Good News

Imbaron orgaw tako ya matagu-tagu tako wad otyan kanditako bindisyon Apo Kristo, kakailyan ka kakadwa wayyu wayyu kad sina ta mandongor te tottowa ta bumaknang de kadodwa. Te abus man ak kabunyan nakay ak nabatangan mangwat te karabbongan we ka kaskasdaawan.

Umuna we Iglato Sa sarad ni lubong

Genesis 1:1-5; Psalm 90:2

Sa sarad ni lubong abus ak Apo Dios ak tagu. Onipon kingwa na da langit ka luta, onipon intopragoy da danum, da Luta, ya da langit intopragoy na da silaw ta pumadda. Kingwana da sorag, init ya bituwon ta mansilaw ta manottowa atta losan we ugodna ambaro-baro kopyan Apo Dios. Siya pangat we tangadon tako lusan.

Sa Mikadwa we Iglato Sa ugod Apo Dios ate Biblia

Isaiah 45:18-19; Hebrews 4:12; Psalm 19:7-10

Sa anna we iglato sana kanda we Biblia awad losan we ugod Apo Dios ya da losan we ugali na kan da kingwa na. Pipion Apo Dios da tagu. Sa anna we ibagak kadikayu nerpo man losan atta tau ugod Apo Dios.

Maikatlo we Iglato Sa Da Kingwan Apo Dios

Genesis 1:1-25

Kingwan Apodios da losan we maila ya dida de ikatagu taku we matagu te lubong. Da danum, luta ya langit. Kingwana da losan we tumayap we sissiwit ya, da mangkikkiyat we ugadiw ya losan we kumayam ad luta. Amod de baron ni angos na we nangwa kan dida ambabaru losan we kingwan Apodios. para kan ditaku we tagu.

Maikapat we Iglato Adam kan Eva

Genesis 1:26-31, 2:7 - 3:24

Kingwan Apodios da ummuna we tagu’d luta, da Adam kan Eva. Innatod na kan dida da losan we kingwana at mataguwan da inigga na dida ad Paradise we ambaru baru we lugar ak mataguwan. Binilibilin na dida we kanon yu losan da bunga da kayu malaksig atte anna we ossaan we adi yo mamma-ag kanon. Dumatong pun de kabusor Apodios we Demonyo, sinulisug na da Adam kan Eva kanana kan dida. Kanon yo wot de sanate kayo de bungana payos la tottowaon ak Apodios, kanon yo de bungana we sana we adinapon kan dikayo ipakan. Sumangak Apodios kan da Adam kan Eva wot kanana inkayon taynan yo annay inatod ko kan dikayo we lugar ta inkayo matagu, inkayon malligat kayo malingtan kayo, matoy kayo, masakit kayo te sanat de naarayo we adipun denomngor oni kad ummayaw da Adam kan Eva ad luta.

Maikalima we Iglato Da Cain kan Abel

Genesis 4:1-16; Romans 3:23

Ummanak pon da Adam kan Eva atta duwa we laraki, sa ngadan da, da Cain kan Abel ambaro de kopyan Abel we anak, pipion Apodios yakon sa sunod na Cain lawingan de kopya na ot gapu te aposna gingngat nak Abel we sunodna. Minortar Apodios ak Cain te sumanga ta makabasor. Pipion Apodios da ambaru da ugali da te nu makabasur tako sangnga-an ditaku kan Apodios.

Mika onom we Iglato Sa kingwan Noah we Bapor

Genesis 6:1-22; 2 Peter 3:9

Da ginanakan da Adam kan Eva, ka-aduwan da managbasor, dida pun dumngor. Inggaw osa we tagu we abus ak mangor ya mangikatagu ta ugod Apodios, sa ngadan na kad ak Noah. Kanan Apodios kan Noah, mangwa kak baporno ya innamin nu pinurtan da abot ta sika abus we matagu nu iggak de litap we anungos ni orgaw. Kanan Noah ta tagu we iggam mon Apodios de anungos ni orgaw te ummandan de basor taku te lubong yakon da nangibag annay tagu kanan da kan Naoh tulim, inudan sanat we ibagam.

