unfoldingWord 01 - सृष्टि
രൂപരേഖ: Genesis 1-2
മൂലരേഖ (സ്ക്രിപ്റ്റ്) നമ്പർ: 1201
ഭാഷ: Surgujia
പ്രമേയം: Bible timeline (Creation)
പ്രേക്ഷകർ: General
ഉദ്ദേശം: Evangelism; Teaching
Features: Bible Stories; Paraphrase Scripture
അവസ്ഥ: Approved
മറ്റ് ഭാഷകളിലേക്ക് വിവർത്തനം ചെയ്യുന്നതിനും റെക്കോർഡുചെയ്യുന്നതിനുമുള്ള അടിസ്ഥാന മാർഗ്ഗനിർദ്ദേശങ്ങളാണ് സ്ക്രിപ്റ്റുകൾ. ഓരോ വ്യത്യസ്ത സംസ്കാരത്തിനും ഭാഷയ്ക്കും അവ മനസ്സിലാക്കാവുന്നതും പ്രസക്തവുമാക്കുന്നതിന് അവ ആവശ്യാനുസരണം പൊരുത്തപ്പെടുത്തണം. ഉപയോഗിച്ച ചില നിബന്ധനകൾക്കും ആശയങ്ങൾക്കും കൂടുതൽ വിശദീകരണം ആവശ്യമായി വന്നേക്കാം അല്ലെങ്കിൽ രൂപാന്തരപ്പെടുത്തുകയോ പൂർണ്ണമായും ഒഴിവാക്കുകയോ ചെയ്യാം.
മൂലരേഖ (സ്ക്രിപ്റ്റ്) ടെക്സ്റ്റ്
जम जाएत कर शुरू एकस होईस। परमेसवर हर जम जगहा ला छव दिन में बनाईस। परमेसवर हर जे घरी भूईया ला बनाईस, ते घरी भूईया हर अंधार अऊ खाली रहीस। ओमे काही जाएत नई बनाल रहीस। ते घरी परमेसवर कर आतमा हर पानी कर ऊपरे ऊपरे किन्दरत रहीस।
जे घरी परमेसवर हर कहिस इंजोर होएजा, ते घरी इंजोर होए गईस। परमेसवर हर देखीस की इंजोर हर सुघर हवे अऊ ओला दिन कहिस। ओहर इंजोर ले अंधार ला अलगे करिस अऊ अंधार ला राती कहिस। सिरजे कर आगू दिन परमेसवर हर इंजोर ला बनाईस।
सिरजे कर दुसर दिन परमेसवर हर कहिस अऊ भूईया कर ऊपरे बदरी हर बएनगईस। परमेसवर हर बदरी ला बनाईस अऊ ऊपर कर पानी ले खाले कर पानी ला अलगे करिस।
तीसर दिन परमेसवर हर कहिस अऊ पानी अऊ झुरा जगहा ला अलगे करिस। ओहर झुरा जगहा ला भुइया कहिस अऊ पानी ला समुदर कहीस। त परमेसवर हर देखीस की जेतरा जाएत ला बनाए रहीस ओहर ढ़ेरे सुघर हवे।
परमेसवर हर कहिस सब जाएत कर रुख अऊ गांछी जामे अऊ ओही कस होए गईस। त परमेसवर हर जेला बनाये रहीस ओला देखीस त कहीस सुघर हवे ।
चौथवे दिन परमेसवर हर कहीके बेर, जोंन अऊ तरइया ला बनाईस की भुइया ला इंजोर करे। दिन अऊ राती ला अलगे करे अऊ मौसम अऊ साल ला ठहराईस। त परमेसवर हर जेला बनाये रहीस, ओला देखीस त कहीस सुघर हवे।
पांचवे दिन परमेसवर हर कहिस अऊ पानी में पंऊरे मधे जम जीव मन ला अऊ बदरी में उड़ाए मधे चराई मन ला बनाईस। त परमेसवर हर जेला बनाया रहीस ओला देखीस त कहीस सुघर हवे अऊ ओमन ला आशीष देहीस।
छटवे दिन परमेसवर हर कहीस भुईया में जम मधे कर जीव जन्तु हो। परमेसवर हर जईसने कहीस वइसने होए गईस। चटिक घरऊहाँ जानवर रहीस, चटिक भुईया में घिसले मधे रहीस अऊ चटिक मन जंगल कर जानवर रहीन अऊ परमेसवर हर देखीस त कहीस ढ़ेरे सुघर हवे।
तेकर परमेसवर हर कहिस हमरे कस आदमी ला बनाबो की ओहर हमरे सहींक होहीं। ओकर जग भूई अऊ जम जीव मन कर ऊपरे अधिकार रख ही।
एकरले परमेसवर हर चटिक माटी ला साएनके आदमी ला बनाईस अऊ ओकर नाक में जीये कर सांस ला फुकीस अऊ ओहर जीवित पराणी बन गईस। ओकर नाव आदम धरीस। परमेसवर हर एगोठ बगीचा बनाईस अऊ ओकर पहरा करे बर ऊहाँ आदम ला राखिस।
बगीचा कर मंझार में परमेसवर हर दूई मधे कर रूख ला जगहाईस। जीवन कर रूख अऊ भला, बुरा कर ज्ञान कर रूख। परमेसवर हर आदम ला कहीस “तैं बगीचा कर कोनो रुख कर फर ला खाये सकत हस लेकिन भला, बुरा कर ज्ञान कर रुख ले झईन खाबे। जे दिन तैं ओ रुख कर फर ला खाबे त मर जाबे।”
तेकर पाछु परमेसवर हर कहीस आदम कर एके झे रहाई ठीक नईये काबर की जानवर में ले आदम कर मदत करे बर कोई नई मिलीस।
एकरले परमेसवर हर आदम ला ढ़ेरे नीन्द में सुताये देहीस। तेकर आदम कर एगोठ पांजर कर हाडा ला हेर के स्त्री ला बनाईस अऊ आदम जग लानीस।
जे घरी आदम हर ओला देखीस त कहीस “एहर तो मोर कस हवे एकर नाव नारी रही। कावर की एहर नर में ले हेरल गईस हवे।” एकरले आदमी अपन दाई, दाऊ ला छोडके अपन परानी संगे एक तन बने रही।
परमेसवर हर नर अऊ नारी ला अपने कस बनाईस अऊ ओमन ला आसीरवाद देहीस “पूतो, फलो दुधो नहाओ अऊ भूइया में बगर जावा”। परमेसवर हर देखिस की जे जाएत ला बनाए रहीस ओहर ढ़ेरेच सुघर हवे अऊ परमेसवर हर जम जाएत ला देख के ढ़ेरे फुरमा होईस। ए जम जाएत हर सिरजे कर छव दिन में होए गईस।
सातवे दिन परमेसवर हर अपन जम बुता काम ला करके बिसोईस अऊ सातवे दिन ला आसीरवाद देहीस अऊ पवितर ठहराईस। एहीकस परमेसवर हर जम दुनिया अऊ ओकर भीतरी कर जम जाएत ला बनाईस।