unfoldingWord 24 - Joni Jisasimi Nom Marankemi
Obrys: Matthew 3; Mark 1; Luke 3; John 1:15-37
Číslo skriptu: 1224
Jazyk: Gadsup
publikum: General
Účel: Evangelism; Teaching
Features: Bible Stories; Paraphrase Scripture
Postavenie: Approved
Skripty sú základnými usmerneniami pre preklad a nahrávanie do iných jazykov. Mali by byť podľa potreby prispôsobené, aby boli zrozumiteľné a relevantné pre každú odlišnú kultúru a jazyk. Niektoré použité termíny a koncepty môžu vyžadovať podrobnejšie vysvetlenie alebo môžu byť dokonca nahradené alebo úplne vynechané.
Text skriptu
Joni Sekarayanuc Elisabetin kanda yikaci wemi anonic uemi profetic emi. Weni amac makafac wemi afasan anina yafunuci nemi kemori ayokac uwantam wacdoyuci ewami.
Amucna iniya wainta amac makafac Jonin awaya indirani yeno. Weni tiyime temi, "Yindum waikako, Koctinic inarum makuni acdekaci wemino!"
Anasi wanta Jonin awaya indireni yindum waecdami Joni nom manyinkemi. Manka dafitau yawaci yeromi Joni nom manyikemifo yindum waecde yenyic numouc iyen timam pacwan eno.
Manka dafitan yicnom waintau Joni tiyimemi, "Ikeni manda memani wami! Yindum waidec ikenyic manda anda yere ecako. Macden yay ayoku akam iyen irewanami akecyareni ikakimi acnintenone." Joni profetiuc tiram wayasac munkemi temi, "Onako, Teni tentic yokam wainta tankanami ikenkim yeremi ikenyic ani uwisintemi."
Manacon Jiuc Jonimi indaeni teno , eni Koctin akakac wefono. Joni yeweken tiyimemi, "Teni Koctin akaka wekauno, ten ticnaemi maya yemino. Weni Iyeno ukami waci teni amanka wen akar anamun tinkena nani iyen utufontecumpe."
Ena nurami Jisasi Joni nom marankanowani yemi. Joni onaremi macnintemi, "Onako! Mecyami Koctini sipisipi akacino, weni umacden iniya waintaucyic numo daon yinkan temino."
Joni Jisasin tamemi, "Teni amankakika uke emi nomi marakan tekaune. "Amami eni temi nomi mantikanonami." Afo Jisasi temi, "E ten nom mantikano mini antekan andaino." Jisasi numowac iye ewam wami Joni nomi marankemi.
Jisasi nom manaren nompinke uronimi Koctinic Acyun aumi nun ayuc emi kumem wen narompac kum mandemi. Kocti inarumpate macnin temi, "Eni ten tikac tiyikarac anom wanami, ten tinduni enamaci wemi."
Kocti Jonin tamemi, "Acyun aumi nomarankano nakaci kum wantemi. Mini waintai Koctin Akaci." Weni Koctiukami wemi. Afo Joni Jisasin nom marankaremi weni Koctin asimi indemi, Jisasi Koctin Akaci wami onemi, Acyunaum maci onemi.