unfoldingWord 19 - Tenabi-nabi
![unfoldingWord 19 - Tenabi-nabi](https://static.globalrecordings.net/300x200/z09_1Sa_10_02.jpg)
Преглед: 1 Kings 16-18; 2 Kings 5; Jeremiah 38
Број на скрипта: 1219
Јазик: Tajio
Публиката: General
Жанр: Bible Stories & Teac
Цел: Evangelism; Teaching
Библиски цитат: Paraphrase
Статус: Approved
Скриптите се основни упатства за превод и снимање на други јазици. Тие треба да се приспособат по потреба за да бидат разбирливи и релевантни за секоја различна култура и јазик. На некои употребени термини и концепти може да им треба повеќе објаснување или дури да бидат заменети или целосно испуштени.
Текст на скрипта
![](https://static.globalrecordings.net/300x200/z09_1Sa_10_02.jpg)
Lamai tepamulaong tetoo-too nuꞌIsrael, teꞌAlataꞌala nonuju tenabi-nabi eisiira. Tenabi-nabi nopoꞌinepea tetutuunong heꞌua lamai teꞌAlataꞌala ane nonjaritaa eitoo-too.
![](https://static.globalrecordings.net/300x200/z11_1Ki_18_01.jpg)
SiꞌElia heꞌua sotoo tenabi watu siꞌAhab najari tepuang nutoo-too nuꞌIsrael. SiꞌAhab heꞌua tetoo sanu majaat ane nonuju tetoo-too untuk manyomba tedewa sanu jio tutuu tetope siBaꞌal. SiꞌElia nojarita eisiꞌAhab, “Jio umai oujang atau ongolu eiꞌIsrael jaok utuju.” Tegauk eini nogutu siꞌAhab nongoungkul tutuu.
![](https://static.globalrecordings.net/300x200/z11_1Ki_17_01.jpg)
Lamai heꞌua teꞌAlataꞌala nonuju siꞌElia mencoyok eitana sanu noodoy moꞌosuk tengees karna siꞌAhab seilu momateinya. Eleo ndoung, temamanuk nongomuna teroti ane teꞌanes. SiAhab ane tepasukannya nelolo siꞌElia, tapi jio jinaok niira siia. Teondak watu heꞌua tututuu najari ane tengees jiongo oogo.
![](https://static.globalrecordings.net/300x200/z11_1Ki_17_05.jpg)
Jadi siꞌElia umaꞌo eitana ntaninya. Eitana heꞌua umai sotoo tetimbala ane teunganya sanu notouꞌong teꞌaniong karna teondak heꞌua nonyabaaꞌomo moꞌoroꞌong. Tapi siira nongurus siꞌElia, ane teꞌAlataꞌala nogutua teꞌurong pongisiong telabu ane tebotol nulatab antau jio motouꞌong. Siira jio notouꞌong teꞌaniong eꞌende nuondak heꞌua. SiꞌElia nomoia ampi heꞌua lasia ntoung.
![](https://static.globalrecordings.net/300x200/z11_1Ki_18_02.jpg)
Touk tolu ntoung satanga, teꞌAlataꞌala nonuju siꞌElia metencile umaꞌo eiꞌIsrael ane mojarita eisiꞌAhab karna Siia kana menyauaꞌonye teujang. Watu siꞌAhab neꞌita siꞌElia siia nojarita, “Siꞌoo tetoo sanu majaat!” SiꞌElia nonyimbat, “Siꞌoo boi tetoo sanu majaat! Siꞌoo nolinjoꞌimo teꞌAlataꞌala sanu tutuu ane nanyomba teBaꞌal. Omung jojoo tetoo-too nuꞌIsrael umaꞌo eiBuut nuKarmel.”
![](https://static.globalrecordings.net/300x200/z11_1Ki_18_03.jpg)
Jojoo tetoo-too nuꞌIsrael, concoono apa gatus too tenabi nuBaꞌal, najaok eiBuut nuKarmel. SiꞌElia nonjarita, “Jaok siambengi siꞌemiu kana mombalik teꞌaparcayaong niꞌemiu? Ane teSiopu sanu tutuu, Siia boi nosomba! Ane teBaꞌal sanu tutuu, siia boi nosomba!”
![](https://static.globalrecordings.net/300x200/z11_1Ki_18_04.jpg)
Lamai heꞌua siElia nojarita einabi-nabi nuBaꞌal, “Sambale sambaang tebengga ane sadiaa tepombee, tapi inyaa metuvu teapi. Siaꞌu kana mogutu sanu selilio. Sanu monyimbat mepake teapi, heꞌua sanu tututuu.” Karna heꞌua teꞌimam-imam nuBaꞌal nonyadiaa tepombee tapi jio metuvu teapi.
![](https://static.globalrecordings.net/300x200/z11_1Ki_18_05.jpg)
Touk heꞌua tenabi-nabi nuBaꞌal nonggane eiBaꞌal. “Poꞌinepea siꞌami, boBaꞌal!” Seseeleo siira nonggane ane neroroa. Siira valii nomaꞌiti teꞌalae niira, tapi teBaꞌal jio nonyimbat.