Sa Mika pitu we Iglato Sa Litap

Genesis 7:1-24

Innatod Apodios da ansabasabali ye ayam kan Noah ta idoga na ilonok atte bapor na, da turo we anak Noah ya ak asawa na ya da animals pinornok Apodios dida atte bapor wot inongba na sawang ni bapor. Opat puro we orgaw de nalitapan ni luta wot naming da tagu nu-ubor. Natagu da Noah we simboryan te dodongron da kan ikatagu da, da ugod Apodios.

Sa Mika waru we Iglato Abraham Sarah Ya Ak Isaac

Genesis 9:18-19, 17:1-8, 21:1-7; Matthew 1:1-16

Gummanak kad ak Noah, osa ta ginanakanak Abraham. Abus os ak Abraham ak amati ta lintog Apodios. Imbagan Apodios kan Abraham we gapu te mamati ka kan sakon, umadu da ginanakam ad luta. Asin da Abraham kan Sarah inyanak ak Isaac ate narakay da on. Insapatan os Apodios kan Isaac we nu dumngor da ginanakam, bindisyunak os dikayo ta umadu kayud luta.

Maika siyam we Iglato Ak Moses ya da lintog Apodios

Exodus 19:1-25, 34:27-32

Da ginanakan kad Isaac pinnu dad Israel ummadu-aduda. Osak Moses atta ginanakan Isaac. Gapu ta mangapodios ak Moses, inayagan Apodios ak Moses atte osa we bilig wot kinaugod na. kanan Apodios kan Moses ittok kan sika da anna we simpuro we lintog nu nganda amati ta lintog ku dida da tagok.

Maika simpuro we Iglato Da Simpuro we Lintog Apodios

Exodus 20:1-17

Da simpuro we lintog, losan da napapatog. Innatod Apodios kan Moses. Kanana ngan kad da mangikatagu ta lintog ko mabindisyunan da. Ak Dios Apo de losan tako tun-udon, siya otyan de pastor we durmamoyon, te mangodngona somsomok, ya ugud na pasig taku manlin-awaon, Na ak Dios Apo durmamoyon ippun man ugod nak buknon. Pasig dita busbusugon, ya nakaskasda-aw datngon da simpuro we bilin Apodios umuna ossaan Apodios tako, ippun udom ak Apo, adita babarangon, mangibsway te ngadan na. ittom de sin-orgaw atte sindomingowan we mandayaw kan Apodios. Di kayo we aanak dongron ta ugudon da Ina kan Ama. Aditapun gumngat, aditapun purson da asawan da kasintataguta, aditapun mantulituli, Aditapun man-akaw. Aditapun man-igag, purson da kuwan da udom we tagu. Losan we koom atte mataguwam mangulin met laeng kan sika. Koon taku losan de ambaru ta ambaru ti mangulin kan ditaku.

Mika Sawer ak Ossaan we Iglato Sacrificio Para Te Basor

Leviticus 4:27-35; John 1:29

Sa tingpon Moses, awad kad makabasor we manlabsing atte lintog Apodios, masapor we mansida ak karnero ta mapakawan da basor na . Isun ni planon Apodios atte anak na Jesus, insacrificio na innatod kan ditako ta makatatagod luta.

Sa Mika Sawer ak Duwa we Iglato Sa Inturag Apodios

Luke 1:26-38; Matthew 1:18-25

Narakpus pon de kam-anna we tawon , imbuon Apodios de Angel we umoy mangibaga kan Mary. Kanan ni Angel we nangiturag kan Mary ye asao-om de laraki ye sa ngadan na kad Joseph. Umanak Kayo atte laraki ya ngadananyo Jesus kanan Mary ngi inon os ella we makwa anna te ippun met nangidu kan sakon. Sissiya ak we Virgin. Duknag de Holy Spirit we ibuon Apodios ya ibagana we sa iyanak nu kad anak Apodios sa de insungbat ne Angel. Ummoy os de Angel kan Joseph, ot kanana te in-inop Joseph we adika makimot we mangawat kan Mary ak asaw-om, ya adika makimot. We annakob atte Anak Mary te sa bugi na kad intopragoy ni Holy Spirit we imbuon Apodios. Intadon Joseph we asao-onna yakon dida pon mamma-ag nangkasuyop ingganak miyanak de utting wot ngadanan dak Jesus.

