unfoldingWord 11 - Kalhlen Kut
Contur: Exodus 11:1-12:32
Numărul scriptului: 1211
Limba: Mizo
Public: General
Gen: Bible Stories & Teac
Scop: Evangelism; Teaching
Citat biblic: Paraphrase
Stare: Approved
Scripturile sunt linii directoare de bază pentru traducerea și înregistrarea în alte limbi. Acestea ar trebui adaptate după cum este necesar pentru a le face ușor de înțeles și relevante pentru fiecare cultură și limbă diferită. Unii termeni și concepte utilizate pot necesita mai multe explicații sau chiar pot fi înlocuite sau omise complet.
Textul scenariului
Pathian in Pharaoa hnênah, Israelte a chhuahtîr loh chuan Aigupta mi fatir mipa zawng zawng leh ran piang hmasa ber te chu tihhlum a tum thu a hriattîr ta a. Pharaoan chu thu chu a hriatin, Pathian thu rin leh a thu zawm chu a la duh chuang lo a.
Pathian chuan amah ringtute tan an fa tir te chu chhanhima an awm theih dan tur kawng a buatsaihsak a. Chhungkaw tin chuan berâm no sawiselbo an thlang ang a, an tihlum tur a ni.
Pathian chuan Israelte hnênah chuan berâm no thisen chu an kawngka biangah leh kawngka lu chungah te an tât ang a, a sa chu an rawh ang a, chhang dawidim telh loh nen hmanhmawh takin an ei tur a ni tiin a hrilh a. An ei hunah pawh Aigupta ram chhuahsan thei turin an inpeih reng tur a ni tiin a hriattîr bawk a.
Israelte chuan Pathianin thu a pêk ang zelin thil engkim an ti a. Zan laiah chuan Pathian chuan Aigupta ram chu a rawn fang a, Aigupta mi fatir mipa zawng zawng te chu a rawn tihlum ta a.
Israel chhungkaw tinte chuan an kawngka biangah leh an kawngka lu chungah thisen an tah avangin Pathian chuan chung in te chu a kal hlên a. Inchhunga awm zawng zawng te chu an hîm a. Berâmno thisen avang chuan an hîm ta a ni
Amaherawhchu, Aigupta mite chuan Pathian thupêk chu an ring lova, an zawm hek lo. Chuvangin, Pathianin an in te chu a kalhlen lova. Aigupta fa tir mipa zawng zawngte chu a tihlum ta a.
Aigupta mi, mipa fa tir tawh phawt chu, tânina tang aṭanga Pharaoa fa tir thlengin, an thi ta vek a. Aigupta rama mi tâm tak te chu thil lungchhiatthlak tak rawn thleng avang chuan nasa takin an ṭap a ni.
Chumi zan la la chuan, Pharaoa chuan Mosia leh Arona chu a kova, an hnênah, “Israel mite hi hruai ula, Aigupta hi chhuahsan nghal rawh u,” a ti ta a. Aigupta mipuite pawh chuan Israel mite chu chhuak nghal tûrin an tur ta sek a.