unfoldingWord 12 - ການອົບພະຍົບ
![unfoldingWord 12 - ການອົບພະຍົບ](https://static.globalrecordings.net/300x200/z02_Ex_14_07.jpg)
Преглед: Exodus 12:33-15:21
Број на скрипта: 1212
Јазик: Lao
Публиката: General
Жанр: Bible Stories & Teac
Цел: Evangelism; Teaching
Библиски цитат: Paraphrase
Статус: Approved
Скриптите се основни упатства за превод и снимање на други јазици. Тие треба да се приспособат по потреба за да бидат разбирливи и релевантни за секоја различна култура и јазик. На некои употребени термини и концепти може да им треба повеќе објаснување или дури да бидат заменети или целосно испуштени.
Текст на скрипта
![](https://static.globalrecordings.net/300x200/z02_Ex_12_09.jpg)
ຊົນຊາດອິດສະລາເອນດີໃຈຫຼາຍທີ່ຈະໄດ້ໜີຈາກເອຢິບ. ພວກເຂົາຈະບໍ່ເປັນທາດອີກຕໍ່ໄປແລ້ວ, ແລະພວກເຂົາກໍຈະໄປຍັງດິນແດນແຫ່ງພັນທະສັນຍາ, ຊາວເອຢິບໄດ້ໃຫ້ທຸກຢ່າງຕາມທີ່ຊາວອິດສະລາເອນຕ້ອງການ ບໍ່ວ່າຈະແມ່ນເງິນຄໍາ ແລະ ສິ່ງຂອງມີຄ່າອື່ນໆ. ມີບາງຄົນທີ່ມາຈາກຊາດອື່ນກໍເຊື່ອໃນພຣະເຈົ້າໄດ້ເດີນທາງໄປນໍາຊົນຊາດອິດສະລາເອນທີ່ໜີອອກຈາກເອຢິບ.
![](https://static.globalrecordings.net/300x200/z02_Ex_13_03.jpg)
ພຣະເຈົ້າໄດ້ນໍາພວກເຂົາໄປດ້ວຍເສົາເມກໃຫຍ່ເວລາກາງເວັນ ແລະ ໃນເວລາກາງຄືນດ້ວຍເສົາໄຟ. ຖ້າພວກເຂົາທັງໝົດໄດ້ເຮັດ ແລະ ຕາມພຣະອົງໄປ ພຣະເຈົ້າຈະສະຖິດກັບເຂົາຕະຫຼອດໃນຂະນະທີ່ເຂົາເດີນທາງນັ້ນ.
![](https://static.globalrecordings.net/300x200/z02_Ex_14_01.jpg)
ຫຼັງຈາກໄລຍະໜຶ່ງຜ່ານໄປ ກະສັດຟາໂລພ້ອມດ້ວຍປະຊາຊົນຂອງເພິ່ນກໍໄດ້ປ່ຽນໃຈ ແລະ ຕ້ອງການຊາວອິດສະລາເອນກັບມາເປັນທາດອີກ, ພຣະເຈົ້າໄດ້ເຮັດໃຫ້ກະສັດຟາໂລດື້ດ້ານ ເພື່ອປະຊາຊົນອິດສະລາເອນຈະໄດ້ເຫັນວ່າພຣະອົງຊົງເປັນພຣະເຈົ້າທີ່ທ່ຽງແທ້ພຽງອົງດຽວ. ແລະ ຮູ້ວ່າພຣະເຈົ້າຄືພຣະເຈົ້າຢາເວ ຜູ້ທີ່ມີອໍານາດ ເໜືອຟາໂລ ແລະ ພະເຈົ້າຂອງເຂົາອີກດ້ວຍ.