Maika Sawer Ak turo we Iglato Sa Niyanakan Jesus

Luke 2:1-20

Annakad we madandani miyanak ak Jesus, kanan ni pangat atte ilin da Joseph kan Mary, we inkayon atta narpuwan yo we ili ta inkayo manregistro, nangaddaran da Joseph kan Mary we umoy atte ili dad Bethlehem. Dummatong da pon ad Bethlehem ippun ma-igawan atta boboroy te losan napnu ta tagu wot umoy da te kurungan da baka kan da kabayo. Inyanak Mary uttingna te kurar da animals sa sadi ye labi ummoy ni angel imbaga atta ambabantay atta karnero kan da kabayo we adaddaniyan atte igaw ni niyanak we ak Jesus. Kanana kandida, ibagak kan dikayo inkayo ibaga ta losan we tagu. Sa sana we orgaw awad de niyanak we pangat we siya de mangatod ak mas-oman taku losan. Naabus na pun imbaga insarad da Angel we mangkanta ya anayaw kan Apodios atte inatod na we anak na, dingor kad da shepherds kanda, intaku losan ad Bethlehem ta intako ilan, losan da masda-aw atte innila dak Jesus.

Sa Mika Sawer Ak upat We Iglato Ak Jesus We Misturo

Luke 2:41-52; Mark 6:34

Pinadakor da Joseph kan Mary Jesus we anak da wot nasawaran kad ak duwa tawon Jesus intallay dad Jerusalem. Ummoy ak Jesus naka-am-ammong, naka-ug-uggud atta mimisturo ya da inggaw we papangat we siya ugudo na da mipanggop kan Apodios we Ama na. Ippun adi na emoson atta papangat wot masda-aw da losan atta imus ni anak we nalaing. Turumpuro po tawon Jesus, insarad na we umoy mansuro ta ki-ili-ili wot da udom we mas-om atta ugod na niburon da kan siya. Da udom we di pun amati kan Jesus at didapun niburon. Da udom we amati kan siya niburon da.

Mika Sawer Ak lima we Iglato Milagro We Kingwan Jesus

Mark 8:22-26, 5:35-43, 6:45-52

Adu de mannakabalin we innatod Apodios ate anak na ak Jesus, loog na we mangagas atta masakit, makatollongda cursing, taguwon na da matoy we bummuyok, ya tupapa-ona da bali ka lunig. Inilan pun da tagu namati da we anak Apodios, karrabbongan na we mangwa te dimpon da tagu makwa. Te siya abus an ak mangwa atte kakaskasda-aw we ippun labbong makakwa.

Sa Mika sawer ak onom we Iglato Da Rigrigat Jesus

Matthew 27:11-31

Sa kina-adun da kingwan Jesus we nakaskasdaaw adu da moryad kan siya we amati ta upana koon. Umali kan ditaku ta umoy na ipi-ila da ugod ni Ama na ya da pion ni Ama na we makwad luta. Ta maagasan otyan da basor tako dummatong pun de apos da tagu te soorgaw kananda we tulina na ngi sanat os alla we ipagpagna na adi gongaton. Inarestar da sordado wot pinarparigat da upan da pinadara ot asi da ot gongaton. Natoy pon binarangatan da atte lasi. Loog Jesus we bumaros te Anak ngarud Apodos yakon inyanos na te kare siya planon Amak kan sakon ta ikarok da basor da tagu.

Maika Simpuro ya Pitu we Iglato Nailansak Jesus Atte Krus

Mark 15:22-39; 1 Peter 2:21-24

Inlansan da sordadok Jesus atte krus ingganak natoy sa sadi ye timpo ugali da de gongaton da ilansa da managbasor. Sa apos da ngannon da Criminal ak Jesus wot indoga da ilansa da duwa we buron na. Sana toron we apos te ngankadda mangwa te ambaru gongaton da. Ippun kingwan Jesus ak lawing atte nataguwana, inkaru na da basur taku. Nu ngi basur we koom siya de ikatoy nu. Sa basur nu iconfessar nu ya inyagay nu we mangwa te initdom Apodios kan skia de mataguwam, pakawanon Apodios sika. Mamati tau kan Apodios ta lumin-ot de mataguwam ad luta.

