unfoldingWord 41 - TeꞌAlataꞌala Netuvuaꞌonye SiYesus Lamai TeꞌAmateong
![unfoldingWord 41 - TeꞌAlataꞌala Netuvuaꞌonye SiYesus Lamai TeꞌAmateong](https://static.globalrecordings.net/300x200/z40_Mt_28_04.jpg)
Преглед: Matthew 27:62-28:15; Mark 16:1-11; Luke 24:1-12; John 20:1-18
Број на скрипта: 1241
Јазик: Tajio
Публиката: General
Жанр: Bible Stories & Teac
Цел: Evangelism; Teaching
Библиски цитат: Paraphrase
Статус: Approved
Скриптите се основни упатства за превод и снимање на други јазици. Тие треба да се приспособат по потреба за да бидат разбирливи и релевантни за секоја различна култура и јазик. На некои употребени термини и концепти може да им треба повеќе објаснување или дури да бидат заменети или целосно испуштени.
Текст на скрипта
![](https://static.globalrecordings.net/300x200/z40_Mt_27_21.jpg)
Touk tetantara nonyalipa siYesus, tetopomimpin-topomimpin nuYahudi sanu jio nomarcaya nonjarita eisiPilatus, “SiYesus, tetopolampoa heꞌua, nongular Siia kana metuvu lamai teꞌamateong touk tolueleo.” Sotoo kanaboi monjaga tekubur-Nya antau monantua temurit-murit-Nya jio maala mongangga tebatang-Nya ane lamai heꞌua monjarita Siia netuvumo lamai teꞌamateong.
![](https://static.globalrecordings.net/300x200/z40_Mt_27_22.jpg)
SiPilatus nonjarita, “Omungo lasiatoo tetantara ane jagai tutuu tekubur heꞌua.” Karna heꞌua siira nongembe tetanda eivatu eibamba nupentamaong nukubur heꞌua ane nonuju tetantara nonjaga eiriꞌua antau jio umai sanu maala mongangga tebatang-Nya.
![](https://static.globalrecordings.net/300x200/z40_Mt_28_01.jpg)
Seeleo touk siYesus kinubur, najaok teEleo nuPengondok, ane tetoo-too nuYahudi jio maala umaꞌo eikubur eieleo heꞌua. Karna heꞌua ulengi sasambat touk teEleo nuPengondok, sosoꞌuya tebengkel nesiap umaꞌo tekubur niYesus mongembeaꞌonye teminya sanu mombongi eibatang niYesus.
![](https://static.globalrecordings.net/300x200/z40_Mt_28_02.jpg)
Jio inototoi najari telindug sanu moporos tutuu. Sotoo temalaekat inita sima teꞌilat nembuꞌa lamai tesuruga. Siia nondulina tevatu sanu nongompoti tebamba nupentamaong nukubur heꞌua ane nongodung eibabonya. Tetantara sanu nonjaga nobubuleong tutuu ane noguar eitana sima tetoo naate.
![](https://static.globalrecordings.net/300x200/z40_Mt_28_04.jpg)
Watu tebengkel-bengkel najaok eikubur, temalaekat heꞌua nonjarita eisiira, “Inyaa nobule. SiYesus jio eiriꞌini. Siia netuvumo lamai teꞌamateong, sima sanu inular-Nya! Itai eilalong nukubur.” Tebebengkel heꞌua nongita eilalong nukubur ane nongita eipaio tebatang niYesus inembea. Tebatang niYesus jiongo umai eiriꞌua!
![](https://static.globalrecordings.net/300x200/z40_Mt_28_05.jpg)
Touk heꞌua temalaekat heꞌua nonjarita eibebengkel heꞌua, “Umaꞌomo ane ulara eimurit-murit, ‘SiYesus netuvumo lamai teꞌamateong ane mongaliurui siꞌemiu umaꞌo eiGalilea.’”
![](https://static.globalrecordings.net/300x200/z40_Mt_28_06.jpg)
Tebebengkel heꞌua nobubuleong ane nadandalan sanu nooge. Siira nelinjok umaꞌo eimurit-murit-Nya ane nonjaritaa teKareva sanu Mombosi heꞌua.
![](https://static.globalrecordings.net/300x200/z42_Lk_24_07.jpg)
Watu tebebengkel pepees eijalang umaꞌo mongulara eimurit-murit-Nya teKareva sanu Mombosi heꞌua, siYesus nepopoꞌitaa teꞌalae eisiira, ane siira nonyomba-Nya. SiYesus nongular, “Inyaa mobule. Naꞌomo ane ulara eimurit-muritU umaꞌo eiGalilea. Siira kana meꞌita siaꞌu eiriꞌua.”