Leleskani, Vwiyani Ndipu Jani Ndi Umoyu Buku Lanambala 1: Kwamba Ndi Chiuta
![Leleskani, Vwiyani Ndipu Jani Ndi Umoyu Buku Lanambala 1: Kwamba Ndi Chiuta](https://static.globalrecordings.net/300x200/lll1-00.jpg)
Esboço: Adam, Noah, Job, Abraham. 24 sections. It has a picture book to go along with the recording.
Número do roteiro: 418
Idioma: Tonga: Malawi
Tema: Sin and Satan (Judgement, Sin, disobedience, Satan (the devil)); Christ (Sacrifice / Atonement); Eternal life (Salvation); Character of God (Grace and Mercy, Nature, character of God, Word of God (the Bible)); Living as a Christian (Worship, Obedience, Faith, trust, believe in Jesus); Bible timeline (Creation, Prophecy, fulfillment of, Gospel, Good News); Problems (Problems, troubles, worries)
Público alvo: General
Estilo: Monolog
Tipo: Bible Stories & Teac
Propósito: Teaching
Passagem bíblica: Extensive
Estado: Publishable
Texto do roteiro
Mazgu Ngakwamba
![Mazgu Ngakwamba](https://static.globalrecordings.net/300x200/lll1-00.jpg)
Timoneni abwezi! Zani musambili za wanthu wanyaki wo wenga wakwamba kuja pacharu chapasi wo wangaziwa kutisambizga vinthu vinandi vyaku Chiuta muneneska yo njumoza pe. Leleskani vakujambula viyera mubuku lakwamba.
Wonani Chakujambuwa Chanambala 1
![Wonani Chakujambuwa Chanambala 1](https://static.globalrecordings.net/300x200/lll1-01.jpg)
Chiyambo 1:1 - 2-14 (English: Chiyambo 1:1 - 2:14)
Pachiyambu kwengavi charu chapasi ndipu Chiuta pe yija ndiyu wengaku. Chiuta njumoza pe yo ndi mzmu viyo kuti tingaziwa kumuona cha. Iyu ngwanthazi zosi ndipu waziwa vyosi ndipu wasanilika peposi. Chiuta wangulenga vinthu vyosi vya mcharu cha pasi ndi kuchanya viyo. Iyu wangupaska munthu mzimu alinga kuti wamuziwi umampha Chiuta yo ndi mzimu. Maghanaghanu ndi vyakukhumba vyosi vya munthu venga pa chimangu ndi chiuta. Zina la munthu uyu lenga Adamu. Adamu wangudana mazina nyama zosi zo chiuta wangulenga. Chiuta wangulengaso mizimu ndi wangelu wakuchanya. Ndipu vyosi vo Chiuta wanguvilenga venga vyamampha ukongwa.
Wonani Chakujambuwa Chanambala 2
![Wonani Chakujambuwa Chanambala 2](https://static.globalrecordings.net/300x200/lll1-02.jpg)
Chiyambo 2:15-25 (English also: Chiyambo 1:27-28)
Chiuta wanguwika Adamu mu munda wa nyata yikulu ukongwa kuti wauphwerere. Mumunda wo mwenga vinyama vinthikazi ndi vinthulumi va mitundu yakusiyana siyana. Kweni Adamu wengavi wakumovya. Viyo Chiuta wangumugoneska tulu tikulu Adamu ndipu wangutoku mbawala imoza kutuliya ku liwavu laki ndikupanga mnthikazi kuti wawi wakumovya iyu. Wanthu wawi yawa wenga wambula kuvwala kweni kuti wenga ndi soni cha. Wakambiskananga ndi Chiuta nge mnyawu ndipu mu munda wo mwengavi chitima, nyifwa pamwenga chiheni chechosi.