Sa Mika sawer ak waru we Iglato Sa Ngummatuwan Jesus Ad Ngatu

Luke 23:50 - 24:9

Da bumusor kan Jesus, sa igammo da gingatda. Idapon igammo we narakpos pun de duwan orgaw ya mikatlo we orgaw bumangon ak Jesus wot ummoy kan Ama nad langit. Ummoy kad ela da mangkamad-an ilan de libon na we liyang nipallak de bato we inpunot da wot ilan dap on de long-ag Jesus we nilibon ippun. Onipun dummatong da duwa we Angel wot kananda natagok Jesus, ippun attenna, te ngummatu kan Ama nad langit. kasin natagu. Sana mangil-an ta we anak Apodios ak Jesus. Inlasat na satanas ya sa katoy. Ditaku kad matoy taku ya ippun orgon. Ak Jesus natoy yakon kasin natago.

Mika sawer ak Siyam we Iglato Namatik Thomas

John 20:19-31

Bumangon pun ak Jesus, nanlataw atta disciples na. Naka-am-ammong kan dida wot nakakan. Ak Thomas atte sana we nanlotawan Jesus. Ippun siya adina amatiyan. Kane adiyak pon amati nu adik ilan te ima na we nasugat. Appadak yan de sugat na ta amatiyak. Narakpos kad de sinduminggowan kasin nanlotaw ak Jesus ta inilana na de sugat na, nampalintomang wot kanana e “Apodios, Apodios” amatiyakon kan sika, kanan Jesus mamati ka te intollongnu sakon, nagasat pagay da tagu we amati kan sakon uray adiyak ilan.

Mika Duwampuro we iglato Sa Nampangatuwan Jesus ad Langit

Acts 1:1-11

Kasin pun natagok Jesus, nampa-ila ta tagu. Intollong da tagu wot kanan da e tottowa ewan we kasin natagu Jesus. Narakpos pon upat puro we orgaw nansublik Jesus ad langit te inabus na kingwa da panggop nad luta, kanana atta tagu inkayu iwaras yo da ugod ko ya suruwan yu da tagu ta dongron da , da losan we inugod ko. Binubuyan da desciples de nampangatuwan Jesus ad langit. Natarak pun ak Jesus atta libuo, nanlotaw da duwa e Angel wot kanan da, mansubli met lang ak Jesus we isun ni inona we nampangatu te anungos ni tollong yo. Ak Jesus awad ad langit we insagana na de igaw taku nu matoy taku. Osa ka pagay atta isaganaan Jesus? Osa ka pagay atta mangobot kan Jesus nu mangulin ad luta, sana de ibagak kan dikayu, ak Jesus de mangisagana atte makwaan da datngon ta, nu ugod Apo ikatagu ta, apiton graciak ing-ingana.

Sa Mika duwampuro ya Ossaan we Iglato Sa Ippun Ingaw We Krus

1 Peter 3:18; Galatians 2:20

Pamos lak Jesus matoy atte krus? Natoy ak Jesus ta ikaru na da lawing we kokok-on da tagu. Ippun gammon Jesus we mangwak lawing. Sa krus ipalagip na kanditaku we natoy ak Jesus ta ikaru na da basor taku we gapun ni nisina-an taku kan Apodios. Ak Jesus nasantuwan ya ippun basor na. siya karneron Apodios. Insacrificion Apodios para kanditaku we tagu. Mamati taku ya tallikudan taku da lawing we kopya te Anak ditako losan kan Apodios. Da anna we maila yu we iglato. Dida manurong kandikayu ta maawatan yu losan nu ngi innon yo we miburon kan Jesus.

