unfoldingWord 41 - ພຣະເຢຊູເປັນຄືນມາຈາກຕາຍ
![unfoldingWord 41 - ພຣະເຢຊູເປັນຄືນມາຈາກຕາຍ](https://static.globalrecordings.net/300x200/z40_Mt_28_04.jpg)
Преглед: Matthew 27:62-28:15; Mark 16:1-11; Luke 24:1-12; John 20:1-18
Број на скрипта: 1241
Јазик: Lao
Публиката: General
Жанр: Bible Stories & Teac
Цел: Evangelism; Teaching
Библиски цитат: Paraphrase
Статус: Approved
Скриптите се основни упатства за превод и снимање на други јазици. Тие треба да се приспособат по потреба за да бидат разбирливи и релевантни за секоја различна култура и јазик. На некои употребени термини и концепти може да им треба повеќе објаснување или дури да бидат заменети или целосно испуштени.
Текст на скрипта
![](https://static.globalrecordings.net/300x200/z40_Mt_27_21.jpg)
ຫຼັງຈາກພວກທະຫານໄດ້ຄຶງ ພຣະເຢຊູເຈົ້າທີ່ໄມ້ກາງແຂນແລ້ວ, ຜູ້ນໍາຊາວຢິວໄດ້ເວົ້າກັບປີລາດວ່າ,” ເຢຊູຄົນຂີ້ຕົວະເຄີຍເວົ້າວ່າ, ລາວຈະເປັນຄືນມາຈາກຕາຍຫຼັງຈາກສາມວັນ. ຕ້ອງມີຄົນໄປຍາມອຸບມຸງນັ້ນ ເພື່ອໃຫ້ແນ່ໃຈວ່າ ພວກສາວົກຂອງລາວຈະບໍ່ໄດ້ລັກເອົາສົບ ແລະ ບອກວ່າລາວເປັນຄືນມາຈາກຕາຍ.”
![](https://static.globalrecordings.net/300x200/z40_Mt_27_22.jpg)
ປີລາດເວົ້າວ່າ, “ເອົາພວກທະຫານໄປຍາມອຸບມຸງໄວ້ ແລະ ປ້ອງກັນອຸບມຸງນັ້ັນເທົ່າທີ່ຈະປ້ອງກັນໄດ້.” ດັ່ງນັ້ນ, ພວກທະຫານຈຶ່ງ ເອົາກ້ອນຫີນອັດປາກອຸບມຸງ ແລະ ເອົາພວກທະຫານໄປຍາມໄວ້ເພື່ອບໍ່ໃຫ້ຜູ້ໃດລັກເອົາສົບໄດ້.
![](https://static.globalrecordings.net/300x200/z40_Mt_28_01.jpg)
ມື້ຕໍ່ມາ, ຫຼັງຈາກພຣະເຢຊູຖືກຟັງຢູ່ນັ້ນເປັນວັນສະບາໂຕ ແລະ ຊາວຢິວ ບໍ່ສາມາດທີ່ຈະເຂົ້າໄປອຸບມຸງໃນມື້ນັ້ນ. ໃນຕອນເຊົ້າຫຼັງຈາກວັນສະບາໂຕ, ຜູ້ຍິງຫຼາຍຄົນໄດ້ຈັດຕຽມເອົາເຄື່ອງຫອມເພື່ອທີ່ຈະໄປອຸບມຸງຂອງພຣະເຢຊູ ເພື່ອຫົດສົງພຣະສົບຂອງພຣະອົງ.
![](https://static.globalrecordings.net/300x200/z40_Mt_28_02.jpg)
ທັນໃດນັ້ນ, ເກີດມີແຜ່ນດິນໄຫວ, ເທວະດາໄດ້ລົງມາຈາກສະຫວັນ ເປັ່ງແສງເຫຼື້ອມສົດໃສ ເໝືອນດັ່ງຟ້າແມບໄດ້ມາປະກົດ, ເພິ່ນກິ້ງກ້ອນຫີນທີ່ປິດທາງເຂົ້າອຸບມຸງອອກ ແລະ ນັ່ງເທິງກ້ອນຫີນນັ້ນ. ທະຫານທີ່ເຝົ້າອຸບມູງຝັງສົບທີ່ນັ້ນ ຕົກໃຈຫຼາຍ ແລະ ລົ້ມລົງເໝືອນຄົນຕາຍ.
![](https://static.globalrecordings.net/300x200/z40_Mt_28_04.jpg)
ເມື່ອພວກຜູ້ຍິງມາເຖິງອຸໂມງ ເທວະດາໄດ້ເວົ້າກັບພວກເຂົາວ່າ, “ຢ່າຢ້ານເລີຍ. ເພາະພຣະເຢຊູບໍ່ໄດ້ຢູ່ທີ່ນີ້. ພຣະອົງໄດ້ຄືນຈາກຄວາມຕາຍແລ້ວ, ເໝືອນດັ່ງທີ່ພຣະອົງເຄີຍກ່າວໄວ້. ເບິ່ງທີ່ອຸບມູງແມ້!" ພວກຜູ້ຍິງແນມເຂົ້າໄປທີ່ອຸບມູງເພື່ອຊອກຫາວ່າພຣະເຢຊູຢູ່ໃສ.ແຕ່ພຣະອົງບໍ່ໄດ້ຢູ່ທີ່ນັ້ນ.”
![](https://static.globalrecordings.net/300x200/z40_Mt_28_05.jpg)
ເທວະດາໄດ້ກ່າວແກ່ພວກເຂົາວ່າ “ຈົ່ງໄປ ແລະ ບອກສາວົກຂອງພຣະເຢຊູເຈົ້າ, ພຣະເຢຊູເຈົ້າໄດ້ຄືນມາຈາກຄວາມຕາຍ ແລະ ພຣະອົງຈະໄປເມືອງຄາລີເລກ່ອນໜ້າພວກເຂົາ.
![](https://static.globalrecordings.net/300x200/z40_Mt_28_06.jpg)
ພວກຜູ້ຍິງເຕັມໄປດ້ວຍຄວາມຕື່ນເຕັ້ນ ແລະ ຊື່ນຊົມຍິນດີ ພວກເຂົາແລ່ນອອກໄປ ແລະ ບອກຂ່າວດີກັບພວກສາວົກຂອງພຣະອົງ,
![](https://static.globalrecordings.net/300x200/z42_Lk_24_07.jpg)
ໃນຂະນະທີ່ພວກຜູ້ຍິງກໍາລັງໄປບອກພວກສາວົກເລື່ອງຂ່າວດີ, ພຣະເຢຊູໄດ້ມາປະກົດແກ່ພວກເຂົາ, ແລະພວກເຂົາກໍນະມັດສະການພຣະອົງ, ພຣະເຢຊູເຈົ້າໄດ້ກ່າວວ່າ,”ຢ່າຢ້ານເລີຍ, ຈົ່ງໄປບອກພວກສາວົກຂອງເຮົາໃຫ້ໄປທີ່ເມືອງຄາລີເລ ພວກເຂົາຈະເຫັນເຮົາຢູ່ທີ່ນັ້ນ.”