unfoldingWord 50 - SiYesus Kana Momarenta Tejuniaa Sanu Vuou
![unfoldingWord 50 - SiYesus Kana Momarenta Tejuniaa Sanu Vuou](https://static.globalrecordings.net/300x200/z66_Re_21_02.jpg)
Преглед: Matthew 13:24-42; 22:13; 24:14; 28:18; John 4:35; 15:20; 16:33; 1 Thessalonians 4:13-5:11; James 1:12; Revelation 2:10; 20:10; 21-22
Број на скрипта: 1250
Јазик: Tajio
Публиката: General
Жанр: Bible Stories & Teac
Цел: Evangelism; Teaching
Библиски цитат: Paraphrase
Статус: Approved
Скриптите се основни упатства за превод и снимање на други јазици. Тие треба да се приспособат по потреба за да бидат разбирливи и релевантни за секоја различна култура и јазик. На некои употребени термини и концепти може да им треба повеќе објаснување или дури да бидат заменети или целосно испуштени.
Текст на скрипта
![](https://static.globalrecordings.net/300x200/z44_Ac_19_05.jpg)
Kira-kira roribuntoung, teKareva sanu Mombosi sima siYesus teMesias nepudadago. Tetoo-too sanu nomarcaya eisiYesus noniang teꞌababarinya. SiYesus nojanji Siia kana metencile watu teponouꞌong nujuniaa.
![](https://static.globalrecordings.net/300x200/z40_Mt_05_09a.jpg)
Pepees siꞌita metaang teꞌajajaok niYesus, teꞌAlataꞌala seilu siꞌita metuvu mapacing ane moongko eiSiia. Watu siYesus umai eijuniaa Siia valii nongulara, “Temurit-muritU kana mokarevaa teKareva sanu Mombosi sima tePomarenta nuꞌAlataꞌala eijojoo tesuku nutoo, touk heꞌua teponouꞌongnya kana majaok.”
![](https://static.globalrecordings.net/300x200/z42_Lk_08_04.jpg)
Nabari tesuku sanu ulengi jiompo neꞌeepe sima siYesus. Jijiompo Siia netencile eisuruga, siYesus nombeena teparenta eitoo-too nuKristen mokarevaa teKareva sanu Mombosi eisiira sanu jiompo neꞌeepe. Siia nonjarita, “Naꞌomo, paꞌajarimo temurit-murit lamai jojoo tesuku!”
![](https://static.globalrecordings.net/300x200/z44_Ac_14_07.jpg)
SiYesus valii nonjarita, “Sotoo tevotuang jio nelabi nooge lamai tetopomiara. Sima tetopomimpin-topomimpin nujuniaa eini nengkeles eiSiaꞌu, siꞌemiu kana nosesai ane nopatei niira karna Siaꞌu. Maampo eijuniaa eini siꞌemiu kana maꞌaala teꞌasesesa, tapi poꞌuig karna Siaꞌu nondaaga tepuang nuseetan, sanu momarenta tejuniaa eini! Ane siꞌemiu tataap mesetia jaok teponouꞌong, siꞌemiu kana nosalamata nuꞌAlataꞌala.”
![](https://static.globalrecordings.net/300x200/z40_Mt_13_15.jpg)
SiYesus nonjaritaa eimurit-murit-Nya tejarita sanu mondulu mongulara sima tesapa sanu majari eitoo-too watu ponouꞌong nujuniaa heꞌua. Siia nonjaritaa, “Sotoo nongambura tevuꞌu sanu nombosi eijoꞌongnya. Tapi pepees siia noꞌoturu, temusunya najaok ane nongambura tevuꞌu nuvumbu eiolot nuvuꞌu sanu mombosi, ane lamai heꞌua nelampa.”
![](https://static.globalrecordings.net/300x200/z40_Mt_13_16.jpg)
“Watu tetutudaong heꞌua netuvu, tevotuang-votuang noꞌutanya eitogunya, ‘Mangge, siꞌoo nongambur tevuꞌu sanu mombosi eijoꞌong heꞌua. Neteꞌuya ogio eilalongnya?’ Tetogunya heꞌua nonyimbat, ‘Sotoo temusu sanu nonggaukaꞌonya.’”
![](https://static.globalrecordings.net/300x200/z40_Mt_13_17.jpg)
“Tevotuang-votuang heꞌua nonyimbat eitogunya, ‘Maala siꞌami mombuvut tegio heꞌua?’ Tetogunya nonjarita, ‘Jio. Ane siꞌemiu monggaukaꞌonya, siꞌemiu kana mombuvut sanggaat lamai tegando valii. Petaang tewatunya melolu ane incona tegio antau norampuni, tapi omungo tegando eilalong nupongembeongu.’”