Sa Mika Duwampuro ya duwa we Iglato Sa Duwa We Karsa

Matthew 7:13-14; John 3:16; 1 John 1:9

Insuron Jesus de inon taku we umoy atte ippun anungos na we biag. Nansarad de biag taku te orwa we karsan ni basor tinawid taku kanda Adam kan Eva. Sa nasuppit we karsa siya umoy ate ippon anungos na we biag ad langit, Sa anne nasuppit we karsa awad de kruss atte sarad na. lumnok taku nu nambabawi taku ta basor taku ya amati taku we inkatoy Jesus da basor taku. Sa adipun amati u-unnodon da orwa we karsa we datngonad impiyernu. Ngan ni piom ayon? Kaugudom ak Apodios we sana. Kame sika ippun isuna we pangat, iconfessar ko da basor ko mamatiyak we sakon we managbasor de inkatoy nu te kruss. Pakawanon nak ya borbaram da basor ko ta ambalinunak we anak no tun-udo ak Jesus makatataguwak kan sikad langit nu matoy yak manggapiya ak Apo.

Sa Mika Duwampuro ya Turo we Iglato Da Anak Apodios

John 6:37-40, 14:6; Revelation 7:9

Sa anne Iiglato maila yok Jesus we padatungon na da tagu we nurpok sabasabali ye ili. Ansabsabali da ginga da. Dida da amati kan Jesus siya nambalinan dak Anak Apodios. Nangoy da gos atte nasuppit we karsa we umoy kan Apodios. Ossaan da we pamilya, baknang da udom ya lumawa da udom. Mangkangitit ya manka-itak da. Laraki, bobai ya Anak. Man-os-ossaan da nu duknog da kan Apodios we ak Jesus.

Sa Mika Duwampuro ya Upat we Iglato Kasin Miyanak

John 3:1-18; Titus 3:4-7; 1 Peter 1:22-23

Sa ininggawan Jesus ad luta, inggaw osa we misturo we mangngadan ak Nikcodemus. Osa pun we labi ummoy kan Jesus te awad da piona imuson. Kan Jesus kan siya nu ngi tagu we piona we ambalin ak Anak ko. Masapor we kasin miyanak. Linnok taku pamilyan da Ama kan inataku te niyanak taku kandida. Sa sana ukot taku lonkon de pamilyan Apodios nu ipigwa taku we miyanak. Sa umuna miyanak de bongru, mikadwa miyanak de pammati. Sa Holy Spirit de mangatod atte baru we biag taku. Sa biag Jesus de awaton taku nu tun-udon ta. Ak Dios Apo de tun-udok, siya pastor we durmamoyok, te manggudngona somsomok, ya ugod nan manlin-awa-ok.

Maika Duwampuro ya Lima we Iglato Sa Holy Spirit we Ummali

John 14:15-18; Acts 2:1-39

Sa daan Jesus mangulinan ad langit, imbagana’ ta disipulos na we itduna kan dida de nadiosan we Holy Spirit, simpuro pun we orgaw di naparabas we anna umayaw a’ Hesus ad langit, nadagup de disciplesna te ossa-an we lugar mailayo atte annae iglatu umman da pun maam-ammong dengngor da de ginga ot, sa sadi ye ginga sa Holy Spirit we nilumno’ kan dida te sadi imbagan Hesus. Sa sadi ye orgaw da losan we tugud Jerusalem loogda we guminga ante ansaba sabali we ginga sa kuwada e ginga de inusarda we nangiwaragawag atte ugod Apo Dios. Imbagada ta tagu de intullongda we kingwan Apodios. turun libo we tagu da nantawili ya nitun-od kan Hesus. Sa sana we orgaw nilong-ag de Holy Spirit atta tagu we amati kan Hesus. Nu dungron dak Hesus ya inwaragawagda da ugodna ta udum we tagu sika turon we amati kan Hesus.

Maika Duwampuro Ya Onom we Iglato Mangaddaran Taku De Padda

John 3:19-21, 8:12; 1 John 1:5-7

Nu daan de tagu mangapudyos isuna anna atte iglato we tagu we mangadkaddaran atte gi’bot mikadu kadus de mang gi’bot de ayuna, nu mamati taku atta ugud Apudyos isu taku annae tagu we mangadkaddaran atte ampadda, adipun mikadus uray nu lawingan de daran, kanan Hesus sakon de silaw ne lubong ngan kadda miburon kan sakon adinapun ayon de gi’bot itduna Holy Spirit atta amati kan siya.

