unfoldingWord 38 - SiYesus Iraꞌop
![unfoldingWord 38 - SiYesus Iraꞌop](https://static.globalrecordings.net/300x200/z40_Mt_26_27.jpg)
Преглед: Matthew 26:14-56; Mark 14:10-50; Luke 22:1-53; John 18:1-11
Број на скрипта: 1238
Јазик: Tajio
Публиката: General
Жанр: Bible Stories & Teac
Цел: Evangelism; Teaching
Библиски цитат: Paraphrase
Статус: Approved
Скриптите се основни упатства за превод и снимање на други јазици. Тие треба да се приспособат по потреба за да бидат разбирливи и релевантни за секоја различна култура и јазик. На некои употребени термини и концепти може да им треба повеќе објаснување или дури да бидат заменети или целосно испуштени.
Текст на скрипта
![](https://static.globalrecordings.net/300x200/z40_Mt_26_16.jpg)
Sontoung sangkaning, tetoo-too nuYahudi noramea teEleo nuPaska. Eini nolambot iamaꞌo teꞌAlataꞌala nonyalamataꞌomo tesiopu-siopu niira lamai pevotuanong eiMesir monggatustoung sanu luulu. Kira-kira toluntoung nalabato watu siYesus nompamula nonjarita tejarita nuꞌAlataꞌala eitoo-too ntaninya. SiYesus nongulara eimurit-murit sima Siia seilu moramea tePaska ncoono siira eiYerusalem, ane sima Siia kana nopatei eiriꞌua.
![](https://static.globalrecordings.net/300x200/z40_Mt_26_04.jpg)
Sotoo temurit niYesus tetopenya siYudas. Siia nonanggung jojoo tedoi numurit-murit, tapi siia seilu tedoi ane sasangkaning mongangga tedoi heꞌua. Notouk siYesus ane temurit-murit-Nya najaok eiYerusalem, siYudas umaꞌo eitopomimpin-topomimpin nuYahudi ane nonavari mondulu siira meraꞌop siYesus eisiira. Siia moꞌotoi tetopomimpin-topomimpin nuYahudi heꞌua jio nongakui siYesus heꞌua teMesias ane orancana momate-Nya.
![](https://static.globalrecordings.net/300x200/z40_Mt_26_05.jpg)
Tetopomimpin-topomimpin nuYahudi, pinimpin teꞌImam sanu Mooge, nombayar siYudas tolumpulumboꞌa teperak antau mondulu siira meraꞌop siYesus. Tesaba eini najari sima sanu iramal niNabi Sakharia monggatustoung luulu. SiYudas nosituruk, nongala tedoi heꞌua, lamai heꞌua umaꞌo. Siia nompamula nelolo tewatu mondulu siira meraꞌop siYesus.
![](https://static.globalrecordings.net/300x200/z40_Mt_26_14.jpg)
EiYerusalem, siYesus noramea teEleo nuPaska concoono temurit-murit-Nya. Watu siira nenginang, siYesus nongala teroti ane nonompig-nompignya. Siia nonjarita, “Alamo ane inango eini. Eini teꞌalaeꞌU, sanu noveena eisiꞌemiu. Gauka eini antau molambot Siaꞌu.” Nonjarita sima heꞌua, siYesus nongulara teꞌalae-Nya kana noveena sima tepombee tepombolos siira antau siira jio maate seende-endenya.
![](https://static.globalrecordings.net/300x200/z40_Mt_26_15.jpg)
Lamai heꞌua siYesus nongala tepenginunong ane nonjarita, “Inungo eini. Eini teraaꞌU lamai Pejanjiong sanu Vuou sanu nojuana antau tedosa niꞌemiu noꞌampuni. Gauka eini molambot Siaꞌu tiap ngkaning siꞌemiu menginung.”
![](https://static.globalrecordings.net/300x200/z40_Mt_26_13.jpg)
Lamai heꞌua siYesus nonjarita eimurit-murit-Nya, “Sotoo lamai siꞌemiu kana mobaluk Siaꞌu.” Temurit-murit netetarigut, ane noꞌutanya sisee sanu nonggauka tegauk sima heꞌua. SiYesus nonjarita, “Sotoo sanu Uvenii songkolo teroti eini, siia monjaati Siaꞌu.” Lamai heꞌua Siia nombeemo teroti eisiYudas.