![](https://static.globalrecordings.net/300x200/z40_Mt_13_20.jpg)
Temurit-murit jio moꞌotoi tebatuanya tejarita heꞌua, karna heꞌua siira noꞌutanya eisiYesus antau siia mopaꞌapatas heꞌua eisiira. SiYesus nonjarita, “Tetoo sanu nongambur tevuꞌu sanu mombosi heꞌua teMesias. Tejoꞌong heꞌua tejuniaa. Tevuꞌu sanu mombosi heꞌua tetoo-too nuPomarenta nuꞌAlataꞌala.
![](https://static.globalrecordings.net/300x200/z40_Mt_13_21.jpg)
“Tegio heꞌua tetoo-too sanu nonuruꞌi tepuang nuseetan. Temusu sanu nongambur tevuꞌu nuvumbu heꞌua tepuang nuseetan. Tepelolu heꞌua teponouꞌong nujuniaa, ane tetopelolu heꞌua temalaekat.”
![](https://static.globalrecordings.net/300x200/z40_Mt_13_22.jpg)
“Watu teponouꞌong nujuniaa, jojoo tetoo sanu majari tetoponuut nupuang nuseetan kana noincona ane norampaka eilalong nututuonong nuapi, eipaio tetoo-too notumangis ane nekokoita tengisi. Lamai heꞌua tetoo-too sanu mondolong kana orarat sima teeleo eilalong tePomarenta nuꞌAlataꞌala, tesiama niira.”
![](https://static.globalrecordings.net/300x200/z44_Ac_01_03.jpg)
SiYesus nonjarita valii sima watu Siia netencile eijuniaa jijiompo teponouꞌong nujuniaa. Siia kana metencile eijuniaa mepake tecara sanu selio-lio watu Siia umaꞌo. Siia mepake teꞌalae sanu maala noꞌita ane majaok eiruꞌong eilangit. Watu Siia metencile, jojoo tetoo nuKristen sanu naatemo kana metuvu lamai teꞌamateong ane monjaoꞌi-Nya eiolong.
![](https://static.globalrecordings.net/300x200/z40_Mt_08_05.jpg)
Lamai heꞌua tetoo-too nuKristen sanu ulengi netuvu kana noengkat concoono siira eiolong ane tetoo-too nuKristen sanu metuvu lamai teꞌamateong eikokua. Siira concoono siYesus eiriꞌua.
![](https://static.globalrecordings.net/300x200/z55_2Ti_04_02.jpg)
SiYesus nojanji mombee temakota nuꞌotutuvu eijojoo tetoo sanu nomarcaya eiSiia. Siira kana netuvu seende-endenya concoono teꞌAlataꞌala eilalong nuꞌombombosiong.
![](https://static.globalrecordings.net/300x200/z66_Re_21_01.jpg)
Tapi siira sanu jio nomarcaya eisiYesus kana noꞌadili nuꞌAlataꞌala. Siia kana morampaka siira eilalong nunaraka. Einaraka, seende-endenya tetoo-too tatarus notumangis ane nekokoita tengisi niira karna nepees. Siira norampuni nuapi sanu jio umai maate-ate ane siira tatarus noꞌinang nugonggoloang.
![](https://static.globalrecordings.net/300x200/z66_Re_19_02.jpg)
Watu siYesus metencile, Siia kana tututuu mopoꞌorua tepuang nuseetan ane tepomarentanya. Siia kana morampaka tepuang nuseetan eilalong nunaraka eiriꞌua siia kana maꞌarampunong seende-endenya, concoono jojoo tetoo sanu nomile nonuut siia ane jio nonuruꞌi teꞌAlataꞌala.
![](https://static.globalrecordings.net/300x200/z66_Re_21_03.jpg)
Tejuniaa eini kinutuko ane nopoꞌorua. Tapi teꞌAlataꞌala kana mogutu tesuruga sanu vuou ane tejuniaa sanu vuou sanu mombosi tutuu.
![](https://static.globalrecordings.net/300x200/z66_Re_21_02.jpg)
SiYesus ane tetoo-too-Nya kana momoia eijuniaa sanu vuou, ane Siia momarenta jojoo sanu metuvu seende-endenya. Siia kana monggagisa jojoo tejuu numata ane jiongo umai teꞌasesesa, teꞌoꞌondong, tetangis, teꞌajajaat, tepees atau teꞌamateong. Siia kana momarenta tepomarenta-Nya mepake teꞌombombosiong ane maꞌadil, ane Siia kana concoono tetoo-too-Nya seende-endenya.