unfoldingWord 48 - Jisas Em Dispela Promis Mesaia
![unfoldingWord 48 - Jisas Em Dispela Promis Mesaia](https://static.globalrecordings.net/300x200/z02_Ex_19_10.jpg)
Преглед: Genesis 1-3, 6, 14, 22; Exodus 12, 20; 2 Samuel 7; Hebrews 3:1-6, 4:14-5:10, 7:1-8:13, 9:11-10:18; Revelation 21
Број на скрипта: 1248
Јазик: Tok Pisin: PNG
Публиката: General
Жанр: Bible Stories & Teac
Цел: Evangelism; Teaching
Библиски цитат: Paraphrase
Статус: Approved
Скриптите се основни упатства за превод и снимање на други јазици. Тие треба да се приспособат по потреба за да бидат разбирливи и релевантни за секоја различна култура и јазик. На некои употребени термини и концепти може да им треба повеќе објаснување или дури да бидат заменети или целосно испуштени.
Текст на скрипта
![](https://static.globalrecordings.net/300x200/z01_Ge_02_12.jpg)
Taim God i mekim kamap graun, olgeta samting i kamap gutpela tru, nogat sin i stap. Adam na Iv i bin laikim tupela yet na long wankain pasin tupela i laikim God. I nogat sik na dai i bin stap. Na God i laikim graun long i stap olsem.
![](https://static.globalrecordings.net/300x200/z01_Ge_03_01.jpg)
Satan i toktok long Iv long gaden olsem snek long giamanim em. Na em wantaim Adam i bin sakim tok bilong God na mekim sin. Tupela i bin mekim sin olsem na olgeta manmeri bilong graun i kisim sik na i dai.
![](https://static.globalrecordings.net/300x200/z01_Ge_03_06.jpg)
Long wanem Adam na Iv i bin mekim sin na samting nogut tru i kamap na ol i kamap birua bilong God. Long dispela as, olgeta manmeri ol i kamap wantaim sin na kamap birua bilong God. Na sin i brukim dispela wok poro bilong God na man. Tasol God i gat tingting long stretim gen dispela wok poro wantaim man.
![](https://static.globalrecordings.net/300x200/z01_Ge_03_08.jpg)
God i bin promis olsem wanpela tumbuna pikinini bilong Iv bai krungutim het bilong Satan na Satan bai kaikai lek bilong em. Dispela i olsem Satan bai kilim Mesaia tasol God bai kirapim em na bai i stap laip gen. Na Mesaia bai bagarapim Satan olgeta. Planti yia i go pinis na God i tokaut long Jisas olsem Mesaia.
![](https://static.globalrecordings.net/300x200/z01_Ge_06_12.jpg)
Taim God i bagarapim olgeta hap bilong graun wantaim tait wara, em i redim sip bilong ol manmeri husat i bilip long em. Long wankain rot, olgeta man bai kisim bagarap long sin bilong ol. Tasol God i bin redim Jisas long helpim ol manmeri husat i bilip long em.
![](https://static.globalrecordings.net/300x200/z02_Ex_29_02.jpg)
Planti 100 yia, ol pris i save mekim ol ofa i go long God long soim ol hevi ol manmeri inap kisim long ol sin bilong ol. Tasol ol dispela ofa i no save tekewe sin bilong ol. Jisas em i nambawan hetpris i winim ol arapela pris. Em i bin ofaim em yet olsem wanpela ofa tasol bilong tekawe sin bilong olgeta manmeri bilong graun. Long wanem em i bin kisim bagarap long ol sin olgeta manmeri i bin mekim.
![](https://static.globalrecordings.net/300x200/z02_Ex_02_25.jpg)
God i tokim Abraham, “Long yu, olgeta lain manmeri bilong graun bai kisim blesing.” Jisas em i tumbuna pikinini bilong Abraham. Na long em, olgeta lain manmeri bilong graun bai i kisim blesing. Long wanem olgeta manmeri husat i bilip long Jisas, em i tekewe sin bilong ol na ol bai i kamap wanpela tumbuna pikinini bilong Abraham long spirit.
![](https://static.globalrecordings.net/300x200/z01_Ge_22_08.jpg)
Taim God i tokim Abraham long ofaim pikinini bilong em Aisak olsem ofa, long senis bilong pikinini em Aisak. God i redim wanpela sipsip man long kukim olsem ofa. Yumi olgeta inap dai long sin bilong yumi, long wankain pasin God i redim Jisas Pikinini sipsip bilong God, olsem ofa na em i kisim ples bilong yumi na i dai.
![](https://static.globalrecordings.net/300x200/z02_Ex_12_01.jpg)
Taim God i salim las hevi i go long ol Isip, em i bin tokim ol wanwan famili bilong ol Israel long kilim nambawan pikinini sipsip na kapsaitim blut antap long ol pos na sait bilong ol dua bilong ol. Na taim God i lukim blut em bai abrusim haus bilong ol na i no kilim ol nambawan pikinini bilong ol. Dispela samting ol i kolim Pasova.
![](https://static.globalrecordings.net/300x200/z02_Ex_12_02.jpg)
Jisas em i Pasova sipsip bilong yumi. Em i stretpela na i nogat sin, tasol ol i kilim em long taim bilong lotu bilong Pasova. Taim olgeta man i bilip long Jisas, blut bilong em i baim bek sin bilong dispela man na hevi bilong God bai abrusim dispela man.
![](https://static.globalrecordings.net/300x200/z02_Ex_19_10.jpg)
God i bin mekim wanpela kontrak wantaim ol manmeri bilong Israel, em i bin makim ol bilong em yet. Tasol nau God i redim wanpela Nupela Kontrak i stap, em i bilong olgeta manmeri. Long dispela Nupela Kontrak, wanem man bilong wanem kain lain manmeri bai i kamap lain manmeri bilong God long rot bilong bilip long Jisas.
![](https://static.globalrecordings.net/300x200/z02_Ex_20_02.jpg)
Moses em i wanpela bikpela profet i bin tokaut long tok bilong God. Tasol Jisas em i Bikpela na nambawan profet. Em i God olsem na olgeta samting em i mekim na toktok, em i pasin bilong God. Olsem na ol i kolim em, Tok Bilong God.
![](https://static.globalrecordings.net/300x200/z10_2Sa_09_03.jpg)
God i bin promis long King Devit olsem, wanpela tumbuna pikinini bilong em bai kamap olsem king na bosim ol manmeri bilong God oltaim. Long wanem Jisas, em i Pikinini bilong God na Mesaia, em dispela trupela tumbuna pikinini bilong Devit. Em bai i stap king oltaim oltaim.
![](https://static.globalrecordings.net/300x200/z66_Re_21_02.jpg)
Devit i bin i stap King bilong ol Israel, Tasol Jisas em King bilong heven na graun olgeta. Em bai kam bek na bosim Kingdom bilong em wantaim stretpela pasin na bel isi bai i stap oltaim oltaim.