Үз сонс амьдар 8-р ном

Удиртгал

Сайн байцгаана уу?. Ах дүү нараа.
Бурханы Ариун Сүнс хүмүүстэй үргэлж хамт байдгийг та мэдэх үү?. Энэ бүхэн хэрхэн эхэлснийг одоо та сонсоорой. Та дохио дуугарах бүрт дараагийн зурагруугаа шилжихээ мартуузай.

Зураг 1 Есүс тэнгэрүү одсон нь

Үйлс 1:1-11

Есүс 2000 жилийн тэртээ Тэнгэрийн улсаасаа дэлхийд ирсэн. Тэр Бурханы, түүний үнэнийг мэдүүлэх гэж, мөн сүнслэг амьдралыг өгөхөөр ирсэн. Бидний сүнс үхэж, бид Бурханаас салсан байсан. Харин бид Есүсийг хүлээн авсанаар Бурхантай эвлэрэх юм.
Харин муу хүмүүс Есүсийг загалмайд цовдолж алсан. Харин тэрээр гурав хоногийн дараа үхэлээс дахин амилсан. Түүнийгээ олон шавь, дагалдагч нар нь харж, барьж үзсэн байлаа. Тэгээд Есүс тэдэнд
Ариун Сүнс та нар дээр ирэхэд, та нар хүчийг олж, энэ дэлхийн хязгаар хүртэл намайг гэрчлэх болно гэж хэлээд Есүс та бүгдийн зурган дээр харж байгаа шиг тэнгэр өөд өргөгдсөн юм. Удахгүй тэр нэгэн өдөр үүний адил ирэх болно.

Зураг 2 Ариун Сүнс галаар ирсэн нь

Үйлс 2:1-12

Есүс тэнгэрлүү одсоноос хойш 10-н хоногийн дараа Түүний бүх дагалгдагч нар нэг газарт цугларсан байлаа. Гэнэт тэнгэрээс хүчит салхи мэт дуу гаран, гал хаяж хүн бүрийн дээр тогтохыг тэд харлаа. Ийнхүү тэд Есүсийн амласан Ариун Сүнсээр дүүрч, хүчийг олон, харь хэлээр ярьж эхлэв.

Зураг 3 Петр ард түмэнд номолсон нь

Үйлс 2:14-41

Есүсийн дагалдагч нар Иерусалим хотод байх үед дэлхийн дах хязгаараас олон үндэстнүүд цугларсан байв. Дуу чимээнээр үй олон хүмүүс цугларч, өөрсдийнх нь төрлөх хэлээр тэднийг ярихыг сонсчээ.Тэд Есүсийг үхээд дахин амилсан талаар ярьж байлаа. Петр босоод тэдэнд
- Та нарыг харж байгаа бол Ариун Сүнсний бэлэг. Хүн бүр өөрсдийн
гэм нүглээсээ эргэж, Есүс Христийн нэрээр баптисм хүртэцгээ. Тэгвэл та нар уучлагдаж, Ариун Сүнсний бэлгийг хүлээн авах болно гэлээ. Үүнийг сонсоод олон хүмүүс итгэж, гэмшилийн бэлэгдэл болгож усан баптисм хүртэв. Ингээд тэд Ариун Сүнсийг хүлээн авч, Есүсийн заасан зөв амьдралаар замнах боллоо.

Зураг 4 Сүм цуглаан бол гэр бүл

Үйлс 2:42-47

Итгэсэн бүх хүмүүс хамтаараа байцгаан, байгаа бүхнээ нийтээрээ хэрэглэдэг байв. Тэд байгаа бүхнээ хүн бүрийн хэрэгцээг харгалзан бүгдэд түгээдэг байлаа. Өдөр бүр тэд нэг сэтгэлээр цуглаж, баяр хөөртэйгөөр чин сэтгэлээсээ Бурхан Эзэнийг магтаж, хамт залбирдаг байв. Заримдаа тэд Есүс Эзэн захисан учир талх, дарсаар онцгой зоог барьдаг ажээ. Талхны хэлтэрхий нь биднийг гэмээс болж шийтгэгдэн зовсон Есүсийн биеийг, дарс нь биднийг гэмээс угаасан Есүсийн цусыг санагдуулдаг билээ.

