unfoldingWord 32 - يسوع يشفي الراجل المسكون بالارواح الشريرة و المراة العيانة
रूपरेखा: Matthew 8:28-34; 9:20-22; Mark 5; Luke 8:26-48
लिपि नम्बर: 1232
भाषा: Arabic, Sudanese: Khartoum
दर्शक: General
उद्देश्य: Evangelism; Teaching
Features: Bible Stories; Paraphrase Scripture
स्थिति: Approved
लिपिहरू अन्य भाषाहरूमा अनुवाद र रेकर्डिङका लागि आधारभूत दिशानिर्देशहरू हुन्। तिनीहरूलाई प्रत्येक फरक संस्कृति र भाषाको लागि बुझ्न योग्य र सान्दर्भिक बनाउन आवश्यक रूपमा अनुकूलित हुनुपर्छ। प्रयोग गरिएका केही सर्तहरू र अवधारणाहरूलाई थप व्याख्याको आवश्यकता हुन सक्छ वा पूर्ण रूपमा प्रतिस्थापन वा मेटाउन पनि सकिन्छ।
लिपि पाठ
يسوع و تلاميذه مشوا بمركبهم للمنطقة الساكنين فيها الجرجسيين. وصلوا الارض و طلعوا من المركب.
كان هناك في راجل مسكون بالارواح الشريرة.
الراجل ده كان قوي شديد حتي انو مافي زول بقدر يتحكم فيه. مرات الناس بربطوا رجلينو ويدينو بجنازير و لكن هو دائما بكسرهم.
الراجل عاش بين القبور في المنطقة. الراجل ده بكوريك بالليل و بالنهار. هو ما بلبس ملابس و مرات بقطع جسمه بالحجار.
الراجل ده جري ليسوع و ركع قدامه. بعد داك يسوع اتكلم للشيطان الفي الراجل وقال: "اطلع برا من الراجل ده"
الشيطان صرخ بصوت عالي، "انت داير مني شنو يا يسوع ابن الله العلي؟ لو سمحت ما تعذبني!" بعد داك يسوع سال الشيطان " اسمك منو؟" هو جاوب: " اسمي لجئون، لانو نحنا كتار" ("لجئون" كان مجموعة من الاف الجنود في الجيش الروماني).
الشيطان هنس يسوع ، "لو سمحت ما تطردنا برا من المنطقة دي!" كان هناك في مجموعة من الخنازير بياكلوا جنب الجبل. بعد داك الشيطان هنس يسوع، "لو سمحت رسلنا للخنازير!" بدل ده يسوع قال: "كويس، امشوا ليهم!"
عشان كده الشياطين طلعوا من الراجل و دخلوا في الخنازير. الخنازير جروا البحر و غرقوا. مجموعة الخنازير كانت زي ٢,٠٠٠ خنزير.
كان هناك في ناس برعوا الخنازير ديل. لمن شافوا الحاجة الحصل، جروا للمدينة. كلموا اي زول هناك عن الحاجة يسوع عملوا. الناس جوا من المدينة و شافوا الراجل الكان عندو شياطين. كان هادي، لابس ملابس، زي اي زول عادي.
الناس كانوا خايفين شديد و طلبوا من يسوع عشان يمشي. كده يسوع مشي للمركب. الراجل كان عندو شياطين هنس يسوع عشان يمشي معاه.
لكن يسوع قال ليه: "لا انا دايرك تمشي البيت و توري اي زول بالحاجة العملوا الله ليك. وريهم كيف هو رحمك".
بعد داك الرجل مشى وكلم اي زول عن الحاجة يسوع عمله ليه. اي زول سمع قصتو كان مستغرب.
يسوع رجع لاتجاه التاني من البحر. بعد ما وصل هناك، مجموعة كبيرة من الناس اتلموا حوله و ضغطوا عليهو. في المجموعة كان في مراة عندها مشكلة نزيف لمدة اتنا عشر سنة. هي دفعت كل قروشها لدكاترة عشان يعالجوها، لكن حالتها مشت للاصعب.
هي سمعت انو يسوع شفي ناس كتار كانوا عيانين و فكرت "انا متاكدة لو بس حبشت ملابس يسوع انا بلقي الشفاء، كمان!" جات ورا يسوع و حبشت ملابسه. طوالي لمن حبشتو النزيف وقف!
طوالي، يسوع حسى انو في قوة طلعت منو. عشان كده هو اتلفت و سال: "منو الحبشني؟" التلاميذ جابوا: "في كتار متلمين حولك و بلزوك، ليه انت بتسال، منو حبشني؟"
المراة ركعت قدام يسوع ، بترجف و خايفة شديد. بعد داك هي ورتو الحاجة الكان عملتو، وانو هي لقت الشفاء. يسوع قال ليها: "ايمانك شفاكي. امشي بسلام".