unfoldingWord 24 - Yesuusa Xammaqetethaa
രൂപരേഖ: Matthew 3; Mark 1; Luke 3; John 1:15-37
മൂലരേഖ (സ്ക്രിപ്റ്റ്) നമ്പർ: 1224
ഭാഷ: Gofa
പ്രേക്ഷകർ: General
ഉദ്ദേശം: Evangelism; Teaching
Features: Bible Stories; Paraphrase Scripture
അവസ്ഥ: Approved
മറ്റ് ഭാഷകളിലേക്ക് വിവർത്തനം ചെയ്യുന്നതിനും റെക്കോർഡുചെയ്യുന്നതിനുമുള്ള അടിസ്ഥാന മാർഗ്ഗനിർദ്ദേശങ്ങളാണ് സ്ക്രിപ്റ്റുകൾ. ഓരോ വ്യത്യസ്‌ത സംസ്‌കാരത്തിനും ഭാഷയ്‌ക്കും അവ മനസ്സിലാക്കാവുന്നതും പ്രസക്തവുമാക്കുന്നതിന് അവ ആവശ്യാനുസരണം പൊരുത്തപ്പെടുത്തണം. ഉപയോഗിച്ച ചില നിബന്ധനകൾക്കും ആശയങ്ങൾക്കും കൂടുതൽ വിശദീകരണം ആവശ്യമായി വന്നേക്കാം അല്ലെങ്കിൽ രൂപാന്തരപ്പെടുത്തുകയോ പൂർണ്ണമായും ഒഴിവാക്കുകയോ ചെയ്യാം.
മൂലരേഖ (സ്ക്രിപ്റ്റ്) ടെക്സ്റ്റ്
Zakkaryaasinne Elssabeexa yelida na7ay diccidi nabe gidis. Iyaw duussay bazzo biitta gidis; I, miya kathay degera eessinne boole; I, ma77ey gimale ikiseppe oosetida ma7o.
Daro asay, Yohaannisa si7anaw bazzo biitta yidosona. I “Xoossaa kawotethay matida gisho hintte nagaraappe simmite” yaagidi sabbakis.
Asay Yohaannisa kiita si7ida wode, bantta nagara paaxin, Yohaannisi entta xammaqis. Daro Ayhude cimati xammaqetanaw Yohaannisakko yidosona; shin bantta nagara paaxibookona.
Yohaannisi, Farisaawetanne Saduqaaweta, “Ha iita shooshato, yaana Xoossaa hanquwafe baqatana mela hinttena zoriday oone? Lo77o ayfe ayfonna mitha ubbay qanxettidi taman yegettana” yaagis. Yohaannisi, “Ne ogiya ne sinthan giigsiya ta kiitanchuwa neeppe sinthe kiittana” gidi nabeti odida qaala polis.
Issi issi Ayhude cimati, Yohaannisa, “Neeni Kiristtoose?” gidi oychidosona. Yohaannisi zaaridi, “Taani Kiristtoosa gidikke; shin taappe guyera issi asi yees; I, taani iya caammaa wodoruwa billanaw bessonna wolqqaama asi” yaagis.
Wonttetha gallas, Yesuusi, Yohaannisan xammaqetanaw yis. Yohaannisi iya be7ida wode, “Hekko, alamiya nagara quchiya Xoossaa Dorssa hayssa be7ite!” yaagis.
Yohaannisi, Yesuusakko, “Taani nena xammaqanaw bessiya asi gidikke. Taani nenan xammaqettanaw koshshishin neeni taakko yay?” yaagis. Shin, Yesuusi, “Oothanaw bessiya ooso gidiya gisho, neeni tana xammaqanaw bessees” yaagis. Yesuusi, nagara oothibeenna; shin Yohaannisi, Yesuusa xammaqis.
Yesuusi xammaqetidi, haathaafe keyda wode, Xoossaa Ayyaanay holleda benttishe yidi, iya bolla uttis. He wode, “Ta dosiya na7ay nena; neeni tana daro ufayssadasa” yaagiya Xoossaa qaalay saloppe yis.
Xoossay, “Xoossa Ayyaanay wodhdhidi, neeni xammaqiya uraa bolla uttana. He neeni xammaqiya uray Xoossa na7a” gidi kase Yohaannisas odis. Issi Xoossa xalaali de7ees; shin Yohaannisi, Yesuusa xammaqida wode, Xoossaa aaway odetishin si7is; Xoossaa na7aa Yesuusa be7is; Geeshsha Ayyaanay saloppe wodhdhishin be7is.