![](https://static.globalrecordings.net/300x200/z11_1Ki_18_07.jpg)
Watu beimbengi heꞌua, siꞌElia nonyadiaa tepombee eiꞌAlataꞌala. Siia nonuju tetoo nuꞌIsrael nondidiga teogo eisompulu robua tetampayan eipombee heꞌua antau teꞌanes, teꞌayu, ane tetana valii eipapalit numeja heꞌua tututuu monjou.
![](https://static.globalrecordings.net/300x200/z11_1Ki_18_08.jpg)
Lamai heꞌua siꞌElia nonggane, “BoSiopu, teꞌAlataꞌala niꞌAbraham, niꞌIshak ane niYakub, popoꞌitaa eisiꞌami eieleo eini ane Siꞌoo teꞌAlataꞌala nuꞌIsrael ane siaꞌu eini tetoponuut-Mu. Simbati siaꞌu antau tetoo-too eini moꞌotoi, Siꞌoo sanu tututuu.”
![](https://static.globalrecordings.net/300x200/z11_1Ki_18_09.jpg)
Selengaan teapi nenyau lamai telangit norampung teꞌanes, teꞌayu, tevatu, tetana ane teogo sanu eipapalit numeja heꞌua. Watu tetoo-too neꞌita heꞌua, siira noposuncul eitana ane nojarita, “TeSiopu heꞌua sanu tututuu! TeSiopu heꞌua sanu tututuu!”
![](https://static.globalrecordings.net/300x200/z11_1Ki_18_10.jpg)
Lamai heꞌua siꞌElia nojarita, “Inyaa nopatuvayaa maampo sotoo lamai tenabi-nabi nuBaꞌꞌal heꞌua mosalamata teꞌalaenya!” Tetoo-too heꞌua neraꞌop tenabi-nabi nuBaꞌal. Lamai heꞌua siꞌElia nongomung siira lamai ampi heꞌua ane nomate siira.
![](https://static.globalrecordings.net/300x200/z11_1Ki_18_11.jpg)
SiꞌElia nojarita eisiꞌAhab tepuang, “Petencilemo eꞌeini umaꞌo tekota, karna teujang menyaumo.” Selengaan telangit najari meitong, ane nenyaua teujang sanu morombak tutuu. TeꞌAlataꞌala nonouka teondak ane nepopoꞌitaa Siia tututuu teꞌAlataꞌala.
![](https://static.globalrecordings.net/300x200/z12_2Ki_05_02.jpg)
Touk siNabi Elia eijuniaa, teꞌAlataꞌala nomile siꞌElisa majari tenabi-Nya. TeꞌAlataꞌala nepake siꞌElisa nogutu mabari teꞌababaraka. Sangkaning, siNaꞌaman, tekomandan tantara numusu, umai tepees eiꞌuli. Siia neꞌeepemo sima siꞌElisa, jadi siia umaꞌo ane nomongi eisiꞌElisa mepeꞌeondok siia. SiꞌElisa nonuju siia umaꞌo moleep pitu ngkaning eiBangkalang nuYordan.
![](https://static.globalrecordings.net/300x200/z12_2Ki_05_10.jpg)
Watu tepamulaongnya siNaꞌaman nongoungkul ane jio seilu monggauka heꞌua karna siia nomikir teparenta heꞌua modoyo. Tapi siia netencile tepikiran ane noleep pitu ngkaning eiBangkalang nuYordan. Gananya pitu ngkaning, siia noleep teꞌalaenya tutuu neondoko! TeꞌAlataꞌala neondoka siia.
![](https://static.globalrecordings.net/300x200/z11_1Ki_20_03.jpg)
TeꞌAlataꞌala nonuju mabari tenabi ntaninya. Siira jojoo nonuju tetoo-too inyaa manyomba tebarhala. Monggauka sanu maꞌadil ane sanu mombosi. Tenabi-nabi nolambota eitoo-too, ane siira jio mengondok monggauka sanu majaat ane jio monuruk teparenta nuꞌAlataꞌala, teꞌAlataꞌala kana majaok, ane Siia mehukum siira.
![](https://static.globalrecordings.net/300x200/z24_Jer_38_02.jpg)
Biasa tetoo-too jio monuruk teꞌAlataꞌala. Siira nonggauka sanu majaat einabi-nabi ane sasangkaning nomate siira. Sangkaning tenabi siYeremia inavua eilalong nubumbun antau siia maate. Siia nolodong eilalong nugogor sanu umai eilalong nubumbun. Tapi tepuang nongagalani siia ane nonuju tevotuang-votuangnya nonggiur siYeremia nesuvung lamai tebumbun jijiompo siia maate.
![](https://static.globalrecordings.net/300x200/z32_Jon_03_01.jpg)
Tenabi-nabi heꞌua tatarus nonjaritaa sima teꞌAlataꞌala, maampo tetoo-too nengkeles siira. Siira nolambota eitoo-too, ane siira jio matoba, teꞌAlataꞌala kana mopoꞌoropu siira. Siira nolambota valii eitoo-too sima teMesias sanu jinanjia nuꞌAlataꞌala kana majaok.