unfoldingWord 15 - Tetoo-too NuꞌIsrael Nentama EiTana Sanu Jinanjia
![unfoldingWord 15 - Tetoo-too NuꞌIsrael Nentama EiTana Sanu Jinanjia](https://static.globalrecordings.net/300x200/z06_Jo_24_08.jpg)
रूपरेखा: Joshua 1-24
लिपि नम्बर: 1215
भाषा: Tajio
दर्शक: General
विधा: Bible Stories & Teac
उद्देश्य: Evangelism; Teaching
बाइबल उद्धरण: Paraphrase
स्थिति: Approved
लिपिहरू अन्य भाषाहरूमा अनुवाद र रेकर्डिङका लागि आधारभूत दिशानिर्देशहरू हुन्। तिनीहरूलाई प्रत्येक फरक संस्कृति र भाषाको लागि बुझ्न योग्य र सान्दर्भिक बनाउन आवश्यक रूपमा अनुकूलित हुनुपर्छ। प्रयोग गरिएका केही सर्तहरू र अवधारणाहरूलाई थप व्याख्याको आवश्यकता हुन सक्छ वा पूर्ण रूपमा प्रतिस्थापन वा मेटाउन पनि सकिन्छ।
लिपि पाठ
![](https://static.globalrecordings.net/300x200/z06_Jo_02_07.jpg)
Ponouꞌongnya najaok tewatunya tetoo-too nuꞌIsrael mentama eiKanaꞌan, teTana sanu Jinanjia. SiYosua nonuju rotoo temata-mata umaꞌo eikota nutoo-too nuKanaꞌan sanu tinope teYerikho. Tekota heꞌua sanu otembok sanu morosong. Eikota heꞌua nomoia sotoo telonte tetopenya siRahab sanu nonjagai temata-mata heꞌua ane nondulu siira nelinjok. Siia nonggaukaꞌonya karna siia neꞌeepemo sima teꞌAlataꞌala ane nomarcaya eiSiia. Siira nojanji untuk monjagai siRahab, siamanya, siinanya ane teruru-rurusnya watu teYerikho nopoꞌorua nuꞌAlataꞌala.
![](https://static.globalrecordings.net/300x200/z06_Jo_03_04.jpg)
Untuk mentama umaꞌo eiTana sanu Jinanjia eitoo-too nuꞌIsrael kanaboi metava eiBangkalang nuYordan. TeꞌAlataꞌala nongulara eisiYosua, “Tujumo teꞌimam umaꞌo mongaliuru.” Watu tepaa nuꞌimam nongumpag teBangkalang nuYordan heꞌua, teogo neondok naanjul jaok tetoo-too nuꞌIsrael maala nelampa eitana sanu noꞌogal.
![](https://static.globalrecordings.net/300x200/z06_Jo_06_02.jpg)
Touk tetoo-too nelampa eiBangkalang nuYordan, teꞌAlataꞌala nongulara eisiYosua iamaꞌo tecaranya untuk mongeva teKota nuYerikho sanu morosong. Tetoo-too nuꞌIsrael nonuruꞌi teꞌAlataꞌala. Jojoo tetantara ane teꞌimam nomaliti teKota nuYerikho sangkaning seeleo eꞌendenya onoeleo.
![](https://static.globalrecordings.net/300x200/z06_Jo_06_05.jpg)
Eieleo opepituaꞌonya, tetoo-too nuꞌIsrael nomaliti tekota heꞌua pitungkaning. Watu siira notouk nomaliti tekota heꞌua ponouꞌong ngkaninaꞌonya, tetantara neroroa pepees teꞌimam nonyuba tetorompet niira.
![](https://static.globalrecordings.net/300x200/z06_Jo_06_06.jpg)
Lamai heꞌua tetembok eipapalit teKota nuYerikho nagali noguar! Tetoo-too nuꞌIsrael nopoꞌorua jojoo tesagara eikota heꞌua simamo sanu pinarenta nuꞌAlataꞌala. Boi siRahab siamanya, siinanya ane teruru-rurusnya sanu pinaꞌasalamat. Siira neincong concoono tetoo-too nuꞌIsrael. Lamai heꞌua tetoo-too nuKanaꞌan sanu ntaninya neꞌeepe tetoo-too nuꞌIsrael nopoꞌorua teYerikho, siira nobule tetoo-too nuꞌIsrael kana mongeva siira valii.