Wonani Chakujambuwa Chanambala 3
![Wonani Chakujambuwa Chanambala 3](https://static.globalrecordings.net/300x200/lll1-03.jpg)
Chiyambo 3:1-8 (English: Chiyambo 2:16-17; Isaiah 14:12)
Chiuta wangumukambiya Adamu kuti wangarya chipasi chechosi chakusanilika mmunda wo kweni vya muchimiti chakuziwa umampha ndi uheni wangalyanga cha pakuti zuwa lenilo wakalyanga wazamukufwa. Diaboli wenga mngelu kuchanya kweni wangugalukiya Chiuta ndipu wenga mulwani waku Chiuta. Satanayo wanguza ku mthikazi nge njoka yakutowa. Ndipu wangumupusika mthikazi kuti wakafwanga cha asani walya chipasi cho. Viyo wangumunyenga kuti walyi vya muti wo Chiuta wangukanizga. Wati walya, wangumupaskaku so Adamu. Apa wanthu yawa wangumuvwiya cha Chiuta mwaviyo ubali wo wengapu pakudankha ndi Chiuta wungusintha. Wati wawona kuti mbankhuli, wenga ndi soni ndipu wanguyeseska kubisama Chiuta.
Wonani Chakujambuwa Chanambala 4: Adamu Ndi Hava Kubwalu Kwa Munda
![Wonani Chakujambuwa Chanambala 4: Adamu Ndi Hava Kubwalu Kwa Munda](https://static.globalrecordings.net/300x200/lll1-04.jpg)
Chiyambo 3:13-24
Wati wananga,Chiuta wanguwatuzga mu munda wuwa ndipu wangukamba ndi Adamu wakuti; " chifukwa walya vya muchimiti cho, nyata yaku yikawanga yakutembeka ndipu ukalyanga vuchi lako" Kwaku Hava chiuta wanguti; "ndikasazgiyangaku vyakuwawa vaku pakubala mwana." Ku njoka, iyu wanguti; "pakuti wachita ichi, we wakutembeka ndipu ukabamanga ndi lufu laku." Viyo njoka yikuwa murwani wa munthu. Ndipu Adamu wangudana zina munthukaziyo kuwa HAVA cho ching'anamuwa umoyu. Hava wangubala wana wo mbapapi wa wapapi widu. Ndipu isi teche wakulekana ndi chiuta ngemo wenge Adamu chifukwa chakuleka kuvwiya. Ndipu Chiuta wanguti wazamutuma munthu yo wazamuthereska satana ndipu iyu wendi nthazi zakutigumaniska ndi chiuta. Uyu ndiyu Yesu Khristu.
Wonani Chakujambuwa Chanambala 5: Nowa Ndi Chombu
![Wonani Chakujambuwa Chanambala 5: Nowa Ndi Chombu](https://static.globalrecordings.net/300x200/lll1-05.jpg)
Chiyambo 6:1-22 (English: Chiyambo 6:1 - 7:5)
Wanthu wa mtundu waku Adamu wangwenda mu nthowa zaku satana kweni munthu yumoza pe zina laki Nowa ndiyu wangukondweska chiuta. Chiuta wanguti kwaku Noah; "Ndawanawana kunanga mtundu wosi wawanthu pakuti charu chosi chazaza ndi uheni. Ndipu iwi zenga chombu pakuti ndikatumanga maji kuti nganangi charu chosi chapasi. Sonu iwi sere mu chombu pamoza ndi awoli ndi wana waku ndi awoli wawu. Utoso nyama, viyuni, vinthulumi ndi vinthikazi kuti uvisungi vije ndi umoyo."
