैमान हर ओमन जग ढ़ेरेच अकन बुता करवाईस हवे अऊ ढ़ेरे मल्गुजारी भरवात रहिस।
रेहोबाम हर गवार आदमी कस जवाब देहीस “तुमन कहथा कि मोर दाऊ हर तुमन जग ढ़ेरे बुता करवाईस हवे। लेकिन में ओकर ले बगरा बुता करवाहूँ अऊ ओकर ले बगरा दंड देहुँ”।
इसराईल देस कर दस गोत्र मन रेहोबाम कर विरोध में लड़ाई करीन। केवल दुईठे गोत्र मन ओहर जेकस चाहत रहीस ओही कस करत रहीन। ए दुई गोत्र ला यहूदा कर देस कहल गईस।
इसराईल कर दस गोत्र मन जेमन रेहोबाम कर बिरोध में खड़ा रहीन, ओमन येरोबाम नाव कर आदमी ला अपन राजा बनाईन। ओमन अपन राएज ला उत्तर खूंट में बनाईन अऊ ओला इसराईल राएज कहिन।
येरोबाम हर परमेसवर कर बिरोध करीस अऊ अपन लोग मन ला पाप करवाईस। यहूदा देस कर येरुसलेम कर मंदिर में अपन लोग मन बर आराधना करे बर दुईठे मूर्ति ला येरोहोबाम हर बनावाईन।
यहूदा अऊ इसराईल कर राज दुनो मन बैरि बने रहीन अऊ ओमन एक दुसर झन ले लड़त रहीन।
इसराईल कर नावा देश में जम राजा मन दुष्ट रहीन। ओमन कर कईक ठे राजा मन ला दुसर इसराईलि मन मारीन काबर की ओमन सयम राजा बने बने बर करत रहीन।
इसराईल कर जम राजा अऊ ढ़ेरेच लोग मन मूर्ति कर आराधना अऊ मूर्ति पुजा में लगे रहीन अऊ वेबिचार करे लागीन अऊ कभो कभो लईका मन ला पूजत रहीन।.
यहूदा हर राजा दाऊत कर लईका रहिस। ओमन में ले चटिक राजा मन बढ़ीहा आदमी रहीन जेमन नियाव ले राज करिन अऊ परमेसवर कर आराधना करिन। लेकिन बगरा राजा मन बुरा अऊ घिनक मुरती कर पुजा करे लागीन अऊ चटिक राजा मन अपन लईका मन ला झुठा देवता मन कर आगु में पूजीन। इसराईल कर ढ़ेरेच बगरा लोग मन परमेसवर कर विरोध में बलवा करे दार अऊ दुसर दुसर देवता मन कर पुजा करे दार बन गए रहीन।