Зураг 5

Үйлс 3:1-16

Нэг өдөр Петр, Иохан хоёр залбирахаар сүмрүү явж байв. Гудамжинд гуйлга гуйдаг, төрөлхийн хазгар нэгэн хүн мөнгө өгөх нь хэмээн горьдон харахад, Петр түүнд
- Надад мөнгө байхгүй. Өөрт байгаагаа л чамд өгье гээд “Есүс Христийн нэрээр босоод явагтун” гэж хэлээд баруун гараас нь барьж өндийлгөсөнд түүнийг хөл, шагай тэр даруй хүч орж, зогсоод алхаж эхлэв.
Тэр Ариун Сүнсний хүчээр эдгэрч Есүс Христэд итгэжээ. Тэр мөнгөнөөс илүү бэлгийг хүлээн аваад, цовхчин баярлаж, Бурханыг магтан тэдний хамт сүмд явж орлоо.

Зураг 6 Худалч эмэгтэй, Петр хоёр

Үйлс 5:1-11

Ананиа гэгч нэгэн эхнэр Сафпиртайгаа Бурханд өргөл өргөхөөр хөрөнгөө зарж заримыг нь өөртөө үлдээн заримыг нь л дагалдагч нарт өгчээ. Петр тэр хоёрыг худал хэлж буйг мэдэж байсан учир
- Ананиа, чи хүнд биш харин Бурханд худал хэллээ гэлээ. Үүний сонсмогцоо Ананиа газар унаж амьсгал хураав.Залуус босон түүнийг биеийг нь ороогоод оршууллаа. Юу болсоныг мэдээгүй түүний эхнэр дараа нь хүрч ирээд мөн л Петрт худалаа ярьсанд тэр даруй Петрийн хөлд унаж амьсгал хураажээ
Найзуудаа, бид мөнгөнөөс болж үнэнийг гуйвуулж болохгүйн зэрэгцээ Бурханд болон бусдад худлаа ярьж болохгүй билээ.

Зураг 7 Стефан алагдсан нь

Үйлс 6:1 - 8:3

Стефан сүмийн ахлагч байсан ба ядуу хүмүүст тусалдаг байв. Тэр Есүсийн тухай зоригтой ярьдаг байсан учраас Еврейчүүд атаархан, шүүхэд авчирч, буруутгав. Бурханы сүнс түүнтэй хамт байгааг мэдэж байсан учир тэднээс ер айсангүй. Стефан Еврейчүүд өөрсдөө тэднийг тамалж алсаныг сануулахад тэд уур хилэндээ автаж, Стефаныг хотооч чирч гаргаад, түүнрүү чулуу шидэж гарав. Паул гэгч залуугийн хөлд тэд хувцсаа тавьжээ.
- Эзэн минь, сүнсийг минь хүлээж аваарай. Энэ нүглийн төлөө тэднийг бүү шийтгээрэй гэж хэлээд тэр амьсгал хураав. Бурханы сүнс хэзээ ч итгэгч хүмүүсийг орхирдоггүй, үхлийн дараа ч мөн адил.

Зураг 8 Филип Етиоп хүн

Үйлс 8:4-8, 26-40

Филип олон хүмүүст Есүсийн тухай ярьсанд тэд итгэцгээжээ. Тэгээд Бурхан Эзэн Филипийг цөлрүү яв гэжээ. Цөлийн замаар Етиопы нэр хүнд бүхий түшмэд сүйх тэргээр явж байхдаа Бурханы номыг уншиж байлаа. Түүний ном нэгэн хүн маш их зовж буй талаар өгүүлсэнд Етиоп хүн ер ойлгосонгүй, Ариун Сүнс Филипийг цөлрүү оч гэсэнд Филипийг дөхөж ирэхэд түүний уншиж буй нь сонсогдов. Ингээд Филип түүний ном Бурханы илгээсэн Есүсийн талаар өгүүлж буйг хэлэхэд Етиоп хүн Есүсийг дагахаар боллоо.
Тэгээд хамтдаа үргэлжлүүлэн аялж байтал Етиоп хүн
- Хараач ус байна!!. Баптисм хүртэхэд болохгүй нь юу билээ гэлээ. Тэгээд тэд хоёулаа усруу орж Филип түүнд Баптисм хүртээгээд баяр баясгалантайгаар замдаа гарчээ. Ийнхүү Есүсийн сайн мэдээ түгэн түгсээр байлаа.

