unfoldingWord 34 - ພຣະເຢຊູສັ່ງສອນອີກຫຼາຍໆເລື່ອງ
![unfoldingWord 34 - ພຣະເຢຊູສັ່ງສອນອີກຫຼາຍໆເລື່ອງ](https://static.globalrecordings.net/300x200/z40_Mt_13_19.jpg)
Esboço: Matthew 13:31-46; Mark 4:26-34; Luke 13:18-21;18:9-14
Número do roteiro: 1234
Idioma: Lao
Público alvo: General
Tipo: Bible Stories & Teac
Propósito: Evangelism; Teaching
Passagem bíblica: Paraphrase
Estado: Approved
Os roteiros são guias básicos para a tradução e gravação em outros idiomas. Devem ser adaptados de acordo com a cultura e a língua de cada região, para fazê-lo relevante. Certos termos e conceitos podem precisar de uma explicação adicional ou mesmo serem omitidos no contexto de certos grupos culturais.
Texto do roteiro
![](https://static.globalrecordings.net/300x200/z40_Mt_13_12.jpg)
ພຣະເຢຊູໄດ້ເລົ່າຫຼາຍຕໍ່ຫຼາຍເລື່ອງກ່ຽວກັບອານາຈັກຂອງພຣະເຈົ້າເຊັ່ນ: ພຣະອົງກ່າວໄວ້ວ່າ, “ອານາຈັກຂອງພຣະເຈົ້າກໍເປັນເໝືອນແກ່ນພືດເມັດໜຶ່ງທີ່ຄົນໄດ້ນໍາໄປປູກໃນສວນຂອງຕົນ. ເຈົ້າຮູ້ບໍ່ວ່າເມັດຜັກກາດແມ່ນເມັດພືດທີ່ນ້ອຍທີ່ສຸດຂອງບັນດາເມັດພືດທັງໝົດ.”
![](https://static.globalrecordings.net/300x200/z40_Mt_13_13.jpg)
ເມື່ອເມັດຜັກກາດໃຫຍ່ເຕີບໂຕຂຶ້ນ, ມັນໄດ້ກາຍເປັນຕົ້ນທີ່ໃຫຍ່ທີ່ສຸດໃນສວນ, ຈົນກະຈາຍຈົນນົກສາມາດເຮັດຮັ່ງຢູ່ກິ່ງກ້ານມັນໄດ້.
![](https://static.globalrecordings.net/300x200/z40_Mt_13_14.jpg)
ພຣະເຢຊູຍັງໄດ້ກ່າວອີກເລື່ອງໜຶ່ງວ່າ: ລາຊະອານາຈັກຂອງພຣະເຈົ້າກໍປຽບເໝືອນເຊື້ອແປ້ງທີ່ຍິງຄົນໜຶ່ງປະສົມໃສ່ໃນກ້ອນເຂົ້າຈີ່ຈົນກະຈາຍທົ່ວກ້ອນ.
![](https://static.globalrecordings.net/300x200/z40_Mt_13_18.jpg)
ອານາຈັກຂອງພຣະເຈົ້າກໍເປັນເໝືອນສົມບັດທີ່ບາງຄົນໄດ້ເອົາໄປເຊື່ອງໄວ້ໃນທົ່ງນາ.ມີຊາຍຄົນໜຶ່ງໄປພົບສົມບັດນັ້ນແລະ ໄດ້ຝັງມັນຄືນຄືເກົ່າ. ລາວຮູ້ສຶກດີໃຈຫຼາຍ, ລາວຈຶ່ງໄປຂາຍທຸກສິ່ງທີ່ລາວມີ ແລະ ໃຊ້ເງິນເຫຼົ່ານັ້ນໄປຊື້ນາຕອນນັ້ນ.
