Гуравдугаар ном - Бурханаар удирдуулсан ялалт

Танилцуулга

Бурхан Израилчуудыг өөрсдийн дайснаа дарахад тусалсан. Бид нар эдгээр түүхээс олон зүйлийг сурах боломжтой юм. Эдгээр зүйлийг бид нар Хүрэн өнгийн номоо үзээд энэ кассетыг сонсоорой.

Зураг 1. Иошуа Амалекчуудыг ялсан нь

Египетээс гарсан нь 17:8-13

Израилчууд өөрсдийн гэсэн газар нутаггүй байсан.Тэд нар цөлөөр хэрэн тэнүүчилж байлаа. Мосе тэдний удирдаж байлаа. Мосе Иошуа гэдэг залууг өөрийн армийг удирдуулахаар томилжээ. Амеликчууд Израилчуудыг довтлоход Мосе Иошуад “Амулекчуудтай байлд. Би уулын орой дээр зогсоод гартаа Бурханы таягаа бариад дээшээ өргөнө. ” гэж хэлжээ. Мосег Бурханы таягыг дээш нь өргөх үед Иошуа, Израилчууд Амалекчуудыг ялжээ. Харин Мосегын гар нь ядраад буулгах үед Амалекчууд ялж эхэлжээ. Тэгээд Мосегын гарыг хоёр хүн орой болтол өргөхөд , Бурхан Иошуаг Амалекчуудыг ялахад тусалжээ. (Хөгжим)

Зураг 2. Канаан руу явсан тагнуулчид

Тооллого 13:1 - 14:35

Бурхан Израйльд Канааны нутгийг өгөхөөр амалсан тул Мосе арван хоёр залууг туршуул болгон илгээв. Дөч хоногийн дараа тэд ирж юу харснаа хэлцгээв. Иошуа, Калеб хоёр сайхан мэдээг авчрав. Тэд хэлэхдээ Канаан бол сүү, зөгийн балын эх орон бөгөөд тэндхийн хүмүүс нь хүчирхэг юм. Гэвч бидний Бурхан тэр нутгийг авахад бидэнд туслах болно гэв. Харин бусад арван туршуул хэдийгээр тэр нутаг сайхан ч бид ард түмнийг нь ялж чадахгүй гэж хэлэв. Өөрт нь бүрэн дүүрэн итгээгүйгээс болж Эзэн Бурхан ихэд хилэгнэн тэднийг цөлд нь дахин дөчин жил тэнүүчлүүлэв. Тэр дөчин жилд өөрт нь итгээгүй бүхэн үхэцгээв.

Зураг 3. Израйльчууд Иордан голыг гаталсан нь

Иошуа1:1-9, 3:1-17

Мосег үхсэний дараа Иошуа Израйлийн удирдагч болов. Бурхан Иошуад тушаан: одоо чи болон бүх Израйльчууд Иордан голыг гатлан миний амалсан газарт ороход бэлд гэжээ. Бурхан Иошуад юу хийхийг нь хэлэв. Израйлийн тахилч нарт нэгэн онцгой хайрцаг болох Бурханы гэрээний авдар байв. Энэ авдран дотор чулуун хавтан дээр бичсэн Бурханы хууль байдаг байлаа. Бурхан тэдэнд авдрыг аван гол руу ор гэжээ. Тэр үед гол үертэй байсан боловч тахилч нарын хөл голын усанд хүрэхэд ус урсахаа больж хатав. Тахилч нар авдрыг аван голын гол дунд очив. Бүх Израйль голыг хуурай газраар гаталж дуустал тэд зогссоор байв.

