unfoldingWord 10 - Hripui sawmte
![unfoldingWord 10 - Hripui sawmte](https://static.globalrecordings.net/300x200/z02_Ex_08_06.jpg)
Преглед: Exodus 5-10
Број на скрипта: 1210
Јазик: Mizo
Публиката: General
Жанр: Bible Stories & Teac
Цел: Evangelism; Teaching
Библиски цитат: Paraphrase
Статус: Approved
Скриптите се основни упатства за превод и снимање на други јазици. Тие треба да се приспособат по потреба за да бидат разбирливи и релевантни за секоја различна култура и јазик. На некои употребени термини и концепти може да им треба повеќе објаснување или дури да бидат заменети или целосно испуштени.
Текст на скрипта
![](https://static.globalrecordings.net/300x200/z02_Ex_10_04.jpg)
Mosia leh Arona chu Pharaoa hnênah an kal ta a. A hnênah, “Israelte Pathian chuan heti hian a ti, ‘Ka mite chhuahtir rawh!’ tiin,” an ti a. Pharaoa chuan an thusawi chu a ngaihsak lova. Israelte chhuah zalen a hnêkin, hna a thawh rim tir ta sauh zawk a.
![](https://static.globalrecordings.net/300x200/z02_Ex_10_06.jpg)
Pharaoa chuan mipuite chu chhuahtir a la remtih loh fo avangin Pathianin Aigupta ram ah hremna rapthlak chi sawm a thlêntîr ta a. Heng hremna hmang hian Pathian chuan Pharaoa leh Aigupta pathiante aia thil a tih theih zawk zia Pharaoa chu a hmuhtir ta a ni.
![](https://static.globalrecordings.net/300x200/z02_Ex_07_04.jpg)
Pathianin Nile Lui chu thisenah a chantîr a, nimahsela, Pharaoa chuan Israelte chu a la chhuah tir duh lo va.
![](https://static.globalrecordings.net/300x200/z02_Ex_08_02.jpg)
Pathianin Aigupta ram khatin chungu a rawn tir a. Pharaoa chuan Mosia hnenah chungu te chu tibo tûrin a ngen a. Nimahsela, chungu te chu an thih zawh vek hnuah chuan Pharaoa chuan a thinlung a tikhauhva, Israelte chu Aigupta ram ata a chhuahtîr duh ta chuang lo va.
![](https://static.globalrecordings.net/300x200/z02_Ex_08_06.jpg)
Chuvangin, Pathianin thosi a rawn tîr a. Chumi hnuah tho a rawn tîr leh a. Pharaoa chuan Mosia leh Arona chu a kova, an hnênah chu hremna chu an tihtawp chuan, Israelte chuan Aigupta ram an chhuahsan thei ang a ti a. Mosia a ṭawngṭai a, tho zawng zawng te chu Pathianin Aigupta ram ata a la bo ta a. Nimahsela, Pharaoa chuan a thinlung a tikhauhva, mipuite chu chhuah zalentîr a duh ta chuang lo va.
![](https://static.globalrecordings.net/300x200/z02_Ex_09_02.jpg)
Chumi zawhah chuan, Pathianin Aigupta mite ran vulh zawng zawngte chu natnain a tihlum a. Nimahsela, Pharaoa chuan a thinlung a tihkhauh a, Israelte chu chhuahtîr a duh ta chuang lo va..
![](https://static.globalrecordings.net/300x200/z02_Ex_09_03.jpg)
Tin, Pathianin Mosia chu Pharaoa hmaah vutte chu van lamah theh chiam tûrin a hrilh a. Chutianga a han tih chuan, Aigupta mite chuan khawihli durh nâ tak mai an lo vei ta a, nimahsela Israelte chuan an vei ve lo. Pathian chuan Pharaoa thinlung chu a tihkhauhsak a, tichuan, Pharaoa chuan Israelte chu chhuah zalentîr a duh ta chuang lo.
![](https://static.globalrecordings.net/300x200/z02_Ex_09_04.jpg)
Chumi hnuah chuan, Pathianin rial rawn tîrin chung rialte chuan Aigupta ram chhunga thlai zawng zawng deuh tho chu dêng chhiain, pawna chhuak rêng rêngte chu a denghlum ta a. Pharaoa chuan Mosia leh Arona chu a kova, an hnenah, “Ka lo sual ta a ni. In kal thei ang,” a ti a. Tichuan, Mosia chu a ṭawngṭai a, vân aṭanga rial rawn tla chu a bang ta a.
![](https://static.globalrecordings.net/300x200/z02_Ex_09_07.jpg)
Nimahsela, Pharaoa chuan a thinlung a tikhauhva, thil a ti sual leh ta a. Israelte chhuah zalentîr chu a remti leh ta lo va.
![](https://static.globalrecordings.net/300x200/z02_Ex_09_08.jpg)
Chuvangin, Pathianin Aigupta ram pum chungah chuan khaukhuap rual a lentir ta chiam a. Heng khaukhuapte hian rialten an denchhiat loh thlai la awm zawng zawng te chu an ei zo ta vek a.
![](https://static.globalrecordings.net/300x200/z02_Ex_10_08.jpg)
Tin, Pathianin ni thum chhung thimna a thlentîr a. A thim em avangin Aigupta mite chuan an in an chhuahsan thei ta lo va. Nimahsela, Israelte awmna chu a eng thung a.
![](https://static.globalrecordings.net/300x200/z02_Ex_10_09.jpg)
Heng hremna pakaw hnuah pawh hian Pharaoa chuan Israelte chhuah zalentîr chu a la remti ta lo fova. Pharaoa a la hel fo avangin, Pathianin hremna hnuhnung ber thlentîr a tum ta a. Chu chuan Pharaoa rilru a thlak danglam tawh ang.