unfoldingWord 24 - يوحنا يعمد يسوع
![unfoldingWord 24 - يوحنا يعمد يسوع](https://static.globalrecordings.net/300x200/z40_Mt_03_08.jpg)
Contur: Matthew 3; Mark 1; Luke 3; John 1:15-37
Numărul scriptului: 1224
Limba: Arabic, Sudanese: Khartoum
Public: General
Gen: Bible Stories & Teac
Scop: Evangelism; Teaching
Citat biblic: Paraphrase
Stare: Approved
Scripturile sunt linii directoare de bază pentru traducerea și înregistrarea în alte limbi. Acestea ar trebui adaptate după cum este necesar pentru a le face ușor de înțeles și relevante pentru fiecare cultură și limbă diferită. Unii termeni și concepte utilizate pot necesita mai multe explicații sau chiar pot fi înlocuite sau omise complet.
Textul scenariului
![](https://static.globalrecordings.net/300x200/z40_Mt_03_01.jpg)
يوحنا، ولد زكريا و اليصابات، كبر و بقى نبى. سكن فى البرية، بياكل عسل البرية و الجراد و بلبس ملابس عملوها من صوف الجمل .
![](https://static.globalrecordings.net/300x200/z40_Mt_03_02.jpg)
ناس كتير خرجوا للبرية عشان يسمعوا ليوحنا. هو بشرهم وقال ليهم : "توبوا، لان ملكوت الله قريب!"
![](https://static.globalrecordings.net/300x200/z40_Mt_03_03.jpg)
لمن الناس سمعوا رسالة يوحنا، كتار منهم تابوا من خطاياهم و يوحنا عمدهم. كمان كتير من القادة الدينين جوا عشان يشوفوا يوحنا، لكن هم ما تابوا ولا اعترفوا بخطاياهم.
![](https://static.globalrecordings.net/300x200/z40_Mt_03_04.jpg)
يوحنا قال للقادة الدينين: "انتو دبايب سامة! توبوا و غيروا سلوككم . الله حيقطع اي شجرة الما بتجيب ثمر كويس، حيرميها فى النار" . يوحنا تمم القالوا الانبياء، "شوفوا ، انا قريب برسل رسولى قدامك، البجهز طريقك" .
![](https://static.globalrecordings.net/300x200/z42_Lk_03_06.jpg)
بعض من القادة الدينين سالوا يوحنا لو كان هو المسيا. يوحنا جاوب "انا ما المسيا لكن هو جاى بعدى . هو عظيم شديد حتى انا ما بستحق افك رباط نعاله".
![](https://static.globalrecordings.net/300x200/z43_Jn_01_04.jpg)
فى اليوم التاني، يسوع جاء ليوحنا عشان يعمدو، لمن يوحنا شافو قال: "شوفوا! ياهو داك حمل الله البشيل خطايا العالم" .
![](https://static.globalrecordings.net/300x200/z40_Mt_03_07.jpg)
يوحنا قال ليسوع: "انا ما بستحق عشان اعمدك. انت المفترض تعمدنى بدل ده ". لكن يسوع قال: "انت المفروض تعمدنى . لانو ده الحاجة الصح عشان تعمله". يوحنا عمده رغم انو يسوع ما عمل خطية ابدا .
![](https://static.globalrecordings.net/300x200/z40_Mt_03_08.jpg)
لمن يسوع طلع من الموية بعد ما عمدو، روح الله ظهر فى شكل حمامة و نزل و استقر عليهو . فى نفس الزمن، الله اتكلم من السماء. وقال: " انت ابني ، انا بحبك و انا فرحان بيك شديد" .
![](https://static.globalrecordings.net/300x200/z40_Mt_03_05.jpg)
الله كلم يوحنا: "الروح القدس حينزل ويستقر علي زول انت عمدتو . الزول ده هو ابن الله". فى الله واحد بس . لكن لمن يوحنا عمد يسوع، هو سمع الله الاب بتكلم، شاف الله الابن، هو يسوع، و شاف الروح القدس.