Зураг 4. Ирехо хотын хана нурсан нь

Иошуа 6:1-27

Ирехо хотын ойролцоо Израйльчуудын хуаран буудаллаж байв. Бурхан Иошуад Би Ирехог бүхэлд нь чамд өгч байна. Бүх цэргүүдээ дагуулан Ирехог тойрон зургаан өдрийн турш алх. Долоон тахилчаар бүрээ үлээлгэн Бурханы авдрыг хамтад нь явуул. Долоо дахь өдөр нь Ирохег долоон удаа тойрон алхаад тахилч нараар тойрог тус бүр бүрээг үлээлгэ. Мөн бүхий л хүмүүсийг чангаар хашхир гэж хэл, энэ бүхний эцэст хотын хана нуран унаж та нар хот руу төвөггүй орох болно гэжээ. Тийнхүү Иошуа болон Израйльчууд Бурханы хэлсний дагуу үйлджээ. Хотын хана нурж Израйльчууд хотыг эзэллээ. Бурхан Израйльчуудад та нар өөрсддөө зориулан ямар ч зүйлийг олз болгон бүү ав гэжээ.

Зураг 5. Израйльчууд Айгаас зугтсан нь

Иошуа 7:1-12

Ай хот бол Ирехо хотын ойролцоо орших Израйлийн өөр нэг дайсан нь байлаа. Иошуа энэ хотыг урьд нь эзэлж байсан, тиймээс хотыг тагнуулахаар хүн илгээжээ. Тагнуулчид эргэн ирж хэлэхдээ бүх хүнээ Ай руу бүү илгээ, учир нь тэд цөөхүүлээ учраас бүх хүнээ тэнд бүү туйлдуул гэжээ. Тиймээс ч Иошуа цөөн цэргээ Айг эзлүүлэхээр илгээжээ. Гэвч Айн хүмүүс Израйлийн дайралтыг дийлжээ. Зарим Израйльчууд тэнд алагдаж үлдсэн хэсэг нь зугтан иржээ. Тийнхүү Иошуа Бурханы өмнө нүүрээрээ газарт унав. Бурхан Иошуад хэлэхдээ Израйль миний өмнө гэм хийсэн, тэд хулгайлан мөн худал ярьсан. Тиймээс тэд дайсныхаа эсрэг зогсож чадахгүй гэжээ.

Зураг 6. Аханыг шүүсэн нь

Иошуа 7:14-8:29

Иошуа бүх Израйлийг Эзэн Бурханы өмнө авчрав. Тэр үед Бурхан түүнд: Ахан гэм хийснээр Бурханыг эсэргүүцсэн болохыг харуулав. Иошуа Аханд хандан яг юу хийснээ надад хэл гэжээ. Харин Ахан би Бурханы эсрэг гэм хийн түүнийг эсэргүүцсэн минь үнэн. Би Ирехогын олзон дотор байсан шинэхэн өмсгөл, шижир алт, мөнгө зэргийг авсан гэжээ. Хэдэн хүмүүс Аханы хулгайлсан зүйлсийг түүний майхан дотроос олжээ. Бурханы тушаасны дагуу Ахан үхжээ. Бурхан өөрийн уур хилэнгээ буцаан авч хэлэхдээ бүх цэргүүдээ дагуулан Айг довтол бүү ай, би чиний гарт Айг өгнө, энэ нь чинийх болно гэжээ. Израйль бурханд дуулгаварлан Айг эзлэв.

Зураг 7. Нар сарны хөдөлгөөн зогссон нь

Иошуа 10:1-4

Канаанчууд Бурханы ард түмэн болох Израйльчуудаас айн сүрдэж эхлэв. Тэндхийн таван овог нийлэн Израйлын эсрэг ирэв. Харин Бурхан Эзэн тэднээс бүү айн сүрдэгтүн гэв. Тийнхүү Иошуа болон тэдний цэргүүд тэдгээр овогтой тулалдав. Мөн тэдгээр овгууд айдастайгаар зугтав. Бурхан тэдэн дээр мөндөр буулгахад дайснууд нь үхэв. Тулаан ч бүтэн өдрийн турш үргэлжлэв. Иошуа нарыг байрандаа тогтог хэмээн хэлэв. Тиймээс нар сарыг Израйль дайснаа ялтал нь бүтэн өдрийн турш байранд нь тогтоов. Урьд нь ч хойшид ч үүнтэй адил зүйл болоогүй юм. Бурхан Израйльд өөрийн дайсан болох Канааны таван овгийг ялахад нь тусалжээ.

