unfoldingWord 32 - يسوع يشفي الراجل المسكون بالارواح الشريرة و المراة العيانة
![unfoldingWord 32 - يسوع يشفي الراجل المسكون بالارواح الشريرة و المراة العيانة](https://static.globalrecordings.net/300x200/z42_Lk_08_22.jpg)
रूपरेखा: Matthew 8:28-34; 9:20-22; Mark 5; Luke 8:26-48
लिपि नम्बर: 1232
भाषा: Arabic, Sudanese: Khartoum
दर्शक: General
विधा: Bible Stories & Teac
उद्देश्य: Evangelism; Teaching
बाइबल उद्धरण: Paraphrase
स्थिति: Approved
लिपिहरू अन्य भाषाहरूमा अनुवाद र रेकर्डिङका लागि आधारभूत दिशानिर्देशहरू हुन्। तिनीहरूलाई प्रत्येक फरक संस्कृति र भाषाको लागि बुझ्न योग्य र सान्दर्भिक बनाउन आवश्यक रूपमा अनुकूलित हुनुपर्छ। प्रयोग गरिएका केही सर्तहरू र अवधारणाहरूलाई थप व्याख्याको आवश्यकता हुन सक्छ वा पूर्ण रूपमा प्रतिस्थापन वा मेटाउन पनि सकिन्छ।
लिपि पाठ
![](https://static.globalrecordings.net/300x200/z40_Mt_08_13.jpg)
يسوع و تلاميذه مشوا بمركبهم للمنطقة الساكنين فيها الجرجسيين. وصلوا الارض و طلعوا من المركب.
![](https://static.globalrecordings.net/300x200/z42_Lk_08_20.jpg)
كان هناك في راجل مسكون بالارواح الشريرة.
![](https://static.globalrecordings.net/300x200/z42_Lk_08_18.jpg)
الراجل ده كان قوي شديد حتي انو مافي زول بقدر يتحكم فيه. مرات الناس بربطوا رجلينو ويدينو بجنازير و لكن هو دائما بكسرهم.
![](https://static.globalrecordings.net/300x200/z42_Lk_08_19.jpg)
الراجل عاش بين القبور في المنطقة. الراجل ده بكوريك بالليل و بالنهار. هو ما بلبس ملابس و مرات بقطع جسمه بالحجار.
![](https://static.globalrecordings.net/300x200/z42_Lk_08_21.jpg)
الراجل ده جري ليسوع و ركع قدامه. بعد داك يسوع اتكلم للشيطان الفي الراجل وقال: "اطلع برا من الراجل ده"
![](https://static.globalrecordings.net/300x200/z42_Lk_08_22.jpg)
الشيطان صرخ بصوت عالي، "انت داير مني شنو يا يسوع ابن الله العلي؟ لو سمحت ما تعذبني!" بعد داك يسوع سال الشيطان " اسمك منو؟" هو جاوب: " اسمي لجئون، لانو نحنا كتار" ("لجئون" كان مجموعة من الاف الجنود في الجيش الروماني).
![](https://static.globalrecordings.net/300x200/z42_Lk_08_23.jpg)
الشيطان هنس يسوع ، "لو سمحت ما تطردنا برا من المنطقة دي!" كان هناك في مجموعة من الخنازير بياكلوا جنب الجبل. بعد داك الشيطان هنس يسوع، "لو سمحت رسلنا للخنازير!" بدل ده يسوع قال: "كويس، امشوا ليهم!"
![](https://static.globalrecordings.net/300x200/z42_Lk_08_24.jpg)
عشان كده الشياطين طلعوا من الراجل و دخلوا في الخنازير. الخنازير جروا البحر و غرقوا. مجموعة الخنازير كانت زي ٢,٠٠٠ خنزير.
![](https://static.globalrecordings.net/300x200/z42_Lk_08_25.jpg)
كان هناك في ناس برعوا الخنازير ديل. لمن شافوا الحاجة الحصل، جروا للمدينة. كلموا اي زول هناك عن الحاجة يسوع عملوا. الناس جوا من المدينة و شافوا الراجل الكان عندو شياطين. كان هادي، لابس ملابس، زي اي زول عادي.
![](https://static.globalrecordings.net/300x200/z42_Lk_08_26.jpg)
الناس كانوا خايفين شديد و طلبوا من يسوع عشان يمشي. كده يسوع مشي للمركب. الراجل كان عندو شياطين هنس يسوع عشان يمشي معاه.
![](https://static.globalrecordings.net/300x200/z42_Lk_08_27.jpg)
لكن يسوع قال ليه: "لا انا دايرك تمشي البيت و توري اي زول بالحاجة العملوا الله ليك. وريهم كيف هو رحمك".
![](https://static.globalrecordings.net/300x200/z42_Lk_08_28.jpg)
بعد داك الرجل مشى وكلم اي زول عن الحاجة يسوع عمله ليه. اي زول سمع قصتو كان مستغرب.
![](https://static.globalrecordings.net/300x200/z42_Lk_08_30.jpg)
يسوع رجع لاتجاه التاني من البحر. بعد ما وصل هناك، مجموعة كبيرة من الناس اتلموا حوله و ضغطوا عليهو. في المجموعة كان في مراة عندها مشكلة نزيف لمدة اتنا عشر سنة. هي دفعت كل قروشها لدكاترة عشان يعالجوها، لكن حالتها مشت للاصعب.
![](https://static.globalrecordings.net/300x200/z42_Lk_08_31.jpg)
هي سمعت انو يسوع شفي ناس كتار كانوا عيانين و فكرت "انا متاكدة لو بس حبشت ملابس يسوع انا بلقي الشفاء، كمان!" جات ورا يسوع و حبشت ملابسه. طوالي لمن حبشتو النزيف وقف!
![](https://static.globalrecordings.net/300x200/z42_Lk_08_32.jpg)
طوالي، يسوع حسى انو في قوة طلعت منو. عشان كده هو اتلفت و سال: "منو الحبشني؟" التلاميذ جابوا: "في كتار متلمين حولك و بلزوك، ليه انت بتسال، منو حبشني؟"
![](https://static.globalrecordings.net/300x200/z42_Lk_08_33.jpg)
المراة ركعت قدام يسوع ، بترجف و خايفة شديد. بعد داك هي ورتو الحاجة الكان عملتو، وانو هي لقت الشفاء. يسوع قال ليها: "ايمانك شفاكي. امشي بسلام".