Maika Duwampuro ya Pitu we Iglato Sa Burbaru We Tagu

Galatians 5:16-26; Ephesians 4:22-32; 2 Corinthians 5:17

Da losan we amati kan Jesus, barbaru da we tagu. Pion da we dongron losan we ugod Apodyos ya inkatagu da. Man-gappiya kan Apodyos te pinakawan na da basor da wot bummaru de mataguwan da. adinapon pion we paayon ak Apodyos. Sadi adinapun pion we makabasor atte mataguwanna. Adipun makadagdagas ka makatitiliw. Adipun man-aaw ya abus pagay ak Apodyos ak tangadon na. nu amati ka kan Jesus. Sa Holy Spirit ittan dika karobbongan we antallikud atta basor nu ya pus-an ambaru koom. Sadi de turon we ambaru we tagu.

Maika Duwampuro ya Waru we Iglato Sa Naapudyusan We Pamilya

Ephesians 5:21 - 6:4; 1 Peter 3:1-9

Nu ikatagun ni osa we pamilya da ugod Apodyos, tottowa we naristiyanowan da we pamilya. Pipiom we laraki de asawam we bobai ya pipiom we bobai de asawam we laraki, mantintinnurong kayo. Suruwan yu da anak yu we miton-ud kan Jesus. Sadi turon we mangibaga atte pammatim kan Apodyos. Sa kinabaknang de pamilya, ugali we ambaru. We tangtangadon da udom we tagu we isum we christiano. mangapudyos taku ta migodong da lawing we makmakwa atta mataguwan taku.

Sa Maika Duwampuro ya siyam we Iglato Layladom Da Kabusor Nu

Matthew 5:43-48; Luke 10:25-37

Imbagan Jesus atta mitonton-ud kan siya we ayaton yu da kabusor yo. Inistoryan Jesus de panggop atte osa we tagu we magadkaddaran atte karsa we amora-at. Sa anne tagu, inilan pun da akawan dinogdog da wot upan da binokbok. Oni kad luma-os de osa we tagu wot intollongna, bunobod na da sugat na wot inlugan na te dongkey na wot inyoyna te osa we boroy. Tinangkonana ingganak napilatan da sugat na. ippun kad waya na we manangkon bummaga atta udom we tagu ak manangkon ingganak bummaru sadi ye tagu. Kanan Jesus masapor we tongkonan taku ya ayaton ta da makasapor ak turong uray nu sabali ye ili ye ya sabali religion na. masapor we tangkonan ta de makasapor ak turong.

Sa Maikaturum Puru We Iglato Ak Jesus De Kangatuwan

Acts 19:18-20; Psalm 115:1-8; 1 John 3:8, 1 John 4:4

Da anne tagu te iglato, andiye sobgon da da sinan-apodios we awad kan dida te sigud we apodios son dak satanas. Yakon sa sana niburon da on kan Jesus. Aditaku makimot we annallikod kan satanas te nasoksokar ak Apodios nu ak satanas. Loog Jesus isarak ditaku nu duknag ak satanas atte long-ag taku. Nu dawaton taku kan Jesus we paadayuwom ak satanas kan sakon dongrona.

Maika Turompuru ya Ossaan we Iglato Iballo Taku Da Basur

Mark 5:1-20; James 4:7

Ingaw po osay tagu we managbasur we adimpun ni tali kan kaga we bobod loog barudon te ummandan de basor na. kanan Jesus da lawing we spirit we napnu te barukong na. kana e lumawa kayo we lawing we spiritu atte na we tagu wot naming da lummowa. Ak satanas ya da losan we lawing we espiritu, dongron dak Jesus. Takon kay nu amati ta kan Jesus nu adi ta ikatagu, ippun silbina. Ipiilam atte gunay nu kan ugod ya somsomok nu. Nu mangapodios ka masapor we ippun lugar satanas atte pusom. Pasig ka manluwaru nu igammom we awad de lawing we linumnok atte somsomok nu.