![](https://static.globalrecordings.net/300x200/z02_Ex_14_03.jpg)
ດັ່ງນັ້ນ, ຟາໂລ ແລະ ທະຫານຂອງເຂົາກໍໄດ້ໄລ່ຕິດຕາມປະຊາຊົນອິດສະລາເອນເພື່ອນໍາເຂົາກັບມາເປັນທາດອີກ. ເມື່ອປະຊາຊົນອິດສະລາເອນເຫັນວ່າເຂົາກໍາລັງຖືກໄລ່ຕາມມາ ເຂົາກໍຮູ້ເລີຍວ່າຈະຕ້ອງຖືກຂະຍີ້ລະຫວ່າງທະຫານຂອງຟາໂລ ແລະ ທະເລແດງຢ່າງແນ່ນອນ. ພວກເຂົາຢ້ານຫຼາຍ ແລະ ຮ້ອງໄຫ້, ເປັນຫຍັງພວກເຮົາຈຶ່ງຕ້ອງໜີອອກມາຈາກເອຢິບ? “ພວກເຮົາສິຕາຍກັນໝົດແລ້ວ”
![](https://static.globalrecordings.net/300x200/z02_Ex_14_04.jpg)
ໂມເຊໄດ້ບອກຊາວອິດສະລາເອນວ່າ: ຢຸດ! ຢ່າຢ້ານເລີຍ. ມື້ນີ້ ພຣະເຈົ້າຈະຕໍ່ສູ້ເພື່ອພວກເຈົ້າ ແລະ ພວກເຈົ້າກໍຈະປອດໄພ, ແລ້ວພຣະເຈົ້າກໍບອກໂມເຊວ່າ, “ຈົ່ງບອກປະຊາຊົນເຄື່ອນຍ້າຍໄປຂ້າງໜ້າຂອງທະເລແດງ”
![](https://static.globalrecordings.net/300x200/z02_Ex_14_05.jpg)
ແລ້ວພຣະເຈົ້າໄດ້ເຄື່ອນຍ້າຍເສົາເມກຕັ້ງຢູ່ລະຫວ່າງກາງປະຊາຊົນອິດສະລາເອນ ແລະ ເອຢິບ, ດັ່ງນັ້ນ ຊາວເອຢິບຈຶ່ງບໍ່ສາມາດເຫັນປະຊາຊົນອິດສະລາເອນໄດ້.
![](https://static.globalrecordings.net/300x200/z02_Ex_14_06.jpg)
ພຣະເຈົ້າໄດ້ບອກໂມເຊໃຫ້ຍົກແຂນຂຶ້ນເໜືອນໍ້າທະເລ ແລ້ວທະເລແດງກໍແຍກອອກ, ພຣະເຈົ້າເຮັດໃຫ້ລົມຍູ້ນໍ້າທະເລອອກຂ້າງຊ້າຍ ແລະ ຂ້າງຂວາ ເພື່ອເປັນທາງຍ່າງຜ່ານທະເລ.
![](https://static.globalrecordings.net/300x200/z02_Ex_14_07.jpg)
ປະຊາຊົນອິດສະລາເອນໄດ້ຍ່າງຜ່ານໜ້າດິນແຫ້ງໃນທະເລຊຶ່ງມີນໍ້າເປັນກໍາແພງຢູ່ສອງຝາກຂ້າງພວກເຂົາ.
![](https://static.globalrecordings.net/300x200/z02_Ex_14_08.jpg)
ຫຼັງຈາກນັ້ນ, ພຣະເຈົ້າໄດ້ເຄື່ອນຍ້າຍເມກອອກຈາກບ່ອນນັ້ນ ເພື່ອຊາວເອຢິບຈະໄດ້ເຫັນປະຊາຊົນອິດສະລາເອນກໍາລັງລົບໜີ, ຊາວເອຢິບໄດ້ຕັດສິນໃຈໄລ່ລ້າຕາມພວກເຂົາໄປ.
