unfoldingWord 13 - عهد الله مع اسرائيل

unfoldingWord 13 - عهد الله مع اسرائيل

Esboço: Exodus 19-34

Número do roteiro: 1213

Idioma: Arabic, Sudanese: Khartoum

Público alvo: General

Tipo: Bible Stories & Teac

Propósito: Evangelism; Teaching

Passagem bíblica: Paraphrase

Estado: Approved

Os roteiros são guias básicos para a tradução e gravação em outros idiomas. Devem ser adaptados de acordo com a cultura e a língua de cada região, para fazê-lo relevante. Certos termos e conceitos podem precisar de uma explicação adicional ou mesmo serem omitidos no contexto de certos grupos culturais.

Texto do roteiro

بعد ما الله قاد الاسرائيليين عبر البحر الاحمر ، قادهم فى البرية لجبل اسمه سيناء . ده نفس الجبل الموسى شاف فيه الشجرة المشتعلة . الناس عملوا خيامهم تحت الجبل .

قال الله لموسى وكل الشعب الاسرائيلى ، "انتو لازم تطيعونى دائما و تحفظوا العهد العملتو معاكم .لو انتو عملتوا ده. حتكونوا لى ملك خاص، مملكة كهنة و امة مقدسة".

لمدة تلاتة ايام الناس جهزوا انفسهم عشان الله يجى قريب منهم . بعد داك الله نزل فوق راس جبل سيناء . لمن هو جاء ، كان فى رعد ، برق ، دخان و اصوات بوق عالية . بعد داك موسى طلع فوق الجبل براه .

بعد داك الله عمل عهد مع الشعب. وقال ، "انا يهوه ، الهكم. انا خلصتكم من ان تكونوا عبيد فى مصر . ما تعبدوا اله تانى".

ما تعملوا اصنام وما تعبدوها ، لانو انا يهوه لازم اكون الهكم بس . ما تتكلوا باسمى بالباطل .اتاكدوا انو تحفظوا يوم السبت مقدس . بطريقة تانى ، اعملوا كل اشغالكم فى ستة ايام اليوم السابع هو يومكم ترتاحوا و تذكرونى .

احترم ابوك وامك . ما تقتل . ما تزنى . ما تسرق . ما تكذب . ما تشتهى مراة قريبك و بيته وكل حاجة فيه .

وبعد داك الله كتب الوصايا العشرة على لوحتين من الحجر و اداهم لموسى . الله برضو ادى الشعب ناموس و قوانيين تانية كتيرة عشان يتبعوها . الله وعد انو حيبارك الشعب و يحميهم لو هم طاعوا الناموس ده . لكن قال حيعاقبهم لو ما اطاعه .

الله برضو كلم الاسرائيليين عشان يعملوا خيمة واسعة ، خيمة الاجتماع . و كلمهم كيف يعملوا الخيمة دى بالتحديد وياتو حاجات البختوا جواها . و قال ليهم يعملوا ستارة كبيرة عشان تفصل الخيمة الى غرفتين ، و الله حبيجى و يكون فى الغرفة وراء الستارة هناك . كان مسموح بس لرئيس الكهنة يدخل الى الغرفة الفيها الله .

كمان الشعب لازم يعملوا مذبحة قدام خمية الاجتماع . اى زول ما اطاع ناموس الله كان لازم يجيب بهيمة فى المذبحة . و بعد داك الكاهن يذبحو و يحرقو على المذبحة كذبيحة لله . الله قال دم البهيمة حيغطى الخطية الزول ده . بالطريقة ده ، الله ما حيشوف الخطية داك تانى . والزول ده بيكون "طاهر" فى عين الله. الله اختار اخو، موسى هارون و نسله عشان يكونوا كهنة ليه .

الشعب كلهم اتفقوا يطيعوا القوانيين الكان الله اداه ليهم ، هم اتفقوا عشان يكونوا شعب لله وحده و يعبدوه بس .

موسى بقى فى راس جبل سيناء لايام كتيرة ، كان بتكلم مع الله ، لكن الشعب تعبوا من انتظاره عشان يرجعهم ليهم ، و بعد داك جابوا دهب لهارون و سالوه يعمل ليهم صنم عشان يعبدوا بدل من الله . و بالطريقة دى هم اخطاوا شديد ضد الله .

هارون عمل صنم من دهب فى شكل عجل ، الشعب بدوا يعبدوا الصنم بطريقة غريبة و قدموا ليه ذبائح ! ، الله كان زعل منهم شديد ، وكان عايز يدمرهم ، لكن موسى طلب من الله ما يدمرهم و الله سمع صلواته وما دمرهم .

فى النهاية موسى نزل من جبل سيناء و كان شايل لوحتين من الحجر الكتب فيه الله الوصايا العشرة ، بعد داك هو شاف الصنم و كان زعلان شديد وكسر الالواح .

بعد دالك موسى كسر الصنم لدقيق و دفق الدقيق فى الموية و خلى الناس يشرf, . الله رسل وباء ومات منهم كتير .

موسى عمل الواح حجرية جديدة للوصايا العشرة و ليبدل بيها الالواح الكان كسرها . بعد داك طلع الجبل تاني و صلى انو الله يغفر لشعب . والله سمع لموسى و غفر ليهم ، موسى نزل من الجبل بالوصايا العشرة فى الواح جديدة . بعد داك الله قاد الاسرائيليين من جبل سيناء تجاه ارض الموعد .

Informações pertinentes

Palavras de Vida - A GRN tem mensagens evangelísticas em áudio em milhares de idiomas contendo a mensagem bíblica sobre a salvação e a vida cristã.

Downloads gratuitos - Baixe gratuitamente áudios de histórias bíblicas e estudos em milhares de idiomas, além de ilustrações, roteiros e vários outros tipos de material para evangelismo e crescimento da igreja.

Coleção de áudio da GRN - Material evangelístico e de ensino bíblico, adaptado às necessidades e cultura de cada povo em vários estilos e formatos.

Choosing the audio or video format to download - What audio and video file formats are available from GRN, and which one is best to use?

Copyright and Licensing - GRN shares it's audio, video and written scripts under Creative Commons