Maika Turumpuro ya Duwa we Iglato Solisog

Matthew 6:24; 1 Timothy 6:6-10; 1 Corinthians 10:13-14

Pasig satanas solisogon da igammu na we anak Apodios. Piona we sumina da kan Apodios, sa usaron satanas we sumulisog, pilak, silop, bayas, tobaco ya losan we makwa we dipun sumurot atta lintog Apodios. Kanam we Apodios banggam sakon ta adiyak masulisog atta anna losan. Sika tun-udok kanan satanas we siya piok we rumagsakan yu, bobai, akaw, ya gungat da tagu. Tuliyan ak satanas piona we isina ditaku kan Apodios. Antalek ka ot ewan kan Apodios.

Sa Maika Turumpuro ya Turo We Iglato Nu Makabasor Taku

Luke 15:11-32; 1 John 1:7-9

Nga-I makwa nu sa osa we amati kan Apodios nakabasor? Annaya estoryan Jesus, ingaw osa we tagu we tinaynanad boroyda wot umayaw. Upan ummoy nakabasor nakabobai, naka in-inom ya abus ak kingwa na ragragsak wot maamin de pilak na we inatod ama na. Dummatong pun de urat te innamin na pilak na, gudas we kidkidago. Kanana Apodios nakabosor rak, amod de babawik atta losan we kingwak. Inyakon mipuuliyak kan Amak. Pormokon nak nim pagay ak boroy ni? Pakawanon nak. Dummatong pun ak boroyda amod de layad Ama na. Pinakawan na anak na wot manlaylayad de angos na. nu antallikudan ta lawing we kingwata mapakawan ka yakon inturon ni mataguwan, adim orgon koon. Ak Apodios pakawanona da basor taku ya nipuuli taku kan siya. Issun ni annae ama atte estorya we namakawan atte anak na. kanan Jesus dakor we ragragsak ad langit nu babawiyon yo da losan we basor yo. Nu piom ipaila, da kinabaknang nud luta, ampakatam lintog Dios Ama, ta midaydayaw aggangwa.

Sa Maika Turumpuro ya Upat we Iglato Sa Sakit

Philippians 4:6-7; James 5:13-16

Ngi makwa kanditaku we masakit? Manluwaru ka kan Apodios, ibagam we koom ud de losan we bumaruwak. Agasan Apodios de sakit nu pionak. Pipion Apodios ditaku, ilisi ditaku ta doknog we lawing pasamak ak Jesus pabaruwona losan ya turungan ditaku nu masakit taku.

Sa Maika Turumpuro Ya Lima we Iglato Sa Katoy

1 Thessalonians 4:13-18; Hebrews 2:14-15; Revelation 14:13

Sa annae iglato, maila taku da anne tagu we manlibon sa katoy doknog latta konditaku katoy. Ngi makwa nu matoy taku? Sa kanan ni bibliya, nu matoy taku, sa kalorwa umoy kan Apodios ad langit. Da annae tagu we nanlibun amod de langdu da. Aditaku makimot we matoy pipion ditaku kan Apodios. nu nambabawi ka ta basor nu pornokon dika kan Apodios ad langit, da adipun mamati kan adipun ambabawi ta basor das adida namnamaon we makatatagu kan Apodios. Ummoy da te ippun anungos na we rigat atte apoy. Imusok kon dikayo, ngi ayan yu nu matoy kayo, sa apoy wenno ad langit atte agnanayon ne biag. Sa lam-ay we biag. De ayan taku wenno ad impiyernu.

