unfoldingWord 34 - يسوع يعلم قصص تانية
![unfoldingWord 34 - يسوع يعلم قصص تانية](https://static.globalrecordings.net/300x200/z40_Mt_13_19.jpg)
Zarys: Matthew 13:31-46; Mark 4:26-34; Luke 13:18-21;18:9-14
Numer skryptu: 1234
Język: Arabic, Sudanese: Khartoum
Publiczność: General
Gatunek muzyczny: Bible Stories & Teac
Zamiar: Evangelism; Teaching
Cytat biblijny: Paraphrase
Status: Approved
Skrypty to podstawowe wytyczne dotyczące tłumaczenia i nagrywania na inne języki. Powinny być dostosowane w razie potrzeby, aby były zrozumiałe i odpowiednie dla każdej kultury i języka. Niektóre użyte terminy i pojęcia mogą wymagać dodatkowego wyjaśnienia, a nawet zostać zastąpione lub całkowicie pominięte.
Tekst skryptu
![](https://static.globalrecordings.net/300x200/z40_Mt_13_12.jpg)
يسوع اتكلم عن قصص تانية كتيرة عن ملكوت الله. مثلا هو قال: "ملكوت الله بشبه بزرة الخردل الزول زرعو في حقلو. انت بتعرف انو بزرة الخردل هي اصغر بزرة من كل البزور!".
![](https://static.globalrecordings.net/300x200/z40_Mt_13_13.jpg)
"لكن لمن بزرة الخردل تنمو، بتبقي اكبر الاشجار في الحقل، حتي الطيور تجي وتقعد في فروعها".
![](https://static.globalrecordings.net/300x200/z40_Mt_13_14.jpg)
يسوع قال قصة تانية "ملكوت الله بشبه خميرة، المراة عجنته مع الدقيق لحدي الخميرة انتشرت في العجين".
![](https://static.globalrecordings.net/300x200/z40_Mt_13_18.jpg)
"ملكوت الله كمان بشبه كنز زول دساهو في الحقل، زول تاني لقي الكنز وكان دايرو شديد. عشان كدا دفنو تاني. هو كان فرحان شديد حتي مشي و باع كلو حاجة عندو عشان يشتري الحقل الكان فيهو الكنز".
![](https://static.globalrecordings.net/300x200/z40_Mt_13_19.jpg)
"ملكوت الله كمان بشبه اللؤلؤة الكويسة العندها قيمة عظيمة. لمن تاجر اللؤلؤ لقاها، باع الحاجات الكان عندو عشان يقدر يشتريهو".
![](https://static.globalrecordings.net/300x200/z42_Lk_18_02.jpg)
كان في بعض الناس بفتكروا انو الله بيقبلهم عشان بعملوا حاجات كويسة . الناس ديل بستهتروا بالتانيين الما بعملوا حاجات كويسة. عشان كدا يسوع كلمهم بالقصة دي "كان في اتنين راجل , كلهم مشوا للهيكل عشان يصلوا. واحد منهم كان جامع ضرائب و التاني كان القادة الدينيين".
![](https://static.globalrecordings.net/300x200/z42_Lk_18_03.jpg)
القائد الديني صلي بالطريقة دي، شكرا يا الله، انا ما خاطي زي الرجال التانيين - زي الحرامية، الرجال الظالمين، الزناة او حتي ما زي جامع الضرائب الهناك".
![](https://static.globalrecordings.net/300x200/z42_Lk_18_04.jpg)
"مثلا، انا بصوم مرتين في كل اسبوع و بديك عشرة في المية من قروش والبضائع البلقاهو".
![](https://static.globalrecordings.net/300x200/z42_Lk_18_05.jpg)
"لكن جامع الضرائب وقف بعيد من القائد الديني. حتي هو ما عاين فوق للسماء. بدل ده دقى صدره بيدو وصلي، من فضلك ارحمني يا الله لانو انا خاطي".
![](https://static.globalrecordings.net/300x200/z40_Mt_18_01.jpg)
بعد داك يسوع قال: "انا بقول ليكم الحقيقة، الله سمع صلاة جامع الضرائب و اعلنو انو هو بار. لكن هو ما قبل صلاة القائد الديني. الله ما بكرم كلو زول متكبر، لكن هو حيكرم اي زول متواضع".