unfoldingWord 39 - ईसू कर जाँच परख
![unfoldingWord 39 - ईसू कर जाँच परख](https://static.globalrecordings.net/300x200/z41_Mk_14_35.jpg)
Contur: Matthew 26:57-27:26; Mark 14:53-15:15; Luke 22:54-23:25; John 18:12-19:16
Numărul scriptului: 1239
Limba: Surgujia
Public: General
Gen: Bible Stories & Teac
Scop: Evangelism; Teaching
Citat biblic: Paraphrase
Stare: Approved
Scripturile sunt linii directoare de bază pentru traducerea și înregistrarea în alte limbi. Acestea ar trebui adaptate după cum este necesar pentru a le face ușor de înțeles și relevante pentru fiecare cultură și limbă diferită. Unii termeni și concepte utilizate pot necesita mai multe explicații sau chiar pot fi înlocuite sau omise complet.
Textul scenariului
![](https://static.globalrecordings.net/300x200/z41_Mk_14_29.jpg)
ओतना घरी आधा राती रहीस। सिपाही मन ईसू ला जाच परक करे बर महा याजक जग ले गईन। ओही घरी पतरस हर दुरिहा ले ओकर पीछु पीछु आवत रहीस। जे घरी ईसू ला घर कर भीतरी ले गईन ते घरी पतरस हर बैहरी कती आगी तापत रहीस।
![](https://static.globalrecordings.net/300x200/z41_Mk_14_31.jpg)
घर कर भीतरी यहूदी अगुवा मन ईसू कर जाच करीन। ईसू कर बारे में झूट बोले बर ओमन ढ़ेरे अकन झूटा गवाह मन ला लानीन। लेकिन ओमन कर गोईठ हर एक दूसर झन ले ताल मेल नई होईस। एकरले यहूदी अगुवा मन ईसू कर कोनों बात में दोसी नई ठहराए पाईन काबर की ईसू हर काहीं गलती नई करे रहीस।
![](https://static.globalrecordings.net/300x200/z41_Mk_14_33.jpg)
सब ले पाछू महा याजक हर इटोर के ईसू कती देखीस अऊ पूछीस की “हमके मनला बता का तैं जीवित परमेसवर कर बेटा मसीहा हवस?”
![](https://static.globalrecordings.net/300x200/z41_Mk_14_34.jpg)
ईसू हर कहीस “मैं हवों अऊ तैं मोके परमेसवर कर संगे बईठल अऊ सवरग ले आवत देखबे। एकरले महा याजक हर गुस्सा में अपन ओढना ला चीर देहीस अऊ दुसर अगुवा मन ला चिकर के कहीस “हमन मनला अऊ गवाह मन कर काही जरूरत नई हवें। तुमन मन सुन लेहे हा ईसू हर कहीस की ओहर परमेसवर कर बेटा लागे। अब तुमन कर का फैसला हवें।
![](https://static.globalrecordings.net/300x200/z41_Mk_14_35.jpg)
जम यहूदी अगुवा मन महा याजक ला उत्तर देहीन “एहर तो मृत्यु कर लाईक हवें। फेर ओमन ईसू कर आंएख में पट्टी बाँध देहीन अऊ ओकर ऊपर थूकीन, ओके मारीन अऊ ओकर मजाक उडाईन।
![](https://static.globalrecordings.net/300x200/z41_Mk_14_36.jpg)
पतरस हर घर कर बहिरे ढडहोए रहीस। एक ठे दासी हर ओके कहीस “तहूँ तो ईसू कर संगे रहे?” पतरस हर कहिस की “में नई रहें।” तनिक जुवार कर पाछू एक दुसर दासी हर ओही गोईठ ला कहीस। पतरस हर फेर कहीस की “में नई रहें”। सब ले पाछू आदमी मन कहीन की “हम जानत हन की तैं ईसू कर संग रहे काबर की तुमन दुनों झे गलील कर लागा।
![](https://static.globalrecordings.net/300x200/z41_Mk_14_38.jpg)
पतरस हर किरिया खाईस अऊ कहीस “अगर मैं एके जानत होहूँ त परमेसवर हर मोके सराएप दे।” एकेच दाएर मुर्गी हर बासीस अऊ ईसू हर पीछू कती किन्देर के पतरस ला देखीस।
![](https://static.globalrecordings.net/300x200/z41_Mk_14_39.jpg)
पतरस हर ओ जग ले चल देहीस अऊ सिसक सिसक के रोए लागीस। यहूदा हर देखीस की यहूदी अगुवा मन ईसू ला मारे कर फैसला करीन हवे। एला देख के यहूदा कर जीव में ढ़ेरे दुख लागीस अऊ जाएके फसियाए के मर गईस।
![](https://static.globalrecordings.net/300x200/z41_Mk_15_02.jpg)
पतरस हर ओ जग ले चल देहीस अऊ सिसक सिसक के रोए लागीस। यहूदा हर देखीस की यहूदी अगुवा मन ईसू ला मारे कर फैसला करीन हवे। एला देख के यहूदा कर जीव में ढ़ेरे दुख लागीस अऊ जाएके फसियाए के मर गईस।
![](https://static.globalrecordings.net/300x200/z41_Mk_15_03.jpg)
ईसू हर उत्तर देहीस “तैं अपने अपन कहत हवस, लेकिन मोर राएज धरती कर राएज नई हवे। अगर होतीस त मोर सेवक मन मोर बर लड़तीन। में ए प्रथ्वी में परमेसवर कर सच्चाई ला बताए बर आये हवों। जे सत्य ले मया करथे ओ मोर गोईठ ला सुनथे।” पीलातूस हर पूछीस कि “सत्य का हवे?”
![](https://static.globalrecordings.net/300x200/z41_Mk_15_04.jpg)
ईसू कर संग गोठियाए कर बाद पीलातूस भीड़ जग जाएके कहीस “मैं ए आदमी में काही दोष नई पाएं। लेकिन यहूदी अगुवा मन अऊ भीड़ हर चिकर के कहीन की “एके क्रूस में चढ़ावा”। पिलातूस हर उत्तर देहीस की “एहर काही गलती नयी करिस हवे अऊ ओमन जोर जोर से किरलाईन। फेर पिलातूस हर तीन दाएर ले कहीस कि “एहर दोसी नई हवे।”
![](https://static.globalrecordings.net/300x200/z41_Mk_15_05.jpg)
पिलातूस हर डराए लागीस की भीड़ हर दंगा करही एकरले अपन सिपाई मन ला आगियां देहीस की ईसू ला क्रूस में चढाए। रोमी सीपाई मन ईसू ला पीटीन अऊ राज वस्त्र ला पहिराईन अऊ मुड़ी में कनटा कर पगरी रख देहीन। फेर ओमन ईसू कर निन्दा करीन “देखा ए यहूदी मन कर राजा”।