unfoldingWord 50 - ການກັບມາຂອງພຣະເຢຊູ
![unfoldingWord 50 - ການກັບມາຂອງພຣະເຢຊູ](https://static.globalrecordings.net/300x200/z66_Re_21_02.jpg)
Преглед: Matthew 13:24-42; 22:13; 24:14; 28:18; John 4:35; 15:20; 16:33; 1 Thessalonians 4:13-5:11; James 1:12; Revelation 2:10; 20:10; 21-22
Број на скрипта: 1250
Јазик: Lao
Публиката: General
Жанр: Bible Stories & Teac
Цел: Evangelism; Teaching
Библиски цитат: Paraphrase
Статус: Approved
Скриптите се основни упатства за превод и снимање на други јазици. Тие треба да се приспособат по потреба за да бидат разбирливи и релевантни за секоја различна култура и јазик. На некои употребени термини и концепти може да им треба повеќе објаснување или дури да бидат заменети или целосно испуштени.
Текст на скрипта
![](https://static.globalrecordings.net/300x200/z44_Ac_19_05.jpg)
2.000 ປີກ່ອນແລ້ວຫຼາຍຄົນທົ່ວໂລກໄດ້ຍິນຂ່າວປະເສີດກ່ຽວກັບພຣະເຢຊູພຣະເມຊີອາ. ຄຣິສຕະຈັກຂອງພຣະເຈົ້າກໍນັບມື້ຂະຫຍາຍຕົວ, ພຣະເຢຊູໄດ້ສັນຍາວ່າພຣະອົງຈະກັບມາໃນເວລາສຸດທ້າຍຂອງໂລກ, ເຖິງແມ່ນວ່າພຣະອົງຍັງບໍ່ກັບມາເທື່ອ, ແຕ່ພຣະອົງຈະຮັກສາພຣະສັນຍາຂອງພຣະອົງ.
![](https://static.globalrecordings.net/300x200/z40_Mt_05_09a.jpg)
ຂະນະທີ່ພວກເຮົາລໍຖ້າພຣະເຢຊູກັບມາ ພຣະເຈົ້າຢາກໃຫ້ພວກເຮົາມີຊີວິດໃນທາງບໍຣິສຸດ ແລະ ສັດຊື່ຕໍ່ພຣະອົງ. ພຣະອົງຍັງຕ້ອງການໃຫ້ພວກເຮົາບອກຄົນອື່ນກ່ຽວກັບຣາຊອານາຈັກຂອງພຣະອົງ. ໃນເວລາພຣະເຢຊູຢູ່ໃນໂລກນັ້ນພຣະອົງໄດ້ກ່າວວ່າ, “ສາວົກຂອງເຮົາຈະປະກາດຂ່າວປະເສີດກ່ຽວກັບຣາຊາອານາຈັກຂອງພຣະເຈົ້າໃຫ້ຄົນຢູ່ທຸກທີ່ທຸກບ່ອນໃນໂລກນີ້ໄດ້ຍິນ, ແລະ ວັນສຸດທ້າຍຈະມາເຖິງ.”
![](https://static.globalrecordings.net/300x200/z42_Lk_08_04.jpg)
ຫຼາຍຊົນຊາດຍັງບໍ່ໄດ້ຍິນເລື່ອງຂອງພຣະເຢຊູ. ກ່ອນພຣະອົງຈະກັບຄືນສູ່ສະຫວັນ, ພຣະເຢຊູໄດ້ບອກໃຫ້ຊາວຄຣິສຕຽນປະກາດຂ່າວປະເສີດໃຫ້ທຸກຄົນໄດ້ຍິນ. ພຣະອົງໄດ້ກ່າວວ່າ, “ຈົ່ງໄປ ແລະ ເຮັດໃຫ້ທຸກຊົນຊາດເປັນລູກສິດ.” ແລະ “ເຂົ້າໃນນາກໍສຸກເຫຼືອງເຖິງເວລາເກັບກ່ຽວແລ້ວ.”
