unfoldingWord 15 - ارض الموعد

فى النهاية جاء الوقت الاسرائيليين يدخلوا كنعان ، ارض الموعد . فى الارض داك فى مدينة اسمها اريحا . كانت حولها حييط قوية عشان بتحميها . يشوع رسل جاسوسين لمدينة ديك . فى المدينة ده مراة زانية اسمها راحاب كانت ساكنة هناك . هى دست اتنين جواسيس واخيرا ساعدتهم عشان يهربوا من المدينة . عملت كده عشان هى امنت بالله . هم وعدوها انو يحموها هى و اسرتها لمن الاسرائيليين يدمروا اريحا .

الاسرائيليين عليهم ان يعبروا نهر الاردن عشان يخشوا ارض الموعد . الله قال ليشوع ، "خلى الكهنة يمشوا اولا" . لمن الكهنة بدوا يدخلوا نهر الاردن ، جريان الموية وقف عشان الاسرائيليين يقدروا يعبروا لارض الناشفة فى الاتجاه التانى .

بعد ما الشعب عبروا نهر الادرن ، الله قال ليشوع يستعد عشان يهجم مدينة اريحا ، برغم انو كانت قوية شديد الله قال لشعب انو الكهنة و الجيش يمشوا حول المدينة مرة واحدة كل يوم لمدة ستة ايام . كمان الكهنة و الجيش عملوا ده .

بعد داك فى اليوم السابع ، الاسرائيليين مشوا حول المدينة سبعة مرات اضافية . بعد ما مشوا حول المدينة سبعة مرات ، الكهنة نفخوا الابواق و الجيش صرخوا .

بعد داك الحييط حول اريحا وقعت ! و الاسرائيليين دمروا كل شي فى المدينة زى ما كان الله امرهم . ما خلوا الا راحاب و اسرتها ، البقوا جزء من الاسرائيليين . لمن الشعب التانين الساكنين فى كنعان سمعوا انو الاسرائيليين دمروا اريحا ، بقوا فى حالة خوف شديد لانو احتمال الاسرائيليين حيهاجموهم كمان .

الله امر الاسرائيليين انو ما يعملوا اتفاق سلام مع اى مجموعات فى كنعان . ولكن واحد من مجموعات الشعب الكنعاني ، اسمهم الجبعونيين كذبوا ليشوع وقالوا انو هم من مكان بعيد من كنعان و طلبوا من يشوع اتفاقية سلام ، يشوع وقادة الاسرائيليين التانيين ما سالوا الله فى الحاجة المفترض يعملوا بدل ده عملوا اتفاقية سلام مع الجبعونيين.

بعد تلاتة ايام الاسرائيليين اكتشفوا انو الجبعونيين فعلا ساكنين فى كنعان .كانوا زعلانين لانو الجبعونيين غشوهم ، لكن حفظوا اتفاقية السلام العملوها معهم لانها كانت وعد قدام الله . بعد داك فى وقت تانى مجموعة ملوك ناس تانين فى كنعان . الامورييين سمعوا انو الجبعونيين عملوا اتفاقية سلام مع الاسرائيليين ، عشان كدا جمعوا جيوشهم فى جيش واحد كبيرو هجموا جبعون . الجبعونيين رسلوا رسالة ليشوع دايرين مساعدة .

عشان كدة يشوع جمع كل جيش الاسرائيليين و مشىوا الليل كله عشان يصلوا للجبعونيين . وفى الصباح بدرى فاجئوا جيش الاموريين و هاجموهم .

الله حارب لاجل اسرائيل فى اليوم داك . خلى الاموريين يكونوا مشوشين . و رسل ليهم حجار تلج كبيرة من السماء قتلت كتير من الاموريين .

الله برضو خلى الشمس يقيف فى مكان واحد فى السماء عشان اسرائيل يكون عندو زمن كفاية ليهزم الاموريين نهائيا . فى اليوم داك ، الله عمل انتصار عظيم لاسرائيل .

بعد ما الله هزم الجيوش ديل ، مجموعات كتيرة من الكنعانيين لموا سوا عشان يهجموا اسرائيل ، يشوع و الاسرائيليين هجمهم و دمرهم .

بعد المعارك ديل الله ادى كل قبيلة من قبائل اسرائيل جزء خاص من ارض الموعد . بعد داك الله ادى اسرائيل سلام على كل حدودها .

لمن يشوع بقى عجوز نادى كل شعب اسرائيل سوا بعد داك يشوع ذكرهم بوعدهم انو يطيعوا عهد الله العملوا مع الاسرائيليين فى جبل سيناء . الشعب وعدوا انو يكونوا امينين و بطيعوا ناموس الله .