Wonani Chakujambuwa Chanambala 6: Chigumula Chaku Nowa
![Wonani Chakujambuwa Chanambala 6: Chigumula Chaku Nowa](https://static.globalrecordings.net/300x200/lll1-06.jpg)
Chiyambo 7:1-24
Nowa wanguchenjezga wanthu zamo chiuta wakanangiyanga charu kweni kuti wanthu wangung'anamuka cha ku zintchitu zawu ziheni. Nowa ndi wanyumba yaki yosi ndi vinyama vinthulumi ndi vinthikazi vingusere mu ngalawa ndipu chiuta wangujara chisasa cha chingalawa. Vuwa inguwa pacharu msana ndi usiku kwa mazuwa matchumi ghanayi ndipu maji ngangujurika kutuliya pasi pa charu ndikuzaza pacharu chosi. Wanthu, nyama ndi viyuni vosi vingufwa kweni Nowa ndi vosi venga muchombu vingupona.
Wonani Chakujambuwa Chanambala 7: Chiwinga Vuwa Ndi Phanganu Laku Chiuta
![Wonani Chakujambuwa Chanambala 7: Chiwinga Vuwa Ndi Phanganu Laku Chiuta](https://static.globalrecordings.net/300x200/lll1-07.jpg)
Chiyambo 8:13-22 (English: Chiyambo 7:24 - 9:17)
Vuwa yinguleka kuwa ndipu chati chakapu chaka chimoza pacharu posi pangumira. Nowa ndi wosi wangutuwa mu ngalawa. Nowa wangupeleka sembi kwaku chiuta ndipu chiuta wangukondwa nayu sembi yo. Chiuta wanguwika chiwinga vuwa mu machanya ndipu wangurapa kuti wakanangangasocha vakulengiwa ndi maji. Abwezi mukumbukengi phanganu laku chiuta penipo posi mwaona chiwinga vuwa. Chiuta wazamukweruzgaso charu chapasi ndipu wazamunanga charu ndi moto. Wosi wakuvwana watenere kopa cha pakuti chiuta wakutipaska nthowa yakutaskikiyamu yo ndi ambuyafwi Yesu khristu.
Wonani Chakujambuwa Chanambala 8: Linga Laku Babeli
![Wonani Chakujambuwa Chanambala 8: Linga Laku Babeli](https://static.globalrecordings.net/300x200/lll1-08.jpg)
Chiyambo 11:1-9
Wana waku Nowa wenga ndi wana wanandi ndipu Chiuta wanguwakambiya kuti waje pacharu chosi chapasi ndipu iwo wangukhumba cha kulekana. Wanguwanawana kuti wamangi linga likulu lakufika kuchanya. Chiuta wanguwona kuleka kuvwiya ndi kujikuzga kwawu ndipu wanguti "wanthu yawa mbanthu wa mtundu umoza ndi chikambilu chimoza". Lereskani wanthu wo pachakujambuwacho kuti wanguvwanana so cha viyo wanguleka kumanga lingalo ndipu wanguluta m'malu ghakupambanapambana. Kuleka kuvwiya kwa munthu kunguzisa vikambiru vinandi ndipu kungulekanisa wanthu ndi wanyawo kweniso ndi Chiuta.
Wonani Chakujambuwa Chanambala 9
![Wonani Chakujambuwa Chanambala 9](https://static.globalrecordings.net/300x200/lll1-09.jpg)
Yobu 1:1-12
Zina la munthu yo we pa chakujambuwa cho ndi Yobu. Yobu wasopanga ndikupereka sembi kwaku Chiuta yumoza pe mneneska ndipu wangurondo nthowa zaku satana cha. Yobu wenga ndi wana wanandi, wantchitu ndi viwetu vinandi. Zuwa linyaki Chiuta wangumukambiya satana kuti Iyu wakondwanga ndi yobu. Kweni satana wanguti"asani mungamulonda vosi vowenavu kuti wakamusopaninga cha". Chiuta wanguziwa kuti satana wapusikanga pakuti Iyu wanguziwa kuti Yobu wakamusopanga nanga ndi mu ukavu. Viyo Chiuta wanguzomelezga satana kuti walondi vyose vyo yobu wenga navu alinga kuti wavwani kuti yobu wenga murunji.
