unfoldingWord 08 - الله ينقذ يوسف و اسرتو
रूपरेखा: Genesis 37-50
लिपि नम्बर: 1208
भाषा: Arabic, Sudanese: Khartoum
दर्शक: General
विधा: Bible Stories & Teac
उद्देश्य: Evangelism; Teaching
बाइबल उद्धरण: Paraphrase
स्थिति: Approved
लिपिहरू अन्य भाषाहरूमा अनुवाद र रेकर्डिङका लागि आधारभूत दिशानिर्देशहरू हुन्। तिनीहरूलाई प्रत्येक फरक संस्कृति र भाषाको लागि बुझ्न योग्य र सान्दर्भिक बनाउन आवश्यक रूपमा अनुकूलित हुनुपर्छ। प्रयोग गरिएका केही सर्तहरू र अवधारणाहरूलाई थप व्याख्याको आवश्यकता हुन सक्छ वा पूर्ण रूपमा प्रतिस्थापन वा मेटाउन पनि सकिन्छ।
लिपि पाठ
بعد سنين كتير ، لمن يعقوب بقى عجوز ، هو رسل ولدو البحبو اكتر ، يوسف ،عشان يتفقد احوال اخوانو الكانو برعو البهائم .
اخوان يوسف كرهو عشان ابوهم حباه كتير لانو يوسف حلم بانو حيكون قائدهم . لمن يوسف جاء لاخوانو ، هم خطفوه وباعوه لبعض تجار العبيد .
قبل ما اخوان يوسف يرجعوا البيت ، شرطو جلابية يوسف و لطخو بدم غنماية . بعد داك هم شوفو الجلابية لابوهم عشان هو يفتكر انو وحش قتل يوسف . يعقوب كان حزين شديد .
تجار العبيد شالو يوسف لى مصر . مصر كانت بلد كبيرة وقوية تقع على طول نهر النيل . تجار العبيد باعوا يوسف كعبد لموظف حكومى غنيان . يوسف خدم سيدو كويس والله بارك يوسف .
مراة سيدو حاولت تنوم مع يوسف ،لكن يوسف ابى ان يخطئ ضد الله بالطريقة دي .هي بقت زعلانة و بالكذب اتهمت يوسف عشان كده مسكو ورسلو الى السجن. حتى في السجن يوسف كان امين مع الله ، و الله باركه.
و بعد سنتين يوسف كان لسع في السجن، ما انو هو كان برئ . مرة بالليل ، الفرعون و ده الاسم المصريين بسمو بيهو ملوكهم ، حلم حلمين عمل ليهو ازعاج شديد . ولا واحد من المستشارين حقو قدر يوريه معنى الاحلام .
الله ادى يوسف قدرة لتفسير الاحلام ، عشان كده فرعون جاب يوسف من السجن . يوسف فسر ليهو الاحلام و قال ، "الله ماشي يرسل سبع سنوات حصاد كتير ، بعدو سبع سنوات مجاعة" .
فرعون كان اتعجب شديد بيوسف فبقاهو تاني اقوى راجل في مصر كله!
يوسف كلم الناس عشان يخزنو كمية كبير من الاكل خلال السبع سنوات الحصاد الكويس . بعد داك يوسف باع الاكل للناس لمن السبع سنوات المجاعة جات عشان هم حيكون عندهم كفاية اكل لياكلوا .
المجاعة كان شديد ما بس فى مصر ، لكن برضو فى كنعان مكان يعقوب واسرتو كانوا ساكنين .
عشان كدا يعقوب رسل اولادوا الكبار لي مصر عشان يشتروا اكل . الاخوان ما عرفو يوسف لمن وقفوا قدامو عشان يشتروا الاكل . لكن يوسف عرفهم .
بعد ما اختبر اخوانو عشان يشوف لو هم اتغيرو ، يوسف قال ليهم ، "انا اخوكم يوسف، !ما تخافو. انتو حاولتو تعملو الشر لمن بعتوني كعبد ، لكن الله استخدم الشر للخير! تعالوا اسكنوا في مصرعشان انا اقدر اوفر ليكم و لاسركم".
لمن اخوان يوسف رجعو البيت و كلموا ابوهم ،يعقوب ،انو يوسف لسه عايش ، هو بقى فرحان شديد .
رغم انو يعقوب كان عجوز ، هو رحل الى مصر مع كل اسرتو ، و كلهم عاشو هناك . قبل ما يعقوب يموت بارك كل واحد من اولادو .
وعود العهد الكان الله اداهو لابراهيم انتقل لاسحاق ، بعدو ليعقوب ، بعداك الى اولادو اثنا عشر و اسرهم . نسل الاولاد الاثنا عشر بقو قبائل اسرائيل الاثنا عشر .