unfoldingWord 44 - بطرس و يوحنا يشفوا الشحاد
रुपरेषा: Acts 3-4:22
स्क्रिप्ट क्रमांक: 1244
इंग्रजी: Arabic, Sudanese: Khartoum
प्रेक्षक: General
उद्देश: Evangelism; Teaching
Features: Bible Stories; Paraphrase Scripture
स्थिती: Approved
स्क्रिप्ट हे इतर भाषांमध्ये भाषांतर आणि रेकॉर्डिंगसाठी मूलभूत मार्गदर्शक तत्त्वे आहेत. प्रत्येक भिन्न संस्कृती आणि भाषेसाठी त्यांना समजण्यायोग्य आणि संबंधित बनविण्यासाठी ते आवश्यकतेनुसार स्वीकारले जावे. वापरलेल्या काही संज्ञा आणि संकल्पनांना अधिक स्पष्टीकरणाची आवश्यकता असू शकते किंवा अगदी बदलली किंवा पूर्णपणे वगळली जाऊ शकते.
स्क्रिप्ट मजकूर
في يوم من الايام، بطرس و يوحنا مشوا للهيكل. وكان في راجل مشلول قاعد في باب الهيكل بشحد قروش.
بطرس عاين لراجل الكسيح وقال: "انا ما عندي اي قروش عشان نديك. لكن انا بديك الحاجة العندي. في اسم يسوع قوم وامشي!"
طوالي، الله شفي الراجل الكسيح. بقي يمشي و ينطط حول المكان ويسبح الله. الناس الكانوا في ساحة الهيكل استغربوا.
مجموعة كبيرة من الناس جوا بسرعة عشان يشوفوا الراجل الاتشفى ، بطرس قال ليهم: "الزول ده معافى، لكن ما تستغربوا في ده. نحنا ما شفيناه بقوتنا او عشان نحنا بنكرم الله. في الواقع يسوع شفي الراجل ده بقوته، لانو نحنا بنؤمن في يسوع".
"انتو ياهو قلتوا للحكومة الرومانية انو يقتلوا يسوع. انتو قتلتوا الزول البدي الحياة لاي زول. لكن الله قومو من الموت. انتو ما فهمتوا الحاجة الكنتو بتعملوا فيه، لكن لمن عمتلوا الحاجات القالوا الانبياء بقي حقيقة. قالوا: المسيا حيتعذب و حيموت. الله خلي ده يحصل بالطريقة دي. عشان كده هسي توبوا و ارجعوا لله عشان هو حيغسل خطاياكم".
لمن قادة الهيكل سمعوا بطرس و يوحنا، هم كانوا منصدمين. عشان كده قبضهم و ختوهم في السجن. لكن ناس كتار امنوا بالكلام القالو بطرس. عدد الرجال الامانوا بيسوع تقريبا ٥٠٠٠ .
في اليوم التاني، قادة اليهود جابوا بطرس و يوحنا للكاهن الاعلي و رجال الدين التانين. وبرضو جابوا الراجل الكان اتشفي. وسالوا بطرس و يوحنا، بياتو قوة انتو شفيتوا الراجل الكسيح ده؟"
بطرس جاوبهم: "الراجل الواقف قدامكم ده اتشفى بقوة يسوع المسيح. انتو صلبتوا يسوع، لكن الله قومو للحياة تاني! انتو رفضتوه، لكن مافي اي طريقة للخلاص الا من خلال قوة يسوع!"
القادة كانوا منصدمين لانو بطرس ويوحنا اتكلموا بشجاعة. هم شافوا انو رجال عادين ما متعلمين. لكن بعد اك اتذكروا انو الرجال ديل كانوا مع يسوع. عشان كده قالوا ليهم: "نحن بنعاقبكم شديد لو قدمتوا اي رسالة لناس عن يسوع". بعد ما قالوا حاجات كتير زي ده، خلو بطرس و يوحنا يمشوا.