Wonani Chakujambuwa Chanambala 10: Yobu Waliya Nyifwa
![Wonani Chakujambuwa Chanambala 10: Yobu Waliya Nyifwa](https://static.globalrecordings.net/300x200/lll1-10.jpg)
Yobu 1:1-12 (belongs with previous pic? Eng: Yobu 1:13-22)
Zuwa linyaki wantchitu waku yobu wangumupingiya uthenga wachitima wakuti warwani waki wangumubiya ng'ombi zaki, wakavalu ndipuso wangubaya wantchitu waki. Mbereri zaki zosi zingufwa ndi limphenzi pamoza ndi aliska viyo. Ankhungu nawu wangubaso ngamila zaki. Ndipu wantchitu munyaki wanguza ndi uthenga unyaki wakofya ukongwa wakuti wana waki wosi wenga paphwandu ndipu chimphepu chinguwiska nyumba yo wengamo ndikuwabaya wosi. Yobu wangusenga sisi lake ndipu wanguwiska chisku chaki pasi ndi wanguti "chiuta wangupaska ndipu sonu walonda mwaviyo dzina laki litumbikike". Mu masuzgu ghosi agha Yobu kuti wangunyoza Chiuta cha.
Wonani Chakujambuwa Cha Nambala 11: Yobu Wasuzgika
![Wonani Chakujambuwa Cha Nambala 11: Yobu Wasuzgika](https://static.globalrecordings.net/300x200/lll1-11.jpg)
Yobu 2:1-41 (:34 in English)
Satana wanguti kwaku chiuta "asani mungapweteka liwavu laku Yobu wakunyozeningi" Ndipu Chiuta wangumuzomelezga satana kuti wamuyesiso Yobu. Viyo satana wanguza ndi vironda vakofya paliwavu laku Yobu. Muwoli waku Yobu wanguti kwaku iyu "nchifukwa uli uleka kumunyoza Chiuta kuti ufwi waka?" Ndipu yobu wangwamuka wakuti "kumbi tilondiyengi vyamampha pe kutuliya kwaku Chiuta kwambula viheni?" Abwezi waki waku Yobu nawu wanguza kwaku Yobu nyengo zinandi ndikumukambiya Yobu kuti wenga pa chilangu chaku Chiuta chifukwa cha viheni vaki. Kweni Chiuta wangulongole pakweru kuti iwu wanguvwisa cha vo vachitikanga paumoyo waku Yobu. Chiuta we ndi nthazi yakujumpha mphaka. Iyu waziwa vyose vyakwenere isi ndipu ndiyu pe wangatisankhiya umoyo wamasuzgu panyaki wambula masuzgu.
Wonani Chakujambuwa Chanambala 12: Yobu Watumbikika
![Wonani Chakujambuwa Chanambala 12: Yobu Watumbikika](https://static.globalrecordings.net/300x200/lll1-12.jpg)
Yobu 42:1-17
Wanyaki waku yobu wanguchita soni wati wawona ukulu waku Chiuta pakuti wanguvwana cha mwaku Chiuta ndipu pakuti wangujikambiya vinthu vamampha vinandi va paumoyu wawu. Yobu wanguwapemphere anyakiwa chifukwa wanguvwiska cha za nthowa zaku Chiuta. Ndipu Chiuta wangumuwezge Yobu chuma chinandi ndi umoyu wanthazi. Abwezi waki wangulya nayu phwandu ndi wangumupingiya vyawanangwa. Chiuta wangumupaska Yobu wana wanthulumi wankhondi ndi wawi ndi wana wanthikazi watatu wakutowa ukongwa. Yobu wanguja ndi umoyu kwa nyengu yitali ndipu wangufwa wati wakota ukongwa. Abwezi Chiuta waziwa chifukwa cho tingasuzgikiya mu umoyu uwu. Kumbukani kuti Chiuta watitanja ndipu watitikhumbiya vyamampha vyosi, nyengu zosi. Iyu wakhumba kuti tivwaniyi mwaku iyu viyo kuti titondengi satana kuziya mwa ambuyafwi Yesu khristu.