![](https://static.globalrecordings.net/300x200/z44_Ac_14_07.jpg)
ພຣະເຢຊູກ່າວວ່າ, “ຜູ້ຮັບໃຊ້ຈະບໍ່ໃຫຍ່ກວ່ານາຍຂອງຕົນ ເໝືອນກັນກັບຜູ້ມີອຳນາດໃນໂລກນີ້ທີ່ກຽດຊັງເຮົາ, ພວກເຂົາຈະທໍລະມານ ແລະ ຈະຂ້າເຈົ້າຍ້ອນເຮົາ. ເຖິງແມ່ນວ່າໃນໂລກນີ້ເຈົ້າຈະທົນທຸກທໍລະມານ, ແຕ່ຈົ່ງຊື່ນໃຈເພາະເຮົາໄດ້ຊະນະຊາຕານແລ້ວ, ຄືຜູ້ທີ່ປົກຄອງໃນໂລກນີ້. ແຕ່ຖ້າເຈົ້າຍັງສັດຊື່ຕໍ່ເຮົາຈົນເຖິງທີ່ສຸດ, ແລ້ວພຣະເຈົ້າຈະຊ່ວຍເຈົ້າໃຫ້ພົ້ນ.”
![](https://static.globalrecordings.net/300x200/z40_Mt_13_15.jpg)
ພຣະເຢຊູກ່າວເລື່ອງໜຶ່ງໃຫ້ພວກສາວົກຂອງພຣະອົງຮູ້ ແລະ ອະທິບາຍສິ່ງທີ່ຈະເກີດຂຶ້ນຕໍ່ຜູ້ຄົນເມື່ອເວລາສຸດທ້າຍຂອງໂລກນັ້ນມາເຖິງ. ພຣະອົງກ່າວວ່າ, “ມີຄົນໜຶ່ງໄດ້ຫວ່ານເມັດເຂົ້າດີໃນນາຂອງຕົນ. ໃນຂະນະທີ່ລາວນອນຫຼັບນັ້ນ, ສັດຕູຂອງລາວໄດ້ມາຫວ່ານເມັດເຂົ້ານົກໃສ່ໃນນາຂອງລາວ, ແລ້ວກໍໄດ້ໜີໄປ.
![](https://static.globalrecordings.net/300x200/z40_Mt_13_16.jpg)
“ເມື່ອຕົ້ນເຂົ້າໃຫຍ່ຂຶ້ນ, ຜູ້ຮັບໃຊ້ຂອງເຈົ້ານາຍກໍຖາມນາຍວ່າ, ‘ນາຍເອີຍ ທ່ານຫວ່ານເມັດເຂົ້າດີໃສ່ໃນນາບໍ່ແມ່ນບໍ? ເປັນຫຍັງມີເຂົ້ານົກຢູ່ໃນນາ? ແລ້ວຜູ້ເປັນນາຍກໍເວົ້າວ່າ, ‘ສັດຕູຂອງເຮົາເປັນຜູ້ຫວ່ານພວກມັນໃສ່.’
![](https://static.globalrecordings.net/300x200/z40_Mt_13_17.jpg)
ຜູ້ຮັບໃຊ້ຖາມຜູ້ເປັນນາຍວ່າ, ‘ພວກເຮົາດຶງຫຍ້າເຂົ້ານົກເຫຼົ່ານີ້ອອກໄດ້ບໍ?’ ຜູ້ເປັນນາຍຕອບວ່າ, ‘ຖ້າເຈົ້າດຶງ ເຈົ້າອາດຈະດຶງຕົ້ນເຂົ້າດີ. ໃຫ້ລໍຖ້າຈົນເຖິງເວລາເກັບກ່ຽວ ແລະ ຈາກນັ້ນຈຶ່ງເກັບກ່ຽວພວກມັນຮ່ວມກັນຖິ້ມໃສ່ໄຟ, ແຕ່ໃຫ້ເກັບເມັດເຂົ້າດີໄວ້ໃນເລົ້າເຂົ້າ.’”
