unfoldingWord 05 - Құдай уәде еткен ұл
![unfoldingWord 05 - Құдай уәде еткен ұл](https://static.globalrecordings.net/300x200/z01_Ge_22_07.jpg)
දළ සටහන: Genesis 16-22
ස්ක්රිප්ට් අංකය: 1205
භාෂාව: Kazakh
ප්රේක්ෂකයින්: General
ප්රභේදය: Bible Stories & Teac
අරමුණ: Evangelism; Teaching
බයිබල් උපුටා දැක්වීම: Paraphrase
තත්ත්වය: Approved
ස්ක්රිප්ට් යනු වෙනත් භාෂාවලට පරිවර්තනය කිරීම සහ පටිගත කිරීම සඳහා මූලික මාර්ගෝපදේශ වේ. ඒවා එක් එක් විවිධ සංස්කෘතීන්ට සහ භාෂාවන්ට තේරුම් ගත හැකි සහ අදාළ වන පරිදි අවශ්ය පරිදි අනුගත විය යුතුය. භාවිතා කරන සමහර නියමයන් සහ සංකල්ප සඳහා වැඩි පැහැදිලි කිරීමක් නැතහොත් ප්රතිස්ථාපනය කිරීම හෝ සම්පූර්ණයෙන්ම ඉවත් කිරීම අවශ්ය විය හැකිය, .
ස්ක්රිප්ට් පෙළ
![](https://static.globalrecordings.net/300x200/z01_Ge_16_01.jpg)
Ыбырам мен Сарай Қанахан жеріне көшіп келгендеріне он жыл өтсе де, оларда әлі де балалары болмады. Сонда Ыбырамның әйелі Сарай оған: “Мен қартайдым, бала көтере алмаймын. Егер Құдай маған балалы болуды бұйырмаған болса, онда міне, менің күңім Ажармен жақындас. Осылай ол маған бала туып берсін.” — деді.
![](https://static.globalrecordings.net/300x200/z01_Ge_16_02.jpg)
Ыбырам солай істеді де. Ажар жүкті болып, өзін Сарайдан жоғары ұстай бастайды. Сонда Сарай бұған Ыбырамды кінәлады. Бірнеше уақыттан кейін Ажар ұлды болып, Ыбырам оған Ысмағұл деген ат қояды. Ысмағұл он үш жасқа толғанда, Құдай Ыбырамға тағы да сөйлейді.
![](https://static.globalrecordings.net/300x200/z01_Ge_15_04a.jpg)
Құдай Ыбырамға: “Мен құдіретті Жаратқан Иемін. Мен сенімен келісім жасаймын” — деді. Ыбырам Құдайдың дауысын естігенде, Оны құрметтеп етбетімен жерге жатты. Құдай сөзін жалғастырып былай деді: “Сен көптеген халықтардың түп атасы боласың. Мен Қанахан жерін саған және сенің ұрпақтарыңа беремін және олардың Құдайы боламын. Сонымен қатар отбасыңдағы әрбір еркек атаулыны сүндеттеуге тиістісің”.
![](https://static.globalrecordings.net/300x200/z01_Ge_17_01.jpg)
“Мен саған уәде еткендей сенің әйелің Сарай ұлды болады. Оның есімін Ысқақ деп қой. Мен онымен келісім жасаймын және одан ұлы халықты өрбітіп шығарамын. Ысмағұлдан да ұлы халықты өрбітіп шығарамын, бірақ келісімімді Ысқақпен орнатамын. Содан кейін Құдай Ыбырамның есімін Ыбырайым деп өзгертті”. Оның мағынасы “көптің атасы” дегенді білдіреді. Сонымен қатар Құдай Сарайдың да есімін Сара деп өзгертті. Оның мағынасы “ханша” дегенді білдіреді.
![](https://static.globalrecordings.net/300x200/z01_Ge_21_02.jpg)
Сол күні Ыбырайым үй ішіндегі еркек атаулының барлығын сүндетке отырғызды. Шамамен бір жылдан кейін, Ыбырайым жүз жаста, ал Сара тоқсан жаста болғанда, Сара Ыбырайымға ұл туып береді. Құдай айтқандай оның атын Ысқақ деп қояды.
![](https://static.globalrecordings.net/300x200/z01_Ge_22_01.jpg)
Ысқақ әлі кішкентай болған кезде, Құдай Ыбырайымның сенімін сынамақ болады. Ол Ыбырайымға: “Жалғыз ұлың Ысқақты Маған құрбандыққа шал” — деді. Ыбырайым бұл жолы да Құдайға мойынсұнып, өз ұлын құрбандыққа әкелуге дайындала бастады.
![](https://static.globalrecordings.net/300x200/z01_Ge_22_05.jpg)
Ыбырайым мен Ысқақ құрбандық шалатын орынға келе жатқанда Ысқақ әкесінен: “Әке, құрбандық шалатын отын бар, ал тоқты қайда?” деп сұрағанда, Ыбырайым: “Балам, құрбандыққа шалатын тоқтыны Құдайдың Өзі береді” деді.
![](https://static.globalrecordings.net/300x200/z01_Ge_22_07.jpg)
Олар құрбандық шалатын орынға жеткен кезде, Ыбырайым Ысқақты байлап сол орынға жатқызады. Ысқақты өлтірейін деп жатқанда, Құдай былай дейді: “Тоқта! Ұлыңа тиіспе! Мен үшін жалғыз ұлыңды аямағаныңа қарап, Мені қастерлейтініңе көзім жетті!”.
![](https://static.globalrecordings.net/300x200/z01_Ge_22_08.jpg)
Сол кезде Ыбырайым бұтақтар арасында шырмалып қалған қошқарды көреді. Бұл Ысқақтың орнына кұрбандыққа жіберілген Құдайдың тоқтысы еді. Ыбырайым сол қошқарды алып, қуана құрбандыққа шалады.
![](https://static.globalrecordings.net/300x200/z01_Ge_22_11.jpg)
Сонда Құдай Ыбрайымға былай дейді: “Менен жалғыз ұлыңды аямағаның үшін Мен сені жарылқаймын. Ұрпағыңның саны аспандағы жұлдыздардай көп болады. Менің сөзіме құлақ асқаның үшін жер бетіндегі бүкіл халықтар сен арқылы Менің ақ батама ие болады!” — деп уәде берді.