unfoldingWord 05 - Ukadukan Inta
![unfoldingWord 05 - Ukadukan Inta](https://static.globalrecordings.net/300x200/z01_Ge_22_07.jpg)
දළ සටහන: Genesis 16-22
ස්ක්රිප්ට් අංකය: 1205
භාෂාව: Gadsup
ප්රේක්ෂකයින්: General
ප්රභේදය: Bible Stories & Teac
අරමුණ: Evangelism; Teaching
බයිබල් උපුටා දැක්වීම: Paraphrase
තත්ත්වය: Approved
ස්ක්රිප්ට් යනු වෙනත් භාෂාවලට පරිවර්තනය කිරීම සහ පටිගත කිරීම සඳහා මූලික මාර්ගෝපදේශ වේ. ඒවා එක් එක් විවිධ සංස්කෘතීන්ට සහ භාෂාවන්ට තේරුම් ගත හැකි සහ අදාළ වන පරිදි අවශ්ය පරිදි අනුගත විය යුතුය. භාවිතා කරන සමහර නියමයන් සහ සංකල්ප සඳහා වැඩි පැහැදිලි කිරීමක් නැතහොත් ප්රතිස්ථාපනය කිරීම හෝ සම්පූර්ණයෙන්ම ඉවත් කිරීම අවශ්ය විය හැකිය, .
ස්ක්රිප්ට් පෙළ
![](https://static.globalrecordings.net/300x200/z01_Ge_16_01.jpg)
Kenanic Abrami wen anac Sara yekanda oweni tiyankar orande mandeni amac iyem makenoyo. Afo Sara Abramin tamemi, "Kocti ecaci maro ayokunkeci amac iyem marecumpe. Mana Haga tentic yokar akintam wemifo wemac wa mande am mac timeno."
![](https://static.globalrecordings.net/300x200/z01_Ge_16_02.jpg)
Abrami Haga mac maremi. Haga aninta macdami Abrami Ismailinen tiren awic demi. Sarai Hagaimi oni ankac ankemi. Ismaili 13 orande uonimi, Kocti Abramin namac yeweken asemi.
![](https://static.globalrecordings.net/300x200/z01_Ge_15_04a.jpg)
Kocti temi, "Teni Kocti anon eran dukanom weci en namaci wayay andaontecumpe." Abrami mini indiremi acnom maka ankemi. Kocti yeweken tamemi, "Eni mana makakac amucna iniya waintauc yifom wanonamino. En namac en anawasinuc namaci Kenanic makan yimenani yeyaric muraci teyandawaci yenyic Koctim penandac penandac wantecumpe. Micnim mukemifo en ankunkinke pumara wantauc wanayou umacdenac yimundare yinda akeyac yinkano.
![](https://static.globalrecordings.net/300x200/z01_Ge_17_01.jpg)
"En anac, Sara aninta marantemino weni ukackan intam wantemifo Aisakinewac teno. Wen namaci wayay andauranami wenkinkem maro anon iniya wainta kukam minteno. Ismailin kinke waci anon iniya wainta kukam mintenofo, tentic tiyini Aisakin namaci wantemi." Micnuremi Abramin awic waeceken Abrahaminen temi. Mini awic andai macnim mukemi "amucna iniya waintauc yifonen tikemi." Kocti Sarain awic waci waeceken Sarahnen temi. Mini awic andai macnim mukemi "anonic ukam wainta anaci."
![](https://static.globalrecordings.net/300x200/z01_Ge_21_02.jpg)
Mini nuramanan Abrahami afonintauc wenamac weyouc yimunda remi yinda aka yinkemi. Amanka mana orande acnaimpaci Abrahami 100 orandec uimi Sarah 90 orande uemi Abrahamin akac makemi. Yeni Kocti tinic ureni Aisakine tireni awic ameno.
![](https://static.globalrecordings.net/300x200/z01_Ge_22_01.jpg)
Aisaki pumarac uonimi Kocti Abrahamin andum munkini amam makemi temi, "Aisakim mana intamanan dukeona awicmare maro arure tempac akonkec ono." Yeweken Abrahami Kocti tim waya awakundemi wen akac akonke inanin tesac emi.
![](https://static.globalrecordings.net/300x200/z01_Ge_22_05.jpg)
Ye untafo akonkec inayom makufac asapac pa wewayomi Aisaki wen afon indaen temi, "Tentifo, akonke onuna ikam wemifo akac sipisipi inkec wenafi?" Abrahami yeweken tamemi, "Kocti weni sipisipi akac timinaci akonke ontecumpe, ten tikako."
![](https://static.globalrecordings.net/300x200/z01_Ge_22_07.jpg)
Akonke inayom makusa oromi, Abrahami wen akac Aisakin anda uekemi akonke inanin kandandafac demi. Wen akac ampisirar onimi Kocti temi, "Mikac pakano! Aninta iye arono! Make onec umpe eni ten tikani pekanami, newarafi eyaka mana inta ten timiran iyem pakanami."
![](https://static.globalrecordings.net/300x200/z01_Ge_22_08.jpg)
Abrahami afom memen yasin ukukuntami onemi. Kocti akonke okowani memen yimemi, mini Aisakinic makuni maremi. Abrahami amoyintinke mini memen omanden akonkec emi.
![](https://static.globalrecordings.net/300x200/z01_Ge_22_11.jpg)
Yeweken Kocti Abrahamin tamemi, "Newarafi en anduntinken temi masicden anecne timemi enakac waci timenami, teni emi wayani ukacdec akocdankarec amekuna. En akafandauc wayouci inarun akunkaci weyon amankaci amucnaickukam minteno. Newarafi eni ten tiwayani indiremi awakurona foni masicdem mana makakac weyou en ankunkinke awacwac maranteno."