![](https://static.globalrecordings.net/300x200/z43_Jn_13_08.jpg)
Touk siYudas nongala teroti heꞌua, tepuang nuseetan nentama eiꞌalaenya. SiYudas umaꞌo mondulu tetopomimpin-topomimpin nuYahudi meraꞌop siYesus. Watu heꞌua teeleo nondoungo.
![](https://static.globalrecordings.net/300x200/z40_Mt_26_17.jpg)
Touk nenginang, siYesus ane temurit-murit-Nya nelampa umaꞌo teBuut nuSaitun. SiYesus nongular, “Siꞌemiu jojoo kana molinjoꞌi Siaꞌu ndoung eini. Umai netetulis eilalong tebuku nuꞌAlataꞌala, ‘Siaꞌu kana momate tetopomiara tedomba heꞌua ane tedomba-domba heꞌua kana melinjok nepudadag.’”
![](https://static.globalrecordings.net/300x200/z40_Mt_26_18.jpg)
SiPetrus nonyimbat, “Maampo sanu ntaninya molinjoꞌi Siꞌoo, siaꞌu jio!” Lamai heꞌua siYesus nonjarita eisiPetrus, “Tepuang nuseetan seilu mopoꞌorua teꞌaparcayaong niꞌoo, tapi Siaꞌu nongganea siꞌoo, Petrus, antau teꞌaparcayaongmu jio neꞌilang. Maampo sima heꞌua, ndoung eini, jiompo temanuk netunturuꞌu, siꞌoo jio mongakui tolungkaning sima siꞌoo moꞌotoi Siaꞌu.”
![](https://static.globalrecordings.net/300x200/z40_Mt_26_21.jpg)
SiPetrus nonjarita eisiYesus, “Maampo siaꞌu maate, siaꞌu kana mongakui Siꞌoo!” Jojoo temurit ntaninya nongular sanu selio-lio.
![](https://static.globalrecordings.net/300x200/z40_Mt_26_23.jpg)
Lamai heꞌua siYesus umaꞌo concoono temurit-murit-Nya eijoꞌong sanu tinope teGetsemani. SiYesus nonuju temurit-murit-Nya monggane antau siira jio manavu eilalong ponyoꞌaraong. Lamai heꞌua siYesus umaꞌo monggane simotoonya.
![](https://static.globalrecordings.net/300x200/z40_Mt_26_24.jpg)
SiYesus nonggane tolungkaning, “BoSiamaꞌU, ane maala, Siaꞌu nomongi inyaa nopatuvaya Siaꞌu menginung tepenginunong nuꞌasesesa eini. Tapi ane jio umai ojalang ntaninya antau tedosa-dosa numanusia noꞌampuni, patuvaya teꞌeseseilu-Mu majari.” SiYesus tututuu nabalesa ane tesoyoꞌot-Nya sima teraa neteek. TeꞌAlataꞌala nonuju sotoo temalaekat mopoꞌuig Siia.
![](https://static.globalrecordings.net/300x200/z40_Mt_26_26.jpg)
Tiapngkaning touk nonggane, siYesus netencile eimurit-murit-Nya, tapi siira noꞌoturu. Watu siYesus netencile tolungkaninaꞌonya, Siia nonjarita, “Pembaung! Tetoo sanu mobaluk Siaꞌu najaoko.”
![](https://static.globalrecordings.net/300x200/z40_Mt_26_27.jpg)
SiYudas najaok concoono tetopomimpin-topomimpin nuYahudi, tetantara, ane peinconong nutoo. Siira nongomung teꞌiabut ane tepomondang. SiYudas najaok eisiYesus ane nonjarita, “Salam, Guru,” ane nembongi-Nya. Eini tetanda antau tetopomimpin-topomimpin nuYahudi nootoi sisee sanu kanaboi noraꞌop. Lamai heꞌua siYesus nonjarita, “Yudas, siꞌoo monjaati Siaꞌu teꞌakalnya nembongi.”
![](https://static.globalrecordings.net/300x200/z40_Mt_26_28.jpg)
Watu tetantara-tantara neraꞌop siYesus, siPetrus nonyuvuna teꞌiabutnya ane nonibas tetelinga nuvotuang nuꞌImam sanu Mooge. SiYesus nonjarita, “Taꞌupa teꞌiabut heꞌua! Siaꞌu maala momongi eiSiamaꞌU monuju moribu tetantara temalaekat monyabataa Siaꞌu. Tapi Siaꞌu kanaboi monuruꞌi teSiamaꞌU.” Lamai heꞌua siYesus nepeꞌeondok tetelinga nutoo heꞌua. Touk siYesus iraꞌop, jojoo temurit nelinjoko.