unfoldingWord 05 - Thutiam Fa
![unfoldingWord 05 - Thutiam Fa](https://static.globalrecordings.net/300x200/z01_Ge_22_07.jpg)
දළ සටහන: Genesis 16-22
ස්ක්රිප්ට් අංකය: 1205
භාෂාව: Mizo
ප්රේක්ෂකයින්: General
ප්රභේදය: Bible Stories & Teac
අරමුණ: Evangelism; Teaching
බයිබල් උපුටා දැක්වීම: Paraphrase
තත්ත්වය: Approved
ස්ක්රිප්ට් යනු වෙනත් භාෂාවලට පරිවර්තනය කිරීම සහ පටිගත කිරීම සඳහා මූලික මාර්ගෝපදේශ වේ. ඒවා එක් එක් විවිධ සංස්කෘතීන්ට සහ භාෂාවන්ට තේරුම් ගත හැකි සහ අදාළ වන පරිදි අවශ්ය පරිදි අනුගත විය යුතුය. භාවිතා කරන සමහර නියමයන් සහ සංකල්ප සඳහා වැඩි පැහැදිලි කිරීමක් නැතහොත් ප්රතිස්ථාපනය කිරීම හෝ සම්පූර්ණයෙන්ම ඉවත් කිරීම අවශ්ය විය හැකිය, .
ස්ක්රිප්ට් පෙළ
![](https://static.globalrecordings.net/300x200/z01_Ge_16_01.jpg)
Abrama leh Saraii te Kanaan an thlen aṭanga kum sawm a liam hnu chuan, fâ an la nei ta chuang lova. Tin, Abrama nupui Saraii chuan a hnênah, “Pathianin fâ ka neih a remtih loh avang leh nau pai tûrin ka upat lutuk tawh avângin, ka chhiahhlawh Hagari hetah hian a awm a. Ani hi nupuiah nei la tichuan anin ka tan fâ mi hrinsak dawn nia,” a ti a.
![](https://static.globalrecordings.net/300x200/z01_Ge_16_02.jpg)
Tichuan, Abraman Hagari chu nupuiah a nei ta a. Hagari chuan fapa a hring a, Abraman a hmingah Ismaela a sa a. Ismaela chu kum sawmpathum a upa a lo nih chuan, Abrama hnenah Pathianin thu a sawi leh ta a.
![](https://static.globalrecordings.net/300x200/z01_Ge_15_04a.jpg)
Pathianin, “Kei hi Pathian engkimtitheia ka ni. Nangmah nen thu ka thlung dawn a ni,” a ti a. Tichuan Abrama chu lei si in a bawkkhup tâ a. Pathian chuan Abrama hnenah, “Hnam tam takte pâ i la ni ang a. Kanaan ram chu nang leh i thlahte hnênah an rochun atân ka la pê ang a, chatuan atan an Pathian ka ni ang. I inchhhunga mipa fa tawh phawt chû an serh i tansak tur a ni”.
![](https://static.globalrecordings.net/300x200/z01_Ge_17_01.jpg)
“I nupui Saraiin fapa a hring ang a-ani chu thutiam fa a ni ang. A hmingah Isaaka i sa tûr a ni. A hnênah thû ka la thlung ang, tin, ani chu chi ropui tak a la ni ang. Ismaela chu chi ropui takah ka la siam bawk ang, nimahsela, ka thuthlung chu Isaaka hnênah ka thlung ang,” a ti a. Tichuan, Pathianin Abrama hming chu Abrahama tiin a thlaksak ta a, chumi awmzia chû “mi tamtakte pâ” tihna a ni. Pathian chuan Saraii hming pawh Sari tiin a thlâksak a, a awmzia chu “ lalnû” tihna a ni.
![](https://static.globalrecordings.net/300x200/z01_Ge_21_02.jpg)
Chumi nî chuan Abrahaman a ina mipa awm zawng zawng te chu an serh a tansak tâ a. Kum khat vel hnuah chuan, Abrahama chu kum 100 a upa a lo ni ta a, Sari chu kum 90 a lo ni a, Sari chuan Abrahama chu fapa a hrinsak ta a. Pathianin a lo hriattir tawh angin a hmingah Isaaka an sa ta a.
![](https://static.globalrecordings.net/300x200/z01_Ge_22_01.jpg)
Isaaka chu rawlthar a rawn nihin, Pathianin Abrahama rinna chu a fiah a, a hnênah, “I fapa neih chhun Isaaka kha hruai la, ka hnênah inthawina atan hlan rawh,” a ti a. Abrahama chuan Pathian thu chu a awih a, a fapa chu inthawina atan a buatsaih ta a.
![](https://static.globalrecordings.net/300x200/z01_Ge_22_05.jpg)
Abrahama leh Isaaka chu inthawina hmun lama an kal laiin, Isaaka chuan, “Ka pa, inthawina tûr thing chu a awm a, mahse berâmno chu khawiah nge a awm?” a ti a. Abrahama chuan, “Ka fapa, inthawina tur beramno chu Pathianin a ngaihtuah chawp mai ang,” tiin a chhang a.
![](https://static.globalrecordings.net/300x200/z01_Ge_22_07.jpg)
Inthawina hmun an thlenin, Abrahama chuan a fapa Isaaka chu a phuar a, maichamah chuan a muttir a. A fapa tihhlum a tum lai takin Pathianin a hnenah, “Che tawh suh. Naupang chungah khân i kut thlak suh! Tûnah chuan ka tan i fapa neih chhun pawh i ui loh avângin min ṭih takzet tih ka hre ta,” a ti a.
![](https://static.globalrecordings.net/300x200/z01_Ge_22_08.jpg)
Abrahama chuan an bul hnai mai ah chuan berâmpa hnim buk zinga tâng a hmu a. Pathianin berâmpa chu Isaaka aiah inthawina atân a rawn pe ta a ni. Lawmtakin Abrahama chuan berampa chu inthawi nan a hlan ta a.
![](https://static.globalrecordings.net/300x200/z01_Ge_22_11.jpg)
Tin, Pathian chuan Abrahama hnênah, “Ka tân thil engkim, i fapa neih chhun tak pawh min pêk phal avângin, malsawm ka sawm ngei ngei ang che. I thlahte chu vana arsi zat aia tamin ka tipung ang. Ka thu i awih avangin i thlahah chuan khawvêla hnam tin an la thawveng ang,” a ti a.