Зураг 9 Петр амьтдын тухай үзэгдэл үзсэн нь

Үйлс 10:9-16

Нэгэн өдөр Петр байшингийнхаа дээвэр дээр байж байгаад Бурханы үзэгдэл үзжээ. Тэнгэр нээгдэж том бүтээлэг дөрвөн өнцгөөрөө газардахыг харав. Дотор нь бүх дөрвөн хөлт амьтад байлаа. Петр маш өлссөн байв. Гэтэл тэнгэрээс
- Петр бос нядлаад ид! гэв. Энэ амьтад бол Еврейн хуулиар цэвэр бус байлаа. Иймээс Петр
- Эзэн яасан ч үгүй би хэзээ ч ариун бус юм идэж байгаагүй гэлээ. Энэ үзэгдэл гурван удаа давтагдав. Ингээд мөнөөх сав тэнгэр өөд өргөгдөж авагджээ.

Зураг 10 Петр болон ромчууд

Үйлс 10:1-8, 17-48

Петрийн залбирч дуусмагц гурван хүн түүн дээр ирэв. Тэднийг өөр нэг хотоос Бурханыг хүндэлдэг, Ромын цэргийн захирагч Корнел гэдэг хүн явуулжээ. Бурханы тэнгэр элч Корнелд үзэгдэж, Петрийг олж уулз гэж хэлжээ. Тэр үед Еврейчүүд Ромчуудыг цэвэр бус гэж үздэг байсан боловч, Бурхан Петрт цэвэр бус овог, аймаг гэж байхгүй гэдгийг үзэгдлээр ойлгуулжээ. Иймээс Петр Ромчуудтай уулзахаар явлаа. Корнел Петрийг хараад мөргөх гэтэл Петр түүнд
- Бос би ч гэсэн хүн шүүдээ. Чи юунд намайг хайгаа вэ?. гэхэд
Бурханы тэнгэр элч Корнелд үзэгдсэн талаар Петрт ярьжээ. Ингээд Петр хүмүүсээ Бурханы илгээсэн Есүсийн тухай ярьж өглөө. Тэгэхэд Корнел болон түүнийг гэр бүлийнхэн итгэн, ариун сүнсийг хүлээн авцгаажээ.Бурхан Эзэн хэл, соёл, арьсны өнгө харгалзахгүй бүх хүмүүсийг хайрладаг. Хүн бү түүнд итгэж үйлчлээсэй гэж тэр хүсдэг.

Зураг 11 Петр шоронд орсон нь

Үйлс 12:1-12

Херод хаан Иерусалимын итгэгчдийг хавчих болж Иаков нэртэй дагалдагчийн алуулжээ. Бас Петрийг шоронд хийж, харуулуудаар мануулжээ. Нэг шөнө Петр хоёр цэргийн дунд давхар гинжээр гинжлээстэй унтаж байлаа. Гэнэт Эзэний тэнгэр элч үзэгдэж шоронгийн өрөөнд гэрэл цацрав.
Тэнгэр элч Петрийн хажууруу еврөн сэрээж
- Түргэн бос намайг дага гэхэд Петрийн гараас гинж нь мултарч уналаа. Тэд харуулуудыг өнгөрөөд хотруу ордог хаалган дээр иртэл хаалга өөрөө нээгдэв. Тэд гарч явсаар нэг гудамж өнгөрөхөд, тэнгэр элч гэнэт түүний орхин одов.

Зураг 12 Петр ба түүний найзууд

Үйлс12:12-19

Петрийг шоронд байх үед найзууд нь цуглаад түүний төлөө залбирч байлаа. Петр шоронгоос суллагдмагцаа тэдний байгаа газар иржээ. Петр тэдний хаалгыг тогшиход зарц охин гарч ирээд Петрийн дууг танив. Тэр баярласандаа хаалгаа ч тайлалгүй дотогш гүйн орж, Петр хаалган дээр байна гэж мэдэгджээ. Гэтэл найз нар нь
- Чи өөрийн ухаантай байна уу? гэж хэлээд гайхан хоцров.
Ингээд Петр тэдэнд Эзэн түүнийг шоронгоос хэрхэн гаргасныг ярьж өгөв.
Бурхан өөрийн хүмүүсийн залбирлыг үргэлж сонсдог.
Есүс
- Миний нэрээр хоёр буюу түүнээс дээш хүмүүс нэгдэн залбирахад би тэдэнтэй хамт байх болно гж амласан.
Анхны сүмийнхэнтэй Есүсийн Сүнс хамт байсан шиг одоо ч түүнийг дагадаг хүмүүстэй Тэр хамт байдаг.