Wonani Chakujambuwa Chanambala 13: Abrahamu Watuwaku Ku Charu Chawapapi Waki
![Wonani Chakujambuwa Chanambala 13: Abrahamu Watuwaku Ku Charu Chawapapi Waki](https://static.globalrecordings.net/300x200/lll1-13.jpg)
Chiyambu 12:1-13 (:4 in English)
Zuwa linyaki Chiuta wangumukambiya Abrahamu wakuti "tuwaku ku charu cha wapapi waku ndi uluti ku charu cho ndikakulongonga. Ndikakupanganga iwe kuwa fuku likulu, ndipu kuziya mwaku iwi ndikatumbikanga mtundu wosi wa wanthu wacharu chapasi." Abrahamu wanguvwana mu phanganu laku Chiuta ndipu wanguchita uli ndimo Chiuta wangumulanguliya. Viyo iyu wanguto muwoli waki, wantchitu waki ndi vyosi vo wenga navu. Abrahamu wangwenda mazuwa ghanandi ndiwangufika ku kanani ndipu Chiuta wanguti kwaku iyu "charu ndikapaskanga mtundu waku."
Wonani Chakujambuwa Chanambala 14: Abulahamu Ndi Loti
![Wonani Chakujambuwa Chanambala 14: Abulahamu Ndi Loti](https://static.globalrecordings.net/300x200/lll1-14.jpg)
Chiyambu 13:5-18
Abrahamu wenga ndi mphwa waki zina laki Loti. Loti wanguluta ndi Abrahamu ku Kanani. Abrahamu ndi loti wenga ndi viwetu vinandi viyo kuti waliska wawu wangwambana pakuti chakurya cha viwetu vyawu chenga chimana. Abrahamu wanguti kwaku Loti " tiyeni tireki kwambana mwaviyo tipatukane, sankha gawu la charu cho ukhumba." Ndipu Loti wangujisankhiya chigawa chamampha kuti wakajeku ndi viwetu vyaki ndipu mwenga mphepeti mwa msinji. Viyo Loti wanguja kufupi ndi msumba wa Sodomu. Chiuta wangukambaso ndi Abrahamu wakuti "charu ichi chosi ndikapaskanga iwi ndi wose wamtundu waku kwamuyaya.."
Wonani Chakujambuwa Cha Nambala 15: Abulahamu Wakumana Ndi Fumu Yachimangu
![Wonani Chakujambuwa Cha Nambala 15: Abulahamu Wakumana Ndi Fumu Yachimangu](https://static.globalrecordings.net/300x200/lll1-15.jpg)
Chiyambu 14:1-24
Wanthu waku Sodomu wangumunangiya ukongwa Chiuta. Mafumu ghanayi ngangurwa nkhondu ndi msumbawo ndipu wanguwuthereska ndikuto wanthu kuwa wakapolo pamoza ndi Loti ndi nyumba yaki yosi. Abrahamu wati wavwa ichi wanguluta kwachitaska Loti. Wachiweku ku nkhondu yakutaska Loti, Abrahamu wangukumana ndi fumu yikulu zina laki Melikizedeki fumu yaku Salemu cho ching'anamuwa Chimangu. Melikizedeki wangupereka mkate ndi vinyu kwaku Abrahamu wakuti "ndiwi wakusankhika ndi chiuta wamachanya yo wangupereka warwani waku mu janja laku." Abrahamu wangupereka sembi ku fumu iyi. Fumu yaku Sodomu nayu ingukhumbiska kupereka vawananga kwaku Abrahamu kweni iyu wangukana pakuti wangwenere cha kuronda vawanangwa kutuliya ku fumu yiheni yo. Kweni Loti wenga wakupusa viyo wanguchijaso ku Sodomu.
