unfoldingWord 27 - قصة السامرى الصالح
![unfoldingWord 27 - قصة السامرى الصالح](https://static.globalrecordings.net/300x200/z42_Lk_10_09.jpg)
Oris: Luke 10:25-37
Številka scenarija: 1227
Jezik: Arabic, Sudanese: Khartoum
Občinstvo: General
Žanr: Bible Stories & Teac
Namen: Evangelism; Teaching
Svetopisemski citat: Paraphrase
Stanje: Approved
Skripte so osnovne smernice za prevajanje in snemanje v druge jezike. Po potrebi jih je treba prilagoditi, da bodo razumljive in ustrezne za vsako različno kulturo in jezik. Nekatere uporabljene izraze in koncepte bo morda treba dodatno razložiti ali pa jih bo treba celo zamenjati ali popolnoma izpustiti.
Besedilo scenarija
![](https://static.globalrecordings.net/300x200/z42_Lk_10_01.jpg)
فى يوم ، خبير فى الشريعة اليهودية جاء ليسوع. داير يورى اي زول انو تعاليم يسوع المسيح كان غلط. عشان كده هو قال: "يامعلم، انا لازم اعمل شنو عشان ارث الحياة الابدية؟"
![](https://static.globalrecordings.net/300x200/z42_Lk_10_04.jpg)
الراجل قال : "مكتوب حب الرب الهك من كل قلبك، نفسك ، قوتك ، فكرك. وتحب قريبك زي نفسك" . يسوع جاوب: "كلامك صح ! لوانت عملت ده، انت بترث الحياة الابدية" .
![](https://static.globalrecordings.net/300x200/z42_Lk_10_03.jpg)
لكن خبير الشريعة داير يوري الناس انو طريقة حياته كانت صح، عشان كده هو سال يسوع ، "كويس، ده منو قريبي؟"
![](https://static.globalrecordings.net/300x200/z42_Lk_10_05.jpg)
يسوع جاوب خبير الشريعة بحكاية قصة. "كان فى راجل يهودي مسافر فى الطريق من اورشليم لاريحا" .
![](https://static.globalrecordings.net/300x200/z42_Lk_10_06.jpg)
"لكن بعض الحرامية شافوه و هجموه. شالوا كل الحاجات الكان عندو و دقوه لحدي قرب يموت. بعد داك مشوا".
![](https://static.globalrecordings.net/300x200/z42_Lk_10_07.jpg)
"بعد فترة قصيرة، حصل انو كاهن يهودي يمشي بنفس الطريق. الكاهن ده شاف الراجل راقد فى الشارع. لمن هو شافو فات فى الاتجاه التانى من الطريق و واصل المشي. هو اتجاهل الراجل داك تماما" .
![](https://static.globalrecordings.net/300x200/z42_Lk_10_08.jpg)
ما شال زمن طويل بعدو جاء لاوي بالطريق، (اللاويين كانوا قبيلة من اليهود البساعدوا الكهنة في الهيكل). اللاوي كمان قطع فى الاتجاه التانى من الطريق. هو كمان اتجاهل الراجل داك" .
![](https://static.globalrecordings.net/300x200/z42_Lk_10_09.jpg)
"الزول المشي بعدو في الطريق داك كان راجل من السامرة. (السامريين و اليهود بكرهوا بعض) السامري شاف الزول فى الطريق. شاف انو كان يهودي، لكن لسه عنده حنية شديد ليهو. عشان كده هو مشي ليهو و ربط جروحه".
![](https://static.globalrecordings.net/300x200/z42_Lk_10_10.jpg)
"بعد داك السامري رفع الراجل في حماره. شالو فندق قريب في الشارع. استمر يهتم بيهو هناك" .
![](https://static.globalrecordings.net/300x200/z42_Lk_10_11.jpg)
"فى اليوم التاني ، السامري دايرعشان يواصل سفرو. ادي قروش لزول المسوؤل عن الفندق. قال ليهو: اهتم بالراجل ده. لو انت صرفت اي قروش زيادة من ده انا حادفع ليك لمن ارجع" .
![](https://static.globalrecordings.net/300x200/z42_Lk_10_12.jpg)
بعد داك يسوع سال خبير الشريعة، "انت بتفتكر شنو؟ ده منو من التلاتة رجال ديل كان قريب الراجل النهبو ودقو ؟" هو رد: "الزول الحنا ليهو" . يسوع قال ليهو: " امشي و اعمل نفس الحاجة".