![](https://static.globalrecordings.net/300x200/z02_Ex_14_09.jpg)
ດັ່ງນັ້ນ, ພວກເຂົາຈຶ່ງໄລ່ຕາມຊາວອິດສະລາເອນໄປໃນທາງຜ່ານທະເລນັ້ນ, ແຕ່ພຣະເຈົ້າເຮັດໃຫ້ຊາວເອຢິບຢ້ານຈົນຕົວສັ່ນຂວັນເສຍ ແລະ ເຮັດໃຫ້ລົດມ້າຂອງພວກເຂົາຢຸດສະງັກ, ພວກເຂົາທັງໝົດຮ້ອງຂຶ້ນ, “ ແລ່ນໜີໄວໆ, ພຣະເຈົ້າກໍາລັງຕໍ່ສູ້ເພື່ອຊາດອິດສະລາເອນ”
![](https://static.globalrecordings.net/300x200/z02_Ex_14_10.jpg)
ຫຼັງຈາກນັ້ນ, ຊາວອິດສະລາເອນທັງໝົດຂຶ້ນໄປເຖິງອີກຝັງໜຶ່ງຂອງແມ່ນໍ້າຢ່າງປອດໄພແລ້ວ, ພຮະເຈົ້າໄດ້ບອກໂມເຊຢຽດແຂນຂອງລາວຂຶ້ນອອກ, ເມື່ອລາວປະຕິບັດຕາມ ນໍ້າທະເລກໍຕົກລົງມາໃສ່ທະຫານເອຢິບ ແລະ ກັບຄືນມາເປັນນໍ້າທະເລເໝືອນເດີມ. ທະຫານເອຢິບທັງໝົດກໍຈົມນໍ້າຕາຍ.
![](https://static.globalrecordings.net/300x200/z02_Ex_14_11.jpg)
ເມື່ອປະຊາຊົນອິດສະລາເອນເຫັນວ່າ ທະຫານເອຢິບຕາຍໝົດ ພວກເຂົາກໍໄວ້ວາງໃຈພຣະເຈົ້າ ແລະ ເຊື່ອວ່າໂມເຊເປັນຜູ້ປະກາດພະຄໍາຂອງພຣະເຈົ້າ.
![](https://static.globalrecordings.net/300x200/z02_Ex_15_02.jpg)
ປະຊາຊົນອິດສະລາເອນມີຄວາມຍິນດີ ແລະ ຕື່ນເຕັ້ນຫຼາຍ. ເພາະພຣະເຈົ້າໄດ້ຊ່ວຍພວກເຂົາຈາກຄວາມຕາຍ ແລະ ການເປັນທາດ. ບັດນີ້ ພວກເຂົາເປັນອິດສະຫຼະທີ່ຈະຮັບໃຊ້ພຣະເຈົ້າ. ປະຊາຊົນອິດສະລາເອນໄດ້ຮ້ອງຫຼາຍບົດເພງເພື່ອສະຫຼອງອິດສະລະພາບໃໝ່ຂອງພວກເຂົາ ແລະ ສັນລະເສີນພຣະເຈົ້າເພາະພຣະອົງໄດ້ຊ່ວຍກູ້ພວກເຂົາໃຫ້ພົ້ນຈາກກອງທັບເອຢິບ.
![](https://static.globalrecordings.net/300x200/z02_Ex_15_01.jpg)
ພຣະເຈົ້າໄດ້ສັ່ງໃຫ້ປະຊາຊົນອິດສະລາເອນສະຫຼອງປັດສະຄາໃນທຸກໆປີ ເພື່ອລະນຶກເຖິງພຣະເຈົ້າທີ່ປະທານໄຊຊະນະເໜືອເອຢິບ ແລະ ການຫຼົບໜີຈາກການເປັນທາດຮັບໃຊ້. ພວກເຂົາສະຫຼອງດ້ວຍການຂ້າລູກແກະທີ່ຕຸ້ຍພີດີງາມ ແລະ ກີນກັບເຂົ້າຈີ່ທີ່ບໍ່ມີເຊື້ອແປ້ງ.