unfoldingWord 27 - История лачё самарянино
План-конспект: Luke 10:25-37
Номер текста: 1227
Язык: Romani, Baltic
Aудитория: General
Цель: Evangelism; Teaching
Features: Bible Stories; Paraphrase Scripture
статус: Approved
Сценарии - это основные инструкции по переводу и записи на другие языки. Их следует при необходимости адаптировать, чтобы сделать понятными и актуальными для каждой культуры и языка. Некоторые используемые термины и концепции могут нуждаться в дополнительном пояснении или даже полностью замещаться или опускаться.
Текст программы
Екхвар кэ Иисусо явья мануш, саво джиндя иудейско законо ваш дова, соб тэ сыкавэ манушэнгэ, со сыклярибэн Иисусоско исыс нанэ дасаво, пал дова ёв пхэндя: «Учителё, со мэ тэ кэрав, соб тэ авэл вечно джюипэн?» и Иисусо лэстыр пуча: «А со чиндо дэ Дэвлэско Законо?»
Одова мануш пхэндя: «Дэ лэстэ пхэндо: "Кам пэскирэ Дэвлэс, сарэ илэса тырэса, сарэ зорьяса и годяса. И кам кон паш тутэ, сыр камэско коро пэс"». Иисусо пхэндя: «Ту чачё пхэндян! Сыр ту ада кэрэса, то авэла тутэ вэчно джиипэн»
Мануш саво куч джинел законо камня тэ сыкавэл манушэнгэ, со лэскиро джюпэн чачуно, пал дава ёв пуча кэ Иисусо: «А кон мангэ пэскиро?»
Иисуса роспхэндя адалэскэ манушэскэ екх история: «Екхвар екх биболдо джялас Иерусалимостыр дэ Иерихоно.
Пир дром пэ лэстэ чурдынэпэ чёра. Ёнэ отлынэ саро, со лэстэ сыс, до мардэ дякэ со ёв гин мэя, а тэнче у нашны.
Сыго пир дава дром проджялас биболдытко рашай. Ёв дыкхья, со пэ дром пашло мануш, нэ перегия пэ авир боко. Тэнче рашай гия дурэдыр пир пэско дром, на протырдыя лэскэ васт, и надыя лэскэ со трэби.
Тэнче пир дром проджялас левито. Левито – ада биболдэ родостыр Левия, саво служил дэ кхэр Дэвлэско. Ёв подгия, подыкхья пэ далэ манушэстэ и гия дурэдыр.
Пал левитостэ пир дава дром джялас мануш из Самарии. Дэ дола дэвэса самаряни и биболдэ на камэнас екх екхэс и наракирэнас машкир пэстэ. Самарянино удыкхья пэ дром помардэс манушэс. Ёв полыя, со адава мануш биболдо, нэ ёв всаек протырдыя лэскэ васт. Самарянино подгия кэ ёв и перепхандя лэскирэ дукха.
Тэнче ёв гадыя лэс, чидя пэ пэскирэ ослостэ и отлыджия дэ гостиница, сави исыс пашэ дром. Одой самарянино дякэ ж дыкхэлас пал лэстэ.
Пэ авир дывэс самарянино трэби сыс тэ джял дурэдыр. Ёв дыя ловэ манушэскэ, саво сыс хулай дэ гостиница, и пхэндя: «Подык пал кадалэ манушэстэ. Сыр ту роскэрэса ловэ бутыр долэстыр, со мэ тукэ дыём, мэ до покинава тукэ сыр рисёвава»
Иисусо пуча кэ мануш саво куч джинэл законо: «Сыр ту думинэс, кон лэндыр тринэндыр исыс пэскиро ваш манушэскэ, савэс обчёрдэ чёра и измардэ?» Ёв пхэндя: «Одова, саво на очядя лэс дэ пхарипэн: «джя и кэр дякэ ж и ту».