unfoldingWord 49 - Құдай бекіткен Жаңа Өсиет
![unfoldingWord 49 - Құдай бекіткен Жаңа Өсиет](https://static.globalrecordings.net/300x200/z43_Jn_20_05.jpg)
Преглед: Genesis 3; Matthew 13-14; Mark 10:17-31; Luke 2; 10:25-37; 15; John 3:16; Romans 3:21-26, 5:1-11; 2 Corinthians 5:17-21; Colossians 1:13-14; 1 John 1:5-10
Број на скрипта: 1249
Јазик: Kazakh
Публиката: General
Жанр: Bible Stories & Teac
Цел: Evangelism; Teaching
Библиски цитат: Paraphrase
Статус: Approved
Скриптите се основни упатства за превод и снимање на други јазици. Тие треба да се приспособат по потреба за да бидат разбирливи и релевантни за секоја различна култура и јазик. На некои употребени термини и концепти може да им треба повеќе објаснување или дури да бидат заменети или целосно испуштени.
Текст на скрипта
![](https://static.globalrecordings.net/300x200/z42_Lk_01_11.jpg)
Иса дүниеге келер алдында періште Мәриям есімді қызға келіп, Құдайдың Ұлын дүниеге келтіретіні туралы айтты. Мәриам пәк қыз болатын, бірақ Киелі Рухтың құдыреті оған қонып, ол жүкті болды. Мәриям ұл туып, Оның атын Иса деп қойды. Сондықтан Иса — адами және Құдайлық болмысқа ие.
![](https://static.globalrecordings.net/300x200/z41_Mk_06_24.jpg)
Иса Өзінің Құдайлық болмысын көрсететін көптеген кереметтер жасады. Ол судың бетімен жүріп, дауылдарды тоқтатты. Ауруларды сауықтырып, жындарды қуды. Иса өлілерді тірілтіп, бес күлше нанмен және екі балықпен бес мыңнан аса адамдарды тамақтандырды.
![](https://static.globalrecordings.net/300x200/z42_Lk_10_09.jpg)
Иса ұлы Ұстаз еді. Оның барлық ілімдері шындыққа ұласатын. Сондықтан Исаның айтқандарын орындау керек, өйткені Ол — Құдайдың Ұлы. Исаның үйреткен ең басты ілімдерінің бірі ол — өзіңді қалай сүйсең, басқа адамдарды да солай сүю.
![](https://static.globalrecordings.net/300x200/z42_Lk_18_11.jpg)
Сонымен қатар Иса Құдайды басқалардан, тіпті өзіндегі барынан да артық сүюді үйретті.
![](https://static.globalrecordings.net/300x200/z40_Mt_13_18.jpg)
Осы әлемнің бар байлығына ие болғаннан гөрі Құдайдың Патшалығына кіру маңыздырақ. Оның Патшалығына кіре алуың үшін Құдай сені күнәларыңның жазасынан құтқару керек.
![](https://static.globalrecordings.net/300x200/z40_Mt_13_01.jpg)
Иса Өзін қабылдайтын адамдардың болатынын және Құдайдың оларды құтқаратынын айтты. Бірақ Оны қабылдамайтын адамдар да болады. Иса кейбір адамдардың құнарлы топыраққа ұқсайтынын айтты. Құдай Сөзі тұқым сияқты осы топыраққа түсіп, өніп шығады. Мұндай адамдар Исаны қабылдайды және Құдай оларды құтқарады. Басқа адамдар жол бойындағы құнарсыз топырақ сияқты. Құдай Сөзі тұқым сияқты осы топыраққа түседі, бірақ өнбейді. Мұндай адамдар Исаны қабылдамайды. Олар Оның патшалығына кіруден бас тартады.
![](https://static.globalrecordings.net/300x200/z42_Lk_15_06.jpg)
Иса Құдайдың барлық адамдарды, тіпті күнәкарларды да сүйетінін айтты. Ол барлығын кешіріп, Өзінің балалары ретінде қабылдағысы келеді.
![](https://static.globalrecordings.net/300x200/z66_Re_21_01.jpg)
Адам ата мен Хауа ана күнә жасағаннан кейін олардың барлық ұрпақтары күнәкар болып туыла бастады. Барлық адамдар күнә жасайды және Құдайдан алыстайды. Әрбір адам туылғаннан бастап Құдайға және Оның еркіне қарсы тұрады.
![](https://static.globalrecordings.net/300x200/z40_Mt_16_11.jpg)
Бірақ Құдайдың адамдарды сүйетіні соншалық, Ол Өзінің жалғыз Ұлын құрбан етті. Құдай Исаға сенетіндерді жазаламайды және барлық сенушілер Онымен бірге мәңгі өмір сүреді.
