unfoldingWord 49 - Pathien Thuthlung Thar

Vantirko in nunghak thlienghlim Mari kuomah Pathien Naupasal a nei ding thu a hril a. Nunghak thienghlim a ni lai Thlarau Thienghlim chênchil in an rai a, nau pasal neiin a hminga Isu a sak a. Chuongchun Isu chu Pathien le mihriem ni a fawm a nih.

Isu chun Pathien a ni infiein thilmak tamtak a thaw. Tui chungah kein a lawna, thlipuihai a hal dei a, damnaw tamtak a sukdama, khawhrihai a hnotdok a, mithihai a keithova, beper panga le nga pahniin mipui 5000 a vai bawk a nih.

Isu chu inchûktirtu lien a nih. Nangma inhmangai ang bokin i vênghai khom i hmangai ve a trûl a ni ti hai an chûktir a.

Thildang popo nêkin, i thilneihai, i hausakna thrangsain, Pathien i hmangai ding a nih ti an chûktir bawk a.

Isu’n khawvêla thil popo nêkin sandamna hi a hlulem a tih. Mitin ta dingin Pathien Ram mi ni hi a pawimaw tak a nih. Pathien Ram lut na ding chun, i suol a in thawk in samdam i ni a trul

Mi popovin ama chu ringnaw ni haia, sandam ni naw bok an tih, tiin an chûktira. Sandam ni nawhai chu khawvêl tawpa thruoikhawm nîng an ta, hremhmun meidîla chatuonin um tang an tih ti tiin an chûktir a.

Isun Pathienin misuolhai a hmangai em em ti thu an chûktir a. Anni chu ngaidam dingin an pei zingin a nauhaia siem dingin an pei zing a ni ti khom an chûktir a.

Isu’n Khawvêla mi popovin thil suol an thaw ta vonga Pathiena inthok thretlâkin an um ta. Suolna leiin mi popo hi Pathien hmêlma an hung ni zo tah. Pathienin suol a theida, tihai hi an chûktir hlak a nih.

Pathienin khawvêl a hmangai em em a, chuleichun a naupa neisun Isu, a pêka, ama chu tukhom a ring taphot chu hremhmunah an fe naw a, chatuona ama kuoma an um theina dingin a nih lem.

I suolna leiin, thiemlo chang i nih. Thi tlâk i ni a, Pathien lungsenna khom tuor tlâk I nih, nisienlakhom Pathienin a lungsenna chu i aiin Isu chunga a bunthlâk ta a. Kros chunga Isu a thi lai khan, hremna i tuor ding kha amân a tuor pêk che a nih.

Isu chun khawvêl popo suolnahai le i suolnahai la hmang dingin, suol thranglo le fam kim, inthawina anga thi a thlangta a. Isu zarin iengang suolna khawm nisienla, ngaidam thei a nih.

Tukhom thilthra thaw leiin sandam thei an ni naw. Ieng ieng thaw la khom Pathien le in in kâr siemthra chuong naw nih. I suolnahai chu, Isu chu Pathien Naupa a nih ti le, I aiin Kros lêrah a thia, chun Pathienin a keitho nawk tah, ti i ring chauvin, sawpfai thei nîng a tih.

Mi tuel khom Isu chu ringa, a Lalpa anga pawmtuhai chu sandam nîng an ta, nisienlakhom a ringnawtuhai ruok chu hnawl nîng an tih. I hausa amanih, I rimsi amanih, pasal, nuhmei a manih, tlangvâl, putar ieng iengkhom ni la, ngaisak ni chuongnaw ti nih, Nang le insûng khatna a nei theina dingin Pathienin a hmangai che a, Isu ring dingin a dit che.

Isu chu Messia, Pathien Naupa neisun a nih ti i ring am? Misuol i ni a, Pathien hremna hmu tlâk i ni ti i ring am? I suolnahai la hmang dingin Isu chu Kros chunga A thi ti i ring am? Isu chun ama chu ringa, baptisma changa, ama kuoma hung dingin a fiel che.

Hi thu hi i ring chun, Kristien i nih! Pathienin Setan thim hnuoia lalrama inthokin a lâksuok ta che a, Pathienin var Lalrama chun an thrut ta che a nih. Thilhluihai chu an bota a, Pathienin thilthar ruokin a siem tah leiin.

Kristien i ni chun, Isu zârin i suolnahai chu ngaidamnin an um tah. l Tuhin chu Pathienin a en pha che khoma, hmêlma enin en ta naw ni che a, ruolthra enin a en ta ding che a nih.

Pathien ruolthra le Lalpa Isu siehlaw angin Lal Isu inchûktirnahai i zawm nuom ding a nih. Kristien ni la khawm, suol leh in lan do zing ding a nih. Nisienlakhom Pathienin, i suolnahai in puonga, thupa i chawi chun, nangma ngaidama suolnahai do thei dinga hrâtna pe ding chein ring a um a nih.

Pathien chun trongtrai ding le, a thu inchûka, Kristien danghai le ama be tlanga, I ta dinga thil a thawhai, midang kuoma hril dar dingin, a hril che a nih.