Wonani Chakujambuwa Chanambala 16: Abrahamu Wawerenga Nyenyezi
![Wonani Chakujambuwa Chanambala 16: Abrahamu Wawerenga Nyenyezi](https://static.globalrecordings.net/300x200/lll1-16.jpg)
Chiyambu 15:1-21, 17:1-19
Chiuta wangumudana Abrahamu bwezi laki ndipu wanguti fuku laki likawanga wanthu waki nyengu zosi. Abrahamu wenga wakukondwa cha ndi ichi pakuti wengavi wana. Chiuta wangumutuzgiya Abrahamu kubwalu kwa hema laki ndipu wangunena nayu; "leleska kuchanya ndipu uwerengi nyenyezi asani ungakwaniska. Ukawanga ndi wanthu wamitundu yinandi nge nyenyezizo." Abrahamu wanguvwaniya pa phanganu laku Chiuta ndipu Chiuta wangukondwa nayu ndipu wangumukambiya kuti wanthu wamtundu wake wazamkuwa wenechu wa charu cha Kanani.
Wonani Chakujambuwa Chanambala 17: Kuwa Kwaku Ishimael
![Wonani Chakujambuwa Chanambala 17: Kuwa Kwaku Ishimael](https://static.globalrecordings.net/300x200/lll1-17.jpg)
Chiyambu 16 - 17
Vyaka vinandi vingujumphapo ndipu abrahamu ndi Sara kuti wangupapa cha. Ndipo dzuwa linyake Sara wanguti kwaku abrahamu "toni wantchitu uyu Haga kuti panyaki kuziya mwaku iyu ndingasaniya mtundu." Viyo Haga wanguwa ndi nthumbu yaku Abrahamu. Yati yakapu nyengo Sara wangwamba kumuchitiya nkhaza Haga. Chiuta wangutuma mngelo waki kwachizikiska mtima Haga ndipu wangumukambiya kuti wakabalanga mwana munthulumi ndiwakamudananga zina laki Ishimaeli. Ishimaeli wakawanga ndi wana wanandi ndi mtundu ukulu ndipu iyu ndiyu mpapi wa wawiskewu wa wanthu wachiluya. Chiuta wangumukambiya Abrahamu kuti muwoli waki Sara wakabalanga mwana munthulumi ndipu mwaku iyu chiuta wakasunganga mapanganu ngaki ndi iyu.
Wonani Chakujambuwa Chanambala 18: Sara Waseka
![Wonani Chakujambuwa Chanambala 18: Sara Waseka](https://static.globalrecordings.net/300x200/lll1-18.jpg)
Chiyambu 18:1-15
Zuwa linyaki Abrahamu ndi Sara wati wakota ukongwa angelu watatu waku Chiuta wanguza kwaku iwu. Sara wangunozga chakurgha ndipu Abrahamu wanguwapaska chakurya cho kubwalu kwa hema. Yumoza wa wamithenga wo wangukamba mazgu yaku chiuta wakuti "miyezi yinkhondi ndi yinayi kutuliya sonu Sara wakawanga ndi mwana munthulumi." Kweni Sara wanguvwa mazgu yanga mkati mwa hema viyo wanguseka kwaku iyu yija pakuti wanguvwana cha. Ndipu Chiuta wanguti kwaku Abrahamu "ntchifukwa uli Sara waseka? Kumbi chilipu chakutondeka ndi chiuta." Viyo kunguwa uli ndimo Chiuta wangupanganiya. Ndipu Sara wangubala mwana munthulumi nanga uli wenga wakukota. Mwanayo wangumudana zina laki Yisaki cho ching'anamuwa kuseka.