Sa Maika Turumpuro ya Onom we Iglato Sa Long-ag Jesus We Apodios

1 Corinthians 12:12-31; Ephesians 4:11-16; 1 Peter 4:10

Sa kagamangay ni long-ag annat de midakitan na annat de panggop Apodios we nangwa losan atte kagamangay de long-ag taku. Sa atta para te tollong. Sa inga para te dodongor, sa sungad para te ginga. Ansipot losan da kagamangay ni long-ag, no awad masugat atta anna, losan ni bongru taku giknaon sa kanan Jesus sa bongru taku isuna simbaan. Siya uron ni long-ag ak Jesus. Siya gos atte simbaan. Nu awad ossaan ak managbasor atta umoy atte simbaan, da losan we kagamangay ni simbaan giknaon da. Nu upan ka umoy atte simbaan, ilam ta adi sika manada-il atte pontilyan Jesus mipanggop atte simbaan unay na adita umoy nu sika angitud ak makabasuran da udom. Ikatagum de pammatim ta adika masamkoy. Man-os-ossaan taku we amati kan Jesus ta mangatod takok dayaw kan Jesus, dayaw ni ili, dayaw ni long-ag. Ta silbiyan ditaku kan Apodios. umman taku tangkonan, bongru taku ya sa simbaan, ta awad midayawan, payan akay mataguwan.

Sa Maika Turumpuro ya Pitu we Iglato Sa Am-ammong ni Padayaw

Hebrews 10:24-25; 1 Cor. 11:23-34; Colossians 3:15-17

Da madagop we padayawan dak Jesus umoyda man-adar atte Bibliya. Manluwaru da, mankanta da we padayawan kan Jesus. Mangatod dak parabor ta mabindisyunan da apit da. Kanan Jesus lagipon yu natoyyak atte krus sa anna we iglato maila yu da anna we nadagop we mangan kan uminon. Sa anne isna we kanon da maipalagip de long-ag Apodios atte natoyan nat te krus. Sa bayas we inumon da sa daran Jesus we upan nantodtod atte nangikaru wana atta basor taku we tagu. Madagop taku losan ta ikagasmok takok inon Jesus we natoy ta uwayon taku mangulinan Jesus.

Maika turumpuro ya waro we Iglato Mangulin ak Jesus

John 14:1-3; 1 Thessalonians 4:13 - 5:4

Barang na we orgaw de mangulinan Jesus ad luta te sadi imbagana ippun ossaan ak mangigammo de mangulinana. Da namati kan Jesus we naabus natoy tumokwar da atte labaw ni luta ya da sissiya eh matattagu we amati kan Jesus, man-osossaan da ya miyabot kan Jesus ya oni kad nagbiag da ingganad langit. Da dipon namati mataynan da ya nanrigrigat dak ippun inggan. Ippun iggammu taku nu kam-an ni doknagana kan ditakod luta. Pasig taku gay sisasagana te inoras we uwayon taku’ siya. Osa a pagay we nakasagana we mangoway kan Apodyos. Loog nu pagay abton ak siya?

Maika turumpuro ya siyam we Iglato Nu Amunga

Matthew 7:15-20; Galatians 5:22-23; John 15:1-8

Sa anne annae kayu atte annae iglato amod de bunga na, nu miton-ud taku kan Jesus, amunga Espiritun Apudyos kan ditaku. Sa kanan ni Bible sa bungan kad ne Espiritun Apodyos atte long-ag taku, ayat, ragsak, talna, anus, binaron ni kopya, pammati kan Jesus ya loog taku we ilisi long-ag atta lawing ya mansokar ta we mangwa ta losan we ambaru. Kanan Jesus sakon de wakar, dikayo panga. Nu awad kayo kan sakon ya awadak kan dikayo, amunga taku losan. Da matoy we panga dida pun amunga, pokpokon da dida ya intungo da. Pion Jesus we amunga taku losan we awad kan siya. Dayaw taku kan Jesus ya tumurong taku ta udom we tagu ta adida masama te biag da.

Maika upatpuro we Iglato Takdoram de Pammatim

Matthew 28:18-20; Acts 1:8

Kanan Jesus atta miton-ud kan siya, inkayu ibaga ta udom we tagu de naila yu kan sakon, ibaga yu we da amati kan sakon, milisi da te basor, milisi dad impiyerno, ya milisi da te katoy. Nu osa ka we amati ipi-ilam atta mataguam de toron we arangwat da tagun Apodyos ta makaila da udom. Pasig otyan awad kan sika Espiritun Apodyos ta pumawo-pawot ka we matagu. Usarom denna we iglato we mangiwaragawag atta ugod Jesus we Apodyos ta maigammon da udom we tagu kinatottowaan ni mangapodyos, siya de amanbantay kaditaku ak Apudyos.