Зураг 9. Дебора Эзний төлөө боссон нь

Шүүгчид 4:1-9

Иошуаг үхсэний дараа Израильчууд өөрийн Бурхан Эзэнийг дагахаа болив. Тэд Канааны хиймэл бурхдыг шүтэв. Тиймээс Бурхан Канаанчуудын хүчийг Израйлийн дээгүүр тавьж тэд Израйльчуудад муугаар хандах болжээ. Дебора бол ухаалаг эмэгтэй бөгөөд Израйльчуудын дунд гарсан асуудлыг шүүдэг нэгэн байжээ. Хүмүүс түүн дээр ирж зөвөлгөө авдаг байсан ба Дебора хүмүүсийн зүрхийг Эзэн рүү эргүүлэхийг хичээдэг нэгэн байлаа. Нэгэн өдөр тэрээр Израйлийн цэргийн ахмад Баракыг дуудуулав. Тэр хэлэхдээ арван мянган эрсийг аваад Табар ууланд гар. Сесера болон Канааны цэргүүд чамтай тулалдах болно. Гэвч Бурхан чамд тэднээс дээгүүр алдар өгөх болно гэжээ. Харин Барак айн Деборад хандан: Хэрэв та надтай хамт явахгүй бол би явахгүй гэжээ. Тиймээс Дебора би чамтай хамт явах болно, гэвч Бурхан Сесерагийн дээгүүр эмэгтэй хүнд хүчийг өгөх болно, ингэснээр алдар хүндлэл нь чинийх биш байх болно гэжээ.

Зураг 10. Бурхан Сесераг ялахад тусалсан нь

Шүүгчид 4:10-17, 5:19-21

Дебора, Барак нар болон Израйльчууд Табар ууланд очжээ. Сесера болон бүх Канааны арми тэдэнтэй тулалджээ. Сесерад есөн зуун морьт цэрэг байлаа. Харин Израйльчууд гартаа илднээс өөр зүйлгүй байлаа. Канаанчууд Табар уулын хажууд орших голын хавьд ирсэн боловч тэдний морьт цэрэг нь уулыг давж чадсангүй. Тийнхүү тэд үертэй байсан голд урсав. Тиймээс Израйль цэргүүд дайсныхаа эсрэг тулалдан ялж эхлэв. Сесерагийн бүх цэргүүд нь үхэв. Ганц Сесера явган зугтаж амжив.

Зураг 11. Иоел Сесераг алав

Шүүгчид 4:17-23

Сесераг Иоел гэгч эмэгтэй нааш ир, бүү ай, энд нуугд хэмээн майхандаа оруулав. Иоел Израйль эмэгтэй биш байсан тул Сесера түүний майханд нуугдав. Иоел түүнд сүү уулгаад бүтээлгээр бүтээв. Сесера ч унтав. Иоел майхны гадасаа алхтай аваад Сесераг унтаж байх зуур нь тэр чимээгүйхэн дөхөж очоод гадсаа түүний толгой руу нь шааж газартай хадав. Тун удалгүй Барак Сесераг хайн ирэв. Иоел Баракыг майхан руугаа дуудан ийн хэлэв: нааш ир, таны хайж буй хүнийг тань үзүүлье гэв. Тэнд гадсаар газарт шаалгаж үхсэн Сесера хэвтэж байв.

Зураг 12. Израйльчууд баярлалдсан нь

Шүүгчид 5:1-31

Энэ бол Израйльчуудыг Канааны эсрэг тулалдахад хүчийг өгч байсан Бурхан байлаа. Дебора болон Барак нар Бурханд зориулан талархалын дууг дуулав. Хүмүүс ч баярлалдав. Тэд Дебора шиг удирдагчтай болсондоо баяртай байв. Дебора тэдэнд эх нь мэт байлаа. Тэд Иоелийг мөн магтав. Учир нь тэр Сесерагаас айгаагүй юм. Бурхан энэхүү хоёр эмэгтэйгээр Израйлийг аврав. Найзуудаа, Бурхан яг энд гарсан шиг сул дорой нэгнээр хүчирхэг хүмүүсийг ялуулдаг юм. Бидэнд ч мөн хүчирхэг дайсан байгаа. Харин Есүсийг илгээн Сатанаас биднийг аварсан юм. Гэмт хүмүүс Есүсийг алсан юм. Тэд Есүсийг ямар ч хүчгүй гэж бодож байжээ. Харин Бурхан Есүсийг үхлээс амилуулсан юм. Тэр Сатаныг болон бусад бүх бурханлаг бус хүмүүсийг ялсан юм. Есүс өөрт нь итгэн дагасан хүн бүхэнд мөнхийн амьдрал болон хүч чадлыг өгөх болно. Тиймээс баярлан дуулцгаая, цорын ганц үнэн Бурханыг хүндэтгэцгээе.