Wonani Chakujambuwa Chanambala 19: Abrahamu Wapemphere Sodomu
![Wonani Chakujambuwa Chanambala 19: Abrahamu Wapemphere Sodomu](https://static.globalrecordings.net/300x200/lll1-19.jpg)
Chiyambu 18:16 - 19:29
Chiuta wangughanaghana zakunanga msumba wa Sodomu chifukwa wanthu wenga waheni ukongwa mumachitilu yawu ndipu chiuta wangumukambiya Abrahamu za cho wangukhumba kuchita. Abrahamu wangukumbuka Loti ndi wanguti kwaku Chiuta "kumbi mukananganga wanthu wamampha pamoza ndi waheni? Kumbi chiuta wakweruzga charu wakachitanga urunji cha?" Abrahamu wangupempha Chiuta kuti wangananganga charu cho cha. Kweni Chiuta wanguti "asani ndingasaniya wanthu tchumi warunji ndikananganga cha msumba wo." Ndipu wamithenga waku Chiuta wangusikiya ku sodomu. Kweni mu sodomu mwenga munthu yumoza murunji zina laki Loti. Ndipu Chiuta wangutuma motu kutuliya kuchanya ndikunanga msumbawo. Loti ndi wana waki wanthikazi wawi wangutaskika.
Wonani Chakujambuwa Chanambala 20
![Wonani Chakujambuwa Chanambala 20](https://static.globalrecordings.net/300x200/lll1-20.jpg)
Chiyambu 20:20-22 (English: Chiyambo 21:1-22:19)
Mwana waku Abrahamu, Yisake wangukuwa msinkhu ndipu wenga mnyamata. Chiuta wangumuyesa Abrahamu wakuti "to mwana waku yumoza pe ndipu umpereki nge ndi sembi kwaku ini." Abrahamu wangugomezga Chiuta ukongwa ndipu wangumuvwiya iyu. Wanguziwa kuti Chiuta wangaziwa kumuyuska mwana yo ku wakufwa. Ndipu Abrahamu wanguja pamanavi kumubaya Yisaki penipo chita wanguti "Abrahamu leka kupweteka mwanayo sonu ndaziwa kuti uwika ini panthazi pa vyosi pakuti wandinola cha mwana waku yumoza pe." Ndipu Abrahamu wanguwona mbereri mu chivwati. Abrahamu wanguyito ndikuyibaya ndipu wangupereka sembi kwaku Chiuta mmalu mwa mwana waki Yisaki.
Wonani Chakujambuwa Chanambala 21: Khongwi Abrahamu Ndi Wantchitu Waki
![Wonani Chakujambuwa Chanambala 21: Khongwi Abrahamu Ndi Wantchitu Waki](https://static.globalrecordings.net/300x200/lll1-21.jpg)
Chiyambu 24:1 - 25:11
Sono Abrahamu wati wakota wangudana wantchitu waki ndikumunene kuti "were ku charu change ndi ukato mnthikazi wa mwana wangu Yisake." Abrahamu wangukhumba cha kuti mwana waki watuweku ku kanani pamwenga kuto mthikazi pa wanthikazi waheni wa mu kanani. Viyo wantchitu yo wangupangana kuti wakamuvwiyanga Abrahamu pakuchita vo wangumukambiya. Chiuta wangumudaniliya wantchituyo mpaka wangufika ku charu cho kwenga wabali waku Abrahamu. Kweniko wangusaniya munthikazi waku Yisaki wakutowa ukongwa ndipu zina laki wenga Rabeka. Isaki ndi Rabeka wangubala mwana munthulumi zina laki Yakobi yo wanguziwika nge Isiraeli ndipu ndiyu mpapi wa fuku la wa Isiraeli. Wanthu waku Isiraeli wangulutilizga kuja ku kanani. Kutuliya ku Isiraeli kunguza munthu yumoza yo waza ndi vitumbiku va charu chosi chapasi.