![](https://static.globalrecordings.net/300x200/z40_Mt_13_19.jpg)
ອານາຈັກຂອງພຣະເຈົ້າກໍເປັນເໝືອນໄຂ່ມຸກເມັດໜຶ່ງທີ່ມີລາຄາສູງສຸດ. ເມື່ອພໍ່ຄ້າຄົນໜຶ່ງໄດ້ພົບໄຂ່ມຸກນັ້ນ, ລາວກໍໄດ້ຂາຍທຸກສິ່ງທີ່ລາວມີ ແລະ ເອົາເງິນນັ້ນໄປຊື້ໄຂ່ມຸກດັ່ງກ່າວ.
![](https://static.globalrecordings.net/300x200/z42_Lk_18_02.jpg)
ແລ້ວພຣະເຢຊູກໍໄດ້ກ່າວຕໍ່ບາງຄົນທີ່ເຊື່ອໝັ້ນໃນໂຕເອງ ແລະ ມັກໝິ່ນປະໝາດຄົນອື່ນວ່າ: “ ມີຊາຍສອງຄົນໄດ້ໄປທີ່ພະວິຫານເພື່ອອະທິຖານ. ໜຶ່ງໃນພວກເຂົາແມ່ນຄົນເກັບພາສີ, ແລະ ອີກຄົນໜຶ່ງມ່ນຜູ້ນໍາສາດສະໜາ”
![](https://static.globalrecordings.net/300x200/z42_Lk_18_03.jpg)
ຜູ້ນໍາສາດສະໜາໄດ້ອະທິຖານຢ່າງນີ້, “ ຂອບພຣະຄຸນພຣະອົງ, ທີ່ຂ້ານ້ອຍບໍ່ເປັນຄົນບາບເໝືອນກັບຄົນອື່ນ, , ບໍ່ເປັນໂຈນ, ບໍ່ເປັນຄົນບໍ່ຊື່ສັດຫຼິ້ນຊູ້ ຫຼື ເປັນຄືກັບພາສີຄົນນັ້ນ”
![](https://static.globalrecordings.net/300x200/z42_Lk_18_04.jpg)
ຄືຂ້ານ້ອຍອົດອາຫານສອງຄັ້ງຕໍ່ອາທິດ ແລະ ຂ້ານ້ອຍໄດ້ຖວາຍໜຶ່ງສ່ວນສິບຂອງເງິນທັງໝົດ ແລະ ສິ່ງຂອງທີ່ຂ້ານ້ອຍໄດ້ມາ.
![](https://static.globalrecordings.net/300x200/z42_Lk_18_05.jpg)
ສ່ວນຄົນເກັບພາສີນັ້ນ, ທີ່ຢືນໄກຈາກຜູ້ນໍາສາດສະໜາ ແລະ ບໍ່ເງີຍໜ້າຂຶ້ນເທິງຟ້າເລີຍ, ແຕ່ລາວໄດ້ເອົາກຳປັ້ນທຸບເອິກລາວ ແລະ ອະທິຖານວ່າ, “ ພຣະເຈົ້າໂປດເມດຕາຂ້ານ້ອຍດ້ວຍເພາະຂ້ານ້ອຍເປັນຄົນບາບ”
![](https://static.globalrecordings.net/300x200/z40_Mt_18_01.jpg)
ດັ່ງນັ້ນພຣະເຢຊູຈຶ່ງກ່າວວ່າ, “ ເຮົາຈະບອກຄວາມຈິງ, “ພຣະເຈົ້າຊົງໄດ້ຍິນຄໍາອະທິຖານຂອງຄົນເກັບພາສີ ແລະ ປະກາດວ່າລາວເປັນຄົນຊອບທໍາ. ແຕ່ພຣະອົງບໍ່ມັກຄໍາອະທິຖານຂອງຜູ້ນໍາສາດສະໜາເລີຍ. ພຣະເຈົ້າຈະເອົາຜູ້ທີ່ອວດໂຕເອງລົງ ແລະ ຈະຍົກຜູ້ທີ່ຖອມຕົວຂຶ້ນ.