![](https://static.globalrecordings.net/300x200/z06_Jo_09_01.jpg)
TeꞌAlataꞌala nomarentaaꞌomo tetoo-too nuꞌIsrael inyaa medadameong concoono tetoo-too nuKanaꞌan. Tapi tetoo-too nuKanaꞌan lamai teGibeon nolampoa eisiYosua ane nongular siira najaok lamai pomoiaong sanu naavar lamai teKanaꞌan. Siira nomongi siYosua antau medadameong concoono siira. SiYosua ane tetoo-too nuꞌIsrael jio noꞌutanya eiꞌAlataꞌala lamai paio tetoo-too nuGibeon heꞌua nomoia. Jadi siYosua nedadameong concoono siira.
![](https://static.globalrecordings.net/300x200/z06_Jo_10_01.jpg)
Tetoo-too nuꞌIsrael nongoungkul watu siira moꞌotoi tetoo-too nuGibeon nonipumo siira, tapi siira tataap nonjaga tejanji nupedadameong sanu pinogutu niira concoono siira karna tejanji heꞌua pinogutu eitolo nuꞌAlataꞌala. Lamai heꞌua tepuang-puang nutoo-too nuKanaꞌan sanu ntaninya, tetoo-too nuꞌAmori, neꞌeepe simamo tetoo-too nuGibeon nogutumo nedadameong concoono tetoo-too nuꞌIsrael. Tepuang-puang nuꞌAmori nongincona tetantara niira najari tetantara sanu mooge tutuu ane nongeva tetoo-too nuGibeon. Tetoo-too nuGibeon nomaꞌatu tetutuunong eisiYosua nomongi nodului.
![](https://static.globalrecordings.net/300x200/z06_Jo_10_02.jpg)
Karna heꞌua siYosua nongincona tetantara nuꞌIsrael, ane siira nelampa eꞌende nundoung untuk umaꞌo majaok eitoo-too nuGibeon. Eiwatu titieleo siira nonarigut tetoo-too nuKanaꞌan temusu-musu niira ane nongeva siira.
![](https://static.globalrecordings.net/300x200/z06_Jo_10_03.jpg)
TeꞌAlataꞌala nonyabataa untuk tetoo-too nuꞌIsrael teeleo heꞌua. TeꞌAlataꞌala nogutu tetoo-too nuKanaꞌan neingu ane Siia nonjaoka teujang nuvatu-vatu nuꞌees sanu mooge sanu nopaꞌaate nabari tetoo nuKanaꞌan.
![](https://static.globalrecordings.net/300x200/z06_Jo_10_04.jpg)
Valii teꞌAlataꞌala nogutu teeleo nongondok eilangit jaok tetoo-too nuꞌIsrael magana tewatu nondaag tetoo-too nuꞌAmori. Teeleo heꞌua teꞌAlataꞌala nondulu tetoo-too nuꞌIsrael nondaag tutuu.
![](https://static.globalrecordings.net/300x200/z06_Jo_08_11.jpg)
Touk teꞌAlataꞌala nondaag tetantara heꞌua, mabari tetoo-too nuKanaꞌan sanu ntaninya neincong antau mongeva teꞌIsrael. SiYosua ane tetantara nuꞌIsrael nongeva ane nomate siira.
![](https://static.globalrecordings.net/300x200/z06_Jo_24_08.jpg)
Notouk mabari nepapateong eini, teꞌAlataꞌala nombeena eisuku-suku nuꞌIsrael tetilal niira mboto lamai teTana sanu Jinanjia. Lamai heꞌua teꞌAlataꞌala nombeena tetoo-too nuꞌIsrael nedadameong eijojoo tepebataong.
![](https://static.globalrecordings.net/300x200/z06_Jo_22_04.jpg)
Watu siYosua neisimo, siia noleva jojoo tetoo nuꞌIsrael. Lamai heꞌua siYosua nolambota siira kanaboi monuruk tepejanjiong sanu pinogutu nuꞌAlataꞌala concoono tetoo-too nuꞌIsrael eiSinai. Tetoo-too nojanji untuk tataap nesetia eiꞌAlataꞌala ane monuruꞌi tehukum-hukum-Nya.