Wonani Chakujambuwa Chanambala 22: Kuwa Kwaku Yesu
![Wonani Chakujambuwa Chanambala 22: Kuwa Kwaku Yesu](https://static.globalrecordings.net/300x200/lll1-22.jpg)
Mateyu 1:18 -25; Agalatiya 4:4 -5
Mazgu ghaku chiuta nganeneska, Chiuta wapusika cha. Chiuta wangupangana ndi Adamu kuti wazamutuma wakusankhika waki kwazithereska satana. Wangumuchenjezga Noah kuti wazamunanga wosi wowangunangiya Chiuta. Chiuta wangurongo Abrahamu kuti iyu wasunga mapanganu ngaki nyengu zosi. Muchakujambuwa ichi muwona mwana wabonda zina laki Yesu yo wanguwaku mu Isiraeli mu nyengo yakuwikika kali. Anyina waki wenga Maria ndipu Yesu wenga wa fuku laku Abrahamu ndi Isaki. Kweni awiski waku Yesu wenga Chiuta yumoza pe yo ndi mneneska. Yesu ndiyu watuza ndi vitumbiku ku charu chapasi ndipu ndiyu watuza ndikuthereska satana kweniso ndiyu watitiwezgeso pamalu ghakuti tiwi pa ubali ndi Chiuta.
Wonani Chakujambuwa Chanambala 23: Nyifwa Yaku Yesu
![Wonani Chakujambuwa Chanambala 23: Nyifwa Yaku Yesu](https://static.globalrecordings.net/300x200/lll1-23.jpg)
Wagalatiya 3:13-14
Yesu wangukuwa mu msinkhu. Wanguwasambizga wanthu nthowa zaku Chiuta, wanguchita vyakuziziswa vinandi kusimikizga kuti wangutuliya kwaku Chiuta. Kweni wanthu wakwananga kuti wanguvwana mwaku iyu cha. Viyo wangumubaya Yesu pakumupayika pamphinjika. Wankhondo wangumugwaza m'mbawala ndi mkondu ndipu iyu wangufwa. Mwawabwezi Chiuta wangumukambiya Adamu kuti asani walya chipasi cha muti wuwa wakafwanga.Tosi tamunangiya Chiuta ndipo titenere kuluta kunyifwa yamuyaya. Kweni yesu wangufwa mwakuti watitore isi chilangu chidu. Kumbukani mo chiuta wangupereke mbereri kwaku Abrahamu kuti waibayi m'malu mwaku Yisaki. Chiuta wangupereka mwana waki yumoza pe, Yesu kufwa mumalu ngidu. Kumbukani mo Chiuta wangupanganiyana ndi Adamu kuti wazamutuma wakuthereska satana. Satana wakuthereskeka po Yesu wangutifwiya ifwi, viyo nthazi yaku satana yakutiziskiya nyifwa yamuyaya yikumala kuziya mwaku Yesu khristu.
Wonani Chakujambuwa Chanambala 24: Yesu Ndiyu Umoyu
![Wonani Chakujambuwa Chanambala 24: Yesu Ndiyu Umoyu](https://static.globalrecordings.net/300x200/lll1-24.jpg)
Yohani 20:1-31
Liwavu laku yesu linguwikika mudindi kweni pazuwa lachitatu wanguyuka ku wakufwa. Yesu wanguwoneke ku wabwezi waki kweni yumoza mwaku wo, Tomasi pengavi. Wati waza wanyaki wangumukambiya kuti wamuona Ambuya Yesu kweni iyu wanguvwana cha. Yesu wanguwawonekeso ndipu wangumulongo Tomasi m'manja mo mungulasika ndi mizumali kweni so m'mbawala mo wangumulasa ndi mkondu ndipu wanguti " Tomasi leka kukaika ndipu vwana pakuti mbakutumbikika iwu wo wavwana nanga ndi penipo waleka kundiona ini." Abwezi tingawanga nge ndi Tomasi cha yo wanguleka kuvwana pakumukayikiya Chiuta kweni tiwi nge ndi Abulahamu yo wanguvwaniya mumapanganu ngaku Chiuta. Asani tingaja ndi chivwanu mwaku Yesu tikamuziwanga Chiuta ndipu tikalondanga umoyu mwaku iyu.