![](https://static.globalrecordings.net/300x200/z41_Mk_15_11.jpg)
Сен өлуге лайықсың, өйткені сен күнәкарсың. Құдайдың сені жазалағаны дұрыс болар еді. Бірақ сенің орныңа Иса күнәларың үшін жазаланды. Исаны айқыш ағашқа шегелеген кезде, Құдай сенің жазаларыңды Оның мойнына артты.
![](https://static.globalrecordings.net/300x200/z41_Mk_15_13.jpg)
Иса ешқашан күнә жасамаған. Бірақ Ол күнәның жазасын Өз мойнына алып, айқыш ағашта азапталып өлді. Иса сенің және осы әлемдегі әрбір адамның күнәсін Өз мойнына алып, кемелді құрбандық болды. Иса адамдардың күнәлары үшін құрбан болды, сондықтан Құдай Оған сенген әркімнің ең ауыр күнәларын да кешіреді.
![](https://static.globalrecordings.net/300x200/z41_Mk_16_02.jpg)
Күнәның жазасынан сені көптеген игі істерің де құтқара алмайды. Құдаймен татуласып, Оның досы болуға өзің ештене істей алмайсың. Иса — Құдайдың Ұлы екеніне, Оның айқыш ағашта сен үшін құрбан болғанына және Құдайдың Исаны қайтадан өлімнен тірілткеніне сенуің керек. Егер соған сенсең, Құдай сенің барлық күнәларыңды кешіреді.
![](https://static.globalrecordings.net/300x200/z40_Mt_08_05.jpg)
Исаға сеніп, өзінің Иесі ретінде қабылдаған әрбір адамды Құдай құтқарады. Бірақ Өзіне сенбегендерді Ол құтқармайды. Сенің бай немесе кедей, еркек немесе әйел, кәрі немесе жас болғаның және қайда тұратының мүлдем маңызды емес. Құдай сені сүйеді, Ол сенің досың болып, сенің Исаға сенгеніңді қалайды.
![](https://static.globalrecordings.net/300x200/z43_Jn_20_05.jpg)
Иса сені Оған сенуге және шомылдыру рәсімінен өтуге шақырады. Иса — Мәсіх және Құдайдың жалғыз Ұлы екеніне сенесің бе? Күнәкар екеніңе және өзіңнің күнәларың үшін Құдайдың жазалауына лайықты екеніңе сенесің бе? Сенің күнәларың үшін Исаның айқыш ағашта құрбан болғанына сенесің бе?
![](https://static.globalrecordings.net/300x200/z43_Jn_20_06.jpg)
Егер сен Исаға сеніп, Оның сенің өміріңде істеген істерін ашық жариялайтын болсаң, онда Мәсіхтің шәкірті боласың. Шайтан енді сені басқара алмайды және қара түнектің патшалығы енді саған билік жүргізе алмайды. Құдайдың Өзі нұрлы Патшалығынан саған бағыт беріп тұрады. Құдай саған күнәға қарсы тұруға күш беріп, жаңа, дұрыс өмір сүру салтын сыйлайды.
![](https://static.globalrecordings.net/300x200/z43_Jn_09_10.jpg)
Егер Исаға сенген болсаң, онда Исаның құрбандығы арқылы Құдай сенің күнәларыңды кешірді. Енді Құдай сені Өзінің жауы емес, жақын досы ретінде қабылдайды.
![](https://static.globalrecordings.net/300x200/z42_Lk_07_07.jpg)
Егер сен — Құдайдың досы болсаң және Исаның қызметшісі болсаң, ал Иса — сенің Иең болса, онда сенде Исаның үйреткендерін орындауға тілек пайда болады. Бірақ Исаға сенген болсаң да, шайтан сені күнәға итермелеп тұрады. Шайтан сені Исаның сенімсіз шәкірті болуға түртіп тұрады. Бірақ Құдай әрдайым Өзінің уәдесінде тұрып айтқанын орындайды. Егер сен күнәңді мойындап, Құдайдың алдына келіп кешірім сұрасаң, онда Ол сені кешіріп, күнәмен күресуге күш береді.
![](https://static.globalrecordings.net/300x200/z44_Ac_09_13.jpg)
Құдай сенің Киелі кітапты оқып-үйреніп, мінәжат еткеніңді қалайды. Сонымен қатар Ол Исаның жолын қуған басқа мәсіхшілермен бірге Оған сиынғаныңды қалайды. Егер сен Құдайдың тапсырмасын түгел орындайтын болсаң, онда сенің Құдаймен өзара достық қарым-қатынасың нығая береді.