unfoldingWord 49 - Pathian Thuthlung Thar
![unfoldingWord 49 - Pathian Thuthlung Thar](https://static.globalrecordings.net/300x200/z43_Jn_20_05.jpg)
Преглед: Genesis 3; Matthew 13-14; Mark 10:17-31; Luke 2; 10:25-37; 15; John 3:16; Romans 3:21-26, 5:1-11; 2 Corinthians 5:17-21; Colossians 1:13-14; 1 John 1:5-10
Број на скрипта: 1249
Јазик: Mizo
Публиката: General
Жанр: Bible Stories & Teac
Цел: Evangelism; Teaching
Библиски цитат: Paraphrase
Статус: Approved
Скриптите се основни упатства за превод и снимање на други јазици. Тие треба да се приспособат по потреба за да бидат разбирливи и релевантни за секоја различна култура и јазик. На некои употребени термини и концепти може да им треба повеќе објаснување или дури да бидат заменети или целосно испуштени.
Текст на скрипта
![](https://static.globalrecordings.net/300x200/z42_Lk_01_11.jpg)
Vantirhkohvin nula thianghlim Mari hnênah Pathian Fapa a la hring ang tih a hrilh a. Chuvang chuan, nula thianghlim a la nih lai pawhin Thlarau Thianghlimin a hliahkhuh a, nau a lo pai ta a. Mipa a hringa, a hmingah Isua a sa a. Chutichuan, Isua chu Pathian leh mihring a ni.
![](https://static.globalrecordings.net/300x200/z41_Mk_06_24.jpg)
Isuan thilmak tam tak a ti a, chungte chuan Pathian a nihzia an lantîr a. Tui chungah a kal a, thlipui a hau reh a, damlo tam tak a tidam a, ramhuaite a hnawtchhuak a, mitthi a kaitho va, chhangpêr pangâ leh sangha te pahnihte chu mipui 5,000 chuang hraina daih khawpah a chantîr a.
![](https://static.globalrecordings.net/300x200/z42_Lk_10_09.jpg)
Isua chu zirtîrtu ropui a ni bawk a ni, Pathian Fapa a nih avangin thuneihna nen thu a sawi ṭhin a. Nangmah i inhmangaih angin midangte i hmangaih tûr a ni tih a zirtîr a.
![](https://static.globalrecordings.net/300x200/z42_Lk_18_11.jpg)
I hausakna leh thil dang zawng zawng aiin Pathian i hmangaih tur ani ngai tih a zirtîr bawk a.
![](https://static.globalrecordings.net/300x200/z40_Mt_13_18.jpg)
Isuan khawvela thil dang zawng zawngte aiin Pathian lalram chu a hlu zawk tih a sawi a. Tute tan pawha pawimawh ber chu Pathian lalram chan chu a ni. Pathian lalrama lût tûr chuan i sual lak ata chhandam i nih a ngai a ni.
![](https://static.globalrecordings.net/300x200/z40_Mt_13_01.jpg)
Isuan mi ṭhenkhatin amah chu an lo lawm ang a, chhandam an nih tûr thu leh midangten chutianga an tih ve loh tur thu a zirtîr a. Ani chuan mi ṭhenkhatte chu lei ṭha ang an ni a ti a. Chung mite chuan Isua chanchin ṭha chu an lo lawm a, chhandam an ni ta a. Midangte chu kawng dung lei changa tla ang an ni a, chutah chuan Pathian thu chi chu a lut tlang lo va, rah a chhuah ta lo a. Chung mite chuan Isua thû chu an hnawl a, a lalramah an lut lo vang.
![](https://static.globalrecordings.net/300x200/z42_Lk_15_06.jpg)
Isuan Pathianin misualte a hmangaihzia a zirtîr a. Ani chuan anmahni chu ngaihdam a duh a, a fâ atana siam a duh a ni.
![](https://static.globalrecordings.net/300x200/z66_Re_21_01.jpg)
Isuan Pathianin sual a hua tih a zirtîr bawk a. Adama leh Evi te an lo sual khan, chu chuan an thlahte zawng zawng chu a nghawng ta vek a. Chumiin a nghawng chhuah chu, khawvêla mi zawng zawng te chu an lo sual ta a, Pathian nên an inṭhen ta a ni. Chutichuan, mi zawng zawng chu Pathian hmelma an lo ni ta a.
