unfoldingWord 41 - Jesupe Apã Wachu puãma manowe byche puare
Obrys: Matthew 27:62-28:15; Mark 16:1-11; Luke 24:1-12; John 20:1-18
Číslo skriptu: 1241
Jazyk: Ache
publikum: General
Účel: Evangelism; Teaching
Features: Bible Stories; Paraphrase Scripture
Postavenie: Approved
Skripty sú základnými usmerneniami pre preklad a nahrávanie do iných jazykov. Mali by byť podľa potreby prispôsobené, aby boli zrozumiteľné a relevantné pre každú odlišnú kultúru a jazyk. Niektoré použité termíny a koncepty môžu vyžadovať podrobnejšie vysvetlenie alebo môžu byť dokonca nahradené alebo úplne vynechané.
Text skriptu
Go tõallãngi wywy Jesupe djukabu wyra wachapyredji, go Judio ymachidjagi wywy, Jesudji kuallãngi, inama Pilatope: „Go kainangi Jesu inawe, manombu puãwerã brewipychã kreybu. Duwegi warõ ga reko go kuarewe wykopyre djãwẽ, go nonga nandje kua gatuwerã, dja kuere mudjãndygi narõllãwã dja echewe. Gobu inawerã mirõrã, gogi puãma manowegi wywy byche puare.“
Pilato inama: „Ra ga mondo tãrãllã tõallãngi, emi warõ gatu ga reko go kuarewe wykopyredji, go pendje kuaty nonga.“ Gobu gogi wywy mi wyche bykuapyre budjapyregi go ita kuarewe djãwã pechepyregidji. Gobu wedjama gope tõallãngi wywy, duwegi go echewe narõllãwã.
Go Jesu pechepyre krey krãpĩmbu, duwe kreybu go rõ bue djapollãndy krey. Judio wywy ollãwerã etakrã kuarewepe go kreybu. Go buare go bue djapollãndy krey krãpĩmbu, duwe koẽpadjebu tãrãllã kudjã inama, owã Jesu kuarewepe, bue teiwu gatu piywã Jesu echewedji.
Gobu ywy kuera chidja roma. Etakrã Apã Wachu buewegi mimbi gatu chono wera nonga wẽma bu ywadji. Gogi matãma go ita wachu go kuarewe pechewegi, emi wapyma go ita llabu. Go tõallãngi wywy kuarewedji warõwegi krymballã buchãndjiwa wama ywype kbe’e manowe nonga.
Go kudjã wywy kuarewepe wẽmbu, Apã Wachu buewegi inama gogi wywype: „Krymballãeme! Jesu ĩllãma kowepe. Gogi wẽma manowe byche puare, idja inawe nonga. Wechã kuarewe emi mai gami.“ Kudjã wywy maĩma kuarewe djãwãpe, emi wechãma Jesu eche endawe. Dja echewe ĩllãma gope!
Gobu go Apã Wachu buewegi inama kudjã wywype: „Amaty kua Jesu kuere mudjãndygi wywy endape, emi kiu mondo gogi wywype: Jesu wẽma o manowe byche puare. Gobu owerã pendje nondje Galilea rekuaty.“
Kudjã wywy krymballã buchã, ury gatuma emi. Gogi myrõma o, Jesu kuere mudjãndygi wywype kiuwã go djawu gatu.
Kudjã wywy obu, djawu gatu kiuwã Jesu kuere mudjãndygi wywype, Jesu wẽma bu idja chã ruwa. Gobu gogi wywy kmarãma idja chã ruwa. Jesu rõ inama: “Krymballãeme. Amaty kua emi kiu mondo cho kuere mudjãndygi wywype, owã Galilea rekuaty. Gope gogi wywy chope wechãwerã.”