unfoldingWord 01 - सृष्टि
Esboço: Genesis 1-2
Número do roteiro: 1201
Idioma: Surgujia
Tema: Bible timeline (Creation)
Público alvo: General
Tipo: Bible Stories & Teac
Propósito: Evangelism; Teaching
Passagem bíblica: Paraphrase
Estado: Approved
Os roteiros são guias básicos para a tradução e gravação em outros idiomas. Devem ser adaptados de acordo com a cultura e a língua de cada região, para fazê-lo relevante. Certos termos e conceitos podem precisar de uma explicação adicional ou mesmo serem omitidos no contexto de certos grupos culturais.
Texto do roteiro
जम जाएत कर शुरू एकस होईस। परमेसवर हर जम जगहा ला छव दिन में बनाईस। परमेसवर हर जे घरी भूईया ला बनाईस, ते घरी भूईया हर अंधार अऊ खाली रहीस। ओमे काही जाएत नई बनाल रहीस। ते घरी परमेसवर कर आतमा हर पानी कर ऊपरे ऊपरे किन्दरत रहीस।
जे घरी परमेसवर हर कहिस इंजोर होएजा, ते घरी इंजोर होए गईस। परमेसवर हर देखीस की इंजोर हर सुघर हवे अऊ ओला दिन कहिस। ओहर इंजोर ले अंधार ला अलगे करिस अऊ अंधार ला राती कहिस। सिरजे कर आगू दिन परमेसवर हर इंजोर ला बनाईस।
सिरजे कर दुसर दिन परमेसवर हर कहिस अऊ भूईया कर ऊपरे बदरी हर बएनगईस। परमेसवर हर बदरी ला बनाईस अऊ ऊपर कर पानी ले खाले कर पानी ला अलगे करिस।
तीसर दिन परमेसवर हर कहिस अऊ पानी अऊ झुरा जगहा ला अलगे करिस। ओहर झुरा जगहा ला भुइया कहिस अऊ पानी ला समुदर कहीस। त परमेसवर हर देखीस की जेतरा जाएत ला बनाए रहीस ओहर ढ़ेरे सुघर हवे।
परमेसवर हर कहिस सब जाएत कर रुख अऊ गांछी जामे अऊ ओही कस होए गईस। त परमेसवर हर जेला बनाये रहीस ओला देखीस त कहीस सुघर हवे ।
चौथवे दिन परमेसवर हर कहीके बेर, जोंन अऊ तरइया ला बनाईस की भुइया ला इंजोर करे। दिन अऊ राती ला अलगे करे अऊ मौसम अऊ साल ला ठहराईस। त परमेसवर हर जेला बनाये रहीस, ओला देखीस त कहीस सुघर हवे।
पांचवे दिन परमेसवर हर कहिस अऊ पानी में पंऊरे मधे जम जीव मन ला अऊ बदरी में उड़ाए मधे चराई मन ला बनाईस। त परमेसवर हर जेला बनाया रहीस ओला देखीस त कहीस सुघर हवे अऊ ओमन ला आशीष देहीस।
छटवे दिन परमेसवर हर कहीस भुईया में जम मधे कर जीव जन्तु हो। परमेसवर हर जईसने कहीस वइसने होए गईस। चटिक घरऊहाँ जानवर रहीस, चटिक भुईया में घिसले मधे रहीस अऊ चटिक मन जंगल कर जानवर रहीन अऊ परमेसवर हर देखीस त कहीस ढ़ेरे सुघर हवे।
तेकर परमेसवर हर कहिस हमरे कस आदमी ला बनाबो की ओहर हमरे सहींक होहीं। ओकर जग भूई अऊ जम जीव मन कर ऊपरे अधिकार रख ही।
एकरले परमेसवर हर चटिक माटी ला साएनके आदमी ला बनाईस अऊ ओकर नाक में जीये कर सांस ला फुकीस अऊ ओहर जीवित पराणी बन गईस। ओकर नाव आदम धरीस। परमेसवर हर एगोठ बगीचा बनाईस अऊ ओकर पहरा करे बर ऊहाँ आदम ला राखिस।
बगीचा कर मंझार में परमेसवर हर दूई मधे कर रूख ला जगहाईस। जीवन कर रूख अऊ भला, बुरा कर ज्ञान कर रूख। परमेसवर हर आदम ला कहीस “तैं बगीचा कर कोनो रुख कर फर ला खाये सकत हस लेकिन भला, बुरा कर ज्ञान कर रुख ले झईन खाबे। जे दिन तैं ओ रुख कर फर ला खाबे त मर जाबे।”
तेकर पाछु परमेसवर हर कहीस आदम कर एके झे रहाई ठीक नईये काबर की जानवर में ले आदम कर मदत करे बर कोई नई मिलीस।
एकरले परमेसवर हर आदम ला ढ़ेरे नीन्द में सुताये देहीस। तेकर आदम कर एगोठ पांजर कर हाडा ला हेर के स्त्री ला बनाईस अऊ आदम जग लानीस।
जे घरी आदम हर ओला देखीस त कहीस “एहर तो मोर कस हवे एकर नाव नारी रही। कावर की एहर नर में ले हेरल गईस हवे।” एकरले आदमी अपन दाई, दाऊ ला छोडके अपन परानी संगे एक तन बने रही।
परमेसवर हर नर अऊ नारी ला अपने कस बनाईस अऊ ओमन ला आसीरवाद देहीस “पूतो, फलो दुधो नहाओ अऊ भूइया में बगर जावा”। परमेसवर हर देखिस की जे जाएत ला बनाए रहीस ओहर ढ़ेरेच सुघर हवे अऊ परमेसवर हर जम जाएत ला देख के ढ़ेरे फुरमा होईस। ए जम जाएत हर सिरजे कर छव दिन में होए गईस।
सातवे दिन परमेसवर हर अपन जम बुता काम ला करके बिसोईस अऊ सातवे दिन ला आसीरवाद देहीस अऊ पवितर ठहराईस। एहीकस परमेसवर हर जम दुनिया अऊ ओकर भीतरी कर जम जाएत ला बनाईस।