![](https://static.globalrecordings.net/300x200/z40_Mt_13_20.jpg)
ພວກສາວົກບໍ່ເຂົ້າໃຈຄວາມໝາຍຂອງເລື່ອງນີ້, ສະນັ້ນພວກເຂົາຈຶ່ງຂໍພຣະເຢຊູອະທິບາຍໃຫ້ພວກເຂົາ. ພຣະເຢຊູຕອບວ່າ, “ຊາຍທີ່ຫວ່ານເມັດເຂົ້າດີນັ້ນແມ່ນພຣະເມຊີອາ. ໄຮ່ນາແມ່ນໂລກນີ້. ເມັດເຂົ້າດີແມ່ນຄົນຂອງຣາຊອານາຈັກຂອງພຣະເຈົ້າ.”
![](https://static.globalrecordings.net/300x200/z40_Mt_13_21.jpg)
ເມັດເຂົ້ານົກແມ່ນຄົນຂອງມານຮ້າຍ. ສັດຕູຜູ້ຫວ່ານເມັດເຂົ້ານົກແມ່ນມານຮ້າຍ. ເວລາກັບກ່ຽວແມ່ນເວລາສຸດທ້າຍຂອງໂລກ, ແລະຜູ້ເກັບກ່ຽວແມ່ນເທວະດາຂອງພຣະເຈົ້າ.”
![](https://static.globalrecordings.net/300x200/z40_Mt_13_22.jpg)
ເມື່ອຮອດວັນສຸດທ້າຍຂອງໂລກນັ້ນ, ພວກເທວະດາຈະຮີບໂຮມຜູ້ຄົນທັງໝົດທີ່ເປັນຂອງມານຮ້າຍ ແລະ ຖິ້ມພວກເຂົາໃສ່ໃນໄຟທີ່ບໍ່ຮູ້ດັບ, ຄືບ່ອນທີ່ພວກເຂົາຈະຂົບແຂ້ວຮ້ອງໄຫ້ໃນບ່ອນຄົນທຸກທໍລະມານ. ສ່ວນບັນດາຜູ້ຊອບທຳຈະສ່ອງແສງຄືດວງຕາເວັນໃນຣາຊອານາຈັກຂອງພຣະເຈົ້າ.”
![](https://static.globalrecordings.net/300x200/z44_Ac_01_03.jpg)
ພຣະເຢຊູໄດ້ກ່າວວ່າພຣະອົງຈະກັບມາຫາໂລກນີ້ກ່ອນວັນສຸດທ້າຍຂອງໂລກ. ພຣະອົງຈະກັບມາໃນບ່ອນທີ່ພຣະອົງໄດ້ຂຶ້ນໄປ, ພຣະອົງຈະມີຮ່າງກາຍທິບ ແລະ ມາໃນເທິງເມກໃນທ້ອງຟ້າ. ເມື່ອພຣະເຢຊູກັບມານັ້ນຊາວຄຣິສຕຽນທຸກຄົນທີ່ຕາຍແລ້ວຈະຄືນມາຈາກຄວາມຕາຍ ແລະ ຈະພົບພຣະອົງໃນຟ້າອາກາດ.
![](https://static.globalrecordings.net/300x200/z40_Mt_08_05.jpg)
ສ່ວນຊາວຄຣິສຕຽນຜູ້ທີ່ຍັງມີຊີວິດຢູ່ນັ້ນຈະຖືກຮັບຂຶ້ນເທິງຟ້າ ແລະ ຢູ່ຮ່ວມກັບຊາວຄຣິສຕຽນອື່ນໆທີ່ຄືນຈາກຄວາມຕາຍນັ້ນ. ພວກເຂົາທັງໝົດຈະຢູ່ກັບພຣະເຢຊູໃນທີ່ນັ້ນ. ແລະ ພຣະເຢຊູຈະຢູ່ກັບຄົນຂອງພຣະອົງໃນບ່ອນສຸກວິໄລ ແລະ ຢູ່ນຳກັນຕະຫຼອດໄປ.