![](https://static.globalrecordings.net/300x200/z40_Mt_16_11.jpg)
Nimahsela, Pathianin khawvel a hmangaih êm êm a, chutichuan, a fapa mal neihchhun chu a pe a, tupawh amah rîng apiangte chu an sualte avanga hrem an nih lohnan leh, Pathian nen chatuana an nung tawh zawkna turin.
![](https://static.globalrecordings.net/300x200/z41_Mk_15_11.jpg)
I sualna avangin thiamloh chang i ni a, thih chu i phu a ni. Pathian chu i chungah a thinûr ngei ang, nimahsela, a thinûrna chu nangmahah ni lovin Isua chungah a leih baw ta a. Isua Krawsa a thih lai khan, hrem i nihna tûr ai amah chu hremin a lo awm ta a ni.
![](https://static.globalrecordings.net/300x200/z41_Mk_15_13.jpg)
Isuan thil sual a ti ngai lo va, nimahsela, nang leh khawvela mi zawng zawng te sualnate a lakbo theihnan inthawina sawiselbo atan hremna leh thihna chu a thlang a. Isuan amah leh amah chu inthawina atâna a inhlan avangin, Pathianin eng sual pawh, sualna rapthlak bêrte pawh, a ngaidam thei a ni.
![](https://static.globalrecordings.net/300x200/z41_Mk_16_02.jpg)
Thil ṭha tihte chuan a chhandam thei lo che. Pathian nêna inlaichinna nei tûrin tih theih engmah i nei lo. Isua chauhvin i sualte a tlengfai thei. Isua chu Pathian Fapa a ni a, i thih ai Krawsah a thi a, Pathianin a kaitho leh tih i ring tur a ni.
![](https://static.globalrecordings.net/300x200/z40_Mt_08_05.jpg)
Pathianin Isua ringtu leh an Lal atana pawmtu apiang a chhandam ang. Nimahsela, tupawh amah rîng lo chu a chhandam dawn lo a ni. I rethei emaw i hausa emaw, mipa i ni emaw hmeichhia i ni emaw, târ i ni emaw thalai i ni emaw, leh khawia chêng nge i nihin awmzia a nei lo vang. Pathianin a hmangaih che a, nangmah nên inlaichinna hlimawm tak a neih theihnan Isua i rin a duh a ni.
![](https://static.globalrecordings.net/300x200/z43_Jn_20_05.jpg)
Isuan amah ring turin leh baptisma chang tûrin a sawm che a. Isua hi Messia, Pathian fapa neihchhun a ni tih i rîng em? Misual i ni tih leh Pathian hremna i phu tih i ring em? Isua chu Krawsah i sualte la bo tûrin a thi tih i ring em?
![](https://static.globalrecordings.net/300x200/z43_Jn_20_06.jpg)
Isua i rin a, i tana a thiltihte i rin bawk chuan Kristian i lo ni ta a ni! Pathianin Setana thim lalram ata chhuahtîr chein, Pathian lalram engah chuan a dah ta che a ni. Pathian chuan i nun hlui sual kawng zawh ṭhin chu la bovin nun thar felna kawng zawhtu nun chu a pe ta che a ni.
![](https://static.globalrecordings.net/300x200/z43_Jn_09_10.jpg)
Kristian i nih chuan, Pathianin Isua thiltih avangin i sualte chu a ngaidam ta a ni. Tunah chuan, Pathianin hmelma ni lovin ṭhian ṭha ah a ngai che a ni.
![](https://static.globalrecordings.net/300x200/z42_Lk_07_07.jpg)
Pathian ṭhian leh Lal Isua chhiahhlawh i nih chuan, Isuan a zirtîr che kha i zawm duh tawh ang a. Kristian ni tawh mahla, sual turin thlem i la ni ang. Nimahsela, Pathian chu a rinawm a, i sualte i puan chuan a ngaidam ang che tih thu a sawi a ni. Ani chuan sual do tûrin chakna a pe ang che.
![](https://static.globalrecordings.net/300x200/z44_Ac_09_13.jpg)
Pathianin ṭawngṭai tur te, a thu zîr tur te, Kristian dangte nêna Pathian be ho tûrte, i tana a thiltihte midangte hrilh tûrte in a ti che a ni. Heng zawng zawngte hian amah nena inlaichinna thuk zawk i neih theihnan a pui dawn che a ni.