Зураг 19. Филистчүүд Самсоны үсийг тайрсан нь

Шүүгчид 16:4-22

Самсон амьдралдаа үсээ тайрч үзээгүй бөгөөд үс нь түүнийг Бурхан Эзэнд харьяат гэдгийг харуулдаг байсан ба түүнийг хүчирхэг болгодог байжээ. Самсон дуулгаваргүй байдлаа үргэлжлүүлсээр л байв. Тэр Филист өөр нэгэн эмэгтэйд дурлав. Түүний нэрийг Дела гэдэг байв. Тэр Самсоны хүч хаана юунд нь оршдог болохыг мэдэхийг хүсдэг байв. Удаан хугацааны турш Самсон нууцаа хэлээгүй боловч эцэст нь Дела, миний үс намайг Бурханы харьяат гэдгийг илэрхийлдэг юм, тиймээс ч би хүчирхэг байдаг юм. Хэрэв би үсээ тайрвал хэн ч биш болно гэв. Харин нэгэн шөнө Дела Филисчүүдийг дуудан Самсоныг унтаж байх зуур нь түүний үсийг тайрав. Бурхан Самсонг орхисонд тэр ямар ч хүчгүй болов. Филистчүүд түүний хоёр нүдийг нь ухаад шоронд хаяв. Гэвч Самсоны үс дахин ургаж эхлэв.

Зураг 20. Самсон филистчүүдийг устгасан нь

Шүүгчид 16:23-31

Филистчүүдийн удирдагчид цугларан өөрсдийн шүтээнд тахил өргөв. Тэд сохорсон Самсоныг шоронгоос нь гарган түүгээр тохуурхахаар дуганыхаа гол дунд зогсоов. Энэ үед Самсон Бурхаан намайг санаач, энэ удаа надад хүчийг хайрлаач хэмээн залбирав. Тийнхүү Самсон дуганы хоёр баганыг түлхэн нураав. Энэ удаа тэр өөрийн бүх хүчээ гаргав. Дуган дээврээсээ нурж дотор нь байсан бүх хүн Самсоны хамт үхэв. Эзэн Бурхан Самсонд Флистчүүдийг ялах хүчийг өгсөн боловч тэр дуулгаваргүй байснаасаа болж энэ бүхнийг үзэж чадсангүй. Хэрэв бид Бурханд өөрсдийгөө өгвөл тэр бидэнд Сатаныг ялах мөн гэм нүглийг эсэргүүцэх хүч чадлыг өгөх болно. Харин бид өөрсдийнхөө хүчийг зөвхөн Бурханд зориулах ёстой юм.

Зураг 21. Есүс адгийн муу ёрын сүнсийг зайлуулсан нь

Лук 8:26-39

Есүс Израйльд Самсон, Гидеон нараас олон жилийн хойно амьдарч байв. Нэгэн өдөр Есүс маш олон муу ёрын сүнсэнд эзлүүлсэн хүнтэй таарав. Тэр хүн Есүсийн өмнө унан ийн хэлэв: хамгийн дээд нэгний хүү Есүс ээ, танд би ямар хамаатай билээ? Танаас гуйя намайг бүү зовоогооч гэжээ. Тэдгээр муу ёрын сүнснүүд Есүс бол Бурхан гэдгийг мэдэж байв. Есүс сүнснүүдэд тэр хүний биенээс гарахыг тушаав. Сүнснүүд ойролцоо бэлчиж байсан гахайн сүрэгт шүглэв. Гахайнууд эргээс тэр даруй үсрэн бүгд нуурт живцгээв. Үүнээс хойш хүмүүс Есүсийг бүх сүнсийг захирах эрх мэдэл, хүч чадалтай болохыг нь харав.