![](https://static.globalrecordings.net/300x200/z55_2Ti_04_02.jpg)
ພຣະເຢຊູໄດ້ສັນຍາວ່າຈະໃຫ້ມົງກຸດແກ່ທຸກຄົນທີ່ເຊື່ອໃນພຣະອົງ. ພວກເຂົາຈະມີຊີວິດຢູ່ ແລະ ຄອບຄອງບ່ອນສຸກວິໄລນີ້ກັບພຣະເຈົ້າຕະຫຼອດໄປ.
![](https://static.globalrecordings.net/300x200/z66_Re_21_01.jpg)
ແຕ່ພຣະເຈົ້າຈະພິພາກສາທຸກໆຄົນທີ່ບໍ່ເຊື່ອໃນພຣະເຢຊູ. ພຣະອົງຈະຖິ້ມພວກເຂົາລົງໃນນະຣົກ, ບ່ອນທີ່ພວກເຂົາຈະຂົບແຂ້ວຮ້ອງໄຫ້ໃນບ່ອນທົນທຸກທໍລະມານຕະຫຼອດໄປ. ໄຟທີ່ບໍ່ຮູ້ດັບຈະເຜົາໄໝ້ພວກເຂົາຢູ່ຕະຫຼອດ, ແລະ ໜອນຈະບໍ່ມີວັນຢຸດກິນພວກເຂົາ.
![](https://static.globalrecordings.net/300x200/z66_Re_19_02.jpg)
ໃນວັນທີ່ພຣະເຢຊູກັບມານັ້ນ, ພຣະອົງຈະທຳລາຍຊາຕານ ແລະ ອານາຈັກຂອງມັນ. ພຣະອົງຈະຖິ້ມຊາຕານລົງໃນນະຣົກບ່ອນທີ່ມັນຈະຖືກເຜົາໄໝ້ໄປຕະຫຼອດ, ກັບບັນດາຄົນທີ່ເລືອກຕິດຕາມມັນຫຼາຍກວ່າເຊື່ອຟັງພຣະເຈົ້າ.
![](https://static.globalrecordings.net/300x200/z66_Re_21_03.jpg)
ເພາະວ່າອາດາມເເລະເອວາບໍ່ເຊື່ອຟັງພຣະເຈົ້າ ແລະນຳເອົາຄວາມຜິດບາບມາສູ່ໂລກ ພຣະເຈົ້າໄດ້ສາບແຊ່ງແລະທຳລາຍຄວາມຜິດບາບນັ້ນ ແຕ່ວັນຫນຶ່ງພຣະເຈົ້າຈະສ້າງຣາຊອານາຈັກໃຫມ່ ແລະແຜ່ນດິນໂລກໃຫມ່ໃຫ້ສົມບູນທີ່ສຸດ
![](https://static.globalrecordings.net/300x200/z66_Re_21_02.jpg)
ພຣະເຢຊູ ແລະ ຄົນຂອງພຣະອົງຈະອາໄສໃນແຜ່ນດິນໂລກໃໝ່, ແລະ ພຣະອົງຈະຄອບຄອງທົ່ວທຸກຢ່າງທີ່ມີຊີວິດຕະຫຼອດໄປ. ພຣະອົງຈະເຊັດນ້ຳຕາທຸກໆຢົດ ແລະ ທີ່ນັ້ນຈະບໍ່ມີຄວາມທຸກທໍລະມານ, ບໍ່ມີຄວາມເສົ້າ, ການຮ້ອງໄຫ້, ຄວາມຊົ່ວຮ້າຍ, ຄວາມເຈັບປວດ ຫຼື ຄວາມຕາຍ. ພຣະເຢຊູຈະປົກຄອງຣາຊອານາຈັກຂອງພຣະອົງດ້ວຍສັນຕິສຸກ ແລະ ຍຸດຕິທຳ, ແລະ ພຣະອົງຈະຢູ່ກັບຄົນຂອງພຣະອົງຕະຫຼອດໄປ.