unfoldingWord 44 - Бутрус ва Юҳанно чўлоқни шифолайдилар
रुपरेषा: Acts 3-4:22
स्क्रिप्ट क्रमांक: 1244
इंग्रजी: Uzbek
प्रेक्षक: General
उद्देश: Evangelism; Teaching
Features: Bible Stories; Paraphrase Scripture
स्थिती: Approved
स्क्रिप्ट हे इतर भाषांमध्ये भाषांतर आणि रेकॉर्डिंगसाठी मूलभूत मार्गदर्शक तत्त्वे आहेत. प्रत्येक भिन्न संस्कृती आणि भाषेसाठी त्यांना समजण्यायोग्य आणि संबंधित बनविण्यासाठी ते आवश्यकतेनुसार स्वीकारले जावे. वापरलेल्या काही संज्ञा आणि संकल्पनांना अधिक स्पष्टीकरणाची आवश्यकता असू शकते किंवा अगदी बदलली किंवा पूर्णपणे वगळली जाऊ शकते.
स्क्रिप्ट मजकूर
Бир куни Бутрус ва Юҳанно маъбадга кетаётган эдилар. Маъбад дарвозасининг олдида чўлоқ одам ўтириб, пул сўрар эди.
Бутрус у инсонга қараб деди: “Сенга бериш учун пулим йўқ. Лекин ўзимда боримни бераман. Исо номи билан тур ва юр!”
Шу заҳоти Худо чўлоқ инсонни шифолади. У юришни ва сакрашни бошлади-да, Худони улуғлади. Маъбаддаги одамлар жуда ҳайратландилар.
Шифо топган одамни кўришни истаганлар тезда тўпланди. Бутрус деди: “Бу одам соғлом эканлигидан ҳайрон бўлманглар. Биз уни кучимиз ёки солиҳлигимиз билан шифоламадик. Лекин Исо Ўз кучи билан уни шифолади, чунки биз Унга ишонамиз.
Рим ҳукмдоридан Исони ўлдиришни талаб қилган сизлар эдингиз. Сиз барчага ҳаёт берадиган Зотни ўлдирдингиз. Лекин Худо Уни ўликдан тирилтирди. Сизлар нима қилаётганингизни тушунмас эдингизлар, лекин шу орқали пайғамбарларнинг айтганлари амалга ошди. Улар Масиҳ азоб-уқубатлардан ўтиб, ўлдирилишини айтган. Ва Худо бунинг барчасини амалга оширди. Шундай қилиб, Худо гуноҳларингизни ювиши учун тавба қилинглар ва Унга мурожаат қилинглар”.
Руҳонийлар ва маъбад соқчиларининг бошлиқлари Бутрус ва Юҳаннони эшитиб, ғазабландилар. Улар ҳаворийларни тутиб, зиндонга ташладилар. Лекин кўп одамлар Бутруснинг гапларига ишонди. Ўша куни Исога ишонганларнинг сони беш мингга кўпайди.
Эртаси куни бош руҳонийлар, қонун муаллимлари ва оқсоқоллар йиғилдилар. Уларнинг олдига Бутрус ва Юҳаннони, ҳамда илгари чўлоқ бўлган одамни олиб келдилар. Улар Бутрус ва Юҳаннодан сўрадилар: “Сиз бу чўлоқ одамни қандай куч билан шифоладингиз?”.
Бутрус уларга шундай жавоб берди: “Олдингизда турган одам Исо Масиҳ қудрати орқали шифо олди. Сиз Исони хочга михлаган эдингиз, Худо эса Уни ўликдан тирилтирди! Сиз Уни рад этдингиз, аммо нажотга фақат Исо орқали эришиш мумкин!”
Ўша ердагиларнинг ҳаммаси Бутрус ва Юҳаннонинг жасорат билан гапиришидан ҳайратда қолдилар. Қаршиларидаги одамларнинг оддий, ўқимаган эканини улар кўрдилар, сўнг бу одамларни Исо билан бирга кўрганларини эсладилар. Шунда руҳонийлар ва оқсоқоллар Бутрус ва Юҳаннога шу сўзларни айтдилар: “Одамларга Исо исмли Инсон ҳақида таълим беришда давом этсангиз, биз сизларни жазолаймиз”. Шу дўқ-пўписа билан улар Бутрус ва Юҳаннони қўйиб юбордилар.