Зураг 22. Есүс гэмт хүмүүсийг хөөсөн нь

Лук 19:45-48; Иохан 2:13-21

Нэгэн өдөр Есүс Иерусалимд орших Эзэн Бурханы тахилын өргөөнд очив. Гэвч тэнд худалдаачид байв. Тэд өргөлд зориулсан мал зардаг байжээ. Тэд энд бие биеэсээ өрсөн малаа зарж мөнгө олцгоож байлаа. Есүс энэ бүхнийг хараад ихэд уурлан миний гэр болон залбирлын өргөө, гэтэл та нар үүнийг худалдаачны үүр болгожээ хэмээн хэлээд тэнд байсан хонь үхэр болон тэнд байсан худалдаачдых нь хамт хөөн гаргав. Есүс бол Эзэн Бурханы хүү бөгөөд нүгэлт худалдаачдыг хөөн гаргасан нь Эзэн Бурханы хүсэл байлаа. Гэвч зарим Еврейчүүд түүний энэ үйлдэлд уурлан бидэнд Эцэгээ харуулаадах гэж гоочилдог байлаа.

Зураг 23. Есүс үхлээс амилсан нь

Матай 27:33 - 28:20

Тэдгээр хорон санаат Иүдейчүүдийн удирдагчид Есүсийг алав. Есүс модон загалмайд хадуулан үхэв. Гэвч тэрээр гурав хоногийн дараа үхлээс амилсан ба Эзэн Бурхан түүнд үхлийг ялах хүч өгсөн бөгөөд тэр дахин хэзээ ч үхэхгүй. Түүний амилалтаар Есүс Эзэн Бурханы хүү байсан нь батлагдсан. Есүс өөрийн дагалдагч нартаа тэнгэр газар дээрх бүх эрх мэдэл надад өгөгдсөн. Газар сайгүй явж бүх үндэстнийг миний дагалдагч болго мөн тэдэнд миний тушаасан бүхнийг заан сурга, би та нартай үргэлж хамт байх болно гэв. Есүс үхэл болон гэм нүгэл, муу ёрын сүнсний хүчийг үгүй хийв. Өөрийг нь дагагч бүхэнд тэр ер бусын амьдрал өгдөг бөгөөд энэ сайхан мэдээг хүн бүгдэд хуваалцаасай гэж тэр хүсдэг.

Зураг 24. Бурханы цэрэг

Эфэс 6:10-18

Есүс сатаныг ялав. Есүс бидэнд муу ёрын сүнсийг эсэргүүцэн зогсох ер бусын хүчийг өгсөн. Бид дайнд бэлтгэгдэж буй цэрэг адил сүнслэг тулаанд бэлэн байх ёстой. Юуны өмнө бид үргэлж үнэнийг ярьж үнэнийг өөртөө байлган бусдыг хайрлан зөвт амьдралаар амьдрах ёстой. Бидний дотор суулгагдсан Сатаны нүгэлт бодол санааг зогсоож чадах сүнслэг хуягыг өмсөн амар тайвны сайн мэдээг ярихад бэлэн байн, хүмүүсийг сатаны зам руу орохоос нь хамгаалж Бурхан бидний амьдралыг тэтгэгч нэгэн гэдэгт итгэх хэрэгтэй. Энэ итгэл нь сатаны үхлийн галт сумнаас биднийг аварч чадах бамбай адил юм. Есүс бидний нүглийн шийтгэлээс аварсан. Түүний аврал нь дуулга адил биднийг хамгаалсан бөгөөд Бурханы үг Библи нь биднийг сатаны худал хуурмагаас аврах чадалтай юм. Бид залбирлаараа өөрсдийн хүсэлтээ түүнд мэдүүлэн түүний зарлиг тушаалд дуулгавартай байх ёстой юм. Ингэснээр бид ч мөн сатаныг болон гэм нүгэл, үхлийн хүчийг ялж чадах юм.